Kaca:Bali-lontar-paparikan-bagus-umbara-01-250ppi.pdf/85

[᭘᭔ 84B]
᭘᭔
ᬓ᭄ᬫᬶᬭᬕ᭄ᬬᬂ᭟ᬦᬩᬸᬄᬕᭂᬦ᭄ᬤᬶᬂᬢᬢᬗᬶᬲᬦ᭄᭞ᬲ᭄ᬯᬭᬦ᭄ᬕᭂᬦ᭄ᬥᬾᬃᬗᬮᬶᬓᬮᬶᬓ᭄᭞ᬲᬫᬶᬕᬯᭀᬓ᭄ᬓᬗᬗ᭄ᬭᬸᬗᭀᬦ᭄᭞ᬢᬢᬩᬸᬳᬦ᭄ᬕᭂᬦ᭄ᬤᬶᬂᬮᬸᬳᬸᬂ᭞ᬲᬫᬶᬯᬶᬓᬦ᭄ᬭᬶᬂᬯᬗ᭄ᬲᬶᬢ᭄ᬣ᭞ᬦᭀᬭᬧᬗ᭄ᬕᬶᬄ᭞ᬘᬘᭂᬧᬸᬓᬾᬢᬸᬭᬗ᭄ᬭᬭᬲ᭄᭟ᬭᬳᬶᬦᬵᬯ᭄ᬗᬶᬢᬦ᭄ᬢᬸᬦᬵ᭞ᬫᬕᬫᭂ᭠
ᬮᬦ᭄ᬫᬓᬓᬵᬯᬶᬦ᭄᭞ᬲᬤᬶᬦᬵᬭᬫᬾᬤᬶᬚ᭄ᬭᭀ᭞ᬓᭀᬘᬧᭂᬦ᭄ᬢᭂᬗᬳᬶᬂᬤᬮᬸ᭞ᬭᬤᬾᬦ᭄ᬫᬦ᭄ᬢ᭄ᬭᬶᬓᬯᬸᬯᬸᬲᭂᬦ᭄᭞ᬭᬶᬂᬩᬦᬵ᭠ᬯᬶ᭞ᬤᬾᬭᬾᬂᬢᬸᬫᬸᬭᬸᬦ᭄ᬭᬶᬂᬲᭀᬯᬦ᭄᭟ᬲᬵᬫ᭄ᬧᬸᬦ᭄ᬲᬸᬭᬸᬧ᭄ᬲᬗ᭄ᬳ᭄ᬬᬂᬲᬹᬃᬬ᭄ᬬ᭞ᬯᭀᬂᬫᬲᬶᬲᬶᬲᬫᬶᬫᬸᬮᬶᬄ᭞ᬲᬫᬶᬧᬤᬗᬸᬓᬶᬄᬳᭂ
ᬗ᭄ᬕᭀᬦ᭄᭞ᬫᬶᬯᬄᬤᬕᬶᬂᬲᬫᬶᬫᬦ᭄ᬢᬸᬓ᭄᭞ᬯ᭄ᬗᬶᬯᬸᬲ᭄ᬧᬗ᭄ᬮᭀᬂᬧᬶᬂᬲᬶᬬᬵ᭞ᬩᬸᬦᬤᬭᬶᬦ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓᬵ᭟᭠ᬲᬫ᭄ᬧᬦᬾᬚᬦᬶᬧᬳᭂᬓᬂ᭞ᬩᬦ᭄ᬤᬾᬕᬫᬢᬶᬗ᭄ᬓᬄᬕ᭄ᬮᬶᬲ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶᬢᬸᬭᬸᬦ᭄ᬫᬗ᭄ᬓᭀ᭞ᬚᬸᬭᬕᬦᬾᬤᬶᬢᬸᬦᬸᬗ᭄ᬕᬸ᭞ᬭᬤᬾᬦ᭄ᬫᬦ᭄ᬢ᭄ᬭᬶ
ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬵ᭞ᬭᬶᬂᬧᬲᬶᬲᬶ᭞ᬢ᭄ᬮᬲᬦ᭄ᬲᬫᬶᬓᬥᬾᬳᬦ᭄᭟ᬳᬤᭀᬄᬫᬫᬵᬃᬕ᭄ᬕᬶᬗᬚᬦᬂ᭞ᬭᬤᬾᬦ᭄ᬫᬦ᭄ᬢ᭄ᬭᬶᬧ᭄ᬭᬧ᭄ᬢᬾᬂᬚᬯᬶ᭞ᬫᬜᬸᬚᬸᬃᬧᬵᬮᬲᬦ᭄ᬋᬓᭀ᭞ᬮᬫ᭄ᬧᬳᬾᬫᬦᬸᬚᬸᬲᬸᬳᬸᬂ᭞ᬧ᭄ᬭᬧ᭄ᬢᬾᬂᬳᬮᬲ᭄ᬚᬫᬶᬦ᭄‌ᬢᭀᬭᬵ᭞ᬤᬶᬢᬸᬗᭂᬧᬶᬮ᭄᭞ᬭᬭᬶᬲ᭄ᬫᬭ᭠

[᭘᭕ 85A]
᭘᭕
ᬯᬢ᭄ᬕᬫᭂᬮᬦ᭄᭟ᬭᬶᬂᬚᬫᬶᬦ᭄ᬢᭀᬭᬯᬸᬯᬸᬲᭂᬦ᭄᭞ᬓᭀᬘᬧᭂᬦ᭄ᬭᬳᬤᬾᬦ᭄ᬤᬾᬯᬶ᭞ᬦᬯᬂᬢᬺᬗ᭄ᬖᬡᬭᬶᬂᬢᬸᬭᭀᬦ᭄᭞ᬲᭂᬤᬶᬳᬾᬢᬦᬵᬦᬵᬮᬶᬧᬸᬃ᭞ᬗᬤᬬᬂᬳᬶᬕᭂᬮᬶᬕᭂᬮᬦ᭄᭞ᬕᬫ᭄ᬩᬸᬄᬲᬳᬶ᭞ᬬᬦ᭄ᬯᭂᬗᬶᬯᬬᬂᬧ᭄ᬭᬯᬵ᭟ᬳᬗ᭄ᬕᬾᬦ᭄ᬫᬗ᭄ᬮᬶᬧᬸᬭᬂᬫᬦᬄ᭞᭠
ᬜᬭᬸᬯᬂᬫᬦᬳᬾᬧᬮᬶᬂ᭞ᬦᬩᬸᬄᬕᬕᬫᭂᬮᬦ᭄ᬫᬗ᭄ᬓᭀ᭞ᬲ᭄ᬯᬭᬦ᭄ᬕᬕᬫ᭄ᬮᬦ᭄ᬮᬸᬳᬸᬂ᭞ᬳᬕ᭄ᬮᬶᬲ᭄ᬓᬭᬸᬗᬸᬭᬶᬂᬳᬮᬲ᭄᭞ᬫᬗᬺᬋᬗᬶᬄ᭞ᬭᬤᬾᬦ᭄ᬫᬦ᭄ᬢ᭄ᬭᬶᬫᬫᬶᬋᬗᬂ᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓᬵ᭞ᬚᬮᬦ᭄ᬓᬾᬚᬦᬶᬫᬫᬵᬃᬕ᭄ᬕᬶ᭞ᬚᬸᬚᬸᬃᬕᬫᭂᬮᬦᬾᬳᭂᬦ᭄ᬢᭀ᭞ᬫᬩ᭄ᬭᬶᬬᬸ
ᬓ᭄ᬲᬫᬶᬫᬳᬢᬹᬃ᭞ᬳᬶᬧᬢᬶᬄᬮᬯᬦ᭄ᬧᬸᬦ᭄ᬲ᭄ᬫᬃ᭞ᬢᬶᬢ᭄ᬬᬂᬗᬶᬭᬶᬂ᭞ᬦᬸᬦᬲ᭄ᬓᬾᬭᬢᬸᬕ᭄ᬮᬶᬲᬂ᭟ᬢᬸᬫᬸᬮᬶᬭᬭᬶᬲ᭄ᬫᬫᬵᬃᬕ᭄ᬕᬵ᭞᭠ᬓᬾᬲᬄᬭᬶᬂᬳᬮᬲ᭄ᬦᬕᬭᬶ᭞ᬫᬫᬵᬃᬕ᭄ᬕᬶᬧᭀᬮᬄᬦ᭄ᬬᬳᬮᭀᬦ᭄᭞ᬩᬜ᭄ᬘᬶᬗᬳᬾᬢ᭄ᬯᬄᬓᬚᬸᬚᬸᬃ᭞ᬲᬵᬫ᭄ᬧᬸᬦ᭄ᬦᬵᬫ᭄ᬧᭂᬓ᭄ᬭᬶᬂᬦᬵᬕᬭ
᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬲᬕᬾᬢ᭄ᬧ᭄ᬭᬧ᭄ᬢᬵᬭᬶᬂᬧᬩ᭄ᬬᬦᬦ᭄᭟ᬳᬓᬾᬄᬓᬧᬗ᭄ᬕᬶᬄᬧᬩ᭄ᬬᬦᬦ᭄᭞ᬢᭂᬢᬦ᭄ᬤᬸᬭᬦᬾᬫᬗ᭄ᬭᬯᬶᬢ᭄᭞ᬕᬕᬵᬮᬯᬦ᭄ᬓᬘᬂᬮᬾᬦ᭄ᬢᭀᬂ᭞ᬓ᭄ᬮᬤᬶᬮᬯᬦ᭄ᬳᬸᬩᬶᬳᬕᬸᬂ᭞ᬩᬮᬾᬮᬾᬂᬮᬯᬵᬦ᭄ᬓᬓᬭᬵ᭞ᬳᬸᬩᬶᬳᬶᬧᬶᬢ᭄᭞ᬳᬸᬦ᭄ᬤᬶᬲ᭄ᬚᬕᬸᬂᬮ