[ ᭒᭒ 22B]
᭒᭒᭞
ᬗᬓᬸᬤᬤᬾᬫᬗ᭄ᬓᬶᬦ᭄᭞ᬢᬸᬦᬲ᭄ᬩᬵᬧᬭᬶᬂᬳᬶᬦᬦᬓ᭄᭞ᬲᬋᬂᬲᬫᬶᬫᬫᬶᬦᭂᬳᬶᬦ᭄᭟ᬩᬧᬵᬫᬗ᭄ᬕᬸᬳᬂᬧᬓᬾᬯᬸᬄ᭞ᬢᭀᬂᬲᬶᬤ᭄ᬥᬩᬳᬦ᭄ᬗᬶᬢᬸᬗᬶᬦ᭄᭞ᬭᬱᬗ᭄ᬫᬲᬶᬦ᭄ᬳᬦ᭄ᬢᬓᬵ᭞ᬬ
ᬦ᭄ᬢᬦ᭄ᬲᬶᬤ᭄ᬥᬓᬶᬂᬓᬳᬧ᭄ᬢᬶ᭞ᬫᬦᬯᬶᬦᬦᬓ᭄ᬜᬶᬤᬬᬂ᭞ᬦᬸᬮᬸᬗᬶᬦ᭄ᬩᬧᬦᬾᬫᬗ᭄ᬓᬶᬦ᭄᭟ᬧᬭᬰᬶᬱ᭄ᬬᬦᬦᭂᬂᬗᬸᬦ᭄ᬢᬸᬮ᭄᭞ᬓᬫᭂᬫᭂᬕᬦ᭄ᬚ᭄ᬭᭀᬦᬶᬂᬋᬤ᭄ᬥᬶ᭞ᬓᬤᬶᬓᬢᭂᬗᬦ᭄ᬯᬦ᭄ᬤᬶᬭ᭞ᬧᬧᬶ᭠
ᬦᭂᬳᬾᬲᬬᬦ᭄ᬓᬶᬜ᭄ᬘᬶᬢ᭄᭞ᬯᬾᬦ᭄ᬢᭂᬦ᭄ᬫᬳᬢᬹᬃᬦᭀᬕᬲᬂ᭞ᬳᬢᬹᬭᬾᬗᭂᬚᭂᬃᬫᬗᬶᬮ᭄ᬕᬶᬮ᭄᭟ᬲᬶᬗ᭄ᬕᬶᬄᬭᬢᬸᬲᬂᬫᬢᭂᬫ᭄ᬧᬸ᭞ᬲᬵᬫ᭄ᬧᬸᬭᬓᬗᬦᬓ᭄ᬫᬗ᭄ᬓᬶᬦ᭄᭞ᬓᬤᬶᬮᬗ᭄ᬖ᭄ᬬᬳᬸᬫᬵᬢᬹᬭ᭞ᬦᬵ
ᬫ᭄ᬧᬯᬓ᭄ᬬᬦ᭄ᬚᭂᬂᬫᬳᬵᬃᬱᬶ᭞ᬤᬸᬭᬸᬂᬧᬶᬲᬦ᭄ᬢᬶᬢ᭄ᬬᬂᬢᬢᬲ᭄᭞ᬦᬾᬗᬯᬶᬦᬂᬲᬸᬂᬲᬸᬢ᭄ᬋᬤ᭄ᬥᬶ᭟ᬲᬂᬧᬗᭂᬫ᭄ᬧ᭄ᬯᬦ᭄ᬫᬮᬶᬄᬫᬸᬯᬸᬲ᭄᭞ᬤᬸᬄᬦᬦᬓᬶᬸᬓ᭄ᬧᬂᬲᬶᬤ᭄ᬥᬳᬸᬦᬶᬂ᭞ᬩᬧᬫᬗ᭄ᬓᬶᬦ᭄ᬫᬜᬢ᭄ᬯᬬᬂ᭞
[ ᭒᭓ 23A]
ᬳᬶᬦ᭄ᬥᬶᬓ᭄ᬤ᭄ᬬᬄᬧᬹᬚᬵᬯᬢᬶ᭞ᬫᬳᬦ᭄ᬦᭂᬧᬸᬓᬶᬦ᭄ᬦᬓ᭄ᬮᬦᬂ᭞ᬦᬶᬓᬫᬗ᭄ᬓᬶᬦ᭄ᬦᬦᬵᬓ᭄ᬳᬮᬶᬄ᭟᭠ᬫᬮᬶᬄᬯᬾᬦ᭄ᬢᭂᬦ᭄ᬦᬶᬫ᭄ᬩᬮ᭄ᬳᬢᬹᬃ᭞ᬲᬶᬗ᭄ᬕᬶᬄᬭᬢᬸᬲᬂᬫᬳᬵᬃᬱᬶ᭞ᬜᬤ᭄ᬬᬢᬶᬢ᭄ᬬᬂᬧᬘᬂᬗ᭠
ᬬᬄ᭞ᬲᬭᬢ᭄ᬦᬾᬫᬗ᭄ᬓᬶᬦ᭄ᬗᬸᬮᬢᬶ᭞ᬓᬾᬯᬦ᭄ᬢᭂᬦ᭄ᬯᬾᬦ᭄ᬢᭂᬦ᭄ᬮᬸᬗ᭄ᬲᬸᬭᬂ᭞ᬲᬧᬸᬦᬧᬶᬫ᭠ᬓᬵᬘᬶᬭᬶ᭟ᬫᬮᬶᬄᬯᬾᬦ᭄ᬢᭂᬦ᭄ᬫᬵᬢᬹᬃᬕᬸᬬᬸ᭞ᬩᬗ᭄ᬕᬬᬂᬢᬶᬢ᭄ᬬᬂᬗᬸᬮᬢᬶ᭞ᬬᬤ᭄ᬬᬦ᭄ᬫᬲᭂ᭠
ᬮᬢ᭄ᬲᬵᬕᬭ᭞ᬦᬧᬶᬫᬮᬶᬄᬩᬦ᭄ᬢᬲ᭄ᬩᬸᬓᬶᬢ᭄᭞ᬯᬶᬢ᭄ᬲᬓᬶᬂᬕᬸᬭᬸᬲᬸᬰ᭄ᬭᬸᬱ᭞ᬤᬶᬚᬵᬫᬮᬶᬄᬜᬶᬳ᭄ᬦᬩᬵᬓ᭄ᬢᬶ᭞ᬯᬳᬸᬲ᭄ᬧᬸᬦᬶᬓᬵᬳᬢᬹᬃ᭞ᬯᬶᬱ᭄ᬬᬦᬾᬯᬳᬸᬓᬓᬮᬶᬄ᭞
ᬲᬂᬦᬭᬲᭀᬫᬫᬦᬶᬫ᭄ᬩᬮ᭄᭞ᬗᬢ᭄ᬧᬤᬯᬵᬢᬸᬃᬫᬫᬦᬶᬲ᭄᭞ᬲᬶᬗ᭄ᬕᬶᬄᬭᬢᬸᬲᬂᬧᬗᭂᬫ᭄ᬧ᭄ᬯᬦ᭄᭞ᬲᬵᬫ᭄ᬧᬸᬭᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭟ᬬᬾᬦ᭄ᬓᬗ᭄ᬓᬢ᭄ᬢᬶᬢ᭄ᬬᬂᬫᬗ᭄ᬮᬸᬗ᭄ᬲᬸᬃ᭞ᬧᬸᬢ᭄ᬭ
Kaca:Bali-lontar-paparikan-narasoma-550ppi.pdf/23
Kaca puniki sampun kauji-wacén
