[᭗᭔ 74B]
᭗᭔
ᬳᬶᬳᬶᬘᬮ᭄᭟ᬲᬸᬯᬾᬳᬶᬘᬮ᭄ᬫᬗ᭄ᬗᬶᬦ᭄ᬧ᭄ᬭᬧ᭄ᬢᬵ᭞ᬢᬹᬃᬫᬗ᭄ᬕᬯᬧᬸᬢ᭄ᬭᬶᬍᬯᬶᬄ᭞ᬧᬸᬢ᭄ᬭᬦ᭄ᬭᬢᬸᬦᬾᬳᬸᬢ᭄ᬢᬫᬵ᭞ᬲᬓᬶᬂᬦᬵᬕᬭᬚᭀᬂᬪᬶᬭᬸ᭞ᬲᬂᬩᬕᬸᬲ᭄ᬫᬢᬹᬃᬳᬦᭂᬫ᭄ᬩᬄ᭞ᬭᬶᬂᬲᬗᬚᬶ᭞ᬲᬶᬗ᭄ᬕᬶᬄᬯ᭄ᬬᬓ᭄ᬢᬶᬧᬸᬢ᭄ᬭᬦ᭄ᬦᬵᬣ᭟ᬤᬸᬓ᭄ᬓᬭᬶᬢᬶᬢ᭄ᬬᬂᬭᬶᬂᬫᬵᬃᬕ᭄ᬕ᭞ᬓᬮᬶᬦ᭄ᬢᬂᬳᬾᬯᭂᬄ
ᬭᬶᬂᬫᬵᬃᬕ᭄ᬕᬶ᭞ᬬᬾᬦ᭄ᬢᬦ᭄ᬓᬢᬸᬤᬸᬳᬦ᭄ᬋᬓᭀ᭞ᬭᬹᬧᬵᬢᬶᬢ᭄ᬬᬂᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬢᬦ᭄ᬳᬸᬦᬶᬂᬢ᭄ᬓᬾᬦ᭄ᬦᬵᬕᬭ᭞ᬢᬶᬢ᭄ᬬᬂᬲᬶᬲᬶᬧ᭄᭞ᬕᬸᬭᬸᬗᬗ᭄ᬕᬾᬦ᭄ᬢᬶᬢ᭄ᬬᬂᬧᬸᬢ᭄ᬭ᭟ᬲᬂᬦᬵᬣᬫᬲ᭄ᬯᬪᬵᬯ᭄ᬯᬯ᭄ᬮᬲ᭄᭞ᬫᬾᬭᬂᬳᬢᬸᬭᬾᬢ᭄ᬯᬦ᭄ᬫᬦ᭄ᬢ᭄ᬭᬶ᭞ᬲᬂᬦᬵᬣᬗᭂᬦ᭄ᬤᬶᬓᬵᬳᬮᭀᬦ᭄᭞ᬦ
ᬦᬓ᭄ᬫᬦ᭄ᬢ᭄ᬭᬶᬫᬵᬃᬕ᭄ᬕᬶᬫᬦ᭄ᬢᬸᬓ᭄᭞ᬩᬾᬜ᭄ᬚᬂᬩᬯᬸᬤᬯᬸᬄᬧᬶᬲᬦ᭄᭞ᬢᬸᬃᬫᬩᬸᬜ᭄ᬘᬶᬂ᭞ᬳᬶᬮᬾᬦᬶᬮᬾᬦᬾᬫᬫᭂᬦ᭄ᬤᬓ᭄᭟ᬧᬸᬧᬸᬢ᭄ᬩᬩᬯᭀᬲ᭄ᬲᬂᬦᬵᬣ᭞ᬢ᭄ᬯᬦ᭄ᬤᬾᬯᬶᬧᬘᬂᬫᬩᬸᬜ᭄ᬘᬶᬂ᭞ᬓᬾᬦ᭄ᬓᬾᬦ᭄ᬓᬬᬸᬦᬾᬤᬶᬚ᭄ᬭᭀ᭞ᬧ᭄ᬭᬫᬶᬰ᭄ᬯᬭᬶᬲᬫᬶᬦᬸᬭᬸᬢ᭄᭞ᬲᬂᬦᬵᬣᬫᬮᬶᬄᬗ
ᬦ᭄ᬤᬶᬓᬵ᭞ᬭᬶᬂᬧ᭄ᬭᬫᬵᬦ᭄ᬢ᭄ᬭᬶ᭞ᬧᬢᬶᬄᬓᬦᬸᬭᬸᬯᬦ᭄ᬤᭂᬫᬂ᭟ᬤ᭄ᬫᬂᬤ᭄ᬫᬹᬂᬧᬥᬫᬗᬭᬄ᭞ᬢ᭄ᬓᬾᬦᬶᬂᬧ᭄ᬭᬩ᭄ᬓᭂᬮ᭄ᬯᬃᬕ᭄ᬕᬶ᭞ᬢ᭄ᬤᬸᬦ᭄ᬭᬶᬂᬚ᭄ᬭᭀᬓᬸᬝᬵᬫᬗ᭄ᬓᭀ᭞ᬩᬸᬤᬲ᭄ᬮᭂᬫᬄᬗᭂᬩᬸᬕ᭄ᬓᬸᬮ᭄ᬓᬸᬮ᭄᭞ᬳᬧᬂᬬᬢ᭄ᬦᬵᬫᬳᭀᬮᬳᬦ᭄᭞ᬧ᭄ᬭᬤᬗᬶᬦ᭄᭞ᬫᬗ᭄ᬤᬾᬧᬸᬧᬸᬢ᭄ᬤᬯᬸᬄᬧᬶᬲᬦ᭄᭟ᬓ᭄ᬩᭀᬓᬫ᭄ᬩᬶ
[᭗᭕ 75A]
᭗᭕
ᬗᬾᬮᬶᬫᭀᬮᬲ᭄᭞ᬢᬫ᭄ᬧᬶᬬᬂᬭᬶᬂᬩᬜ᭄ᬚᬃᬲᬫᬶ᭞ᬓᬍᬲᬶᬄᬳᬓᬸᬢᬸᬲ᭄ᬋᬓᭀ᭞ᬓᬶᬤᬗᬾᬢ᭄ᬮᬸᬂᬤᬰᬢ᭄ᬮᬸ᭞ᬮᬦ᭄ᬤᬓ᭄ᬳᬶᬚᬸᬂᬧ᭄ᬢᬂᬤᬰ᭞ᬳᬸᬮᬫ᭄ᬧᬰᬶᬄ᭞ᬩᬦ᭄ᬤᭂᬗᬾᬳᬗᬦ᭄ᬮᬶᬫᭀᬮᬲ᭄᭟ᬩᬯᬶᬦᬾᬳᬦᬂᬢ᭄ᬮᬸᬂᬩᭂᬦᬂ᭞ᬦᬾᬫᬵᬚᬶᬫᬭᭀᬭᬲ᭄ᬢᬮᬶ᭞ᬩ᭄ᬭᬲ᭄ᬭᭀᬭ
ᬲ᭄ᬢᬮᬶᬋᬓᭀ᭞ᬩᬸᬗ᭄ᬓᬶᬮᬦ᭄ᬚᬚᬢᭀᬦ᭄ᬧᬸᬧᬸᬢ᭄᭞ᬫ᭄ᬦᬕᬶᬄᬢ᭄ᬓᬾᬦ᭄ᬲ᭄ᬤᬳᬦ᭄᭞ᬳᭂᬫ᭄ᬩᬵᬲᬫᬶ᭞ᬳᬶᬧᬢᬶᬄᬲᬫᬶᬮᬸᬫᬫ᭄ᬧᬄ᭟ᬧᬢᬶᬄᬤ᭄ᬫᬂᬓᬦᬸᬭᬸᬯᬦ᭄ᬗᬭᬄ᭞ᬭᬶᬂᬲ᭄ᬥᬳᬦ᭄ᬧᬺᬩ᭄ᬓᭂᬮ᭄ᬲᬫᬶ᭞ᬲᬵᬫ᭄ᬧᬸᬦ᭄ᬲᬫᬶᬯᬾᬦ᭄ᬢᭂᬦ᭄ᬋᬓᭀ᭞ᬳᬶᬧᬢᬶᬄᬫᬯᬮᬶᬫᬵᬢᬹᬃ᭞ᬭᬶᬂ᭠
ᬳᬶᬤᬵᬰ᭄ᬭᬷᬦᬭᬵᬦᬵᬣ᭞ᬧᬸᬧᬸᬢ᭄ᬫᬗ᭄ᬓᬶᬦ᭄᭞ᬧᬗ᭄ᬭᬯᭀᬲᬾᬭᬶᬂᬩᬜ᭄ᬘᬶᬗᬄ᭞ᬯᬸᬲ᭄ᬓᬵᬢᬸᬭᬦ᭄ᬲᬲᬗᬦᬦ᭄᭞ᬥᬯᬸᬄᬮᬶᬫᬳᬚᭂᬗᬦ᭄ᬧ᭄ᬭᬧ᭄ᬢᬶ᭞ᬗᬚᭂᬗᬂᬲᬶᬭᬲᬂᬓᬝᭀᬂ᭞ᬧᬢᬶᬄᬫᬦ᭄ᬢ᭄ᬭᬶᬲᬫᬶᬜᭂᬓᬸᬮ᭄᭞ᬲᬫᬶᬲᬵᬫ᭄ᬧᬸᬦ᭄ᬯᬸᬲ᭄ᬗᬚᭂᬗᬂ᭞ᬫ᭄ᬯᬄᬭᬶᬂᬧᬸᬭᬶ᭞ᬳ᭄ᬦᭂᬗᬓ᭄ᬦ
ᬧᬸᬦᬶᬓᬵ᭟ᬳᬸᬢᬸᬲᬦᬾᬫᬗ᭄ᬓᬶᬦ᭄ᬓᭀᬘᬧ᭄᭞ᬢ᭄ᬯᬭᬵᬢ᭄ᬮᬕ᭄ᬳᬸᬮᬃᬳᬸᬮᬶᬃ᭞ᬲᬵᬫ᭄ᬧᬸᬦ᭄ᬗᭂᬤᬲ᭄ᬮᭂᬫᬄᬋᬓᭀ᭞ᬳᬶᬧᬢᬶᬄᬫᬯᬮᬶᬫᬵᬢᬸᬃ᭞ᬭᬶᬂᬳᬶᬤᬵᬰ᭄ᬭᬷᬦᬭᬦᬵᬣ᭞ᬧᬸᬧᬸᬢ᭄ᬫᬗ᭄ᬓᬶᬦ᭄᭞ᬧᬗ᭄ᬭᬯᭀᬲᬾᬭᬶᬂᬩᬜ᭄ᬘᬶᬗᬄ᭟ᬧᬢᬶᬄᬢᬶᬫᬹᬃᬳᬩᬂᬯᬾᬢᬦ᭄᭞
