[ ᭖ 6B]
᭖᭞
ᬯᬸᬢᬶᬂᬧ᭄ᬭᬫᬾᬦᬓ᭄ᬧ᭄ᬭᬫᬦ᭄ᬢ᭄ᬭᬶ᭞ᬫᬓᬫᬗ᭄ᬕᬮ᭞ᬧ᭄ᬭᬡ᭄ᬥᬧ᭄ᬭᬡ᭄ᬥᬲᬋᬂᬲᬫᬶ᭟ᬲᬚᬓᬾᬢᭀᬩᬸᬓᬲᬢ᭄ᬯᬦᬾᬦᬾᬫᬭᬵ᭞ᬢᭀᬗᭀᬲᬾᬫᬬᬰᬓᬶᬃᬢ᭄ᬢᬶ᭞ᬬᬦᬶᬂᬤᬶᬦᬵᬕᬭ᭞ᬕᬕᭀᬤ
ᬦᬾᬗᬮᬳᬂ᭞ᬩᬲ᭄ᬮᬶᬬᬸᬦᬶᬓᬾᬦ᭄ᬳᬶᬫ᭄ᬧᬲᬶᬦ᭄᭞ᬲᬗ᭄ᬓᬦ᭄ᬫᭂᬮᬳᬦ᭄ᬤᬶᬕᬸᬦᬸᬂᬗᬮᬶᬄᬲ᭄ᬧᬶ᭟ᬘᬸᬢᭂᬢ᭄ᬦᬶᬭᬲᬸᬩᬧ᭄ᬭᬕᬢ᭄ᬧᬳᬶᬢᬸᬗᬦ᭄᭞ᬢ᭄ᬯᬭᬤᬤᬶᬧᬶᬯᬮᬶᬦ᭄᭞ᬓᭂᬫᬵᬧᬫᬦ᭄ᬫᭂᬦ᭄ᬤᬓ᭄᭞ᬳᬶᬦ
ᬦᬓ᭄ᬦᬵᬕᬭᬲᭀᬫ᭞ᬲᬂᬓᬸᬢᬸᬲ᭄ᬭᬭᬶᬲ᭄ᬫᬫᬃᬕ᭄ᬕᬶ᭞ᬢᬦ᭄ᬯᬶᬦᬱᬢ᭄ᬣ᭞ᬲᬕᬾᬢ᭄ᬫᬮᬶᬄᬧ᭄ᬭᬧ᭄ᬢᬶ᭟ᬲᬂᬓᬳᬸᬢᬸᬲ᭄ᬫᬗᬶᬭᬶᬂᬲᬂᬦᬵᬭᬲᭀᬫ᭞ᬲᬳᬵᬗᬢᬸᬭᬂᬪᬓ᭄ᬢᬶ᭞ᬲᬂᬧ᭄ᬭᬪᬸᬗᬦ᭄ᬤᬶᬓᬵ᭞ᬫᬳᬶᬤᬾ
ᬯᬧᬳᭂᬓᬂ᭞ᬲᬂᬓᬳᬃᬧᬾᬦ᭄ᬫᬋᬓ᭄ᬕᭂᬮᬶᬲ᭄᭞ᬳᬗ᭄ᬮᬸᬂᬳᬗ᭄ᬕ᭞ᬮ᭄ᬯᬶᬃᬲᬶᬤ᭄ᬯᬫ᭄ᬓᬲᬶᬮᬶᬃ᭚᭜᭚ᬲᬶᬦᭀᬫ᭄᭚ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓᬵ᭞ᬗᬸᬲᬧ᭄ᬳᬸᬲᬧ᭄ᬫᬧᬲᬶᬳᬶᬦ᭄᭞ᬤᬸᬄᬤᬾᬯ᭄ᬯ᭠
[ ᭗ 7A]
ᬫᬵᬲ᭄ᬳᬢ᭄ᬫᬚᬶᬯ᭄ᬯ᭞ᬢᬸᬮ᭄ᬬᬢᬸᬜ᭄ᬚᬸᬂᬓᭂᬫ᭄ᬩᬂᬫᬶᬬᬶᬓ᭄᭞ᬢᬸᬮᬸᬲᬂᬤᬾᬯ᭄ᬯᬦᬾᬚᬦᬶ᭞᭄ᬧᬮᬭᬲᬸᬗ᭄ᬲᬸᬢ᭄᭞ᬳᬶᬤᬾᬯᬫᬓᬰᬭᬡ᭞ᬧ᭄ᬭᬮᬶᬡᬦ᭄ᬩᬧᬦᬾᬚᬦᬶ᭞ᬫᬸᬮᬧᬢᬸ
ᬣᬶᬧᬦᬓ᭄ᬜᬸᬧᬢ᭄ᬳᬶᬩᬧ᭟ᬲᬗ᭄ᬓᬦ᭄ᬫᭂᬮᬳᬂᬫᬢᬶᬗ᭄ᬓᬄ᭞ᬧᬸᬢ᭄ᬭᬰᬰᬶᬡᬢ᭠ᬦᬸᬢᬶᬦ᭄᭞ᬤᬩᬦᬶᬓᬾᬦ᭄ᬳᬦᬓ᭄ᬢᬸᬢ᭄ᬯ᭞ᬢ᭄ᬯᬄᬜᬦ᭄ᬤᬂᬢᭀᬕᬸᬕᭀᬦᬶᬦ᭄᭞ᬧᬸᬭᬸᬓᬂᬭᬕ
ᬦᬾᬲᬳᬶ᭞ᬳᬧᬂᬦᬯᬂᬢ᭄ᬓᬾᬦ᭄ᬤᬸᬦ᭄ᬤᬸᬦ᭄᭞ᬳᬸᬦ᭄ᬤᬸᬓᬾᬤᬤᬶᬫᬦᬸᬱ᭞ᬰᬲ᭄ᬢ᭄ᬭᬦᬾᬲᬳᬶᬢᭀᬕᬸᬮᬶᬓ᭄᭞ᬲᬶᬂᬚᬮᬘᬹᬃᬬᬾᬦ᭄ᬲᬸᬩᬵᬳᬦ᭄ᬢᭂᬂᬫᬮᬚᬄ᭟ᬳᬶᬤᬲᬗ᭄ᬳ᭄ᬬᬂᬲᬭᬰ᭄ᬯᬢ᭄ᬬᬵ᭞ᬯ
ᬦ᭄ᬢᬄᬮᬶᬦ᭄ᬢᬂᬲ᭄ᬯᬾᬘᬘ᭄ᬦᬶᬂ᭞ᬬᬾᬦ᭄ᬳᬦ᭄ᬢᭂᬂᬩᬜᬫᬦᬄ᭞ᬢᬹᬃᬫ᭄ᬫᬦᬶᬂᬪᬓ᭄ᬢᬶᬫᬦᬶᬯᬶ᭞ᬳᬶᬤᬢᬦ᭄ᬯᬶᬓᬦ᭄ᬮᬮᬶ᭞ᬧᬘᬂᬗ᭄ᬯᬍᬲ᭄ᬩᬳᬦ᭄ᬯᭂᬭᬸᬄ᭞ᬢᬦ᭄ᬓᬬᬸᬦ᭄ᬫᬫᬶᬭᬵᬢ᭄ᬤᬦᬵ᭞ᬲᬶᬂᬪᬓ᭄ᬢᬶᬓᬯᬍᬲ᭄ᬲᬫᬶ
Kaca:Bali-lontar-paparikan-narasoma-550ppi.pdf/7
Kaca puniki sampun kauji-wacén
