Kaca puniki sampun kauji-wacén
[᭑᭒᭔ 124B]
᭑᭒᭔
ᬮᬲ᭄ᬬᬬᬄ᭞ᬓᬯᭀᬦ᭄ᬩᭂᬘᬶᬓ᭄᭞ᬲᬵᬢᬹᬢ᭄ᬳᭂᬦ᭄ᬢᭀᬓᬫᬢ᭄ᬬᬂ᭟᭑᭖᭟ᬩ᭄ᬯᬶᬦᬬᬾᬦ᭄ᬧᬤᬾᬫᬵᬦᬸᬱ᭞ᬧᭂᬢᬳᬂᬫᬸᬩᬸᬭᭀᬦ᭄ᬢᬸᬲᬶᬂ᭞ᬗᬦᬹᬢᬶᬦ᭄ᬲᬮ᭄ᬯᬶᬃᬲᬲᭀ
ᬮᬄ᭞ᬚᬵᬢᬶᬦᬶᬂᬫᬭᬕᬫᬵᬦᬸ᭞ᬢᬦ᭄ᬧᬺᬲᬶᬥᬫᬗ᭄ᬕᬸᬄᬧᬧ᭞ᬳᬶᬰᬸᬓ᭠ᬳᬶ᭞ᬳᬦᬓ᭄ᬗᬮᬸᬳᬸᬓᬂᬫᬦᬄ᭟᭑᭗᭟ᬰᬶᬮᬦ᭄ᬫᬸᬲᬸᬩ᭄ᬓᬓᬋᬗᬵ᭞ᬳᬸᬮᬶᬫᬮᬸ
ᬢᭀᬩᬵᬦ᭄ᬓᬳᬶ᭞ᬲᬂᬕ᭄ᬭᬷᬯᬓᬧᬶᬭᬵᬚ᭞ᬓᬧᬮᬲᬂᬩᬳᬦ᭄ᬓᬫᬸ᭞ᬤᬾᬯᬶᬢᬭᬤᬾᬯᬷᬦᬶᬭ᭞ᬓᬫᬸᬗᬫ᭄ᬩᬶᬮ᭄᭞ᬢᬦ᭄ᬫᬭᬶᬓᬘᭀᬤᬭᬶᬂᬭᬵᬢ᭄᭟᭑᭘᭟ᬲᬧᬸᬦᬶ
ᬓᬫᬯᬘᬦ᭞ᬲᬂᬭᬵᬫᬧᬸᬭᬸᬱᭀᬢ᭄ᬢᬫᬶ᭞ᬲᬂᬲᬸᬩᬮᬶᬤᬦᬾᬓᬾᬫᬤ᭄᭞ᬫᭂᬦᭂᬂᬤᭀᬦᬶᬂᬓᬧᬶᬢᬸᬳᬸ᭞ᬜ᭄ᬮᬾᬫ᭄ᬧᭀᬄᬮᬾᬫ᭄ᬧᭀᬃᬲᬬᬦ᭄᭞ᬦᬸᬦ
[᭑᭒᭕ 125A]
ᬲ᭄ᬫᬭᬦ᭄ᬤᬦ
ᬲ᭄ᬫᬢᬶ᭞ᬗᬮᬦᬶᬦ᭄ᬜ᭄ᬫᬭᬦ᭄ᬤᬦ᭟᭑᭙᭟᭚ᬧᬸᬄᬲ᭄ᬫᬭᬦ᭄ᬤᬦ᭚ᬳᬶᬗ᭄ᬕᬶᬄᬲᬂᬭᬵᬫᬪᬸᬧᬢᬶ᭞ᬅᬢᬶᬰᬬᬫᬳᬵᬃᬥᬶᬓ᭞ᬫᬫᬵᬥᭂᬫᬂᬳᬲᬶᬂᬚᭂ᭠
ᬮᬾ᭞ᬘᭀᬭᬄᬍᬢᬸᬳᬾᬭᬶᬂᬚᬕᬢ᭄᭞ᬫᬮᬶᬄᬥᬃᬫᬢᬦ᭄ᬧᬳᬶᬗᬦ᭄᭞᭠ᬲᬵᬫ᭄ᬧᬸᬦ᭄ᬜᬋᬗᬂᬫᬗ᭄ᬮᬫ᭄ᬧᬸᬲ᭄᭞ᬧ᭄ᬬᬦᬓ᭄ᬢᬶᬢ᭄ᬬᬂᬗᬾᬧᬸᬦᬶᬓ᭟᭑᭟ᬓᬾᬢᭀ
ᬫᬲᬶᬄᬳᬤᬶᬦ᭄ᬩᭂᬮᬶ᭞ᬫᬳᬶᬧᬳᭂᬓᬶᬦ᭄ᬤᬶᬦᬶᬬᬦ᭄᭞ᬳᬤᬶᬲᬂᬲᬸᬕ᭄ᬭᬷᬯᬫᬗ᭄ᬓᬸ᭞ᬩᭂᬮᬶᬧᬫᬶᬢ᭄ᬧᬘᬂᬧᭂᬚᬄ᭞ᬩ᭄ᬯᬶᬦᬤᬶᬦᬺᬱ᭄ᬝᬶᬦᬾᬫᬦ᭄ᬬᬦ᭄᭞ᬳᬧ
ᬗᬫᬲᬶᬄᬫᬘᬸᬦ᭄ᬥᬸᬓ᭄᭞ᬥᬃᬫ᭄ᬫᬦ᭄ᬳ᭄ᬬᬂᬢᭀᬫᬜᬫ᭟᭒᭟ᬩ᭄ᬯᬶᬦ᭄ᬳᬧᬂᬤᬤᬶᬳᬩᭂᬲᬶᬓ᭄᭞ᬢᭀᬗᭀᬲ᭄ᬤᬶᬢᬸᬧᬤᬤ᭄ᬯᬦᬦ᭄᭞ᬤᬶᬢᬸᬤᬶᬕᬸᬦᬸᬂᬳᬮ
