Kaca:Bali-lontar-paparikan-bagus-umbara-01-250ppi.pdf/68

Saking Wikisource
Kaca puniki sampun kauji-wacén

[᭗᭗ 67B]
᭗᭗
ᬦᬵᬢᬶᬢ᭄ᬬᬂᬭᭀᬭᭀᬫᬦᬄ᭟ᬬᬾᬦ᭄ᬲᬶᬩ᭄ᬮᬶᬫᬮᬶᬄᬢᬸᬮᬓ᭄᭞ᬢᬶᬢ᭄ᬬᬂᬢᬦ᭄ᬯᬾᬦ᭄ᬢᭂᬦ᭄ᬳᬶᬭ᭄ᬬᬵᬢᬶ᭞ᬭᬤᬾᬦ᭄ᬫᬦ᭄ᬢ᭄ᬭᬶ᭠ᬗᬦ᭄ᬤᬶᬓᬵᬮᭀᬦ᭄᭞ᬢᬶᬢ᭄ᬬᬂᬳᬾᬮᬶᬂᬲᬧᬓᬬᬸᬦ᭄᭞ᬢᬸᬫᬸᬮᬶᬭᬭᬶᬲ᭄ᬫᬫᬵᬃᬕ᭄ᬕ᭞ᬧ᭄ᬭᬧ᭄ᬢᬾᬂᬬᬣᬶ᭞ᬳᬶᬗᬶᬭᬶᬂᬤᬾᬦᬶᬂᬧᬸᬦ᭄ᬲ᭄ᬫᬃ᭟
ᬲᬵᬫ᭄ᬧᬸᬦ᭄ᬓᬾᬲᬄᬭᬶᬂᬦᬵᬕᬭ᭞ᬓᬯᬸᬯᬸᬲᭂᬦ᭄ᬰ᭄ᬭᬶᬪᬸᬧᬢᬶ᭞ᬓᬭᬶᬦ᭄ᬭᬸᬧᬸᬢ᭄ᬓᬚ᭄ᬭᭀᬫᬗ᭄ᬓᭀ᭞ᬫᬗ᭄ᬭᬸᬭᬸᬄᬭᬳᬤᬾᬦ᭄ᬕ᭠ᬮᬸᬄ᭞ᬍᬯᬶᬄᬳᬶᬤᬧ᭄ᬭᬫᬶᬰ᭄ᬯᬃᬭ᭄ᬬ᭞ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬭᬳᬤᬾᬦ᭄ᬕᬮᬸᬄᬳᬜᬸᬫ᭄ᬩᬄ᭟ᬳᬮᬸᬗ᭄ᬕᬸᬄᬳᬶᬤᬲᬂᬦᬵᬣ᭞ᬲᬋᬂᬳᬶ᭠
ᬤᬵᬧ᭄ᬭᬫᬶᬰ᭄ᬯᬭᬶ᭞ᬭᬤᬾᬦ᭄ᬕᬮᬸᬄᬫᬵᬢᬹᬃᬳᬮᭀᬦ᭄᭞ᬳᬤᬸᬄᬤᬾᬯ᭄ᬯᬳᬚᬶᬳᬶᬩᬸ᭞ᬳᬶᬗ᭄ᬕᬶᬄᬦ᭄ᬤ᭄ᬭᬸᬄᬓᬧᭀᬢᬶᬢ᭄ᬬᬂ᭞ᬭᬶᬂᬳᬶᬩ᭄ᬮᬶ᭞ᬤᬦᬾᬲᬵᬫ᭄ᬧᬸᬦ᭄ᬗᬫ᭄ᬩᬶᬮ᭄ᬢᬶᬢ᭄ᬬᬂ᭟ᬲ᭄ᬕᬭᬵᬫᬥᬸᬕᬸᬦᬸᬂᬫ᭄ᬜᬦ᭄᭞ᬳᬶᬩ᭄ᬮᬶᬋᬓᬾᬫᬗᬮᬶᬄ᭞ᬳᬸᬮᬶᬤᬶᬚᭀᬂᬪᬶᬭᬸ᭠
ᬋᬓᭀ᭞ᬤ᭄ᬭᬸᬯᬾᬦ᭄ᬳᬶᬤᬭᬤᬾᬦ᭄ᬕᬮᬸᬄ᭞ᬤᬦᬾᬋᬓᬾᬫᬳᬶᬘᬬᬂ᭞ᬭᬶᬂᬳᬶᬩ᭄ᬮᬶ᭞ᬕᬸᬭᬸᬦᬾᬓᬮᬶᬦ᭄ᬢᬂᬲᬸᬓᬵ᭟ᬩ᭄ᬦᭂᬄᬩᬦ᭄ᬓᬾᬩᬧᬦᬵᬃᬓ᭄ᬓᬵ᭞ᬭᬸᬧᬦᬾᬢ᭄ᬯᬭᬫᬲᬮᬶᬦ᭄᭞ᬤᬾᬦᬶᬂᬳᬶᬮᬗᬾᬫᬓ᭄ᬮᭀ᭞ᬲᬗ᭄ᬓᬦ᭄ᬩᬧᬵᬳᬾᬫᭂᬂᬢᬦ᭄ᬤ᭄ᬭᬸᬄ᭞ᬚᬦᬶᬬᬓᬢᬸᬚᬸ

[᭖᭘ 68A]
᭖᭘
ᬢ᭄ᬓᬵ᭞ᬲᬵᬫ᭄ᬧᬸᬦ᭄ᬯᬶᬥᬶ᭞ᬦᬾᬦᬾᬳᬶᬩᬶᬫᬫᭂᬮᬶᬳᬂ᭟ᬦᬾᬦᬾᬚᬦᬶᬬᬓᭂᬚᭂᬳᬵ᭞ᬲᬗ᭄ᬓᬦ᭄ᬢ᭄ᬯᬭᬗᭂᬦᬄᬤᬶᬦᬶ᭞ᬭᬤᬾᬦ᭄ᬕᬮᬸᬄᬫᬵᬢᬸᬃᬳᬮᭀᬦ᭄᭞ᬤᬦᬾᬮᬸᬯᬲ᭄ᬚᬸᬫᬄᬤᬾᬥᬸᬓᬸᬄ᭞ᬓᭀᬘᬧ᭄ᬫᬗᬫ᭄ᬩᬶᬮ᭄ᬧᬓᬶᬂᬲᬦ᭄᭞ᬬᬾᬦ᭄ᬧᬸᬦᬧᬶ᭞ᬤᬦᬾᬩ᭄ᬬ
ᬦᬵᬗᬦ᭄ᬤᬶᬓᬬᬂ᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬓᭀᬘᬧ᭞ᬳᬦᬭᬸᬂᬳᬶᬤᬵᬫᬫᬵᬃᬕ᭄ᬕᬶ᭞ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬭᬶᬂᬳᬮᬲ᭄ᬋᬓᭀ᭞ᬫᬫᭂᬗ᭄ᬕᭂᬮ᭄ᬕᬸᬦᬸᬂᬢᬢ᭄ᬮᬸ᭞ᬲᬕᬾᬢ᭄ᬓᬢᭀᬦ᭄ᬓᬓᬬᭀᬦᬦ᭄᭞ᬢᬸᬳᬸᬗ᭄ᬭᬯᬶᬢ᭄᭞ᬩᬸᬗᬦᬾᬳᬚᬚᬃᬚᬚᬃ᭟ᬓᬬᬸᬧᬸᬭᬶᬂᬮᬦ᭄ᬳᬦ᭄ᬤᭀᬂᬩᭀᬂ᭞ᬓ
ᬬᬸᬳ᭄ᬫᬲ᭄ᬳᬦ᭄ᬤᭀᬂᬯᬶᬮᬶᬲ᭄᭞ᬢ᭄ᬮᬕᬦᬾᬚᬶᬫ᭄ᬩᬃᬳᬗ᭄ᬮᬗᭀᬦ᭄᭞ᬤᬶᬲᬶᬲᬶᬜᬢᬸᬜ᭄ᬚᬸᬂᬩᬶᬭᬸ᭞ᬳᬫ᭄ᬧᬾᬮ᭄ᬕᬤᬶᬂᬧᬜᭂᬗ᭄ᬓᭂᬃᬦ᭄ᬬ᭞ᬢᬸᬜ᭄ᬚᬸᬂᬩᬶᬸᬧᬸᬢᬶᬄ᭞ᬢᬸᬜ᭄ᬚᬸᬂᬩᬵᬂᬮᬦ᭄ᬓᭂᬫ᭄ᬩᬂᬘᬶᬡᬵ᭟ᬭᬶᬂᬧᬶᬗ᭄ᬕᬶᬃᬢ᭄ᬮᬕᬳᬗ᭄ᬭᬭᬲ᭄᭞ᬲᬮ᭄ᬯᬶᬭᬶᬂᬩᬸᬗᬦᬾᬮ᭄ᬯᬶᬄ᭞ᬫ᭄ᬦᬸᬄᬮᬦ᭄‌‌ᬳᬾᬃ
ᬫᬯᬵᬕᬸᬮᭀ᭞ᬓᬫᭀᬦᬶᬂᬮᬦ᭄ᬦᬵᬕᬲᬵᬦ᭄ᬢᬸᬦ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶᬢᬫ᭄ᬧᭂᬓ᭄ᬧᬶᬲᬦ᭄᭞ᬲᬵᬫ᭄ᬧᬸᬦ᭄ᬕᭂᬮᬶᬲ᭄᭞ᬤᬾᬥᬸᬓᬸᬄᬲ᭄ᬤᭂᬓ᭄ᬤᬶᬯᬗᬦᬵ᭟ᬭᬤᬾᬦ᭄ᬫᬦ᭄ᬢ᭄ᬭᬶᬳᬕ᭄ᬮᬶᬲ᭄ᬧ᭄ᬭᬧ᭄ᬢᬵ᭞ᬤᬾᬥᬸᬓᬸᬄᬓᬧᭂᬦ᭄ᬤᬓ᭄ᬮᬶᬭᬶᬂ᭞ᬢᬸᬫᬸᬮᬶᬭᬭᬶᬲ᭄ᬫᬲ᭄ᬭᭀᬤ᭄᭞ᬫᬵᬢᬹᬃᬜᬸᬫ᭄ᬩᬄ