Kaca:Bali-lontar-paparikan-bagus-umbara-01-250ppi.pdf/98

Saking Wikisource
Kaca puniki sampun kauji-wacén

[᭙᭗ 97B]
᭙᭗
ᬦ᭄ᬫᬦ᭄ᬢ᭄ᬭᬶᬓᭀᬘᬧ᭞ᬓᭂᬜᬸᬂᬓᭂᬜᬸᬂᬲᬤ᭄ᬥᬜᬫ᭄ᬧᬶᬂ᭞ᬫᭂᬦ᭄ᬤᭂᬧ᭄ᬤᬶᬢᬸᬓᬓᬵᬲ᭄ᬫᬃ᭞ᬧᬤᬶᬗᭂᬳᬂᬭᬤᬾᬦ᭄ᬕᬮᬸᬄ᭞ᬤᬾᬦᬶᬂᬤᬦᬾᬮᬶᬦ᭄ᬢᬂᬯᬶᬓᬦ᭄᭞ᬫᬶᬭᬶᬩ᭄ᬚᬦᬶ᭞ᬳᭂᬗ᭄ᬓᬾᬦ᭄ᬓᬾᬳᬾᬗ᭄ᬕᬮᬦ᭄ᬚᭂᬗᬄ᭟ᬓᬾᬦᬾᬭᬱᬦ᭄ᬜᬦᬾᬲᬸᬩᬵ᭞ᬲ᭄ᬤᬸᬓᬦ᭄ᬦᬶᬭᬦᬾᬲᬓᬶ
ᬢ᭄᭞ᬬᬾᬦ᭄ᬚᬦᬶᬫᬸᬮᬶᬄᬓᬚ᭄ᬭᭀ᭞ᬲᬸᬩᬵᬢ᭄ᬯᬭᬧᬘᬂᬫᬗ᭄ᬓᬸᬄ᭞ᬚ᭄ᬗᬄᬗᬸᬲᬧᬸᬲᬧ᭄ᬯᬱ᭄ᬧ᭞ᬲᬶᬗ᭄ᬕᬶᬄᬯ᭄ᬬᬓ᭄ᬢᬶ᭞ᬳᬶᬘᬾᬦ᭄ᬤᭀᬂᬢᬶᬢ᭄ᬬᬂᬗ᭄ᬮᬳᬂ᭟ᬳᬦᬓ᭄ᬢᬶᬢ᭄ᬬᬂᬢ᭄ᬯᬄᬫᬓᬵᬃᬫ᭄ᬫ᭞ᬳᬧᬂᬢᬶᬢ᭄ᬬᬂᬫᬫᬺᬢᬾᬓᬶ᭞ᬳ᭄ᬦᬄᬚ᭄ᬯᬳᭂᬦ᭄ᬢᭀᬳᬶᬘᭀᬦ᭄ᬤᭀᬂ᭞ᬮᬯᬸ
ᬢ᭄ᬫᬩᬸᬜ᭄ᬘᬶᬂᬩᬶᬦ᭄ᬢᭂᬮᬸᬦ᭄᭞ᬭᬳᬤᬾᬦ᭄ᬤᬾᬯᬶᬫᬫᬵᬃᬕ᭄ᬕᬵ᭞ᬢᬦ᭄ᬧᬦᭀᬮᬶᬄ᭞ᬓᬾᬲᬄᬭᬶᬂᬧᬲᬃᬲᬕᬺᬳᬦ᭄᭟ᬢᬸᬫᬸᬮᬶᬄᬫᬫᬃᬕᬶᬕᬶᬭᬂ᭞ᬭᬭᬶᬲ᭄‌ᬗᭀᬚᭀᬕ᭄ᬓᬧᬲᬶᬲᬶ᭞ᬫᬦᬸᬳᬸᬢ᭄ᬩᬶᬬᬲ᭄ᬫᬭᬾᬭᭀᬤ᭄᭞ᬲᬕᬾᬢ᭄ᬕᬮᬂᬯᬾᬢᬦ᭄ᬲ
ᬫ᭄ᬧᬸᬦ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬫᬫᬵᬃᬕ᭄ᬕ᭞ᬓᬧᬲᬶᬲᬶ᭞ᬫᬮᬶᬗ᭄ᬕᬶᬄᬩᬢᬦ᭄ᬓᬢᬧᬂ᭟ᬤᬾᬦᬶᬂᬦ᭄ᬭᬸᬧᬸᬢ᭄ᬓᬭᬶᬲᬫᬵᬃ᭞ᬭᬳᬤᬾᬦ᭄ᬕᬮᬸᬄᬳᬦᬗᬶᬲ᭄᭞ᬓᬾᬦᬾᬢ᭄ᬫᬳᬦ᭄ᬜᬳᬶᬗᭀᬂ᭞ᬳᬯᬓ᭄ᬳᭂᬮᬸᬄᬧᬓ᭄ᬱᬓᬓᬸᬂ᭞ᬤᭀᬂᬓᬾᬚᬦᬶᬩᬜᬢᬸᬮᬄ᭞

[᭙᭘ 98A]
᭙᭘
ᬢ᭄ᬯᬄᬢᬦ᭄ᬤᬗᬶᬦ᭄᭞ᬳ᭄ᬜᬾᬦ᭄ᬚᬩᬓᬮ᭄ᬲᭂᬮ᭄ᬲᭂᬮᬂ᭟ᬚᬯᬢ᭄ᬫᬢᬶᬲᬶᬂᬲᬶᬂᬚᬮᬦ᭄᭞ᬜᬦ᭄ᬤᬂᬓᬳᬶᬫᬗ᭄ᬫᬲᬶᬦ᭄᭞ᬬᬾᬦ᭄ᬳᬸᬭᬶᬧᬾᬲᬸᬩᬳᭂᬚᭀᬄ᭞ᬳ᭄ᬤᬵᬬᬾᬦ᭄ᬫᬶᬘᬕᭂᬃᬳᬶᬤᬸᬧ᭄᭞ᬳᬯᬓ᭄ᬲᬸᬩᬵᬦᬶᬗ᭄ᬕᬮ᭄ᬤᬾᬰ᭞ᬚᭀᬄᬦᬾᬚᬦᬶ᭞ᬚᬮᬦ᭄ᬓᬾᬤᬶᬢᬸᬫᬭᬵᬃᬬ᭄ᬬ᭠
ᬦ᭄᭟ᬗᭀᬚᭀᬕ᭄ᬤᬶᬩᬢᬦ᭄ᬓᬢᬧᬂ᭞ᬓᬋᬧᬾᬤᬶᬢᬸᬫᬮᬶᬗ᭄ᬕᬶᬄ᭞ᬲᬕᬾᬢ᭄ᬓᬢᭀᬦ᭄ᬳᬦᬓ᭄‌ᬜᭀᬗ᭄ᬓᭀᬓ᭄᭞ᬭᬳᬤᬾᬦ᭄ᬕᬮᬸᬄᬢᬗ᭄ᬓᭂᬚᬸᬢ᭄᭞ᬓ᭄ᬫᬵᬢᭀᬩᬬᬦ᭄ᬧ᭄ᬤᬲᬂ᭞ᬳ᭄ᬬᬢᬓᭀᬦᬶᬦ᭄᭞ᬳ᭄ᬜᬾᬦ᭄ᬢᭀᬤᬶᬢᬸᬫᬗᬤᬂ᭟ᬤᬾᬦᬶᬂᬦ᭄ᬭᬸᬧᬸ᭠
ᬢ᭄᭞ᬢ᭄ᬓᬲᬫᬃ᭞ᬓᬾᬦ᭄ᬩᬬᬦ᭄ᬕᬸᬧᬸᬄᬜᬕ᭄ᬚᬕᬶᬦ᭄᭞ᬢ᭄ᬓᭂᬤ᭄ᬤᬶᬢᬸᬬᬫᬢᬓᭀᬦ᭄᭞ᬳ᭄ᬜᬾᬦ᭄ᬤᬶᬦᬶᬫ᭄ᬓᬳᬤ᭄ᬫᬮᬸ᭞ᬳᬦᬓᬾᬳᬕᬸᬂᬫᬭᬵᬃᬬ᭄ᬬᬦ᭄᭞ᬳ᭄ᬤᬵᬤᬶᬦᬶ᭞ᬭᬤᬾᬦ᭄ᬫᬦ᭄ᬢ᭄ᬭᬶᬲ᭄ᬫᬸᬳᬶᬘᬵ᭟ᬬᬾᬦ᭄ᬤᬦᬾᬓᬬᬸᬦ᭄ᬫᬭᬵᬃᬬ᭄ᬬᬦ᭄᭞ᬳᬢᬸᬭᬶᬦ᭄ᬤᬦᬾᬫᬭᬶᬓᬶ᭞ᬫ᭄ᬦᬯᬶ
ᬤᬦᬾᬓᬍᬲᭀᬦ᭄᭞ᬭᬸᬡ᭄ᬝᬶᬓᬾᬦ᭄ᬩᬬᬦ᭄ᬫᬯᬦ᭄ᬢᬸ᭞ᬤᬸᬄᬤᬾᬯ᭄ᬯᬢᬶᬢ᭄ᬬᬂᬮᬯᬜ᭞ᬚᬢ᭄ᬫᬵᬫᬸᬗᬶᬮ᭄᭞ᬭᬳᬤᬾᬦ᭄ᬕᬮᬸᬄᬫᬜᬕ᭄ᬚᬕ᭄᭟ᬯ᭄ᬯᬂᬳᬧᬫᬫᬦ᭄ᬤᬶᬦᬶᬦ᭄ᬕᬓ᭄᭞ᬯ᭄ᬯᬂᬓᬫ᭄ᬧᬸᬂᬫᬫᬦ᭄ᬓᬾᬤᬶᬦᬶ᭞ᬚ᭄ᬦᭂᬂᬓᬸᬯᬮ᭄ᬚᬤᬶᬕ᭄‌ᬗᬾᬜᭀᬃ᭞ᬥᬸᬄᬤᬵ