[᭑᭐᭒ 103B]
᭑᭐᭒
ᬮᬶᬲᬂᬧᬸᬢ᭄ᬭᬭᬵᬖᬸ᭞ᬮᬶᬜᭀᬓ᭄ᬩᬺᬕᬄᬓᬳ᭄ᬬᬸᬦ᭄ᬩᭂᬮᬶ᭞ᬓᬳ᭄ᬬᬸᬦ᭄ᬩᭂᬮᬶᬓᬲᬧᬸᬢᬦ᭄᭞ᬮᬮᬶᬲ᭄ᬧᬸᬦᬶᬓᬭᬶᬗᬲᬶᬄ᭞ᬭᬕᬦ᭄ᬩᭂᬮᬶᬦᬾᬭᬶᬂᬚᬕᬢ᭄᭞ᬓᬕ᭄ᬬ
ᬢ᭄ᬢᬶᬢ᭄ᬬᬂᬫᬗᬦ᭄ᬢᭂᬦᬶᬦ᭄᭟᭒᭟᭓᭟ᬦᬧᬶᬩᭂᬮᬶᬓᬤᬶᬩᬸᬤᬸᬄ᭞ᬦᭀᬭᬧᬵᬢᬹᬢ᭄ᬳᬦ᭄ᬢᬸᬓ᭄ᬩᭂᬮᬶᬫᬧᬓᬳ᭄ᬬᬸᬦ᭄ᬲᬧᬸᬦᬶᬓ᭞ᬢᬶᬢ᭄ᬬᬂᬩᬗᭂᬢ᭄ᬳᬶᬩᬸᬓ᭄ᬲᭂᬤᬶᬄ᭞ᬗᬦ᭄ᬢᭂ
ᬦᬶᬦ᭄ᬭᬕᬦ᭄ᬳᬶᬤᬾᬯ᭞ᬯᬶᬦᬮᬸᬬᬳᬾᬤᬦ᭄ᬯ᭄ᬬᬓ᭄ᬢᬶ᭟᭔᭟ᬩᬗᭂᬢ᭄ᬳᬦ᭄ᬢᬸᬓ᭄ᬓ᭄ᬭᭀᬥᬦ᭄ᬓᬳ᭄ᬬᬸᬦ᭄᭞ᬳᬸᬮᬶᬳᬦ᭄ᬓᬮᬶᬯᬢ᭄ᬧᬮᬶᬂ᭞ᬯᬰᬦᬩᬸᬤᬸᬄᬧ᭄ᬭᬘᬫ᭄ᬧᬄ᭞᭠
ᬬᬦ᭄ᬢᬦ᭄ᬳᬓ᭄ᬱᬭᬦᬾᬕᭂᬮᬶᬲ᭄᭞ᬫᬶᬸ᭞ᬳᬗ᭄ᬕᬾᬦ᭄ᬲᬲᬸᬮᬸᬄᬭᬶᬂᬫᬦᬄ᭞ᬦᬾᬗᬶᬘᬮᬂᬓ᭄ᬭᭀᬥᬦ᭄ᬳᬢᬶ᭟᭕᭟ᬦᬧᬶᬕᬯᬾᬦᬾᬧᬸᬦᬶᬓᬸ᭞ᬩᭂᬦ᭄ᬤᬸᬦᬾᬫᬮᬶᬄᬯᬶᬮ᭠
[᭑᭐᭓ 104A]
ᬗᬶᬦ᭄᭞ᬳᬸᬮᬸᬭᬶᬦ᭄ᬩᭂᬮᬶᬧᬸᬦᬶᬓ᭞ᬧᬸᬦᬶᬓᬫᬓ᭄ᬭᬡᬧᬮᬶᬂ᭞ᬦᭀᬭᬓᬧᬢᬹᬢ᭄ᬧᬸᬦᬶᬓ᭞ᬗᬯᬾᬦᬂᬦᬭᬓᬦ᭄ᬕᬸᬫᬶ᭟᭖᭟ᬲᬫᬮᬶᬳᬬᬾᬦ᭄ᬧᬸᬦᬶᬓᬸ᭞
ᬓᬤᬶᬧᬶᬤᬩ᭄ᬤᬩ᭄ᬳᬕᬸᬫᬶ᭞ᬢᬦ᭄ᬯᬾᬦ᭄ᬢᭂᬦ᭄ᬧᬶᬲᬦ᭄ᬧᬤᭀᬱᬵ᭞ᬯ᭠ᬦ᭄ᬢᬄᬩᭂᬮᬶᬤᬳᬢ᭄ᬧᬮᬶᬂ᭞ᬳᬶᬩᬸᬓ᭄ᬩᬶᬗᬸᬂᬓᬤᬳᬢᬦ᭄᭞ᬳᬦ᭄ᬢᬸᬓ᭄ᬲᬗ᭄ᬲᬭ
ᬢᬦ᭄ᬲᬶᬧᬶ᭟᭗᭚ᬧᬸᬄᬧᬸᬘᬸᬂ᭚ᬲᬧᬸᬦᬶᬓᬸ᭞ᬳᬶᬤᬳ᭄ᬬᬭᬶᬫᬧᬫᬸᬗᬸ᭞ᬮᬾᬤᬂᬭᬓᬦ᭄ᬳᬶᬸᬤ᭞ᬗ᭄ᬭᬜ᭄ᬚᬶᬂᬭᬶᬂᬳᬮᬲᬾᬫᬶ᭞ᬳᭂᬚᭀᬄ
ᬲᬵᬫ᭄ᬧᬸᬦ᭄᭞ᬲᬂᬓᬮᬶᬄᬲᬓᬶᬂᬧᬢᬧᬦ᭄᭟᭑᭟ᬭᬶᬓᬢᬸᬚᬸ᭞ᬳᬶᬤᬲᬂᬓᬭᭀᬫᬦᬸᬲᬸᬧ᭄᭞ᬓᬘᬶᬗᬓ᭄ᬲᬂᬓᬵᬕ᭞ᬦᬵᬗ᭄ᬳᬶᬂᬦᭀᬭᬢᭂᬭᬂᬓᬵᬓ᭄ᬱᬶ
Kaca:Bali-lontar-paparikan-ramayana-350ppi.pdf/103
Kaca puniki sampun kauji-wacén
