Kaca:Bali-lontar-paparikan-bagus-umbara-01-250ppi.pdf/87

Saking Wikisource
Kaca puniki sampun kauji-wacén

[᭘᭖ 86B]
᭘᭖
ᬫᬗᭂᬜ᭄ᬚᬸᬯᬶᬦ᭄᭞ᬦᬾᬫ᭄ᬯᬦᬶᬜ᭄ᬫᬓ᭄‌ᬗᭀᬩᬭᬂ᭟ᬭᬭᬶᬲ᭄ᬓᬦ᭄ᬢᭂᬦ᭄ᬭᬤᬾᬦ᭄ᬫᬦ᭄ᬢ᭄ᬭ᭄ᬬᬵ᭞ᬤᬾᬦᬶᬂᬢ᭄ᬬᭂᬩᭂᬦ᭄ᬧᬸᬜᬦ᭄‌ᬚ᭄ᬭᭀᬢᬶ᭞ᬓᬓᬬᭀᬦᬾᬳᬢᭂᬧ᭄ᬋᬓᭀ᭞ᬗᬢᬾᬩ᭄ᬢᬩ᭄‌ᬤᬾᬩ᭄ᬓᬸᬂᬫᬵᬢᬹᬃ᭞ᬲᭂᬫ᭄ᬧᬸᬭᬬᬂᬢᬶᬢ᭄ᬬᬂᬤᬾᬯᬵ᭞ᬦᬾᬦᬾᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬮᬶ
ᬦ᭄ᬢᬂᬧᬶᬢᬦ᭄ᬤ᭄ᬭᬸᬳᬦ᭄᭟ᬦᬾᬦᬾᬳ᭄ᬮᬸᬄᬭᬭᬶᬲ᭄ᬜᬕ᭄ᬚᬕ᭄᭞ᬫᬜᬯᬸᬧ᭄ᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬤᬸᬄᬭᬢᬸᬦ᭄ᬢᬶᬢ᭄ᬬᬂᬳᬶᬤᬾᬯ᭄ᬯ᭞ᬭᬯᬸᬄᬲᬚᬵᬢ᭄ᬯᬄᬳᬶᬭᬢᬸ᭞ᬳᬶᬧᬶᬤᬦ᭄ᬤᬾᬯᬫᬮᬬᬃ᭞ᬳᬤᬸᬄᬩᬶᬩᬶ᭞ᬳᬶᬭᬢ᭄ᬯᬄᬳᬶᬲ᭄ᬬᬤᬶᬦᬵ᭟ᬫᬾᬦ᭄ᬩᭂᬓᬸᬂᬭᬭᬶᬲ᭄ᬳᬗᬸᬘᬧ᭄᭞ᬓᬲᬹᬃᬧᬧᭂ᭠
ᬤᭂᬓᬾᬳᬮᬶᬄ᭞ᬢᬶᬓᭂᬳᬾᬦᬾᬳᬮᬸᬲ᭄ᬋᬓᭀ᭞ᬫᬗ᭄ᬮᬯᬸᬢ᭄ᬫᬸᬮ᭄ᬬᬦ᭄ᬓᬤᬸᬮᬸ᭞ᬦᬾᬦᬾᬫ᭄ᬯᬦᬶᬫᬓᬓᭂᬩᬢ᭄᭞ᬢᬹᬃᬜᬧᬸᬢᬶᬦ᭄᭞ᬓᬲᬹᬃᬮᬗ᭄ᬰᬾᬕᬍᬂᬳᬜᬃ᭟ᬫᬮᬶᬗ᭄ᬕᬶᬄᬓᬾᬭᬢᬸᬦ᭄ᬢᬶᬢ᭄ᬬᬂ᭞ᬢᬸᬫᬸᬮᬶᬄᬲᬋᬂᬫᬮᬶᬗ᭄ᬕᬶᬄ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬭᬶᬂᬗᬸᬮᭀᬦ᭄᭞ᬦᬶ
ᬩᭂᬓᬸᬂᬫᬦᬫ᭄ᬧᬲᬸᬭᬸᬄ᭞ᬢᬶᬕᬂᬯᬥᬄᬩᬩᭀᬓᭀᬭᬦ᭄᭞ᬢᬹᬃᬗᬢᬸᬭᬶᬦ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶᬮᬦ᭄ᬧᬯᭀᬗᬦ᭄᭟ᬲᬵᬫ᭄ᬧᬸ᭠ᬦ᭄ᬳᬸᬲᬦ᭄ᬗᬶᬦᬂᬲ᭄ᬤᬄ᭞ᬦᬂᬩ᭄ᬓᬸᬂᬳᬲ᭄ᬫᬸᬕᬶᬧᬶᬄ᭞ᬦᬾᬳ᭄ᬮᬸᬄᬳᬾᬧᭀᬢ᭄ᬤᬶᬧᬳᭀᬦ᭄᭞ᬩ᭄ᬭᬲ᭄ᬳᬸᬮᬫᬾᬲᬵᬫ᭄ᬧᬸᬦ᭄ᬮᬶᬬᬸ᭞ᬢ᭄ᬕᭂᬧᬶᬂᬢᬶᬫ᭄ᬧᬮ᭄ᬳᬚᭂᬗᬦ᭄᭞

[᭘᭗ 87A]
᭘᭗
ᬲᬵᬫ᭄ᬧᬸᬦ᭄ᬲᬫᬶ᭞ᬭᬢᭂᬂᬤᬳᬃᬫᬶᬯᬄᬳᬸᬮᬫ᭄᭟ᬢᬸᬫᬸᬮᬶᬄᬳᬸᬲᬦ᭄ᬗᭂᬮᬭᬂ᭞ᬲᬶᬬᭀᬲ᭄ᬓᬵᬢᬹᬃᬭᬶᬂᬢ᭄ᬯᬦ᭄‌ᬧᬶᬸᬢ᭄ᬭᬶᬸᬦᬶᬸᬫᬦ᭄ᬢ᭄ᬭᬶ᭞ᬦᬸᬮ᭄ᬬᬓᬵᬢᬹᬃᬢᬸᬚᭀᬦ᭄ᬢᬸᬚᭀᬦ᭄᭞ᬢᬸᬫᬸᬮᬶᬄᬭᬭᬶᬲ᭄ᬫᬜᭂᬓᬸᬮ᭄᭞ᬳᬸᬮᬫ᭄ᬳᬓᬾᬄᬢ᭄ᬯᬭᬓᬶᬭᬂ᭞ᬳᬭᬓ᭄ᬳᬦᬶᬲ᭄᭞ᬲᬚᭂᬂᬩᬥᬾᬕ᭄ᬲᬚᭂᬂᬓᬶᬮᬂ
᭟ᬳᬶᬩ᭄ᬓᬸᬂᬭᬭᬶᬲ᭄ᬳᬦᭂᬫ᭄ᬩᬄ᭞ᬫᬵᬢᬹᬃᬭᬶᬂᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬦᬶᬓᬶᬭᬢᬸᬲᬚᭂᬂᬳᭀᬲᭀᬮ᭄᭞ᬫᬶᬯᬄᬦᬶᬓᬶᬲᬚᭂᬂᬳᬗ᭄ᬕᬸᬃ᭞ᬳᬭᬓ᭄ᬓᬮᬯᬵᬦ᭄ᬳᬚᭂᬗᬦ᭄᭞ᬫᬶᬯᬄᬦᬶᬓᬶ᭞ᬳᬭᬓ᭄‌ᬳᭀᬲᭀᬮ᭄‌‌ᬩ᭄ᬘᬶᬓ᭄ᬧᬶᬲᬦ᭄᭟ᬦᬸᬮ᭄ᬬᬲᬫᬶᬳᬸᬲᬦ᭄ᬦᬥᬄ᭞ᬲᬂᬩᬕᬸᬲ᭄ᬮᬦ᭄ᬧᬢᬶᬄᬲᬫᬶ
ᬯᬸᬲ᭄ᬓᬵᬢᬸᬭᬦ᭄ᬲᬚᭂᬂᬋᬓᭀ᭞ᬘᭂᬘᭂᬧᬦ᭄ᬫᬫᭀᬦ᭄ᬫᭀᬦ᭄ᬳᬮᬸᬲ᭄᭞ᬢᭂᬓᭂᬧ᭄ᬜᬦᬾᬫᬧᬶᬭᬥᬵ᭞ᬢᬦ᭄ᬤ᭄ᬯᬲᬫᬶ᭞ᬯᬸᬲ᭄ᬓᬢᬸᬭᬦ᭄ᬗᬶᬦᬂᬲ᭄ᬥᬄ᭟ᬦᬂᬩ᭄ᬓᬸᬂᬦᭂᬫ᭄ᬩᬄᬫᬢᬸᬭᬵ᭞ᬭᬶᬂᬲᬶᬭᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬦᬧᬶᬓᬬᬸᬦ᭄ᬤᬾᬯᬋᬓᭀ᭞ᬲᬤᬓᬕ᭄ᬬᬢ᭄ᬭᬢᬸᬭᬯᬸᬄ᭞ᬫᬢᬸᬮᬓ᭄ᬫᬮᬶᬄᬓᬚ
ᬯᬵ᭞ᬤᭀᬂᬦ᭄ᬤᬶᬓᬳᬶᬦ᭄᭞ᬦᬾᬫᬗ᭄ᬓᬶᬦ᭄ᬧᬜ᭄ᬚᬓᬾᬢ᭄ᬯ᭟ᬳᭂᬦ᭄ᬤᭂᬧ᭄ᬓᬓᬶᬤᬚ᭄ᬯᬯᬾᬭᬵ᭞ᬦᬶᬭᬗᬮᬶᬄᬭᬤᬾᬦ᭄ᬤᬾᬯᬶ᭞ᬬᬾᬜᬩ᭠ᬓᬢ᭄ᬧᬮᬶᬂᬋᬓᭀ᭞ᬤᬾᬦᬶᬂᬭᬶᬭᬶᬄᬮᬶᬦ᭄ᬢᬂᬳᬬᬸ᭞ᬳᬶᬫᬾᬫᬾᬩᬓᬮ᭄ᬢᬸᬦ᭄ᬤᬾᬦᬂ᭞ᬫᬗ᭄ᬮᭂᬫᭂᬲᬶᬦ᭄᭞ᬦᬂᬩ᭄ᬓᬸᬂᬫᬵᬢᬹᬃᬳᬦᭂᬫ᭄ᬩᬄ᭟᭠