Kaca puniki sampun kauji-wacén
[᭑᭒᭗ 127B]
᭑᭒᭗
ᬫᬮ᭄ᬬᬯᬵᬦ᭄ᬕᬸᬦᬸᬂᬕᭃᬃᬤᬳᬢ᭄᭞ᬧᬸᬦᬶᬓᬲᬦᬾᬓᬳᬸᬗ᭄ᬲᬶ᭟᭑᭟ᬲᬫ᭄ᬧᬸᬦ᭄ᬭᬯᬸᬄᬲᬂᬭᬵᬖᬯ᭞ᬫᬭᬶᬂᬅᬤ᭄ᬭᬶ᭞ᬓᬮᬶᬦ᭄ᬢᬂᬲᭂᬤᬶᬄᬭᬶᬂᬳᬢᬶ᭞ᬳᬧᬦ᭄ᬫᬸᬭᬶᬭᬶᬂ
ᬤᬶᬓᬳ᭄ᬬᬸᬦ᭄᭞ᬲᬳᬦ᭄ᬢᬸᬓᬦ᭄ᬳᬗᬶᬦ᭄ᬚᬸᬕ᭞ᬫᬗ᭄ᬓᬶᬦ᭄ᬳᬦ᭞ᬫᬗᭂᬲᬶᬃᬲᬶᬃᬫᬵᬮᭀᬦ᭄ᬭᬯᬸᬄ᭞ᬘᬶᬳ᭄ᬦᬦᬶᬂᬰᬰᬶᬄᬧᬸᬦᬶᬓ᭞ᬩᬗᭂᬢ᭄ᬗᬯᬾᬭᬶᬫᬂᬳᬢᬶ᭟᭒᭟
ᬕᬸᬑᬫ᭄ᬫᬯᬰᬦᬢᭂᬓ᭞ᬫᬭᬶᬂᬮᬗᬶᬢ᭄᭞ᬫᬧᬸᬧᬸᬮ᭄ᬧᬸᬦᬶᬓᬬᬸᬓ᭄ᬢᬶ᭞᭠ᬳᬕᭃᬂᬕᬸᬫᬸᬭᬸᬄᬳᬶᬓᭂᬭᬸᬕ᭄᭞ᬫᬲ᭄ᬯᬭᬳᬶᬧᬸᬦ᭄ᬜᭂᬘᭂᬳᬂ᭞ᬮ᭄ᬯᬶᬃᬓᭂᬡ᭄ᬥᬗᬦ᭄᭞
ᬳᬶᬤᬳ᭄ᬬᬂᬲ᭄ᬫᬭᬧᬸᬦᬶᬓᬸ᭞ᬭᬶᬓᬵᬮᬫᬫ᭄ᬬᬃᬱᬳᬶᬤ᭞ᬲᬸᬫᬶᬗ᭄ᬓᬶᬦ᭄ᬫᬸᬭᬶ᭠ᬭᬶᬂᬳᬢᬶ᭟᭓᭟ᬫᬲ᭄ᬭᬾᬬᭀᬓ᭄ᬳᬸᬚᬦ᭄ᬧᬸᬦᬶᬓ᭞ᬩᬍᬲ᭄ᬬᬸᬓ᭄ᬢᬶ᭞ᬢᬦ᭄ᬧᭂᬕ
[᭑᭒᭘ 128A]
ᬢᬦ᭄ᬲᬦᬾᬫᬗ᭄ᬓᬶᬦ᭄᭞ᬧᬸᬦᬶᬓᬲᬯᬗᬂᬳᬶᬰᬸ᭞ᬧᬦᬄᬜᬪᬝᬭᬲᬭ᭞ᬢᬸᬯᬶᬦᭀᬭᬫᬢᬢᬸᬳᬶᬤᬲᬂᬭᬵᬖᬸ᭞ᬲᬓᬾᬯᬮᬜᬕ᭄ᬭᬶᬂᬫᬦᬄ᭞
ᬗᬦ᭄ᬢᭂᬦᬶᬦ᭄ᬧᬸᬦᬶᬓᬫᬗ᭄ᬓᬶᬦ᭄᭟᭔᭟ᬇᬦ᭄ᬤ᭄ᬭᬘᬧᬫᬮᬶᬄᬘᬶᬗᬓ᭄᭞ᬫᬭᬶᬂᬮᬗᬶᬢ᭄᭞ᬳᬦ᭄ᬢᬸᬓ᭄ᬳᬶᬤᬲᬦᬾᬗ᭄ᬓᬶᬦ᭄᭞ᬬᬦᬶᬂᬲᬯᬗᬂᬧᬸᬦᬶᬓᬸ᭞ᬉᬧ
ᬲ᭄ᬓᬵᬮᬓᬸᬝᬚᬸᬕ᭞ᬫᬶᬦᬩ᭄ᬮᬭᬲ᭄᭞ᬪᬝᬭᬳ᭄ᬬᬂᬲ᭄ᬫᬭᬢᬸᬳᬸ᭞ᬳᬶᬦ᭄ᬤᬶᬓᬾᬳᬶᬤᬫᬫᬦᬄ᭞ᬳᬦᬓ᭄ᬜᬧ᭄ᬬᬦ᭄ᬲᬦᬾᬧᬮᬶᬂ᭟᭕᭟ᬧᬓ᭄ᬱᬶᬩᭂᬍᬓᭀ
ᬓ᭄ᬧᬸᬦᬶᬓ᭞ᬦᬸᬚᬸᬫᬸᬮᬶᬄ᭞ᬲᬓᬶᬧᬕᬕᬵᬦ᭄ᬦᬾᬫᬗ᭄ᬓᬶᬦ᭄᭞ᬍᬕᬇᬧᬸᬦ᭄ᬤᬸᬮᬸᬃᬤᬸᬮᬸᬃ᭞ᬭᬹᬧᬦ᭄ᬜᬦᬾᬲᬫᬶᬧᭂᬢᬓ᭄᭞ᬮᬬ᭄ᬯᬮᬬ᭄ᬯᬦ᭄᭞ᬳᬶᬤᬵ
