[᭑᭒᭕ 125B]
᭑᭒᭕
ᬤᬸᬃᬫ
ᬲᬾ᭞ᬦᬾᬗᬋᬡᬦᬶᬦ᭄ᬢᬭᬸᬦ᭄ᬜᬵ᭞ᬩ᭄ᬯᬄᬜᬢ᭄ᬯᬓ᭄ᬜᬵᬮ᭄ᬫᬥᬸᬦ᭄ᬜ᭞ᬢᬦ᭄ᬢᭂᬮᬄᬢᭂᬮᬄᬩᬵᬦ᭄ᬗᬮᬸᬗ᭄ᬲᬸᬃᬗᬗ᭄ᬕᭀᬳᭂᬦ᭄ᬢᭀᬓᬬᬂᬯᭂᬓᬲ᭄᭟᭓᭟ᬦᬾᬲᭀᬮᬄ
ᬩᭂᬮᬶᬦᬾᬳᬤᬶ᭞ᬲᬗᭂᬢ᭄ᬲᬸᬩᬧᭂᬮᬶᬄᬧᭂᬲᬦ᭄᭞ᬢᬦ᭄ᬲᭂᬮᬂᬢᭂᬓᬾᬦ᭄ᬳᬸᬦ᭄ᬤᬸᬓᬾ᭞ᬫᬲᬶᬄᬧᬢᬸᬤᬸᬄᬪᬝᬭ᭞ᬧᬰ᭄ᬭᬗᬦᬾᬗᬚᬓ᭄ᬜᬫ᭞ᬢᬦ᭄ᬲ᭠
ᬗᭂᬢ᭄ᬫᭀᬬᬦᬶᬦ᭄ᬳᬸᬦ᭄ᬤᬸᬓ᭄᭞ᬅᬧᬦ᭄ᬤᬾᬯᬯᬶᬥᬶᬗᬃᬬ᭄ᬬ᭟᭔᭟ᬩ᭄ᬯᬶᬦᬳᬶ᭠ᬲᬂᬳ᭄ᬬᬂᬯᬶᬥᬶ᭞ᬳᬶᬤᬍᬯᬶᬄᬫᬯᬶᬰᬾᬱ᭞ᬳᬶᬤᬦᭀᬭᬯᬾᬦ᭄ᬢᭂᬦ᭄ᬗᬶᬘᬾᬦ᭄᭞ᬩ
ᬋᬂᬩᬋᬂᬧᬂᬫᬫᬹᬓ᭄ᬢ᭄ᬬᬂ᭞ᬚᬦᬶᬩᭂᬮᬶᬫᬮ᭄ᬯᬦ᭄ᬧᭂᬚᬄ᭞ᬓᬃᬥᬶᬦ᭄ᬯᬶᬥᬷᬯ᭄ᬬᬓ᭄ᬢᬶᬢᬸᬳᬸ᭞ᬗᬶᬭᬶᬂᬤᬹᬃᬫᬳᬗ᭄ᬕᬾᬦ᭄ᬜᭂᬮᬕ᭄᭟᭕᭟᭚ᬧᬸᬄᬤᬸᬃᬫ᭄ᬫ᭚
[᭑᭒᭖ 126A]
᭟ᬳᬲᬧᬸᬦᬶᬓᬩᬯᭀᬲ᭄ᬦᬾᬭᬶᬂᬳᬭᬶᬦ᭄ᬜᬵ᭞ᬫᬯᬾᬄᬲᭂᬓᬃᬫᬵᬲᬾᬫᬗ᭄ᬓᬶᬦ᭄᭞ᬦᬾᬯᬾᬦ᭄ᬢᭂᬦ᭄ᬭᬶᬂᬰᬶᬭᬄ᭞ᬲᬵᬳᬗᭂᬫ᭄ᬩᭂᬂᬢᭀᬬᬦ᭄ᬘᬶᬗᬓ᭄᭞ᬲᬵᬫ᭄ᬧᬸᬦ᭄ᬓᬢᬸᬦᬲ᭄ᬭᬶᬂ
ᬳᬶᬳᬭᬶ᭞ᬲᬾᬤᬦᬾᬦᬶᬱ᭄ᬝ᭞ᬲᬵᬦ᭄ᬢᬸᬓᬦ᭄ᬲᬬᬂᬭᬶᬂᬧᬢᬶ᭟᭑᭟ᬲᬧᬫᬵᬦ᭄ᬢᬸᬓ᭄ᬤᬦᬾᬦᬾᬓᬰ᭄ᬯᬃᬕᬮᭀᬓ᭞ᬲᬯᬃᬕᬧᬕᬺᬤᭂᬕ᭄ᬲᬫᬶᬫᬶᬯᬄᬓᬥᬂᬩ᭄ᬭ
ᬬ᭞ᬧᬸᬦᬶᬓᬭᬯᬸᬄᬫᬦᭂᬫ᭄ᬩᬄ᭞ᬲᬂᬲᬸᬕ᭄ᬭᬷᬯᬦᭀᬭᬮᬮᬶ᭞ᬭᬶᬂᬓᬥᬂᬩ᭄ᬭ᭠ᬬ᭞ᬳᬲᬶᬄᬧᬸᬭᬭᬶᬂᬧᬗᬲᬶᬄ᭟᭒᭟ᬲᬗᬗ᭄ᬕᬤᬯ᭄ᬬᬓ᭄ᬢᬶᬭᬵᬚᬧᬸᬢ᭄ᬭᬳᬶᬓᬵ᭞
ᬓᬦ᭄ᬤᬶᬓᬳᬶᬦ᭄ᬳᬶᬤᬫᬗ᭄ᬓᬶᬦ᭄᭞ᬩᬢᭂᬓ᭄ᬳᬦ᭄ᬢᬸᬓ᭄ᬲᬬᬂ᭞ᬲᬧᬸᬦᬶᬓᬓᬥᬂ᭠ᬯᬃᬕ᭄ᬕ᭞ᬧᬭᬯᬵᬦᬭᬦᬾᬲᬫᬶ᭞ᬧᬇᬘ᭄ᬙᬥᬦ᭞ᬦᭂᬥᬯᭀᬄᬧᬗ᭄ᬓᬸᬃᬫᬮᬶᬄ
Kaca:Bali-lontar-paparikan-ramayana-350ppi.pdf/126
Kaca puniki sampun kauji-wacén
