[᭕ 5B]
᭕
ᬦ᭄ᬲᬶᬋᬧ᭄ᬮᬸᬫᬓᬸᬄ᭞ᬳᬗᬫ᭄ᬩᬭᬫᬭᬶᬂᬤᬬᬵ᭞ᬤᬾᬭᬾᬂᬧ᭄ᬭᬧ᭄ᬢᬶ᭞ᬲᬫ᭄ᬧᬸᬦᬂᬫᬗ᭄ᬓᬢ᭄ᬧᬗᬾᬭᬦ᭄᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬳᬗᬸᬘᬧ᭄᭞ᬲᬵᬫ᭄ᬧᬸᬦ᭄ᬓᬓᬵᬯᬮᬗᬢᬶ᭞ᬫᬲᬢᬫ᭄ᬩᭂᬢ᭄ᬤᬲᬂᬓᬝᭀᬂ᭞ᬫᬫᬦ᭄ᬧᬢᬶᬄᬮᬦ᭄ᬢᬸᬫᭂᬗ᭄ᬕᬸᬂ᭞ᬫᬦᬶᬭᬳᬜ᭄ᬚᬚᬄᬓᬃᬫ᭄ᬫ᭞ᬭᬶᬂ
ᬲᬂᬧᬸᬢ᭄ᬭᬶ᭞ᬓᬓᬵᬯᬸᬲᬦ᭄ᬬᬫᬧ᭄ᬢᬵ᭟ᬫᬫᬦ᭄ᬤᬸᬗᬂᬓᬳᬸᬢ᭄ᬢᬫᬦ᭄᭞ᬭᬶᬂᬲᬂᬋᬚᬵᬭᬚᬧᬸᬢ᭄ᬭᬶ᭞ᬩᬶᬮᬶᬄᬬᬦ᭄ᬓᬢ᭄ᬫᬸᬋ᭠ᬓᭀ᭞ᬳᬦᬸᬢ᭄ᬓᬾᬦ᭄ᬓᬬᬸᬦ᭄ᬳᬶᬕᬸᬭᬸ᭞ᬬ᭄ᬬᬦᭂᬳ᭄ᬬᬂᬓᬾᬥᭂᬧᬂᬭᬕ᭞ᬩᬕ᭄ᬬᬳᭀᬮᬶᬄ᭞ᬧᬸᬢ᭄ᬭᬶᬓᬤᬶᬲᬫᬶᬳᬶᬓᬵ᭟ᬫᬗ᭄ᬓᬦᬵ᭠
ᬧᬗᬸᬘᬧ᭄ᬳᬶᬭᬵ᭞ᬧᬸᬦ᭄ᬲ᭄ᬫᬃᬢᬦᬵᬫᬶᬯᬮᬶᬦ᭄᭞ᬳᬦᬸᬢ᭄ᬲᬳᬦᭂᬫ᭄ᬩᬄᬳᬮᭀᬦ᭄᭞ᬳᬕ᭄ᬮᬶᬲ᭄ᬮᬸᬫᬓ᭄ᬯᬶᬂᬭᬶᬳᭂᬦᬸ᭞ᬓ᭄ᬯᬾᬳᬶᬂᬤᬾᬰᬓᬮᬶᬦ᭄ᬢᬗᬦ᭄᭞ᬭᬶᬂᬦᬵᬕᬭᬶ᭞ᬮᬸᬯᬄᬮᬯᬵᬦ᭄ᬕᬸᬦᬸᬂᬩ᭄ᬯᬡᬵ᭟ᬓᬂᬫ᭄ᬦᭂᬂᬫᭂᬦᭂᬗᬮ᭄ᬬᬦ᭄᭞ᬓᬩ᭄ᬯᬢᬶᬯᭂᬤᬶᬭᬶᬂᬫᬵᬃᬕ᭄ᬕᬶ᭞ᬫᬗ᭄ᬭ
ᬭᬶᬲ᭄ᬫᬦ᭄ᬭᬸᬲ᭄ᬳᬤᭀᬄ᭞ᬲᬵᬫ᭄ᬧᬸᬦ᭄ᬧ᭄ᬢᭂᬗᭂᬦ᭄ᬭᬶᬂᬥᬦᬸ᭞ᬧ᭄ᬭᬧ᭄ᬢᬾᬂᬧᬤᬵᬭᬶᬓᬂᬯᬦᬵ᭞ᬳᬦᬫᬫᬸᬜᬶ᭞ᬓᬤᬸᬧᬸᬓ᭄ᬮᬯᬵᬦ᭄ᬢᬂᬓᬶ᭠ᬮᬂ᭟ᬫᬫᬸᬜᬶᬬᬧᬓᬸᬭᬾᬬᬓ᭄᭞ᬭᬶᬂᬫᬥ᭄ᬬᬲᬸᬦ᭄ᬬᬦᬶᬂᬗᬸᬓᬶᬃ᭞ᬳᬤᭀᬄᬜ᭄ᬚ᭄ᬭᬶᬢ᭄ᬫᬥ᭄ᬬᬦᬶᬂᬕᭀᬯᭀᬓ᭄᭞ᬧᬸᬦ᭄ᬲ᭄ᬫᬃᬤᬤ᭄ᬬ
[᭖ 6A]
᭖
ᬳᬗ᭄ᬭᬸᬗᬹ᭞ᬳᬥᬹᬄᬘᬳᬶᬕᬸᬲ᭄ᬢᬶᬤᬾᬯ᭄ᬯ᭞ᬫᬲᬭᬶᬫ᭄ᬭᬶᬫ᭄᭞ᬦᬸᬦᬲ᭄ᬢᬸᬮᬓ᭄ᬓᬦᬵᬕᬭ᭞ᬲᬶᬜᬦᬯᬶᬳᬤᬕᬮᬓ᭄᭞ᬧᬦ᭄ᬢᭂᬲ᭄ᬩᬸᬭᭀᬦᬾᬫᬘᬮᬶᬂ᭞ᬧᬦ᭄ᬢᭂᬲ᭄ᬫᬸᬜᬶᬦ᭄ᬜᬦᬥᬄᬯᭀᬂ᭞ᬤᬶᬩᬢᬦ᭄ᬓᬬᬸᬦᬾᬳᬕᬸᬂ᭞ᬩᬗ᭄ᬲᬶᬂᬜᬦᬾᬓᬢᬄᬧᬶᬲᬦ᭄᭞ᬩᬸᬦ᭄ᬫ᭠
ᬮᬶᬮᬶᬢ᭄᭞ᬩᬢᬦ᭄ᬜᬦᬾᬕᬸᬯᬵᬮᬶᬗ᭄ᬕᬄ᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓᬵ᭞ᬲᬵᬫ᭄ᬧᬸᬦ᭄ᬓᬓᬵᬭᬸᬧᬵᬯ᭄ᬤᬶ᭞ᬳᬧᬦᭀᬕ᭄ᬬᬢ᭄ᬯᬄᬜᬦᬾᬢᭀ᭞ᬧ᭄ᬭᬄᬧᬰᬶᬳᬾᬮᬯᬵᬦ᭄ᬕᬸᬦᬸᬂ᭞ᬤᬕᬶᬂᬜᬦᬾᬲᬫᬵᬲᬫ᭞ᬳᬕᬸᬂᬳᬮᬶᬢ᭄᭞ᬲᬵᬃᬯ᭄ᬯᬩᬶᬱᬲᬵᬃᬯ᭄ᬯᬕᬮᬓ᭄᭟ᬳ᭠
ᬮᬲ᭄ᬳ᭄ᬬᬧᬤᬫᬳᬮᬲ᭄᭞ᬧᬗ᭄ᬓᬸᬂᬳᬤᬵᬢᬹᬃᬫᬩᬸᬓᬶᬢ᭄᭞ᬳᬧᬦ᭄ᬳ᭄ᬬᬓᬘᬢ᭄ᬭᬶᬋᬓᭀ᭞ᬓᬢᬸᬤᬸᬄᬧᬥᬫᬩᬵᬬᬸ᭞ᬕᬸᬫᬶᬮᬗᬶᬢ᭄ᬫᬓᬵᬧᬹᬃᬯ᭄ᬯ᭞ᬳᬓ᭄ᬱᬭᬵᬚᬶ᭞ᬓᬢᬸᬭᬸᬦ᭄ᬮᬯᬦ᭄ᬫᬦᬸᬱ᭟ᬲᬧᬸᬦᬶᬓᬵᬓᬢᬢ᭄ᬯᬜ᭞ᬦᬾᬓᭀᬘᬧᬜᬭᬶᬂᬳᬚᬶ᭞ᬳ᭄ᬬᬂᬩ
ᬬᬸᬯᬸᬯᬸᬲᬋᬓᭀ᭞ᬧ᭄ᬭᬤᬶᬧ᭄ᬢᬫᬗ᭄ᬓᬶᬦ᭄ᬤᬶᬄᬫᬸᬭᬸᬩ᭄᭞ᬯᬯᬸᬫᬢ᭄ᬭᬕᬢ᭄ᬭᬦᬢᬃ᭞ᬓ᭄ᬯᬾᬄᬫᬫᬸᬜᬶ᭞ᬲᬢᬯᬤᬵᬮᬦ᭄ᬘᬗ᭄ᬓᭀᬭᬦ᭄᭟ᬯᬸᬲᬤᭀᬄᬮᬶᬦ᭄ᬢᬂᬧᬸᬦᬶᬓᬵ᭞ᬳᬜᬸᬲᬸᬧ᭄ᬢᭂᬗᬳᬶᬂᬯᬸᬓᬶᬃ᭞ᬲᬵᬃᬯ᭄ᬯᬓᭂᬫ᭄ᬩᬗᬾᬫᬗᬬᭀᬃ᭞ᬫᬲᬦ᭄ᬤᬶᬂᬲᬦ᭄ᬤᬶᬂᬫᬢᬸᬭᬸ᭠
