Kaca puniki sampun kauji-wacén
[᭑᭐᭓ 103B]
᭑᭐᭓
᭞ᬩᬵᬦ᭄ᬤᭀᬄᬓᬵᬦ᭄ᬢᬸᬦ᭄᭞ᬓᬕᬶᬤᬶᬕᬶᬭᬶᬳᬕᭃᬂᬓᬵᬯᬲ᭄᭟᭒᭟ᬦᬾᬗᬮᬫ᭄ᬧᬸᬲ᭄᭞ᬳᬶᬲᬶᬢᬧᬃᬡᬭᬶᬂᬓᬳ᭄ᬬᬸᬦ᭄᭞ᬗ᭄ᬳᬶᬂᬢᬦ᭄ᬢᬢᬲ᭄ᬦᬯᬂ᭞ᬓᬤᭂᬲᭂᬓ᭄ᬫᬗ᭄ᬓᬶᬦ᭄ᬳᬶᬧᬵ
ᬓ᭄ᬱᬶ᭞ᬲᬂᬚᬝᬬᬸ᭞ᬤᬶᬕᭂᬮᬶᬲ᭄ᬤᬦᬾᬫᬧᬚᬃ᭟᭓᭟ᬳᬶᬗ᭄ᬕᬶᬄᬭᬢᬸ᭞ᬳᬶᬗ᭄ᬕᬶᬄᬤᬾᬯᬧᬸᬢ᭄ᬭᬭᬖᬸ᭞ᬲᬵᬫ᭄ᬧᬸᬦᬂᬯᬶᬭᭀᬱ᭞ᬢᬶᬢ᭄ᬬᬂᬚᬝᬮᬸᬧᬸᬦᬶᬓᬶ᭞
ᬢᬶᬢ᭄ᬬᬂᬢᬳᬸ᭞ᬭᬢᬸᬗᬧᬾᬢ᭄ᬤᬾᬯᬶᬲᬶᬢ᭟᭔᭟ᬓᬾᬢᭀᬳᬢᬹᬃ᭞ᬧᬸᬦᬶᬓᬳᬶᬧᬓ᭄ᬱᬶᬕᬸᬂ᭞ᬦᭂᬫ᭄ᬩᬄᬭᬶᬲᬂᬭᬵᬫ᭞ᬲᬂᬚᬝᬬᬸᬯᭂᬮᬲᬵᬲᬶᬄ᭞᭠
ᬲᬸᬭᬸᬤᬬᬸ᭞ᬫᬗ᭄ᬕ᭄ᬯᬶᬂᬩᬧᬦ᭄ᬤᬦᬾᬢᬺᬱ᭄ᬡᬵ᭟᭕᭟ᬲᬂᬚᬝᬬᬸ᭞ᬫᬢᬢᬸᬗ᭄ᬳᬶᬓᬭᬶᬳᬶᬤᬸᬧ᭄᭞ᬫᬵᬧᬦ᭄ᬗᬦ᭄ᬢᭀᬲ᭄ᬳᬶᬤ᭞ᬓᬤᬶᬲᬂᬭᬵᬫᬪᬸᬧᬢᬶᬩᬢᭂᬓ᭄ᬳᬦ᭄ᬢᬸ
[᭑᭐᭔ 104A]
ᬕᬶᬦᬤᬓ᭄᭞ᬢᭂᬍᬩ᭄ᬤᬦᬾᬪᬓ᭄ᬢᬶᬂᬫᬦᬄ᭟᭖᭟ᬧ᭄ᬭᬤᬾᬭᬯᬸᬄ᭞ᬳᬶᬤᬲᬂᬢᬦᬬᬭᬖᬸ᭞ᬤᬦᬾᬫᬗᭀᬃᬣᬬᬂ᭞ᬲᬳᬸᬲᬦ᭄ᬤᬦᬾᬫᬫᬸᬜᬶᬭᬭᬶᬲ᭄ᬮᬫ᭄ᬧᬸᬲ᭄᭞ᬲ
ᬦ᭄ᬢᬸᬓᬦ᭄ᬢᬢᬸᬦᬾᬭᬳᬢ᭄᭟᭗᭟ᬲᬵᬫ᭄ᬧᬸᬦ᭄ᬮᬫ᭄ᬧᬸᬲ᭄᭞ᬦᭀᬭᬫᬾ᭠ᬮᬶᬂᬤᬳᬢ᭄ᬲᬸᬗ᭄ᬲᬸᬢ᭄᭞ᬫᬦᬗᬶᬲ᭄ᬲᬂᬭᬵᬫ᭞ᬉᬤᬸᬄᬚᬝᬬᬸᬍᬯᬶᬄ
ᬜᬶᬤᬬᬂᬫᬸ᭞ᬫᬗᬺᬢ᭄ᬳᬶᬤᬸᬧ᭄ᬧᬸᬦᬶᬓ᭟᭘᭟᭚ᬧᬸᬄᬕᬶᬦᬤ᭟᭚ᬓᬩᬢᭂᬓ᭄ᬩᬵᬦ᭄ᬢᬺᬱ᭄ᬡᬵᬳᬶᬩ᭞ᬲᬢ᭄ᬬᬫᬲᬯᬶᬢ᭄ᬭᬚᬵᬢᬶ᭞ᬳᬚᬶᬦ᭄ᬢ᭄ᬬ
ᬗᬾᬳᬲᬶᬄᬧᭂᬲᬦ᭄᭞ᬢ᭄ᬭᬸᬲ᭄ᬫᬶᬢ᭄ᬭᬦᬾᬗᬮᬦ᭄ᬢᬸᬃᬢᭂᬓᬢᭂᬓᬾᬦᬶᬂ᭠ᬳᬶᬧ᭄ᬬᬦᬓ᭞ᬤᬸᬄᬉᬢ᭄ᬢᬫᬶ᭞ᬳᬶᬗ᭄ᬕᬶᬄᬚᬝᬬᬸᬧᬓ᭄ᬱᬶᬦ᭄ᬤ᭄ᬭ᭟᭑᭟ᬓᬮ᭠
