Kaca:Bali-lontar-paparikan-bagus-umbara-01-250ppi.pdf/86

Saking Wikisource
Kaca puniki sampun kauji-wacén

[᭘᭕ 85B]
᭘᭕
ᬯᬦ᭄ᬓᭀᬫᬓ᭄᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓᬵ᭞ᬳᬶᬭᬗᬳᬾᬤᬬᬚᬦᬶ᭞ᬳᬮᬧᬂᬕᬕᬵᬦᬾᬳᭂᬦ᭄ᬢᭀ᭞ᬳᬦᬂᬢ᭄ᬮᬸᬂᬩᬸᬮᬶᬄᬓ᭄ᬢᬸᬲ᭄᭞ᬳᬶᬧᬢᬶᬄᬲᬵᬫ᭄ᬧᬸᬦ᭄ᬫᬗᬮᬧ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬗᬦ᭄ᬤᬶᬓᬵᬧᭂᬮᬸᬢ᭄ᬩᬸᬗ᭄ᬲᭂᬮᬂ᭟ᬢᬸᬫᬸᬮᬶᬄᬭᬭᬶᬲ᭄ᬫᬫᬵᬃᬕ᭄ᬕ᭞ᬲᬵᬫ᭄ᬧᬸᬦ᭄ᬢ
ᬫ᭄ᬧᭂᬓ᭄ᬭᬶᬂᬦᬵᬕᬭᬶ᭞ᬤᬾᬦᬶᬂᬕᬮᬂᬩᬸᬮᬦ᭄ᬋᬓᭀ᭞ᬯᬳᬸᬯᬾᬦ᭄ᬢᭂᬦ᭄ᬤᬯᬸᬄᬢ᭄ᬮᬸ᭞ᬳᬸᬫᬄᬤᬾᬩᭂᬓᬸᬗᬾᬢᬶᬗ᭄ᬕᬃ᭞ᬤᬯᬸᬄᬫᬵᬃᬕ᭄ᬕᬶ᭞ᬤᬾᬩ᭄ᬓᬸᬂᬲ᭄ᬧᬶᬚᬸᬫᬳᬦ᭄᭟ᬭᬭᬶᬲ᭄ᬫᬦᭀᬕ᭄ᬥᭀᬕ᭄ᬚᬮᬦᬦ᭄᭞ᬓᬜ᭄ᬘᬶᬂᬜᬦᬾᬫᬍᬓᭂᬢᬶᬓ᭄᭞ᬤᬾᬩ᭄ᬓᬸᬂᬬᬩᬗᬸᬦ᭄ᬳᬾ
ᬧᭀᬢ᭄᭞ᬳᬾᬯᬮᬯᬸᬢ᭄ᬗᬯᬸᬤ᭄ᬲᬥᬸ᭞ᬚ᭄ᬮᬦᬦᬾᬩᬸᬓᬳᬶᬦ᭄ᬳᬦᬓ᭄᭞ᬕᬶᬧᬶᬄᬦ᭄ᬮᭀᬓᬶᬦ᭄᭞ᬫᬢᬓᭀᬦ᭄ᬲᬤ᭄ᬥᬧ᭄ᬭᬶᬬᬢ᭄ᬦᬵ᭟ᬳᭂᬜᬾᬦ᭄ᬫᬦᭀᬕ᭄ᬤᭀᬕ᭄ᬚᬮᬦᬦ᭄᭞ᬤᬢ᭄ᬓᬵᬫᬗ᭄ᬮᬯᬸᬢ᭄ᬫᬳᬶ᭞ᬗᬗ᭄ᬓᬢ᭄ᬢᬸᬫ᭄ᬩᬓ᭄‌ᬲ᭄ᬫᬸᬳᬾᬧᭀᬢ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶᬲᬸᬂ
ᬲᬸᬂᬕᬸᬬᬸ᭞ᬢᬹᬃᬳᬶᬤᬗ᭄ᬭᬭᬶᬲ᭄ᬫᬦ᭄ᬢᬸᬓᬦ᭄᭞ᬧᬤᬶᬤᬶᬳᬶ᭞ᬧᬗᬶᬭᬶᬗᬾᬓᬭᬶᬤᬶᬯᬂ᭟ᬤᬾᬩ᭄ᬓᬸᬂᬓᬭᬶᬫᬕᬾᬩ᭄ᬭᬲ᭄᭞ᬗᬫ᭄ᬧᬓᬂᬦᬸᬫ᭄ᬩᬓ᭄ᬜᬫ᭄ᬧᬶᬗᬶᬦ᭄᭞ᬤᬤ᭄ᬬᬵᬜᬕᭂᬕᭂᬂᬫᬗ᭄ᬢᭀᬃ᭞ᬓᬤᬾᬳᬦᬾᬲᬫᬶᬕᬸᬧᬸᬄ᭞ᬮᬳᬸᬢᬗ᭄ᬓᬾᬚᬦᬶᬢᬸᬫ᭄ᬩᬓ᭄᭞ᬲ᭄ᬭᬩ᭄ᬜᬕ᭄ᬚ

[᭘᭖ 86A]
᭘᭖
ᬕᬶᬦ᭄᭞ᬤᬾᬦᬶᬂᬕᬸᬲ᭄ᬢᬶᬦᬾᬓᬢᬸᬫ᭄ᬩᬓ᭄᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓᬵ᭞ᬳᬯᬸᬕᬂᬓᭂᬭᬶᬲᬾᬲᬫᬶ᭞ᬢ᭄ᬯᬭᬬᬫᬦᬸᬫ᭄ᬩᬓ᭄ᬋᬓᭀ᭞ᬓᬥᬾᬳᬦᬾᬫᬵᬢᬹᬃᬳᬮᬸᬲ᭄᭞ᬦᬯᬶᬳᬶᬧᬸᬦ᭄ᬓᬤᬸᬂᬳᬾᬭᬂ᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬗᬦ᭄ᬤᬶᬓᬢᭀᬂᬩ᭄ᬯᬶᬦ᭄ᬪᬯᬓᬂ᭟
ᬤᬾᬦᬶᬂᬬᬢ᭄ᬯᬭᬫᬦᬯᬂ᭞ᬤ᭄ᬯᬦᬶᬂᬬᬢ᭄ᬓᬳᬶᬦ᭄ᬯᭂᬗᬶ᭞ᬳᭂᬦ᭄ᬢᭀᬓ᭄ᬭᬡᬬᬜᬭᭀᬕ᭄ᬚᭀᬕ᭄᭞ᬳᬾᬯᬮᬯᬸᬢ᭄ᬗᬯᬸᬤ᭄ᬲ᭠ᬗ᭄ᬓᬸᬢ᭄᭞ᬕᬸᬫᬶᬤᬶᬦᬶᬢ᭄ᬯᬄᬫᬓᬺᬢ᭄ᬣ᭞ᬳᬸᬮᬶᬗᬹᬦᬶ᭞ᬲᭂᬗ᭄ᬕᬸᬳᬗᬦᬶᬭᬤᬸᬱ᭄ᬝᬵ᭟ᬤᬾᬩ᭄ᬓᬸᬂᬭᬭᬶᬲ᭄ᬦᬵᬃᬢ᭄ᬣᬬᬂ᭞ᬧ᭄ᬭᬡᬫ᭄ᬬᬫᬳᬢᬹᬃᬳ
ᬭᬶᬲ᭄᭞ᬲᬧᬲᬶᬭᬕᬸᬲ᭄ᬢᬶᬋᬓᭀ᭞ᬯ᭄ᬗᬶᬢᬶᬢ᭄ᬬᬂᬚᬢᬶᬢᬦ᭄ᬤ᭄ᬭᬸᬄ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓᬵ᭞ᬲᬶᬗ᭄ᬕᬶᬄᬓᬓᬶ᭞ᬳᬶᬭᬳᬶᬫᬦ᭄ᬢ᭄ᬭᬶᬓᭀᬭᬶᬧᬦ᭄᭟ᬳᬶᬩ᭄ᬓᬸᬂᬫᬵᬢᬹᬃᬳᬜᬸᬫ᭄ᬩᬄ᭞ᬲᬵᬫ᭄ᬧᬸᬭᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭞ᬤᬾᬦᬶᬂᬯ᭄ᬗᬶᬢ᭄ᬯᬭᬓᬢᭀᬦ᭄᭞ᬭᬭᬶᬲ᭄ᬫᬫᬸᬜᬶ
ᬓᬾᬦ᭄ᬦᬾᬮᬸᬄ᭞ᬜᬳᬶᬚᬕ᭄ᬚᬕᬶᬦ᭄ᬓᬾᬳᬶᬭᬵ᭞ᬗᬩᬵᬲᬸᬦ᭄ᬤᬶᬄ᭞ᬦᬾᬳ᭄ᬮᬸᬄᬗᬩᬧ᭄ᬭᬓ᭄ᬧᬓ᭄᭞ᬳᬸᬲᬦᬾᬗᭂᬜᬶᬢ᭄ᬧ᭄ᬭᬓ᭄ᬧᬓ᭄᭞ᬦᬾᬦᬾᬳ᭄ᬮᬸᬄᬫᬜᬕ᭄ᬚᬕᬶᬦ᭄᭞ᬢᬸᬃᬗᭂᬜᬶᬢᬶᬦ᭄ᬲᬸᬦ᭄ᬤᬃᬋᬓᭀ᭞ᬦᬾᬦᬾᬓᬓᬸᬂᬲᬤᬵᬲᭂᬦ᭄ᬤᬸ᭞ᬦᬾᬳ᭄ᬮᬸᬄᬗ᭄ᬮᬮᬸᬫᬜᬕ᭄ᬚᬕ᭄᭞