Kaca:Bali-lontar-paparikan-ramayana-350ppi.pdf/118

Saking Wikisource
Kaca puniki sampun kauji-wacén

[᭑᭑᭗ 117B]
᭑᭑᭗
ᬭ᭞ᬗᬯᬾᬮᬾᬤᬂᬳᬶᬤᬗᬓ᭄ᬱᬶ᭟᭓᭟ᬲᬵᬫ᭄ᬧᬸᬦ᭄ᬓᬸᬓᬸᬄᬳᬶᬦ᭄ᬤᬶᬓ᭄ᬲᬯᬶᬢ᭄ᬭ᭞ᬲᬶᬭᬓᬮᬶᬄ᭞ᬲᬫᬶᬮᬾᬤᬂᬫᬭᬶᬂᬳᬢᬶ᭞ᬲᬂᬲᬸᬕ᭄ᬭᬷᬯᬫᬗ᭄ᬓᬶᬦ᭄ᬫᬵᬢᬹᬃ᭞ᬭᬶᬂᬳᬶᬤ
ᬲᬂᬭᬵᬫᬫᬶᬢ᭄ᬭ᭞ᬳᬶᬗ᭄ᬕᬶᬄᬦᬵᬣ᭞ᬯᬶᬰᬾᬱᬲᬂᬩᬮᬶᬳᬕᬸᬂ᭞ᬲᬂᬩᬮᬶᬢᬦ᭄ᬧᬢᬦ᭄ᬤᬶᬗᬦ᭄᭞ᬳᬶᬭᬶᬓᬶᬭᬶᬂᬪᬸᬯᬦᬢ᭄ᬭᬶ᭟᭔᭟ᬢᬦ᭄ᬲᬓᬭᬶᬂᬧᬭᬶᬪᬯ᭞
ᬳᬢᬹᬃᬳᬶᬓᬶ᭞ᬭᬶᬂᬧᬮᬸᬗ᭄ᬕᬸᬄᬲᬂᬪᬸᬧᬢᬶ᭞ᬲᬵᬦ᭄ᬢᬸᬓᬦ᭄ᬫᬲ᭄ᬯᬶᬢ᭄ᬭᬲᬵᬫ᭄ᬧᬸᬦ᭄᭞ᬫᬵᬯᬶᬦᬦ᭄ᬫᬢᬹᬃᬳᬸᬦᬶᬗ᭞ᬓᬩ᭄ᬯᬢ᭄ᬳᬶᬓᬦ᭄᭞ᬗᬮᬶᬰᬓ᭄ᬢᬶᬢᬶᬢ᭄ᬬᬂᬗᬚᬸᬫ᭄
ᬲᬶᬦᬄᬳᬶᬧᬸᬦ᭄ᬧᬘᬂᬧᭂᬚᬄ᭞ᬳᬦ᭄ᬢᬸᬓ᭄ᬧᬦᬄᬤᬾᬯᬰᬓ᭄ᬢᬶ᭟᭕᭟ᬲᬧᬸᬦᬶᬓᬶᬫᬓᬵᬯᬶᬦᬦ᭄᭞ᬫᬗ᭄ᬕᬶᬄᬰᬓ᭄ᬢᬶ᭞ᬳᬶᬧᬸᬦ᭄ᬳᬶᬭᬶᬓᬶᬭᬶᬂᬪᬸᬫᬶ᭞ᬲᬓᬶᬂᬧᬶᬘ᭄ᬙᬦᬺ
[᭑᭑᭘ 118A]
ᬱᬶᬤᬗᬸ᭞ᬳᬶᬤᬦᬾᬗᬹᬦᬶᬫᬲ᭄ᬯᬾᬘ᭞ᬰᬓ᭄ᬢᬶᬗᬗ᭄ᬲᬦ᭄᭞ᬲᬵᬭᬷᬦ᭄ᬓᬯᬷᬦᬾᬯᬶᬩᬸᬄ᭞ᬫᬺᬥᬗ᭄ᬕᬧᬢᬶᬧᬥᬦ᭄ᬜᬵ᭞ᬳᬶᬫᬸᬲᬸᬄᬳᭂᬧᭂᬢᭂᬂᬬᬸᬓ᭄ᬢᬶ᭟᭖᭟ᬳᬶᬩᬸᬓ᭄ᬫᬶᬯᬄ
ᬚᭂᬚᭂᬄᬢᬶᬢ᭄ᬬᬂ᭞ᬫᬗᬦ᭄ᬢᭂᬦᬶᬦ᭄᭞ᬳᬶᬧᬸᬦ᭄ᬫᬯᬶᬰᬾᬱᬰᬓ᭄ᬢᬶᬢᬦ᭄ᬯᬾᬦ᭄ᬢᭂᬦ᭄ᬓᬫᬦᬄᬳᬦ᭄ᬢᬸᬓ᭄᭞ᬲᬓᬶᬂᬗᬹᬦᬶᬗᬯᬾᬧᭂᬚᬄ᭞ᬫᬗ᭄ᬓᬶᬦ᭄ᬧ᭄ᬭᬧ᭄ᬢ᭞ᬲᬂᬪᬸᬧᬢᬶ᭠
ᬰᬓ᭄ᬢᬷᬲᬥᬸ᭞ᬫᬦᬄᬢᬶᬢ᭄ᬬᬂᬫᬫᬲ᭄ᬢ᭄ᬬᬂ᭞ᬳᬦ᭄ᬢᬸᬓ᭄ᬳᬶᬤᬧᬘᬂᬫᬵᬢᬶ᭟᭗᭟ᬳᬳᬶᬩᬮᬶᬲᬓᬶᬂᬳᬶᬧᬶᬤᬦ᭄᭞ᬫᬢᬶᬫᬢᬶ᭞ᬗᭂᬚᬸᬓ᭄ᬕᬚᬾᬦ᭄ᬤ᭄ᬭᬢᬦ᭄ᬫᬭᬶ᭞ᬩᬸᬓᬶ
ᬢ᭄ᬕᬸᬦᬸᬂᬤᭂᬓ᭄ᬤᭂᬓᬺᬫᬸᬓ᭄᭞ᬓᬢᬫ᭄ᬧ᭄ᬮᬓ᭄ᬤᬤᭀᬲ᭄ᬧᬜᬸᬬᬦ᭄᭞ᬫᬇᬱᬲᬹᬭ᭞ᬫᭂᬲᭂᬄᬲᬂᬳ᭄ᬬᬂᬇᬦ᭄ᬤ᭄ᬭᬳᬶᬓᬸ᭞ᬳᬶᬧᬸᬦ᭄ᬯᬦ᭄ᬢᬄᬫᬫᬥᭂᬫᬂ᭞ᬭ᭄ᬬᬦ᭄ᬢᬸᬓ᭄ᬳᬶ