[ ᭓᭖ 36B]
᭓᭖᭞
ᬫᬸᬦᬶᬦ᭄ᬤ᭄ᬭᬵᬫᬯᬘᬡᬭᬶᬂᬲᬂᬥ᭄ᬬᬄ᭞ᬥᬸᬄᬘ᭄ᬦᬶᬂᬧᬹᬚᬯᬢᬶ᭞ᬓ᭄ᬫᬵᬓᬾᬧᭂᬲ᭄ᬯᬦ᭄᭞ᬩᬧᬤᬶᬦᬶᬧᬤᬤ᭄ᬯᬬᬦ᭄᭞ᬗᬚᬓ᭄ᬭᬓᬦ᭄ᬳᬶᬤᬚᬦᬶ᭞ᬦᭂᬫ᭄ᬯᬂᬯᬶᬭᬱ᭞ᬲᬸᬫᬗ᭄ᬤᬾᬢᬦ᭄ᬳᬦᬳᬸ
ᬦᬶᬂ᭞ᬲᬂᬓᬢᬸᬤᬸᬄᬓᬚᬩᬢᬦ᭄ᬧᬸᬭᬸᬦ᭄ᬢᭂᬫ᭄ᬧᬮ᭄᭞ᬲᬧᬦᬶᬢᬄᬫᬗᬶᬭᬶᬂ᭞ᬜᬸᬚᬸᬃ᭠ᬧᬲᬗ᭄ᬕ᭄ᬭᬳᬦ᭄᭞ᬲᬂᬓᬮᬶᬄᬫᬗ᭄ᬓᬶᬦ᭄ᬘ᭄ᬭᬶᬢ᭄ᬣᬬᬂ᭞ᬳᬶᬤᬋᬱᬶᬩᬕᬲ᭄ᬧᬢᬶ᭞ᬗᬦ᭄ᬤᬶᬓᬵᬩᬦ᭄ᬩ᭠
ᬦ᭄᭞ᬤᬸᬄᬤᬾᬯ᭄ᬯᬧᬸᬢ᭄ᬭᬫᬤ᭄ᬭᬵᬤᬶ᭟ᬗ᭄ᬕᬶᬄᬫᬸᬗ᭄ᬕᬳᬦ᭄ᬤᬭᬶᬓᬶᬲᬦ᭄ᬤᬶᬗᬶᬦ᭄ᬩᬧ᭞᭠ᬤᬸᬭᬸᬲ᭄ᬢᬫ᭄ᬧᭂᬓᬂᬫ᭄ᬮᬶᬗ᭄ᬕᬶᬄ᭞ᬲᬵᬫ᭄ᬧᬸᬦ᭄ᬲᬸᬫᬦ᭄ᬤᬾᬬ᭞ᬭᬾᬄᬩᬧᬵᬳᬸᬦᬶᬂᬧᬶᬲᬦ᭄᭞ᬭᬶᬂᬓᬬᬸ
ᬦ᭄ᬳᬶᬤᬾᬯᬲᬫᬶ᭞ᬓᬦ᭄ᬢᭀᬲ᭄ᬦᬶᬩᬓᬂ᭞ᬧᬗᬦ᭄ᬤᬶᬓᬫᬲᬲᬶᬦ᭄ᬤᬶᬃ᭟ᬬᬸᬓ᭄ᬢᬶᬧᬶᬲᬦ᭄ᬳᬢᬸᬭᬦ᭄ᬩᬵᬧᬳᬹᬢ᭄ᬢᬫ᭞ᬭᬵᬢ᭄ᬦᬯᬶᬡ᭄ᬥᭂᬦ᭄ᬳᬩ᭄ᬭᬵᬤᬶ᭞ᬫᬳᭂᬫ᭄ᬩᬦ᭄ᬢᭂᬫ᭄ᬩ᭄ᬭᬓ᭄᭞ᬩᭀᬬᬓᬧᬸᬦᬶᬓᬵ
[ ᭓᭗ 37A]
ᬧᬶᬲᬦ᭄᭞ᬦᬾᬤᬤᭀᬲ᭄ᬫᬸᬱ᭄ᬝᬶᬓᬾᬂᬳᬢᬶ᭞ᬬᬤ᭄ᬬᬲ᭄ᬢᬸᬦ᭄ᬳ᭄ᬫᬲ᭄ᬳ᭄ᬫᬵᬲᬾᬤᭀᬬᬦ᭄ᬢᭂᬫᬵᬲᬶᬦ᭄᭟ᬩᭂᬘᬶᬓ᭄ᬧᬶᬲᬦ᭄ᬦᬾᬫᬾᬯᭂᬄᬜᬦ᭄ᬤᬂᬲᬭᬵᬢᬂ᭞ᬬᬦ᭄ᬳᬮᬸᬄᬳᬸ
ᬮᬄᬳᬮᬶᬄ᭞ᬳᬮᬸᬄᬳᬾᬮᬄᬳᬶᬮᬂ᭞ᬧᬸᬦᬶᬓᬵᬩᭂᬘᬶᬓ᭄ᬧᬶᬲᬦ᭄᭞ᬩᭂᬘᬶᬓᬦ᭄ᬦᬾᬳᬮᬶᬄᬲᬸᬮᬶᬢ᭄᭞ᬲᬸᬮᬶᬢ᭄ᬳᬶᬮᬸᬢᬂ᭞ᬳᬶᬮᬸᬢᬂᬫᬗ᭄ᬤᬾᬫᬮᬶᬮᬶᬢ᭄᭟ᬜᬦ᭄ᬤᬂᬧᬶᬲᬦ᭄
ᬤᬾᬯᬦᬶᬩᬓᬂᬧᬫᭂᬗ᭄ᬕᬄ᭞ᬭᬶᬂᬳᬶᬧᬸᬦ᭄ᬧᬗᬬᬄᬲᬫᬶ᭞ᬭᬾᬄᬧᬸᬭᬸᬦ᭄ᬗᬢᬸᬭᬂ᭞ᬭ᭠ᬬᬸᬦᬦᬾᬫᬮᬢᬄ᭞ᬓᬶᬭᬂᬚᬕ᭄ᬭᬫᬦᬧᬶᬦᬶᬦ᭄᭞ᬜᬾᬓ᭄ᬱᬾᬓ᭄ᬫᬗᬶᬦ᭄ᬤᬂ᭞ᬭᬾᬄᬧ
ᬜ᭄ᬚ᭄ᬭᭀᬯᬦ᭄ᬤᬸᬭᬸᬦ᭄ᬲᬫᬶ᭟ᬦᬶᬓᬵᬯᬦ᭄ᬢᬄᬲᬲᬶᬦ᭄ᬥᬶᬃᬳᬶᬤᬾᬯᬲᬫ᭄ᬬᬦ᭄᭞ᬓᬢᬶᬯᬓ᭄ᬭᬶᬂᬩᬧᬲᬫᬶ᭞ᬲᬵᬫ᭄ᬧᬸᬦ᭄ᬫᬫᬜ᭄ᬚᬗᬂ᭞ᬭᬾᬄᬤᬶᬓᬵᬲᬫᬶᬢᬢᬲ᭄᭞ᬤᬾᬯᬲᬵᬫ᭄ᬧᬸᬦ᭄ᬳᬤ᭄ᬯᬾᬂ
Kaca:Bali-lontar-paparikan-narasoma-550ppi.pdf/37
Kaca puniki sampun kauji-wacén
