Kaca:Bali-lontar-paparikan-bagus-umbara-01-250ppi.pdf/88

Saking Wikisource
Kaca puniki sampun kauji-wacén

[᭘᭗ 87B]
᭘᭗
ᬥᬸᬄᬤᬾᬯ᭄ᬯᬓᭀᬭᬢᬸᬦ᭄ᬢᬶᬢ᭄ᬬᬂ᭞ᬳᬶᬢᭂᬮᬸᬦ᭄ᬳᬶᬧᬸᬦ᭄ᬓᬧᬹᬭᬶ᭞ᬗᬢᬸᬭᬂᬲ᭄ᬓᬃᬳᬲ᭄ᬮᭀᬂᬲᭀᬂ᭞ᬭᬶᬂᬳᬶᬤᬭᬳᬤᬾᬦ᭄ᬕᬮᬸᬄ᭞ᬳᬶᬤᬋᬓᬾᬮᬶᬦ᭄ᬢᬂᬮᬭᬵ᭞ᬲ᭄ᬤᬶᬄᬓᬶᬗ᭄ᬓᬶᬂ᭞ᬲᬳᬶᬫᬗᬗᭂᬦ᭄ᬳᬶᬤᬾᬯ᭄ᬯ᭟ᬦᬗᬶᬂᬩ᭄ᬬᬵᬦᬤᬵᬦᬓ᭄ᬦᬯᬂᬳᬶᬤᬾᬯ᭄ᬯᬲᬳᬶᬓᬳᬧ᭄ᬢᬶ᭞
ᬬᬦ᭄ᬢᬦ᭄ᬳᬶᬤᬦᬯᬂᬢᬭᭀ᭞ᬭᬶᬂᬭᬓᬦᬾᬮᬶᬦ᭄ᬢᬂᬢᬓᬸᬢ᭄᭞ᬚ᭄ᬭᬶᬄᬧᬶᬲᬦ᭄ᬫᬗ᭄ᬯᬾᬭᬬᬂ᭞ᬲᬧ᭄ᬭᬢᬾᬓᬶ᭞ᬭᬳᬶᬦᬾᬳᬸᬕᬶᬳᬸᬦᬶᬗᬵ᭟ᬦᬾᬫᬦᬶᬫᬾᬫᬾᬗᬚ᭄ᬭᭀᬯᬂ᭞ᬧᬋᬓ᭄ᬭᬶᬂᬭᬳᬤᬾᬦ᭄ᬤᬾᬯᬶ᭞ᬢᬸᬦᬲ᭄‌ᬲ᭄ᬯᬾᬘᬦ᭄ᬤᬦᬾᬋᬓᭀ᭞ᬳᬧᬂᬤᬦᬾ
ᬓᬬᬸᬦ᭄ᬧᭂᬲᬸ᭞ᬬᬦ᭄ᬤᬶᬚᬳᬵᬤᬦᬾᬲᬸᬓᬵ᭞ᬲ᭄ᬫᬬᬳᬶᬦ᭄᭞ᬦᬶᬭᬗᬦ᭄ᬢᬶᬲᬧ᭄ᬢᭂᬗᬵ᭟ᬳᬶᬗ᭄ᬕᬶᬄᬲᬵᬦ᭄ᬤᬶᬓᬦ᭄ᬳᬶᬤᬾᬯ᭄ᬯ᭞ᬩᬗ᭄ᬕᬬᬂᬢᬶᬢ᭄ᬬᬂᬓᬧᬸᬭᬶ᭞ᬫᬫᬋᬓ᭄ᬳᬶᬤᬤᬶᬚ᭄ᬭᭀ᭞ᬲᬫ᭄ᬩᬶᬢᬶᬢ᭄ᬬᬂᬗᬤᭂᬧ᭄ᬲᬦ᭄ᬢᬸᬦ᭄᭞ᬭᬶᬂᬚᭂᬭᭀᬧᬶᬚᭂᬭᬦ᭄ᬲ᭄ᬮᬵ᭞ᬜᬩ᭄ᬭᬦ᭄ᬯᭂᬗᬶ᭞ᬭᬳᬶ
ᬦᬵᬕᬫ᭄ᬩᬸᬄᬫᬲᭀᬮᬄ᭟ᬤᬸᬭᬸᬲᬂᬳᬶᬤᬾᬯ᭄ᬯᬫᬸᬗ᭄ᬕᬄ᭞ᬓᬧᬫᬺᬫᬦ᭄‌ᬦᬾᬦᬾᬫᬗ᭄ᬓᬶᬦ᭄᭞ᬯᭂᬗᬶᬳᬶᬤᬾᬯ᭄ᬯᬓᬍᬲᭀᬦ᭄᭞ᬦᬄᬓ᭄ᬫᬸᬚᬵᬩᬶᬩᬶᬩ᭄ᬓᬸᬂ᭞ᬫᬧᬫᬶᬢ᭄ᬭᬭᬶᬲ᭄ᬫᬜᬸᬫ᭄ᬩᬄ᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬲᬵᬫ᭄ᬧᬸᬦ᭄ᬫᬸᬗ᭄ᬕᬄᬓᬧᬫᬺᬫᬦ᭄᭟ᬭᬭᬶᬲ᭄ᬗᬘᭂᬧ᭄ᬭᬶᬂᬧ

[᭘᭘ 88A]
᭘᭘
ᬫᬺᬫᬦ᭄᭞ᬢᬦ᭄ᬮ᭄ᬬᬦ᭄ᬳᬶᬤᬵᬭᬤᬾᬦ᭄ᬤᬾᬯᬶ᭞ᬳᬶᬦᬯᬂᬢᬺᬗ᭄ᬖᬡᬋᬓᭀ᭞ᬓᬳᬶᬥᭂᬧ᭄ᬲᬋᬂᬳᬢᬸᬭᬸ᭞ᬯᬯᬸᬢᬸᬭᬸᬢᬸᬭᬸᬳ᭠ᬬᬫ᭄᭞ᬭᬱᬧ᭄ᬭᬧ᭄ᬢᬶ᭞ᬭᬤᬾᬦ᭄ᬕᬮᬸᬄᬫᬲᬋᬗᬦ᭄᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬢᬦ᭄ᬓᭀᬘᬧ᭄᭞ᬓᬯᬸᬯᬸᬲᭂᬦ᭄ᬭᬤᬾᬦ᭄ᬤᬾᬯᬶ᭞ᬲᬵ᭠
ᬫ᭄ᬧᬸᬦ᭄ᬤᬦᬾᬭᬶᬂᬧᬢᬸᬭᭀᬦ᭄᭞ᬲᬋᬂᬭᬳᬶᬦᬾᬳᬢᬸᬭᬸ᭞ᬯᬳᬸᬢᬸᬭᬸᬢᬸᬭᬸᬳᬬᬫ᭄᭞ᬭᬤᬾᬦ᭄ᬤᬾᬯᬶ᭞ᬲᬕᬾᬢ᭄ᬤᬦᬾᬫᬬᬸᬫ᭄ᬧ᭄ᬦᬵ᭟ᬭᬤᬾᬦ᭄ᬫᬦ᭄ᬢ᭄ᬭᬶᬓᬲᬸᬫ᭄ᬧ᭄ᬦᬬᬂ᭞ᬚᬸᬫ᭄ᬭᭀᬚᭀᬕ᭄ᬫᬗᬭᬶᬄᬳᬭᬶᬄ᭞ᬮᬓ᭄ᬱᬡᬫᬗᭂᬦ᭄ᬤᭀᬦ᭄ᬢᬸᬭᭀᬦ᭄᭞ᬯᬦᭂᬄ
ᬫᬳᬩᬶᬦᬢᬸᬭᬸ᭞ᬫᬓᬭᭀᬦ᭄ᬓᬫ᭄ᬧᬸᬄᬧᬶᬦ᭄ᬤᬜ᭞ᬫᬧᬸᬮᬶᬮᬶᬢ᭄᭞ᬭᬱᬜᬸᬲᬸᬧ᭄ᬕᬍᬂᬢᬶᬗ᭄ᬳᬮ᭄᭟ᬩᬗᬸᬦ᭄‌ᬢᬹᬃᬳᬢᬶᬜᬩᬸᬬᬃ᭞ᬫᬲᬲᬫ᭄ᬩᬢᬦ᭄ᬫᬦᬗᬶᬲ᭄᭞ᬘᬶᬗᬓ᭄ᬢᬶᬢ᭄ᬬᬂᬩ᭄ᬮᬶᬫᬗ᭄ᬓᭀ᭞ᬩᬬᬵᬢᬶᬢ᭄ᬬᬂᬫᬗ᭄ᬓᬶᬦ᭄ᬳᬶᬤᬸᬧ᭄᭞ᬩ᭄ᬮᬶᬢᬦ᭄ᬲᬄᬗᬶᬘᬾᬦ᭄ᬯᬶᬱ᭄ᬬ
᭞ᬫᬗ᭄ᬮᬯᬢᬶᬦ᭄᭞ᬫᬸᬯᬸᬄᬢᬶᬢ᭄ᬬᬂᬕᬤᬓ᭄ᬳᬸᬬᬂ᭟ᬳᬤᬸᬄᬩ᭄ᬮᬶᬳᬢ᭄ᬫᬦ᭄ᬢᬶᬢ᭄ᬬᬂ᭞ᬳᬶᬤᬾᬯ᭄ᬯᬕᬸᬭᬸᬦᬶᬂᬫᬡᬶᬓ᭄᭞ᬧᬗᬯᬓᬶᬂ᭠ᬚᬕᬢ᭄ᬋᬓᭀ᭞ᬢᬸᬤᬸᬄᬢᬶᬢ᭄ᬬᬂᬍᬍᬄᬮᬶᬂᬮᬸᬂ᭞ᬬᬦ᭄ᬢᬦ᭄ᬩᭂᬮᬶᬗᬸᬱᬥᬾᬦ᭄ᬢᬶᬢ᭄ᬬᬂ᭞ᬦᬾᬦᬾᬫᬗ᭄ᬓᬶᬦ᭄᭞ᬫᬢᬶᬦ᭄ᬢᬶᬢ᭄ᬬᬗᬾ