Kaca:Bali-lontar-paparikan-bagus-umbara-01-250ppi.pdf/69

Saking Wikisource
Kaca puniki sampun kauji-wacén

[᭖᭘ 68B]
᭖᭘
ᬭᬶᬂᬲᬂᬩᬕᬸᬲ᭄᭞ᬭᬯᬸᬄᬓᭀᬘᭀᬓᭀᬃᬳᬶᬤᬾᬯ᭄ᬯ᭞ᬭᬢᬸᬗ᭄ᬭᬭᬶᬲ᭄᭞ᬓᬓᬶᬢᬾᬚᬮᬦ᭄ᬲᬋᬗᬦ᭄᭟ᬤᬾᬥᬸᬓᬸᬄᬲᬋᬂᬫᬦ᭄ᬢᬸᬓᬦ᭄᭞ᬭᬳᬤᬾᬦ᭄ᬕᬮᬸᬄᬓᬧᬗ᭄ᬕᬶᬄ᭞ᬫᬲᭂᬭᭀᬤ᭄ᬫᬜᬧᬳᬮᭀᬦ᭄᭞ᬳᬶᬩᭂᬮᬶᬓᭀᬫᬗ᭄ᬓᬶᬦ᭄ᬭᬯᬸᬄ᭞ᬭᬳ
ᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓᬵ᭞ᬳᬶᬗ᭄ᬕᬶᬄᬳᬤᬶ᭞ᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄ᬧ᭄ᬭᬧ᭄ᬢᬵ᭟ᬤᬾᬥᬸᬓᬸᬄᬫᬫᬓ᭄ᬢᬲ᭄ᬥᬄ᭞ᬫᬯᬥᬄᬩᭀ᭠ᬓᭀᬃᬫᬲᬗ᭄ᬮᬶᬂ᭞ᬳᬢᬸᬭᬶᬦ᭄ᬭᬳᬤ᭄ᬬᬦ᭄ᬭᭀᬭᭀ᭞ᬭᬤᬾᬦ᭄ᬫᬦ᭄ᬢ᭄ᬭᬶᬗᬚᭂᬗᬂᬲᬸᬭᬸᬄ᭞ᬭᬤᬾᬦ᭄ᬕᬮᬸᬄᬫᬲᬋᬗᬦ᭄᭞ᬗᬶᬦᬂᬲᬶᬭᬶᬄ
ᬲᬫᬶᬳᬶᬤᬗᬶᬦᬂᬲ᭄ᬥᬄ᭟ᬭᬳᬤᬾᬦ᭄ᬕᬮᬸᬄᬫᬵᬢᬸᬭᬵ᭞ᬬᬾᬦ᭄ᬳᬶᬥᭂᬧ᭄ᬢᬶᬢ᭄ᬬᬗᬾᬫᬗ᭄ᬓᬶᬦ᭄᭞ᬳᬸᬧᬳᬶᬦ᭄ᬤᬾᬥᬸᬓᬸᬄᬫᬗ᭄ᬓᭀ᭞ᬩᬸᬗ᭄ᬓᬸᬂᬮᬯᬵᬦ᭄ᬓᬫ᭄ᬩᭂᬦ᭄ᬲᬧᬸᬢ᭄᭞ᬳᬲ᭄ᬮᬶᬫ᭄ᬧᭂᬢᬦ᭄ᬮᬯᬦ᭄ᬩᬧᬵᬂ᭞ᬦᬶᬓᬵᬩ᭄ᬮᬶ᭞ᬧᬘᬂᬧᬗᬗ᭄ᬕᭀᬫᬧᬹᬚᬵ᭟ᬭᬳᬤᬾᬦ᭄ᬫ
ᬦ᭄ᬢ᭄ᬭᬶᬗᬦ᭄ᬤᬶᬓᬵ᭞ᬤᬸᬭᬸᬲᬂᬤᬾᬯ᭄ᬯᬳᬶᬘᬾᬦᬶᬦ᭄᭞ᬫᬵᬃᬕ᭄ᬕᬶᬦ᭄ᬢᬶᬢ᭄ᬬᬂᬭᬯᬸᬄᬋᬓᭀ᭞ᬫᬭᬶᬓᬗᬫ᭄ᬩᬶᬮ᭄ᬳᬶᬭᬢᬸ᭞ᬓᬢᭂᬓᬦ᭄ᬫᬦ᭄ᬢᬸ᭠ᬲᬤ᭄ᬬ᭞ᬦᬾᬦᬾᬫᬗ᭄ᬓᬶᬦ᭄᭞ᬲᬗ᭄ᬓᬦ᭄ᬳᬶᬤᬾᬯ᭄ᬯᬭᬶᬂᬢᬶᬢ᭄ᬬᬂ᭟ᬓᬓᬶᬥᬸᬓᬸᬄᬫᬢᬸᬚᬸᬯᬂ᭞ᬫᬃᬕ᭄ᬕᬶᬫ᭄ᬯᬂᬲᬳᬸᬭᬄᬳᬭᬶᬄ᭞ᬲᬗ᭄ᬓᬦ᭄ᬳ᭠

[᭖᭙ 69A]
᭖᭙
ᬧᬶᬲᬦᬦ᭄ᬋᬓᭀ᭞ᬢᬶᬢ᭄ᬬᬂᬫᬫᬋᬓ᭄ᬳᬶᬭᬢᬸ᭞ᬫᬗ᭄ᬓᬶᬦᬶᬸᬦ᭄ᬧᬸᬦᬶᬓᬳᬢᬸᬭᬂ᭞ᬓᬶᬤᬶᬓᬶᬤᬶᬓ᭄᭞ᬳᬶᬧᬸᬦ᭄ᬩᬲ᭄ᬓᬮᬶᬦ᭄ᬢᬂᬳᭀᬮᬲ᭄᭟ᬳ᭄ᬦᬾᬓᬓᬶᬩᬸᬗ᭄ᬓᬸᬂᬤᬤ᭄ᬯᬵ᭞ᬮᬦ᭄ᬲᬧᬸᬢ᭄ᬓᬱᬳᬓᭂᬲᬶᬢ᭄᭞ᬓᬫ᭄ᬩᭂᬦ᭄ᬩᬧᬂᬮᬯᬦ᭄ᬤᭀᬤᭀᬢ᭄᭞ᬕᭂᬦᬶᬢ᭄ᬭᬶᬩᬦ᭄ᬲᬸᬢ᭄ᬭ᭠
ᬥᬥᬸ᭞ᬧᭂᬗᬗ᭄ᬕᭀᬗᬗ᭄ᬓᭂᬦ᭄ᬧᬹᬃᬡ᭄ᬦᬫᬵ᭞ᬗᬾᬱ᭄ᬝᬶᬳ᭄ᬦᬶᬂ᭞ᬤᬾᬤᬸᬓᬸᬄᬓ᭄ᬜᬸᬂᬫᬦᬸᬦᬲ᭄᭟ᬢᬸᬫᬸᬮᬶᬄᬭᬭᬶᬲ᭄ᬳᬜᬸᬫ᭄ᬩᬄ᭞ᬢᬶ᭠ᬢ᭄ᬬᬂᬦᬸᬦᬲ᭄ᬭᬢᬸᬲᬶᬗ᭄ᬕᬶᬄ᭞ᬭᬤᬾᬦ᭄ᬫᬦ᭄ᬢ᭄ᬭᬶᬫᭀᬚᬃᬳᬮᭀᬦ᭄᭞ᬳ᭄ᬦᬾᬓᬓᬶᬳᬩᬵᬫᬦ᭄ᬢᬸᬓ᭄᭞ᬧᬗᬶᬭᬶᬗᬾᬲᬵᬫ᭄ᬧᬸᬦ᭄ᬢᭂᬓᬵ᭞ᬲᬵ
ᬫ᭄ᬧᬸᬦ᭄ᬓᬵᬫ᭄ᬩᬶᬮ᭄᭞ᬲᬵᬫ᭄ᬧᬸᬦ᭄ᬢᭂᬮᬲ᭄ᬓᬚᬩᬬᬂ᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓᬵ᭞ᬲᬸᬲᬸᬳᬸᬦᬦ᭄ᬳᬶᬤ᭄ᬬᬄᬳᬭᬶ᭞ᬲᭂᬧᬄᬳᬶᬤᬾᬯᬦᬾᬓᬯᭀᬢ᭄᭞ᬫᬓᬵᬢᬫ᭄ᬩᬦ᭄ᬢᬶᬢ᭄ᬬᬂᬍᬲᬸ᭞ᬫᬭᬶᬓᬶᬗᬫ᭄ᬩᬶᬮ᭄ᬳᬶᬫᬶᬭᬄ᭞ᬭᬤᬾᬦ᭄ᬤᬾᬯᬶ᭞ᬢᬸᬢᬸᬢ᭄ᬫᬗ᭄ᬓᬶᬦ᭄ᬳᬲᬸᬂᬲ᭄ᬧᬄ᭟ᬭᬳ
ᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓᬵ᭞ᬮᬄᬓᬦ᭄ᬢᬸᬦᬵᬓᬓᬶᬤᬶᬦᬶ᭞ᬤᬾᬥᬸᬓᬸᬄᬳᬦᭂᬫ᭄ᬩᬄᬳᬮᭀᬦ᭄᭞ᬫᬵᬃᬕ᭄ᬕᬶᬭᬢᬸᬧᬂᬭᬳᬬᬸ᭞ᬭᬤᬾᬦ᭄ᬫᬦ᭄ᬢ᭄ᬭᬶᬯᬸᬲ᭄ᬫᬫᬵᬃᬕ᭄ᬕᬵ᭞ᬦᬸᬳᬸᬢ᭄ᬳᬸᬓᬶᬃ᭞ᬢᬸᬫᬸᬭᬸᬦ᭄ᬢᭂᬗᬳᬶᬂᬳᬮᬲ᭄᭟ᬳᬓᬾᬄᬩᬸᬭᭀᬦᬾᬫᬳᬶᬫ᭄ᬧᬲ᭄᭞ᬭᬶᬂᬳᬮᬲ᭄ᬧᬥᬫᬜᬫ᭄ᬧᬶᬂ