[᭑᭑᭒ 112B]
᭑᭑᭒
ᬲ᭄ᬬᬲᬶᬄᬓᬢᬶᬗ᭄ᬕᬮᬦ᭄᭟᭑᭟ᬤᭀᬦ᭄ᬓᬬᬸᬫᭀᬮᬄᬬᬸᬦᬦ᭄᭞ᬓᬕᭂᬦᬳᬶᬦ᭄ᬤᬫᬸᬄᬧᬸᬢᬶᬄ᭞ᬫᬓᬢᬶᬭᬶᬢᬶᬲ᭄ᬧᬸᬦᬶᬓ᭞ᬓᬤᬶᬫᬸᬢ᭄ᬬᬳᬭᬢᬸᬦᬸ᭞ᬭᬶᬂᬭᬶᬗ
ᬫ᭄ᬩᬭᬫᬵᬥ᭄ᬬ᭞ᬫᬗᬦ᭄ᬢᭂᬦᬶᬦ᭄᭞ᬓᭂᬦᭂᬄᬕᭂᬮᬶᬳᬵᬚᬵᬢᬶᬬᬕ᭄᭟᭒᭟ᬳᬸᬤᬸᬄᬩᬶᬦ᭄ᬧᬶᬤᬦ᭄ᬧᬸᬦᬶᬓ᭞ᬧᬫᬸᬧᬸᬢᬦ᭄ᬜᬧᬸᬦᬶᬓᬶ᭞ᬫᬹᬓ᭄ᬢᬶᬤᬸᬄᬓᬦᬾᬢᬾᬦᬾ
ᬦᬦ᭄᭞ᬢᬦ᭄ᬫᬾᬮᬶᬂᬳᬶᬓᬵᬮᬫᬺᬢ᭄ᬬᬸ᭞ᬦᭀᬭᬧᭂᬲᬦ᭄ᬳᬤᬯᭂᬮᬲ᭄᭞ᬢ᭄ᬯᬭ᭠ᬫᬵᬢᬶ᭞ᬳᬯᬓ᭄ᬲᬸᬩᬲᬓᬶᬢ᭄ᬧᬧ᭟᭓᭟ᬲ᭄ᬯᬭᬦ᭄ᬳᬶᬱᬵᬤ᭄ᬧᬵᬤᬩᬶᬦᬮ᭄᭞ᬬᬦ᭄
ᬧᬃᬡᬯᬮᬸᬬᬳᬧᬶ᭞ᬓᬮᬳᬶᬥᬾᬯᬾᬓ᭄ᬦᬶᬗᭂᬳᬂ᭞ᬩ᭄ᬬᬧᬭᬓᭂᬦᭂᬳᬾᬓᭂᬩᬸᬲ᭄᭞ᬕᬸᬦᬸᬂᬦᭂᬥᭂᬂᬕᭂᬲᭂᬂᬲᬵᬓ᭄ᬱᬵᬢ᭄᭞ᬢᬸᬲᬶᬂᬕᬢᬿ᭞ᬳᬤᬳᬦᬓ᭄ᬢᬸᬫᬸᬮᬸ
[᭑᭑᭓ 113A]
ᬗ᭟᭔᭟ᬫᬯᬰᬦᬳᬶᬩᬸᬓ᭄ᬫᬦᬄ᭞ᬳᬶᬥᬾᬯᬾᬓ᭄ᬓᬮᬶᬯᬢ᭄ᬧᬮᬶᬂ᭞ᬗᬦ᭄ᬢᭂᬦᬶᬦ᭄ᬳᬮᬲ᭄ᬧᬸᬦᬶᬓ᭞ᬦᭂᬥᭂᬂᬓᭂᬫ᭄ᬩᬂᬫᬶᬬᬶᬓ᭄ᬗᬮᬸᬧ᭄᭞ᬧᬺᬕᬺᬳᬦ᭄ᬳᬶᬤᬲᬂᬓᬵᬫ᭞ᬘ
ᬫ᭄ᬧᬄᬯ᭄ᬬᬓ᭄ᬢᬶ᭞ᬳᬸᬤᬸᬄᬓᬲᬲᬃᬧᬸᬦᬶᬓ᭟᭕᭟ᬘᬭᬂᬓᬬᬸᬦᬾᬧᬸᬦᬶᬓ᭞ᬓᬢᭂᬫ᭄ᬧᬸᬄᬫᬵᬭᬸᬣᬳᬭᬶᬲ᭄᭞ᬫᬗᬶᬕᭂᬮ᭄ᬢᬭᬸᬦᬾᬲᬸᬓ᭞ᬩᬶᬦᬮ᭄ᬳᬶᬱᬵᬤ᭄ᬧᬵ
ᬤᬤᬶᬢᬸ᭞ᬲᬫ᭄ᬩᬶᬮ᭄ᬫᬗᭂᬦ᭄ᬤᬶᬗᬶᬦ᭄ᬮᭂᬕ᭞ᬳᬶᬲᭂᬂᬳᬲᬶᬄ᭞ᬳᬶᬥᬾᬯᬾᬓ᭄ᬳᬶᬩᬸᬓ᭄ᬓᬪᬭᬦ᭄᭟᭖᭟ᬲᬧᬸᬦᬶᬓᬢᬗᬶᬲ᭄ᬳᬶᬤ᭞ᬩᬶᬮᬂᬩᬸᬓᬸᬭᬲᬲᬓᬶᬢ᭄᭞ᬳᬦ᭄ᬢᬸ
ᬓ᭄ᬮᭂᬲᬸᬦᬾᬓᬮᬶᬦ᭄ᬢᬂ᭞ᬋᬱ᭄ᬬᬫᬸᬓᬕᬸᬦᬸᬂᬲᭂᬫ᭄ᬧᬸᬢ᭄᭞ᬫᬮᬶᬄᬩ᭠ᬗᭂᬢ᭄ᬫᬤᬸᬃᬕᬫ᭞ᬦᬶᬓᬓᬸᬗ᭄ᬲᬶ᭞ᬤᬲᬸᬗ᭄ᬲᬸᬢ᭄ᬫᬲᬸᬲᬸᬧᬦ᭄᭟᭗᭟ ᭟
Kaca:Bali-lontar-paparikan-ramayana-350ppi.pdf/113
Kaca puniki sampun kauji-wacén
