[ ᭑᭙ 19B]
᭑᭙᭞
ᬧᬹᬚᬯᬢᬶ᭞ᬤᬶᬦᬶᬤᬶᬢᭂᬩᬾᬦ᭄ᬫᬗᬓ᭄᭞ᬲᬫ᭄ᬩᬶᬮᬂᬫᭂᬘᬶᬓᬶᬦ᭄ᬩᬢᬶᬲ᭄᭞ᬳᬤᬦᬾᬮᬓᬃᬢᬓᭀᬦᬂ᭞ᬩᬧᬢᭂᬓᬾᬦᬶᬂᬳᬶᬘᭂᬦᬶᬂ᭟ᬤᬤᬶᬩᬸᬓᬘᬭᬲᬸᬂᬲᬸᬢ᭄᭞ᬲᭂᬩᭂᬂᬳᬶᬤᬾᬯ᭄ᬯ
ᬦᬚᬦᬶ᭞ᬚ᭄ᬜᭂᬂᬢᭀᬤᬶᬧᬸᬯᬋᬕᬦ᭄᭞ᬢ᭄ᬮᬄᬦᬾᬧᬘᬂᬍᬩᭂᬗᬶᬦ᭄᭞ᬫᬶᬲᬶᬩ᭄ᬳᬤᬦᬾ᭠ᬮᬶᬬᬦᬦ᭄᭞ᬫᬗᬃᬤ᭄ᬥᬶᬳᬶᬥᭂᬧᬾᬯᬶᬗᬶᬢ᭄᭟ᬳᬶᬦ᭄ᬥᬬᬂᬢᬸᬢᬸᬭᬂᬫᬮᬸ᭞ᬢᬯᬂᬩᬧᬢᬢᬲ᭄ᬳᬸᬦᬶᬂ
᭞ᬢ᭄ᬓᬾᬦ᭄ᬦᬾᬫᬸᬮᬵᬲᭂᬩᭂᬢᬂ᭞ᬳᭀᬭᬳᬂᬤᬾᬯ᭄ᬯᬧᬂᬧᬲ᭄ᬢᬶ᭞ᬲᬶᬦᬩᬧᬫᬜᬶᬤ᭄ᬥᬬᬂ᭞ᬫᬢᬸᬮᬸᬂᬧᬘᬂᬗ᭄ᬮᬫ᭄ᬧᬳᬶᬦ᭄᭟ᬤ᭄ᬬᬄᬧᬹᬚᬵᬯᬢᬶᬳᬸᬫᬵᬢᬹᬃ᭞ᬲᬶᬗ᭄ᬕᬶᬄᬭᬢᬸᬲᬂᬫᬳᬵᬃᬱᬶ
ᬩᭀᬬᬤᬕᬶᬂᬧ᭄ᬭᬦ᭄ᬢᭂᬦᬦ᭄᭞ᬦᬾᬗᬯᬶᬦᬂᬲᬧᬸᬦᬶᬓᬶ᭞ᬓᬾᬫᬤ᭄ᬚᬶᬢ᭄ᬬᬂᬫᬗᬢᬸ᭠ᬭᬂ᭞ᬭᬶᬂᬩᬸᬓ᭄ᬧᬤ᭄ᬥᬦ᭄ᬲᬂᬫᬳᬵᬃᬱᬶ᭟ᬗᬸᬚᬂᬓᬾᬢᭀᬘ᭄ᬦᬶᬂᬳᬬᬸ᭞ᬢ᭄ᬕᭂᬃᬳᭀᬭᬳᬂᬦᬾᬚᬦᬶ᭞
[ ᭒᭐ 20A]
ᬫᬸᬂᬧᬸᬂᬤᬾᬯᬓ᭄ᬧᬤᬤ᭄ᬯᬬᬦ᭄᭞ᬲᬶᬂᬳᬤᬳᬦᬓ᭄ᬦᭂᬧᬸᬓᬶᬦ᭄᭞ᬳᬧᬩᬸᬯᬶᬦ᭄ᬓᬓ᭄ᬮᬶᬤᬂ᭞ᬚ᭄ᬮᬾᬫ᭄ᬮᬄᬭᬕᬦ᭄ᬘᭂᬦᬶᬂ᭟ᬢᬧᬦᬾᬧᬢᬸᬢ᭄ᬢᬳᬸ᭞ᬲᬶᬂᬚᬳᬦᬓ᭄ᬗᬫᬮᬸᬯᬶᬦ᭄᭞ᬦ
ᬯᬂᬢ᭄ᬓᬾᬦ᭄ᬮᬘᬹᬃᬧᬦᬓ᭄᭞ᬯᬶᬭᬾᬄᬳᬶᬭᬭᬫᬳᬸᬕᬶ᭞ᬫᬤᬾᬯᬾᬓ᭄ᬕᬸᬭᬸᬭᬸᬧᬓᬵ᭞ᬗᬭᬸᬧᬓᬵᬳᬮᬮᬸᬯᬶᬄ᭟ᬲᬗᬤ᭄ᬬᬄᬫᬵᬢᬹᬃᬗᬸᬦ᭄ᬢᬸᬓ᭄᭞ᬲᭂᬦ᭄ᬤᬸᬫᬲᭂᬫᬸᬓᬩᬶᬮ᭄ᬩᬶᬮ᭄᭞ᬲᬶᬗ᭄ᬕᬶᬄᬳ᭠
ᬚᬶᬲᬲᬸᬳᬸᬦᬦ᭄᭞ᬮᬶᬦ᭄ᬢᬂᬲ᭄ᬯᬾᬘᬓᬤᬶᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬧᭀᬮᬶᬄᬫᬫᬗ᭄ᬕᬸᬳᬗ᭄ᬕᬸᬳᬂ᭞᭠ᬭᬶᬓᬸᬩᭀᬦ᭄ᬳᬦᬓ᭄ᬫᬸᬯᬦᬶ᭟ᬚᬂᬚᬂᬚᬯ᭄ᬧ᭄ᬭᬄᬫᬸᬧᬸᬢ᭄ᬩᬕᬸᬲ᭄᭞ᬓ᭄ᬮᬸᬲ᭄ᬫᬾᬦᬓ᭄ᬳᬍᬧ᭄ᬭᬶᬭᬶᬄ᭞ᬢ
ᬦ᭄ᬧᬾᬦ᭄ᬤᬄᬲᬗ᭄ᬳ᭄ᬬᬂᬲ᭄ᬫᬭᬵ᭞ᬲᬵᬫ᭄ᬧ᭄ᬮᬄᬢᬦ᭄ᬯᬾᬦ᭄ᬢᭂᬦ᭄ᬦᬦ᭄ᬤᬶᬗᬶᬦ᭄᭞ᬭᬱᬧᬶᬂᬲᬧ᭄ᬢᬫᬜ᭠ᬤ᭄ᬫ᭞ᬦᬯᬶᬢᬦ᭄ᬲᬶᬤ᭄ᬥᬓᬧᬗ᭄ᬕᬶᬄ᭟ᬫᬗ᭄ᬓᬶᬦ᭄ᬢᬶᬢ᭄ᬬᬂᬫᬗᬮᬸᬗ᭄ᬲᬹᬃ᭞ᬫᬗ᭄ᬤᬮᬾᬤᬂᬚᬵᭂᬂᬲᬂᬋᬱᬶ᭠
Kaca:Bali-lontar-paparikan-narasoma-550ppi.pdf/20
Kaca puniki sampun kauji-wacén
