[ ᭕ 5B]
᭕᭞
ᬕ᭄ᬭ᭞ᬲᬓᬵᬤᬶᬓᬳ᭄ᬬᬸᬦ᭄ᬳᬶᬕᬸᬲ᭄ᬢᬶ᭞ᬧᬘᬂᬦᬶᬗ᭄ᬕᬮ᭄ᬚᬕᬢ᭄᭞ᬗᬸᬗ᭄ᬰᬶᬓᬕᬸᬦᬸᬂᬳᬮᬲ᭄᭞ᬓᬓᬶᬰ᭄ᬭᬬᬰᬦᬾᬍᬯᬶᬄ᭞ᬜᬦ᭄ᬤᬂᬳᬧ᭄ᬢᬶᬬᬂ᭞ᬭᬾᬄᬭᬕᬲᬵᬫ᭄ᬧᬸᬦ᭄ᬮᬶᬗ᭄ᬰᬶᬃ᭟ᬯᬳᬸᬲᬧᬸᬦᬶᬓᬵ᭠
ᬳᬢᬹᬃᬳᬶᬤᬧ᭄ᬭᬡ᭄ᬥ᭞ᬧᬢᬶᬄᬫᬗ᭄ᬓᬸᬦᬵᬕᬭᬶ᭞ᬫᭂᬧᭂᬲ᭄ᬫᬵᬢᬹᬃᬜᬸᬫ᭄ᬩᬄ᭞ᬲᬶᬗ᭄ᬕᬶᬄᬭᬢᬸᬧ᭠ᬦᭂᬫ᭄ᬩᬳᬦ᭄᭞ᬲᬸᬂᬲᬸᬂᬢᬶᬢ᭄ᬬᬂᬤᬶᬦᬵᬮᬢ᭄ᬭᬶ᭞ᬢᬦ᭄ᬲᬓᬶᬂᬢᭂᬫ᭄ᬧᬮ᭄᭞ᬗᭂᬮᭀᬗᬶᬦ᭄ᬧᬜᬶᬢ᭄ᬦᬪ
ᬓ᭄ᬢᬶ᭟ᬬᬦ᭄ᬢᬓᭀᬘᬧ᭄ᬳᬶᬤᬲᬂᬓᬬᬸᬦ᭄ᬫᬬᬰ᭞ᬬᬤ᭄ᬬᬦ᭄ᬫᬭᬶᬂᬦᬵᬕᬭᬶ᭞ᬬᬦ᭄ᬲᬵᬫ᭄ᬧᬸᬦ᭄ᬜᬶᬤ᭄ᬥᬬᬂ᭞ᬦᬸᬗ᭄ᬕᬮᬂᬳᬶᬢ᭄ᬭᬶᬓᬬ᭞ᬫᬭᬶᬰᬸᬤ᭄ᬥᬫᬗ᭄ᬤᬵᬧᬲ᭄ᬢᬶ᭞ᬓᭀᬘᬧ᭄ᬉᬢ᭄ᬢᬫ᭞ᬉᬢ᭄ᬢᬫᬦᬶᬂ
ᬬᬰᬓᬶᬃᬢ᭄ᬢᬶ᭟ᬫᬮᬶᬄᬭᬢᬸᬲᬦᬾᬩᬗᭂᬢ᭄ᬮᬸᬗ᭄ᬲᬹᬃᬢᬶᬢ᭄ᬬᬂ᭞ᬭᬶᬂᬰ᭄ᬭᬷᬦᬕᬧᬢᬶ᭞ᬲᬶᬭᬧᬘᬂᬜᬦ᭄ᬤᬂ᭞ᬗᭂᬦ᭄ᬢᭀᬲᬶᬦ᭄ᬫᬥᭂᬕ᭄ᬦᬵᬣ᭞ᬬᬤᬶᬦ᭄ᬯᬾᬦᬵᬢᭂᬦ᭄ᬳᬶᬤᬫᬗ᭄ᬓᬶᬦ᭄᭞ᬲᬂᬦᬭᬲᭀᬫ᭞ᬯ᭠
[ ᭖ 6A]
ᬳᬸᬫᬸᬗ᭄ᬕᬄᬢᬭᬸᬡᬶ᭟ᬓᬵᬮᬶᬄᬳᬶᬤᬤᬸᬭᬸᬂᬘ᭄ᬝᬦᬩ᭄ᬤᬩ᭄ᬚᬕᬢ᭄᭞ᬫᬮᬶᬄᬤᬸᬭᬸᬂᬫᬭᬩᬶ᭞ᬬᬤᬶᬦ᭄ᬯᬾᬦᬵᬢᭂᬦ᭄ᬢᬶᬢ᭄ᬬᬂ᭞ᬓᬳᬸᬮᬲᬶᬦᬫ᭄ᬬᬦ᭄᭞ᬓᬧᬶᬲᬭᬧᬘᬂᬗᬩᬶᬄ᭞ᬕᬸᬂᬳᬫ᭄ᬧᬸᬭᬬᬂ
᭞ᬭᬾᬄᬓᬢᬸᬦᬦ᭄ᬫᬦᬄᬲᬫᬶ᭟ᬯᬦ᭄ᬢᬄᬢᬶᬢ᭄ᬬᬂᬲᬵᬫ᭄ᬧᬸᬦ᭄ᬢᬸᬯᬓᬸᬮᬶᬢ᭄ᬓᬄᬓᬄ᭞ᬳᭂᬩᭀᬓ᭄ᬳᬸᬩᬦ᭄ᬓᬸᬫᬶᬲ᭄ᬧᬸᬢᬶᬄ᭞ᬯᬮᬸᬬᬰᬺᬡ᭄ᬥ᭞ᬓᬸᬮᬶᬢ᭄ᬳᬶᬧᬸᬦ᭄ᬢᬦ᭄ᬓ᭄ᬭᬄ᭞ᬦᬗ᭄ᬳᬶᬂᬤᬕᬶᬗᬾᬳᬓᬶᬤᬶᬓ᭄᭞ᬧᬸ᭠
ᬦᬶᬓᬵᬧᬶᬲᬦ᭄᭞ᬤᬸᬭᬸᬲ᭄ᬳᬶᬭᬢᬸᬫᬶᬦᭂᬳᬶᬦ᭄᭟ᬯᬳᬸᬲᬧᬸᬦᬶᬓᬵᬳᬢᬹᬃᬫᬗ᭄ᬓᬸᬦᬵᬕᬭ᭞ᬢᬗ᭄ᬓᬶᬮᬦᬾᬚᬕ᭄ᬲᭂᬧᬶ᭞ᬗᬸᬦ᭄ᬢᬸᬓ᭄ᬫᬗᬢ᭄ᬧᬤ᭄ᬥ᭞ᬯᬮᬸᬬᬓᬤᬶᬳᬶᬳᬬᬫ᭄᭞ᬫᬕᭀᬘᬾᬓ᭄ᬩ
ᬳᭀᬗᬾᬓᬦᬶᬦ᭄᭞ᬢᬦ᭄ᬧᬸᬭᬸᬦ᭄ᬦᬗᬄ᭞ᬫᬗ᭄ᬭᬱᬭᬱᬤᬶᬳᬢᬶ᭟ᬭᬭᬶᬲ᭄ᬳᬶᬤᬰ᭄ᬭᬶᬦᬭᬾᬦ᭄ᬤ᭄ᬭᬵᬫᬤ᭄ᬭᬓᬵᬭ᭞ᬗᬦ᭄ᬤᬶᬓᬵᬩᬦ᭄ᬩᬦ᭄ᬗᬢᬶᬄ᭞ᬫᬢᭂᬭᬸᬄᬲᬵᬃᬓ᭄ᬓᬵᬭ᭞ᬳᬸᬤᬸᬄᬧᬫᬦ᭄ᬫᬓᭂᬚᬂ᭞᭠
Kaca:Bali-lontar-paparikan-narasoma-550ppi.pdf/6
Kaca puniki sampun kauji-wacén
