Kaca:Bali-lontar-paparikan-bagus-umbara-01-250ppi.pdf/99

Saking Wikisource
Kaca puniki sampun kauji-wacén

[᭙᭘ 98B]
᭙᭘
ᬤᬶᬦᬶᬳᬶᬄᬯᭀᬂᬓᬫ᭄ᬧᬸᬂ᭞ᬭᬤᬾᬦ᭄ᬕᬮᬸᬄᬭᬸᬡ᭄ᬝᬶᬓ᭄ᬧᬶᬲᬦ᭄᭞ᬳᬲ᭄ᬫᬸᬭᬶᬫ᭄ᬭᬶᬫ᭄᭞ᬲᬶᬜᬢᬾᬢᭀᬜᬦ᭄ᬓᬢᬧᬂ᭟ᬥᬹᬄᬢᬶᬢ᭄ᬬᬂᬢᭀᬜᬦ᭄ᬓᬢᬧᬂ᭞ᬧᬸᬦ᭄ᬲ᭄ᬫᬃᬤᬶᬢᬸᬗᬺᬄᬕᭂᬳᬶᬦ᭄᭞ᬩᬬᬦ᭄ᬲᬗ᭄ᬕᬶᬢ᭄ᬧᬩ᭄ᬮᭂᬲᬢ᭄᭞ᬭᬤᬾᬦ᭄ᬕᬮᬸᬄᬢ᭄ᬯᬭᬓᬾᬗ᭄ᬕᬸᬄ᭞ᬲᬕᬾᬢ᭄ᬲᬵ
ᬫ᭄ᬧᬸᬦ᭄ᬢᬢᬲ᭄ᬕᬮᬂ᭞ᬓᬢᭀᬦ᭄ᬫᬗ᭄ᬓᬶᬦ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶᬩᬸᬓᬵᬤᬾᬯ᭄ᬯ᭟ᬭᬳᬤᬾᬦ᭄ᬕᬮᬸᬄᬫᬜᬕ᭄ᬚᬕ᭄᭞ᬫᬜᬳᬸᬧ᭄ᬮᬦ᭄ᬢ᭠ᬲ᭄ᬫᬮᬶᬗ᭄ᬕᬶᬄ᭞ᬭᬤᬾᬦ᭄ᬫᬦ᭄ᬢ᭄ᬭᬶᬫᭀᬚᬃᬳᬮᭀᬦ᭄᭞ᬲ᭄ᬯᬾᬳᬦ᭄ᬢᭀᬲ᭄ᬢᬶᬢ᭄ᬬᬂᬭᬢᬸ᭞ᬤᬶᬧᬲᬃᬧᬶᬦᬄᬤᬲ᭄ᬮᭂᬫᬄ᭞ᬦᭀᬭᬧ᭄ᬭᬧ᭄ᬢᬶ᭞ᬜᬳ
ᬦ᭄ᬳᬦᬓ᭄ᬳᬓᬾᬄᬢ᭄ᬓᬵ᭟ᬲᬶᬲᬶᬧ᭄ᬧᬶᬲᬦ᭄ᬫᬗ᭄ᬓᬶᬦ᭄ᬢᬶᬢ᭄ᬬᬂ᭞ᬲ᭄ᬯᬾᬘᬦ᭄ᬩᭂᬮᬶᬦᬾᬦᬾᬫᬗ᭄ᬓᬶᬦ᭄᭞ᬤᬾᬭᬾᬂᬲ᭄ᬧᬶᬳ᭄ᬬᬤᬶᬚ᭄ᬭᭀ᭞ᬳᭂᬗ᭄ᬓᬾᬦ᭄ᬳᬫ᭄ᬩᬄᬢᬶᬢ᭄ᬬᬂᬧᬸᬭᬸᬦ᭄᭞ᬬᬦ᭄ᬩᭂᬮᬶᬦᬸᬮᬸᬲᬶᬂᬳᬶᬘᬵ᭞ᬫᬫᭀᬗᭀᬭᬶᬦ᭄᭞ᬦᬤ᭄ᬬᬦ᭄ᬓᬬᬸᬦ᭄ᬮ᭄ᬯᬶᬄᬗᬦ᭄ᬤᬶᬓᬵ᭟᭠
ᬢᬶᬢ᭄ᬬᬂᬯᬦ᭄ᬢᬄᬗ᭄ᬮᭂᬩᬸᬃᬳᬯᬓ᭄᭞ᬍᬫᬄᬯ᭄ᬗᬶᬢᬶᬢ᭄ᬬᬂᬲ᭄ᬤᬶᬄ᭞ᬲᬓᬯᭀᬦᬶᬦ᭄‌ᬩ᭄ᬮᬶᬋᬓᭀ᭞ᬲᬳᬸᬲᬦ᭄ᬢᬶᬢ᭄ᬬᬗᬾᬜᬶ᭠ᬫ᭄ᬩᬸᬄ᭞ᬗ᭄ᬮᬯᬸᬢ᭄ᬲᬓᬶᬢ᭄ᬧᬶᬲᬦ᭄ᬧ᭄ᬚᬄ᭞ᬓᬢᬦ᭄ᬤᬗᬶᬦ᭄᭞ᬫᬗ᭄ᬓᬶᬦ᭄ᬢᬶᬢ᭄ᬬᬂᬫᬦᬸᬢᬸᬕᬂ᭟ᬦᬤ᭄ᬬᬦ᭄ᬳᬗ᭄ᬕᬾᬦ᭄‌ᬩ᭄ᬮᬶᬧᬜ᭄ᬚᬓ᭄᭞ᬢᬶᬢ᭄ᬬᬂ

[᭙᭙ 99A]
᭙᭙
ᬗᬶᬭᬶᬂᬓᬬᬸᬦ᭄ᬩᭂᬮᬶ᭞ᬭᬤᬾᬦ᭄ᬫᬦ᭄ᬢ᭄ᬭᬶᬫᭀᬚᬃᬳᬮᭀᬦ᭄᭞ᬲᬵᬫ᭄ᬧᬸᬦᬂᬗᭂᬦ᭄ᬤᬶᬓᬵᬭᬢᬸ᭞ᬗ᭄ᬮᬯᬸᬢ᭄ᬲᬓᬶᬢ᭄ᬧᬶᬲᬦ᭄ᬧ᭄ᬚᬄ᭞ᬓᬗᭂᬦ᭄ᬢᬶᬢ᭄ᬬᬂᬫᬶᬭᬕ᭄ᬬᬂ᭞ᬫ᭄ᬦᭂᬂᬫᬗ᭄ᬓᬶᬦ᭄᭞ᬫᬭᬶᬓᬶᬭᬢᬸᬫᬳᭂᬫ᭄ᬩᬦ᭄᭟ᬢᬸᬫᬸᬮᬶᬄᬭᬭᬶᬲ᭄ᬓᬳᭂᬫ᭄ᬩᬦ᭄᭞ᬳᬗᬭᬲ᭄ᬧᬶᬧᬶᬳᬮᬶᬗ᭄ᬕᬶᬄ᭞ᬓ
ᬥᬾᬳᬦᬾᬧᬥᬩᭂᬗᭀᬂ᭞ᬲᬸᬩᬳᬢᬶᬦ᭄ᬜᬕᬸᬫᬸᬬᬸ᭞ᬓᬢᭀᬦ᭄ᬓᬤᬶᬳ᭄ᬫᬲ᭄ᬫᬶᬭᬄ᭞ᬯᬸᬲ᭄ᬫᬲᬗ᭄ᬮᬶᬂ᭞ᬓᬲᬸᬦ᭄ᬤᬭᬦ᭄ᬤᬾᬦᬶᬂᬲᬹᬃᬬ᭄ᬬ᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓᬵ᭞ᬫᬗᬸᬤ᭄ᬬᬂᬮᬦᭂᬢ᭄ᬳᬶᬭᬶᬓᬶ᭞ᬦᬯᬶᬓᬢᬸᬤᬸᬳᬦ᭄ᬫᬗ᭄ᬓᭀ᭞ᬢᬶᬢ᭄ᬬᬂᬳᬚ᭄ᬭᬶᬄᬭᬶᬂᬲᬂᬧ᭄ᬭᬪᬸ᭞ᬬᬾᬦ᭄ᬮ᭄ᬬ᭠
ᬭᬶᬂᬳᬚᬶᬦ᭄ᬳᬶᬤᬾᬯ᭄ᬯ᭞ᬢᬶᬢ᭄ᬬᬂᬯᬦᬶ᭞ᬦᬤ᭄ᬬᬦ᭄ᬲᬢᬓᬶᬂᬦᬵᬕᬭ᭟ᬢᬸᬫᬸᬮᬶᬄᬩᬗᬸᬦ᭄ᬲᬋᬗᬦ᭄᭞ᬫ᭄ᬤᬦ᭄ᬤᬦ᭄ᬢᬗᬦ᭄ᬫᬫᬵᬃᬕ᭄ᬕᬶ᭞᭠ᬭᬭᬶᬲ᭄ᬓᬧᬲᬶᬲᬶᬗᭀᬚᭀᬕ᭄᭞ᬓᬤᬾᬳᬦᬾᬲᬫᬶᬦᬸᬢᬸᬢ᭄᭞ᬭᬯᬸᬄᬭᬶᬂᬳᭂᬜ᭄ᬘᬳᬦ᭄ᬳᭀᬫ᭄ᬩᬓ᭄᭞ᬩᬬᬦ᭄ᬲᬗ᭄ᬕᬶᬢ᭄᭞ᬲ᭠
ᬫᬶᬧᬥᬫᬭᬵᬃᬬ᭄ᬬᬦ᭄᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓᬵ᭞ᬲᬧᬸᬦᬧᬶᬳᬦ᭄ᬢᬸᬓ᭄ᬫᬗ᭄ᬓᬶᬦ᭄᭞ᬫᬃᬕᬶᬗᬮᬶᬄᬤᬬᬋᬓᭀ᭞ᬭᬭᬶᬲᬂᬭᬯᭀᬲᬂᬭᬢᬸ᭞ᬳᬧᬂᬤᬦᬶᬜ᭄ᬘᬧ᭄ᬩᬳᬶᬢᬵ᭞ᬧ᭄ᬭᬧ᭄ᬢᬾᬂᬩᬵᬮᬶ᭞ᬫᬗ᭄ᬤᬾᬦᬸᬳᬸᬢ᭄ᬫᬃᬕ᭄ᬕᬫ᭄ᬮᬄ᭟ᬧᬸᬦᬶᬓᬵᬢᬸᬦᬲᬂᬢᬶᬢ᭄ᬬᬂ᭞ᬭᬯᭀ