[᭗᭒ 72B]
᭗᭒
ᬫ᭄ᬧᬸᬦ᭄ᬦᬫ᭄ᬧᭂᬓ᭄ᬭᬶᬂᬓᭀᬭᬶᬧᬦ᭄᭞ᬲ᭄ᬭᬷᬪᬹᬧᬢᬶ᭞ᬲ᭄ᬥᭂᬂᬢᬶᬦᬗ᭄ᬓᬶᬮ᭄ᬤᬶᬚᬩᬵ᭟ᬳᬶᬧᬢᬶᬄᬲᬕᬾᬢ᭄ᬧ᭄ᬭᬧ᭄ᬢᬵ᭞ᬫᬵᬢᬹᬃᬭᬶᬂᬰ᭄ᬭᬷᬦᬭᬵᬧᬢᬶ᭞ᬢᬸᬫᬸᬮᬶᬳᬦᭂᬫ᭄ᬩᬄᬳᬮᭀᬦ᭄᭞ᬢᬶᬢ᭄ᬬᬂᬧᬋᬓ᭄ᬫ᭄ᬭᬶᬓᬶᬓᬹᬢᬸᬲ᭄᭞ᬳᬦ᭄ᬢᬸᬓ᭄ᬳᬶᬤᬭᬳᬶᬦ᭄ᬳᬶᬤᬾᬯ᭄ᬯ᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞
ᬳᬶᬤᬫᬗ᭄ᬓᬶᬦ᭄ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬵ᭟ᬳᬶᬧᬢᬶᬄᬭᬭᬶᬲ᭄ᬗᬢᬸᬭᬂ᭞ᬭᬶᬂᬳᬶᬤᬵᬰ᭄ᬭᬷᬦᬭᬧᬢᬶ᭞ᬭᬤᬾᬦ᭄ᬫᬦ᭄ᬢ᭄ᬭᬶᬧᭀᬮᬶᬄᬋᬓᭀ᭞ᬳᭀᬓᬦ᭄ᬭᬢᬸᬭᬶᬂᬚᭀᬂᬪᬶᬭᬸ᭞ᬢᬶᬢ᭄ᬬᬂᬫ᭄ᬭᬶᬓᬶᬫᬗᬢᬸᬭᬂ᭞ᬭᬶᬂᬦ᭄ᬤ᭄ᬭᬵᬧᬢᬶ᭞ᬭᬤᬾᬦ᭄ᬕᬮᬸᬄᬗᬬᬂᬳᬬᬂ᭟ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶ
ᬓᬵ᭞ᬢᬸᬳᬸᬲᬚᬓᬾᬢᭀᬧᬢᬶᬄ᭞ᬳᬶᬧᬢᬶᬄᬫᬳᬢᬶᬸᬢᬹᬃᬳᬮᭀᬦ᭄᭞ᬲᬶᬗ᭄ᬕᬶᬄᬯ᭄ᬬᬓ᭄ᬢᬶᬧᬫᬶᬢ᭄ᬫᬦ᭄ᬢᬸᬓ᭄᭞ᬳᬶᬧᬢᬶᬄᬲᬵᬫ᭄ᬧᬸᬦ᭄ᬫᬚᬮᬦ᭄᭞ᬢᬦ᭄ᬓᬯᬃᬡ᭄ᬦᬶ᭞ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬵᬫᬭᬾᬂᬥᭂᬳᬵ᭟ᬲᬂᬩᬵᬬᬸᬧᬢᬶᬗᬦ᭄ᬤᬶᬓᬵ᭞ᬭᬶᬂᬧᬋᬓᬦᬾᬦᬸᬘ᭄ᬭᬶᬓ᭄᭞᭠
ᬓ᭄ᬫᬵᬓᬾᬳᬶᬩᬓᬚ᭄ᬭᭀ᭞ᬳᬾᬗ᭄ᬕᬮᬂᬳᬶᬩᬮᬸᬫᬓᬸ᭞ᬫᬵᬢᬹᬃᬭᬶᬂᬰ᭄ᬭᬷᬧ᭄ᬭᬫᬶᬰ᭄ᬯᬃᬬ᭄ᬬ᭞ᬳᬶᬦᬾᬦ᭄ᬫᬶᬚᬶᬮ᭄᭞ᬤᬾᬦᬶᬂᬦᬦᬓ᭄ᬫᬦ᭄ᬢ᭄ᬭᬶᬧ᭄ᬭᬧ᭄ᬢᬵ᭟ᬳᬸᬢᬸᬲᬦᬾᬕ᭄ᬮᬶᬲ᭄ᬮᬸᬫᬫ᭄ᬧᬄ᭞ᬫᬗ᭄ᬭᬜ᭄ᬚᬶᬂᬓᬚ᭄ᬭᭀᬧᬸᬭᬶ᭞ᬫᬵᬢᬹᬃᬭᬶᬂᬰ᭄ᬭᬷᬧ᭄ᬭᬫᬶᬰ᭄ᬯᬃᬬ᭄ᬬ᭞ᬢᬶᬢ᭄ᬬᬂᬳᬸᬢᬸᬲᬦ᭄ᬲᬂᬧ᭄ᬭᬪᬸ᭞
[᭗᭓ 73A]
᭗᭓
ᬫᬗ᭄ᬤᬵᬕ᭄ᬮᬶᬲ᭄ᬳᬶᬤᬾᬯ᭄ᬯᬫ᭄ᬤᬮ᭄᭞ᬧ᭄ᬭᬫᬶᬰ᭄ᬯᬭᬶ᭞ᬢᬸᬫᬸᬮᬶᬄᬭᬭᬶᬲ᭄ᬓᬚᬯ᭄ᬯ᭟ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬭᬶᬂᬩᬜ᭄ᬘᬶᬗᬄ᭞ᬧᬋᬓ᭄ᬭᬶᬂᬳᬶᬤᬵᬦ᭄ᬤ᭄ᬭᬵᬧᬢᬶ᭞ᬧ᭄ᬭᬫᬶᬰ᭄ᬯᬭᬷᬫᬵᬢᬹᬃᬳᬮᭀᬦ᭄᭞ᬦᬧᬶᬦ᭄ᬤᬶᬓᬬᬂᬳᬶᬭᬢᬸ᭞ᬲᬂᬦᬵᬣᬭᬭᬶᬲ᭄ᬗᬦ᭄ᬤᬶᬓᬵ᭞ᬲᬶᬗ᭄ᬕᬶᬄᬬᬬᬶ᭞ᬦᬦᬓ᭄ᬩᬕᬸᬲ᭄ᬲᬵ
ᬫ᭄ᬧᬸᬦ᭄ᬧ᭄ᬭᬧ᭄ᬢᬵ᭟ᬲᬂᬧ᭄ᬭᬪᬸᬮᬦ᭄ᬧ᭄ᬭᬫᬶᬰ᭄ᬯᬃᬬ᭞ᬮᬶᬦ᭄ᬢᬂᬲᬸᬓᬦᬾᬢᬦ᭄ᬲᬶᬧᬶ᭞ᬲᬂᬦᬵᬣᬗᬦ᭄ᬤᬶᬓᬳᬮᭀᬦ᭄᭞ᬓᬓᬵᬧᬢᬶᬄᬤ᭄ᬫᬂᬤ᭄ᬫᬹᬂ᭞ᬳᬭᬳᬶᬦ᭄ᬧᬜ᭄ᬚᬓᬾᬲᬫ᭄ᬬᬦ᭄᭞ᬦᬾᬦᬾᬚᬦᬶ᭞ᬫᬦᬶᬭᬧᬘᬂᬓᬥᭂᬳᬵ᭟ᬳᬶᬧᬢᬶᬄᬫᬗ᭄ᬓᬶᬦ᭄ᬫᬗᬭᬄ᭞ᬦ᭄ᬤᬸᬦᬂᬩᬩ᭄ᬓᭂᬮᬦ᭄ᬲᬫᬶ᭞
ᬲᬵᬫ᭄ᬧᬸᬦ᭄ᬲᬫᬶᬭᬯᬸᬄᬗ᭄ᬮᭀᬄ᭞ᬓᬩᭂᬜ᭄ᬘᬶᬗᬄᬲᭂᬓ᭄ᬲᭂᬓ᭄ᬧᭂᬦᬸᬄ᭞ᬳᬤᬗᬫᭀᬂᬚᭀᬮᬶᬳ᭄ᬫᬲ᭄᭞ᬲᬵᬫ᭄ᬧᬸᬦ᭄ᬢᬶᬢᬶᬩ᭄᭞ᬓᬸᬤᬲᬫᬶᬫᬩᬸᬰᬡᬵ᭟ᬧ᭄ᬭᬫᬶᬰ᭄ᬯᬭᬶᬲᬵᬫ᭄ᬧᬸᬦ᭄ᬫᬸᬗ᭄ᬕᬄ᭞ᬭᬶᬂᬚᭀᬮᬶᬳ᭄ᬫᬲᬾᬍᬯᬶᬄ᭞ᬲᬂᬦᬵᬣᬳᬦᬸᬗ᭄ᬕᬂᬓᬸᬤᬵ᭞ᬧᬺᬩ᭄ᬓᭂᬮᬾᬲ
ᬫᬶᬳᬶᬚᬸ᭞ᬫᬗᬶᬭᬶᬂᬳᬶᬤᬲᬂᬦᬵᬣ᭞ᬕ᭄ᬮᬶᬲ᭄ᬧ᭄ᬭᬧ᭄ᬢᬶ᭞ᬭᬶᬂᬥᭂᬳᬵᬭᬶᬂᬧᬲᬃᬚᬶᬫ᭄ᬩᬃ᭟ᬳᬦᬓᬘ᭄ᬭᬶᬢ᭄ᬣᬭᬶᬂᬧᬲᬃ᭞ᬓᭀᬘᬧᭂᬦ᭄ᬭᬓ᭄ᬭ᭄ᬬᬵᬦᬧᬢᬶᬄ᭞ᬫᬫᬵᬃᬕ᭄ᬕᬶᬭᬭᬶᬲ᭄ᬓᬚ᭄ᬭᭀ᭞ᬫᬵᬢᬹᬃᬭᬶᬂᬳᬶᬤᬲᬂᬧ᭄ᬭᬪᬸ᭞ᬳᬶᬧᬢᬶᬄᬫᬵᬢᬹᬃᬳᬦᭂᬫ᭄ᬩᬄ᭞ᬤᬾᬯᬕᬸᬲ᭄ᬢᬶ᭞ᬭᬓᬦ᭄ᬳᬶᬤᬾ
