Kaca:Bali-lontar-paparikan-bagus-umbara-01-250ppi.pdf/70

[᭖᭙ 69B]
᭖᭙
ᬮᬸᬢᬸᬗᬾᬳᬾᬧᭀᬢ᭄ᬫᬲ᭄ᬭᭀᬤ᭄᭞ᬧᬥᬬᬋᬗᬲ᭄ᬦᬭᬸᬢ᭄ᬤᬸᬢ᭄᭞ᬫᬘᬦᬾᬫᬫᬸᬭᬂᬫᬸᬭᬂ᭞ᬲᬫᬶᬚ᭄ᬭᬶᬄ᭞ᬢᬸᬫᭀᬦ᭄ᬭᬶᬂᬭᬳᬤᬾᬦ᭄ᬤᬾᬯ᭄ᬬ᭟ᬲᬵᬫ᭄ᬧᬸᬦ᭄ᬤᭀᬄᬳᬶᬤᬫᬫᬵᬃᬕ᭄ᬕᬵ᭞ᬳᬓᬾᬄᬓᬮᬗᭃᬦᬾᬧᬗ᭄ᬕᬶᬄ᭞ᬩᬸᬗᬦᬾᬭᬶᬂᬳᬮᬲ᭄ᬓᬢᭀᬦ᭄᭞ᬲᬫᬶᬓᭂ
ᬫ᭄ᬩᬂᬦᭂᬥᭂᬂᬳᬭᬸᬫ᭄᭞ᬲᬫᬶᬲᬵᬫ᭄ᬧᬸᬦ᭄ᬢ᭄ᬯᬄᬳᬶᬘᬶᬓᬵ᭞ᬲᬶᬂᬘᬶᬗᬓᬶᬦ᭄᭞ᬜᬦ᭄ᬤᬂᬓᬲᬦ᭄ᬤᬶᬂᬳᬚᬚᬃ᭟ᬲᬵᬫ᭄ᬧᬸᬦ᭄ᬫᬗ᭄ᬮᬶᬦ᭄ᬢᬗᬶᬦ᭄ᬳᬮᬲ᭄᭞ᬲᬵᬫ᭄ᬧᬸᬦ᭄ᬢᬫ᭄ᬧᭂᬓ᭄ᬭᬶᬂᬦᬵᬕᬭᬶ᭞ᬳᬦᬭᬸᬂᬫᬫᬃᬕ᭄ᬕᬶᬫᬗ᭄ᬓᭀ᭞ᬓᬧᬗ᭄ᬕᬶᬄᬫᬃᬕ᭄ᬕᬦᬾᬳᬕᬸᬂ᭞ᬳᬓᬾᬄᬯᭀᬂᬧᬥᬫᬫᬵᬃᬕ᭄ᬕ᭞ᬮᬸᬄᬫᬸᬯ
ᬦᬶ᭞ᬕᬯᭀᬓ᭄ᬢᬦᬦᬳᬗᬸᬘᬧ᭄᭟ᬢᬦ᭄ᬓᭀᬘᬧᬳᬦᬾᬂᬫᬵᬃᬕ᭄ᬕᬵ᭞ᬧ᭄ᬭᬧ᭄ᬢᬭᬶᬂᬦᬵᬕᬭᬫᬗ᭄ᬓᬶᬦ᭄᭞ᬲᬕᬺᬳᬦ᭄ᬭᬭᬶᬲ᭄ᬓᬚ᭄ᬭᭀ᭞ᬭᬳᬤᬾᬦ᭄ᬕᬮᬸᬄᬳᬫᬸᬯᬸᬲ᭄᭞ᬢᬸᬫᬸᬮᬶᬄᬓᬧᭂᬦ᭄ᬤᬓ᭄ᬢᬶᬗ᭄ᬳᬮ᭄᭞ᬭᬤᬾᬦ᭄ᬤᬾᬯᬶ᭞ᬭᬶᬂᬥᭂᬳᬵᬲᭂᬫᬸᬓᬯᭂᬗᬦ᭄᭟ᬰ᭄ᬭᬶᬧ᭄ᬭᬫᬶᬰ᭄ᬯᬭᬷᬗ
ᬦ᭄ᬤᬶᬓᬵ᭞ᬮᬶᬦ᭄ᬢᬂᬓᬯᭂᬗᬦ᭄ᬜᬶᬗᬓᬶᬦ᭄᭞ᬭᬭᬶᬲ᭄ᬫᬗᬦ᭄ᬤᬶᬓᬳᬮᭀᬦ᭄᭞ᬤᬶᬚᬳᬫ᭄ᬩᬶᬮ᭄ᬦᬦᬓ᭄ᬩᬕᬸᬲ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬳᬦᭂᬫ᭄ᬩᬄ᭞ᬲᬶᬗ᭄ᬕᬶᬄᬦᬶᬓᬶ᭞ᬧᬸᬢ᭄ᬭᬦ᭄ᬲᬂᬧ᭄ᬭᬪᬹᬭᬶᬂᬚᬯᬵ᭟ᬳᭀᬓᬦ᭄ᬲᬂᬦᬵᬣᬉᬢ᭄ᬢᬫᬵ᭞ᬭᬶᬂᬚᭀᬂᬪᬶᬭᬸᬓᬂᬦᬵᬕᬭᬶ᭞ᬓᬂᬗᬤ᭄ᬭᬸᬯᬾᬕᬸᬦᬸᬂᬫ᭄ᬜᬦ᭄᭞

[᭗᭐ 70A]
᭗᭐
ᬤ᭄ᬯᬦᬶᬂᬫᬗ᭄ᬓᬾᬤᬦᬾᬮᬫ᭄ᬧᬸᬲ᭄᭞ᬕᬸᬭᬸᬦ᭄ᬤᬦᬾᬤᬤᭀᬲ᭄‌‌ᬬᬓ᭄ᬱ᭞ᬩᬵᬮᬲᬫᬶ᭞ᬲᬵᬫ᭄ᬧᬸᬦ᭄ᬢᭂᬮᬲ᭄ᬢᬥᬄᬳᬶᬤᬵ᭟ᬓᬭᬶᬤᬦᬾᬧᭂᬮᬸᬄᬳ᭄ᬳᬸᬳᬦ᭄᭞ᬤ᭄ᬯᬦᬶᬂᬤᬦᬾᬮᬫ᭄ᬧᬸᬲ᭄ᬫᬗ᭄ᬓᬶᬦ᭄᭞ᬕᬸᬭᬸᬦᬾᬓᬳᬧᬸᬲ᭄ᬫᬗ᭄ᬓᭀ᭞ᬳᬦ᭄ᬢᬸᬓ᭄ᬳᬶᬤᬭᬤᬾᬦ᭄ᬕᬮᬸᬄ᭞ᬫᬫᬲᭂᬳᬶᬦ᭄ᬲᬸᬢ᭄ᬭᬳᬶᬋᬂ
᭞ᬳᬧᬂᬧᬸᬢᬶᬄ᭞ᬲᬂᬬᬓ᭄ᬱᬭᬭᬶᬲ᭄ᬫᬫᬵᬃᬕ᭄ᬕᬵ᭟ᬲᬭᬯᬸᬳᬾᬫᬭᬶᬂᬫᬶᬸᬃᬕ᭄ᬕᬶᬸᬮᬸᬯᬄ᭞ᬦᬶᬓᬵᬫᬃᬕ᭄ᬕᬶᬦ᭄ᬢᬶᬢ᭄ᬬᬗᬾᬜᬶᬮᬶᬩ᭄᭞ᬫᬦ᭄ᬕᬓᬶᬦ᭄ᬕ᭄ᬭᬸᬥᬋᬓᭀ᭞ᬲᬂᬕᬭᬸᬥᬳᬕ᭄ᬮᬶᬲ᭄ᬫᬩᬹᬃ᭞ᬜᬭᬲᬧ᭄ᬢᭂᬓᬾᬦ᭄ᬳᬓᬰ᭞ᬲᬶᬭᬬᬓ᭄ᬱᬶ᭞ᬢᬸᬫᭀᬦ᭄ᬭᬭᬶᬲ᭄ᬫᭂᬚᬂᬲᬸᬢ᭄ᬭ᭟ᬭᬭᬶᬲ᭄ᬫᬦ᭄ᬢᬸ
ᬓ᭄ᬗᬫ᭄ᬩᬶᬮ᭄ᬧᭂᬤᬂ᭞ᬓᬩᬸᬭᬸᬢᬶᬢ᭄ᬬᬂᬭᬶᬂᬫᬵᬃᬕ᭄ᬕᬶ᭞ᬩᬶᬦᬸᬜ᭄ᬘᬮ᭄ᬫᬡᬶᬓ᭄ᬕᬮᬕᬄ᭞ᬲᬂᬬᬓ᭄ᬱᬢ᭄ᬯᬭᬵᬤᬓᬾᬗ᭄ᬕᬸᬄ᭞ᬭᬭᬶᬲ᭄ᬓᬤᬸᬯᬓ᭄ᬧᬸᬦᬶᬓᬵ᭞ᬲᬶᬭᬬᬓ᭄ᬱᬶ᭞ᬫᬩᬶᬦ᭄ᬤᭂᬃᬓᬤᬶᬓᬯᬗᬦ᭄᭟ᬫᬮᬶᬄᬤᬦᬾᬢᬫ᭄ᬧᭂᬓ᭄ᬧᬶᬲᬦ᭄᭞ᬳᭂᬦ᭄ᬢᬸᬗᬶᬦ᭄ᬩᬦ᭄ᬫᬡᬶᬓ᭄ᬧᬰᬶᬄ᭞ᬫᬡᬶᬓ᭄‌‌ᬖ᭄ᬦᬶ
ᬳᬕᬸᬂᬋᬓᭀ᭞ᬲᬶᬦᬋᬗᬦ᭄ᬫᬡᬶᬓ᭄ᬮᬸᬓ᭄ᬮᬸᬓ᭄᭞ᬳᬶᬗᬸᬬᬸᬧ᭄ᬳᬦ᭄ᬢᬸᬓ᭄ᬲᬂᬦᬵᬣ᭞ᬗ᭄ᬮᬶᬦ᭄ᬢᬂᬫᬮᬶᬄ᭞ᬤᬦᬾᬦᬫ᭄ᬧᭂᬓ᭄‌‌ᬕ᭄ᬮᬶᬲ᭄ᬭᬶᬂᬢᬶᬢ᭄ᬬᬂ᭟ᬢᬶᬢ᭄ᬬᬂᬓᬳᬸᬗ᭄ᬓᬸᬮᬶᬦ᭄ᬧ᭄ᬤᬂ᭞ᬲᬵᬫ᭄ᬧᬸᬦ᭄ᬢᬶᬢ᭄ᬬᬂᬗ᭄ᬭᬱᬫᬢᬶ᭞ᬭᬶᬂᬲ᭄ᬩᬶᬦᬸᬜ᭄ᬘᬮ᭄ᬫᬡᬶᬓ᭄ᬳᬢ᭄ᬫᬵ᭞ᬭᬭᬶᬲ᭄ᬲᬾᬤ᭄ᬥᬲᬂᬬᬓ᭄ᬱᬳᬕᬸᬂ᭞ᬓ᭄ᬢᬸᬕ᭄ᬮᬶᬦᬸᬄ