[᭑᭑᭘ 118B]
᭑᭑᭘
ᬤᬾᬯᬢ᭄ᬯᬶᬫᬵᬢᬶ᭟᭘᭟ᬲᬧᬸᬦᬶᬓᬳᬦ᭄ᬢᬸᬓᬦ᭄ᬜᬵ᭞ᬫᬵᬢᬹᬃᬳᬸᬦᬶᬂ᭞ᬭᬶᬂᬲᬂᬭᬵᬫᬧᬢᬶ᭞ᬲᬵᬦ᭄ᬢᬸᬓᬦ᭄ᬚᭂᬚᭂᬄᬳᬶᬧᬸᬦ᭄᭞ᬭᬶᬂᬳᬶᬭᬓᬫᬯᬶᬄᬰᬱ᭞ᬫᬦᬄᬳᬶᬭ᭞ᬧᬂᬳᬸ
ᬦᬶᬂᬰᬓ᭄ᬢᬶᬲᬂᬭᬖᬸ᭞ᬯᬶᬳᬶᬓᬦ᭄ᬳᬶᬤᬲᬂᬭᬵᬫ᭞ᬩᬾᬢᬾᬮ᭄ᬳᭂᬦ᭄ᬢᬮ᭄ᬓᬧᬦᬳᬶᬦ᭄᭟᭙᭟ᬳᬓᬾᬄᬜᬦᬾᬧᬶᬢᬸᬂᬚᬚᬃ᭞ᬓᬧᬦᬳᬶᬦ᭄᭞ᬮᬭᬲᬾᬲᬵᬳᬫ
ᬯᬮᬶ᭞ᬓᬤ᭄ᬪᬸᬢᬲᬂᬓᬧᬶᬭᬵᬢᬸ᭞ᬮᬾᬤᬂᬗᭂᬢᭀᬦ᭄ᬳᭂᬦ᭄ᬢᬮ᭄ᬳᬶᬓ᭞ᬮᬸᬗ᭄ᬳᬵᬳᬶᬤ᭞ᬜᬋᬗᬶᬦ᭄ᬲᬂᬓᬧᬶᬭᬢᬸ᭞ᬓᬸᬗ᭄ᬲᬶᬓᬶᬱ᭄ᬓᬶᬓᬶᬦ᭄ᬤᬧᬸᬦᬶᬓ᭞ᬫᬗ᭄ᬓᬢ᭄ᬫᬕᭂ᭠
ᬕᭂᬩᬸᬕ᭄ᬫᬗ᭄ᬓᬶᬦ᭟᭑᭐᭟ᬗᬃᬥᬶᬘᬭᬸᬲᬂᬲᬸᬕ᭄ᬭᬷᬯ᭞ᬲᬦᬾᬫᬗ᭄ᬓᬶᬦ᭄᭞᭠ᬳᬶᬭᬶᬓᬭᬶᬂᬬᬸᬤ᭄ᬟᬫᬗ᭄ᬓᬶᬦ᭞ᬲᬂᬩᬮᬶᬓᭂᬩᭀᬧᬸᬦᬶᬓᬸ᭞ᬗ᭄ᬕᬾᬦ᭄ᬩᬦ᭄ᬢᭂᬦ᭄ᬧᬘᬂ
[᭑᭑᭙ 119A]
ᬫᬢᬫ᭄ᬧᬄ᭞ᬲᬂᬭᬵᬖᬯ᭞ᬓᬵᬢᬹᬭᬦ᭄ᬫᬳᭀᬫᬲᬵᬫ᭄ᬧᬸᬦ᭄᭞ᬤᬾᬯᬷᬢᬭᬭᬓᬭᬓ᭞ᬪᭀᬕᬨᬮᬦ᭄ᬜᬦᬾᬪᬹᬓ᭄ᬢᬶᬦ᭄᭟᭑᭑᭟ᬲᬧᬫᬃᬕᬶᬦ᭄ᬲᬂ
ᬭᬵᬖᬯ᭞ᬲᬦᬾᬓᬹᬗ᭄ᬲᬶ᭞ᬕᭀᬯᭀᬓ᭄ᬓᬶᬱ᭄ᬓᬶᬡ᭄ᬥᬦᬾᬫᬗᬓᬶᬦ᭄᭞ᬯᬶᬭᭀᬱᬲᬂᬓᬧᬶᬭᬵᬢᬸ᭞ᬓᬲᬋᬗᬶᬦ᭄ᬲᬂᬰᬭᬡ᭞ᬓᬦ᭄ᬢᭂᬦ᭄ᬳᬶᬓ᭞ᬕᭀᬯᭀ
ᬓ᭄ᬮᬶᬗ᭄ᬕᬄᬤᬍᬫ᭄ᬢᬸᬯᬸ᭞ᬓᬥᬢ᭄ᬯᬦ᭄ᬲᬂᬩᬮᬶᬭᬵᬚ᭞ᬓᬸᬭᬶᬦᬾᬧᭂᬢᭂᬂᬗᬺᬲᬺᬲᬶᬦ᭄᭟᭑᭒᭟ᬤᬦᬾᬲᬂᬲᬸᬕ᭄ᬭᬷᬯᬭᬵᬚ᭞ᬕ᭄ᬮᬶᬲ᭄ᬗᬯᬸᬓᬶᬦ᭄᭞ᬲᬂᬭᬓᬢᬸᬓᬃ᭠
ᬭᬫᬗ᭄ᬓᬶᬦ᭄᭞ᬜ᭄ᬭᬶᬢ᭄ᬓᬪᬷᬦᬯᬳᬸᬫᬸᬂ᭞ᬪ᭄ᬭᬸᬓᬸᬝᬶᬫᬓ᭄ᬭᬓ᭄ᬭᬶᬂᬚᬩ᭞᭠ᬩᬮᬶᬫᬗ᭄ᬓᬢ᭄᭞ᬫᭂᬤᬮ᭄ᬲᬓᬶᬂᬕᭀᬯᭀᬓ᭄ᬕᬸᬦᬸᬂ᭞ᬦᬶᬫ᭄ᬩᬮ᭄ᬫᬓ᭄ᬭᬓ᭄ᬓᬪᬷᬦᬯ᭞
Kaca:Bali-lontar-paparikan-ramayana-350ppi.pdf/119
Kaca puniki sampun kauji-wacén
