[᭗᭕ 75B]
᭗᭕
ᬧ᭄ᬭᬳᬶᬲ᭄ᬢ᭄ᬭᬶᬭᬶᬂᬚ᭄ᬭᭀᬧᬸᬭᬶ᭞ᬲᬫᬶᬦᬫ᭄ᬩᬸᬢ᭄ᬓᬵᬃᬬ᭄ᬬᬋᬓᭀ᭞ᬫᬦᬸᬫ᭄ᬧᭂᬂᬮᬯᬦ᭄ᬫᬗᬸᬲ᭄ᬓᬸᬲ᭄᭞ᬯᬾᬦ᭄ᬢᭂᬦᬦ᭄ᬤᬶᬂᬲᬲᬗᬦᬦ᭄᭞ᬧᬸᬧᬸᬢ᭄ᬲᬫᬶᬭᬭᬘᬶᬓᬦᬾᬭᬶᬂᬧᬹᬭᬵ᭟ᬳᬸᬦ᭄ᬤᬂᬳᬸᬦ᭄ᬤᬗᬦᬾᬧ᭄ᬭᬧ᭄ᬢᬵ᭞ᬫᭀᬮᬄᬢᬦ᭄ᬯᬾᬦ᭄ᬢᭂᬦ᭄ᬫᬗᬸᬮᬶᬂ᭞ᬢ᭄ᬥᬸᬦ᭄ᬳᭂᬕᭀᬂᬕᬫ᭄ᬩᬂ᭠
ᬋᬓᭀ᭞ᬲ᭄ᬫᬭᬧᬕᬸᬮᬶᬗᬦ᭄ᬳᬗ᭄ᬓ᭄ᬮᬸᬂ᭞ᬩᬭᬶᬲ᭄ᬩᭂᬤᬶᬮᬾᬫᬚᬚᬃ᭞ᬩᭂᬓ᭄ᬤᬶᬫᬵᬃᬕ᭄ᬕᬶ᭞ᬕᬫ᭄ᬩᬸᬄᬮᬾᬕᭀᬗᬾᬫᬲᭀᬮᬄ᭟ᬓᬯᬸᬯᬸᬲᭂᬦ᭄ᬤᬯᬸᬄᬮᬶᬫᬵ᭞ᬲᬂᬦᬵᬣᬲᬵᬫ᭄ᬧᬸᬦ᭄ᬫᬫᬵᬃᬕ᭄ᬕᬶ᭞ᬫᬦ᭄ᬢᬸᬓ᭄ᬓᬓᭀᬭᬶᬧᬦ᭄ᬋᬓᭀ᭞ᬲᬂᬩᬕᬸᬲ᭄ᬲ᭄ᬭᬶᬭᬤᬾᬦ᭄ᬕᬮᬸᬄ᭞ᬲᬕᬺᬳᬦ᭄ᬲᬫᬶᬫ᭠
ᬫᬵᬃᬕ᭄ᬕᬵ᭞ᬓᬦᬵᬕᬭᬶ᭞ᬫᬫᬵᬲ᭄ᬲᬗ᭄ᬓᬸᬢᬾᬫᬫᬵᬃᬕ᭄ᬕᬵ᭟ᬩ᭄ᬤᬶᬮᬾᬫᬗ᭄ᬓᬶᬦ᭄ᬫᬰ᭄ᬯᬭ᭞ᬢ᭄ᬯᬭᬧ᭄ᬕᬢ᭄ᬭᬯᬸᬄᬓᬧᬸᬭᬶ᭞ᬩᬭᬶᬲ᭄ᬩᭂᬤᬶᬮ᭄ᬗᬫ᭄ᬩ᭄ᬬᬵᬃᬋᬓᭀ᭞ᬦᬾᬫᬦ᭄ᬤ᭄ᬭᬾᬓᬶᬦ᭄ᬲᬤᬵᬩᬕᬸᬲ᭄᭞ᬮᬾᬕᭀᬂᬕᬫ᭄ᬩᬸᬳᬾᬫᬲᭀᬮᬄ᭞ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬲᬂᬩᬕᬸᬲ᭄ᬗ᭄ᬭᬜ᭄ᬚᬶᬂᬭᬶᬂᬧᬹᬭᬵ᭟
ᬲᬕᬺᬳᬦ᭄ᬲᬵᬫ᭄ᬧᬸᬦ᭄ᬭᬶᬂᬧᬸᬭᬵ᭞ᬢ᭄ᬯᬦ᭄ᬫᬦ᭄ᬢ᭄ᬭᬶᬮᬦ᭄ᬭᬤᬾᬦ᭄ᬤᬾᬯᬶ᭞ᬲᬂᬦᬣᬳᬮᬸᬗ᭄ᬕᬸᬄᬋᬓᭀ᭞ᬗᬦ᭄ᬤᬶᬓᬵᬭᬶᬂᬧᬢᬶᬄᬳᬶᬓᬸ᭞ᬤᬾ᭠ᬦᬶᬂᬲᬵᬫ᭄ᬧᬸᬦ᭄ᬤᬯᬸᬄᬢᬶᬕ᭞ᬭᬢᭂᬂᬲᬫᬶ᭞ᬓᬶᬦᬾᬦ᭄ᬫᬶᬚᬶᬮ᭄ᬗᬯᬵᬚᭂᬗᬦ᭄᭟ᬲᭂᬓ᭄ᬲᭂᬓ᭄ᬚᭂᬚᭂᬮ᭄ᬭᬶᬂᬩᬜ᭄ᬘᬶᬗᬄ᭞ᬫᬩᬮᬶᬄᬬᬲ᭄ᬮᬾᬂᬚᭂᬧᬶᬢ᭄᭞᭠
[᭗᭖ 76A]
᭗᭖
ᬦᬾᬫᬩᬮᬶᬄᬲᬬᬦ᭄ᬗᭂᬮᭀᬄ᭞ᬲᭂᬲᭂᬓ᭄ᬚᭂᬚᭂᬮ᭄ᬯᭀᬂᬲᬸᬧ᭄ᬦᬸᬄ᭞ᬳᬶᬮᬾᬦᬶᬮᬾᬦᬾᬫᬲᭀᬮᬄ᭞ᬬᬾᬦ᭄ᬭᬶᬂᬯ᭄ᬗᬶ᭞ᬯᬬᬂᬧ᭄ᬭᬯᬦᬾᬫᬲᭀᬮᬄ᭟ᬢᬶᬦᬩᬸᬄᬕᭂᬦ᭄ᬤᬾᬃᬳᬗ᭄ᬭᬭᬲ᭄᭞ᬲ᭄ᬯᬭᬦ᭄ᬕᭂᬦ᭄ᬤᬾᬃᬗᬮᬶᬓᬮᬶᬓ᭄᭞ᬢᬢᬩᬸᬳᬦ᭄ᬲᬫᬶᬳᬸᬫᭀᬃ᭞ᬲᬂᬧ᭄ᬭᬪᬸᬗᬚᭂ
ᬗᬂᬲ᭄ᬓᬸᬮ᭄᭞ᬕᬫ᭄ᬩᬸᬳᬾᬲᬵᬫ᭄ᬧᬸᬦ᭄ᬫᬮ᭄ᬯᬭᬦ᭄᭞ᬰ᭄ᬭᬶᬪᬸᬧᬢᬶ᭞ᬭᬤᬾᬦ᭄ᬫᬦ᭄ᬢ᭄ᬭᬶᬯᬸᬲ᭄ᬗᬚᭂᬗᬂ᭟ᬧᬗᬬᬄᬲᬵᬫ᭄ᬧᬸᬦ᭄ᬳᬦᬥᬄ᭞ᬫᬸᬯᬂ᭠ᬧᬢᬾᬓ᭄ᬯᬦᬾᬲᬫᬶ᭞ᬢ᭄ᬯᬭᬓᬸᬭᬂᬢᬥᬄᬋᬓᭀ᭞ᬳᬸᬮᬫ᭄ᬳᬓ᭄ᬯᬾᬄᬲᬚᭂᬂᬳᬗ᭄ᬕᬸᬃ᭞ᬲᬫᬶᬢᬦ᭄ᬯᬾᬦ᭄ᬢᭂᬦ᭄ᬓᬶᬭᬗᬦ᭄᭞ᬳᬭᬓ᭄ᬳᬦᬶᬲ᭄᭞
ᬲᬵᬫ᭄ᬧᬸᬦ᭄ᬲᬫᬶᬯᬸᬲᬦᬥᬄ᭟ᬧᬶᬦᬄᬲᬜ᭄ᬚᬯᬳᬸᬳᬸᬲᬦ᭄᭞ᬫᬧᬶᬘᬵᬰ᭄ᬭᬷᬦᬭᬧᬢᬶ᭞ᬲᬵᬫ᭄ᬧᬸᬦ᭄ᬧ᭄ᬢᭂᬂᬯᬬᬂᬫᬲᭀᬮᬄ᭞ᬤᬮᬂᬭᬶᬂᬧᬫᭀᬢᬦ᭄ᬓᬲᬸᬩ᭄᭞ᬦᬾᬫᬩᬮᬶᬄᬢᬶᬢᬶᬩ᭄ᬧᬶᬲᬦ᭄᭞ᬲᬵᬫ᭄ᬧᬸᬦ᭄ᬯᭂᬗᬶ᭞ᬦᬾᬦᬾᬕᬜ᭄ᬚᬶᬄᬫᬕᬺᬜ᭄ᬚᬶᬢᬦ᭄᭟ᬧᬸᬢᬶᬄ
ᬢᬶᬫᬹᬃᬳᬩᬵᬂᬯᬾᬢᬦ᭄᭞ᬲᬂᬧ᭄ᬭᬪᬹᬮᬦ᭄ᬧ᭄ᬭᬫᬶᬰ᭄ᬯᬭᬶ᭞ᬮᬶᬦ᭄ᬢᬂᬲᬸᬓᬵᬦᬾᬲᬂᬓᬣᭀᬂ᭞ᬫᬶᬯᬄᬳᬶᬤᬭᬤᬾᬦ᭄ᬕᬮᬸᬄ᭞ᬰ᭄ᬭᬷᬧ᭄ᬭᬫᬶᬰ᭄ᬯᬭᬶᬗᬦ᭄ᬤᬶᬓᬵ᭞ᬦᬦᬓ᭄ᬫᬦ᭄ᬢ᭄ᬭᬶ᭞ᬲᬋᬂᬗᬬᬩ᭄ᬮᬦ᭄ᬦᬦᬓ᭄ᬤᬾᬯ᭄ᬬ᭟ᬳ᭄ᬦᬗᬓ᭄ᬦᬵᬓᭀᬭᬶᬧᬦ᭄ᬥᭂᬳᬵ᭞ᬭᬶᬂᬚᬯᬓᬯᬸᬯᬸᬲ᭄ᬫᬮᬶᬄ
