[᭘᭙ 89B]
᭘᭙
ᬧ᭄ᬭᬕᬶᬡᬦᬾᬯᬸᬯᬸᬲ᭄ᬫᬗ᭄ᬓᬶᬦ᭄᭞ᬲ᭄ᬓᬦ᭄ᬜᬦᬾᬧ᭄ᬭᬧ᭄ᬢᬋᬓᭀ᭞ᬗᬯᬕᬕᬫᭂᬮᬦ᭄ᬓᬢᬸᬂ᭞ᬲᬸᬮᬶᬂᬓᬾᬘᬾᬓ᭄ᬮᬯᬦ᭄ᬋᬩᬤ᭄᭞ᬓᭂᬫ᭄ᬧᬸᬮ᭄ᬫᬮᬶᬄ᭞ᬕᭂᬦ᭄ᬤᬾᬃᬓᬮᬯᬵᬦ᭄ᬕᭂᬦ᭄ᬢᭀᬭᬕ᭄᭟ᬕᬫᭂᬮᬦᬾᬫᬭᬫ᭄ᬤᬮ᭄᭞ᬦᬾᬤ᭄ᬫᭂᬦ᭄ᬗᬕᭂᬦ᭄ᬫᬩᬮᬶᬄ᭞ᬓᬭᬶᬓᬸᬫ᭄ᬧᬸᬮ᭄ᬭᬶᬂᬚᬸᬫᬄᬜ᭞
ᬗ᭄ᬭᬯᭀᬲᬂᬫᬩᬮᬶᬄᬕᬫ᭄ᬩᬸᬄ᭞ᬦᬾᬦᬾᬳᬾᬧᭀᬢ᭄ᬤᬶᬚᬸᬫᬄᬜ᭞ᬮᬸᬢ᭄ᬫᬫᬸᬜᬶ᭞ᬜᬦᬦ᭄ᬧᭂᬲᬸᬫᬩᬋᬗᬦ᭄᭟ᬕᬕᬫᭂᬮᬦᬾᬫᬰ᭄ᬯᬭᬵ᭞ᬤᬶᬩᬜ᭄ᬘᬶᬗᬄᬫᬗᬺᬋᬗᬶᬄ᭞ᬢᬢᬩᬸᬳᬦ᭄ᬜᬦᬾᬳᬮᭀᬦ᭄᭞ᬘᬘᭂᬧᬸᬓᬾᬲᬫᬶᬳᬮᬸᬲ᭄᭞ᬲᬫᬶᬯᬶᬓᬦ᭄ᬭᬶᬂᬯᬗ᭄ᬲᬶ
ᬢᬵ᭞ᬘᭂᬩᬹᬃᬲᬸᬮᬶᬂ᭞ᬢᬢᭂᬓᭂᬧᬾᬲᬵᬫ᭄ᬧᬸᬦ᭄ᬧ᭄ᬭᬕᬢ᭄᭟ᬫᬲ᭄ᬭᬸᬯᬶᬂᬲᬋᬗᬶᬦ᭄ᬋᬩᬤ᭄᭞ᬓᭂᬫ᭄ᬧᬸᬮ᭄ᬜᬦᬾᬓᬸᬫᬮᬶᬮᬶᬢ᭄᭞ᬓᬾᬘᬾᬓ᭄ᬕᭂᬦ᭄ᬤᬾᬭᬾᬫᬗᬶᬬᭀᬂ᭞ᬕᬕᬸᬧᭂᬓᬦ᭄ᬲᬵᬫ᭄ᬧᬸᬦ᭄ᬧᬳᬸᬢ᭄᭞ᬦᬾᬫᬓᬚᬃᬩᬳᬸᬤ᭄ᬧᬶᬲᬦ᭄᭞ᬫᬜ᭄ᬮᬕᬶᬦ᭄᭞ᬕᭂᬦ᭄ᬢᭀᬭᬕ᭄᭠
ᬫᭂᬲ᭄ᬫᬰ᭄ᬯᬭᬵ᭟ᬲ᭄ᬯᬭᬦ᭄ᬜᬦᬾᬍᬗᭂᬂᬧᬶᬲᬦ᭄᭞ᬲᬶᬂᬗ᭄ᬭᬸᬗᬸᬕᬶᬭᬂᬫᬩᬮᬶᬄ᭞ᬘ᭄ᬭᬶᬓ᭄ᬓ᭄ᬮᬶᬄᬮᬦᬂᬯᬤᭀᬦ᭄᭞ᬲᭂᬲᭂᬓ᭄ᬯᭀᬂᬳᬶᬲ᭄ᬢ᭄ᬭᬶᬲᬸᬧ᭄ᬦᬸᬄ᭞ᬲᬲᬢᬗᬾᬯᬳᬸᬫ᭄ᬤᬮ᭄᭞ᬦᬾᬫᬫᬸᬢ᭄ᬭᬶ᭞ᬲᬫᬶᬯᬸᬲᬫ᭄ᬧᬸᬦ᭄ᬫᬧᬬᬲ᭄᭟ᬦᬸᬮ᭄ᬬᬲᬵᬫ᭄ᬧᬸᬦ᭄ᬤᬯᬸᬄᬢᬶᬕ᭞ᬫᬾᬦ᭄ᬩᭂᬓᬸᬂ᭠
[᭙᭐ 90A]
᭙᭐
ᬫᭂᬲᬾᬄᬳᬕ᭄ᬮᬶᬲ᭄᭞ᬫᬵᬢᬹᬃᬭᬶᬂᬭᬳᬤ᭄ᬬᬦ᭄ᬋᬓᭀ᭞ᬥᬸᬄᬤᬾᬯᬦ᭄ᬢᬶᬢ᭄ᬬᬂᬳᬶᬭᬢᬸ᭞ᬢᬶᬢ᭄ᬬᬂᬧᬫᬶᬢ᭄ᬫᬗ᭄ᬓᬶᬦ᭄ᬫᭂᬤᬮ᭄᭞ᬢᬶᬢ᭄ᬬᬂᬫᬩᬮᬶᬄ᭞ᬫᬗ᭄ᬭᬭᬶᬲ᭄ᬢᬶᬢ᭄ᬬᬂᬓᬧᬸᬭᬵ᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓᬵ᭞ᬯᬘᬡᬳᬭᬸᬫ᭄ᬫᬫᬦᬶᬲ᭄᭞ᬳᬶᬗ᭄ᬕᬶᬄᬩᬶᬩᬶᬫᬃᬕ᭄ᬕᬶᬫᬗ᭄ᬓᭀ
᭞ᬳᬶᬭᬚᬦᬶᬧᭂᬲᬸᬗᬫ᭄ᬩᬸᬄ᭞ᬗᬶᬦ᭄ᬤᬭᬗᬶᬦ᭄ᬫᬳᬶᬕ᭄ᬮᬦ᭄᭞ᬫᬜᭂᬮᬸᬩᬶᬦ᭄᭞ᬫᬾᬦ᭄ᬩᭂᬓᬸᬂᬭᬯᬸᬄᬭᬶᬗᬯᬦ᭄᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬫᬫᬵᬃᬕ᭄ᬕᬵ᭞ᬧᬢᬶᬄᬧᬸᬦ᭄ᬲ᭄ᬫᬃᬫᬗᬶᬭᬶᬂ᭞ᬫᬫᬵᬃᬕ᭄ᬕᬶᬧᭀᬮᬄᬢᬦ᭄ᬳᬮᭀᬦ᭄᭞ᬤᬾᬄᬦᬶᬭᬕᬕᬦᬾᬓᬧᬸᬢ᭄᭞ᬳᬶᬧᬢᬶᬄᬗᭂᬮᬸᬲ᭄ᬗ᭠
ᬢᬸᬭᬂ᭞ᬦᬸᬚᬸᬲ᭄ᬧᬶ᭞ᬧ᭄ᬭᬧ᭄ᬢᬾᬂᬫᬭᬶᬂᬚᬫᬶᬦ᭄ᬢᭀᬭᬵ᭟ᬯᬳᬸᬧ᭄ᬭᬧ᭄ᬢᬭᬶᬂᬧᬫ᭄ᬧᬢᬦ᭄᭞ᬢᬦ᭄ᬯᬾᬦ᭄ᬢᭂᬦ᭄ᬚᬢ᭄ᬫᬓᬧᬗ᭄ᬕᬶᬄ᭞ᬭᬤᬾᬦ᭄ᬫᬦ᭄ᬢ᭄ᬭᬶᬫᬦ᭄ᬧᬓ᭄ᬩᬳᬲ᭄᭞ᬓ᭄ᬫᬵᬗᭂᬢᬸᬲ᭄ᬳᭂᬤᭀᬦ᭄ᬓᬬᬸ᭞ᬲᬵᬫ᭄ᬧᬸᬦ᭄ᬤᭂᬓ᭄ᬤᭂᬓ᭄ᬬᬧᭂᬳᭂᬲᬂ᭞ᬢᬸᬃᬫ᭄ᬚᬗᬶᬦ᭄᭞ᬤᬶᬓᭀᬧᬶᬂᬫᬶᬯᬄᬤᬶᬫᬢᬵ᭟ᬫᬶ
ᬭᬶᬩ᭄ᬧ᭄ᬮᬾᬓ᭄ᬫᬶᬭᬶᬩ᭄ᬘᬸᬋᬓ᭄᭞ᬭᬸᬧᬦᬾᬗᭂᬤᭂᬕᬂᬳᬢᬶ᭞ᬢᬫ᭄ᬧᭂᬓ᭄ᬭᬶᬂᬩᬜ᭄ᬘᬶᬗᬄᬋᬓᭀ᭞ᬕᬕᬫᭂᬮᬦᬾᬳᬗ᭄ᬮᬗᬸᬦ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬵ᭞ᬲᭀᬃᬯᬭᬶᬗᬶᬦ᭄᭞ᬭᬭᬶᬲ᭄ᬤᬦᬾᬫᬗᬦ᭄ᬤᬶᬓᬵ᭟ᬓ᭄ᬫᬵᬤᬶᬢᬸᬧᬥᬵᬦ᭄ᬕᬓ᭄᭞ᬧᬸᬦ᭄ᬤᬸᬳᬂᬤᬶᬲᬵᬫ᭄ᬧᬶᬂ
