[᭕᭓ 53B]
᭕᭓
ᬲᬾᬲᬶᬦᬗ᭄ᬮᬶᬂ᭞ᬫᬓᭂᬫ᭄ᬧ᭄ᬬᬂᬫᬳᬢᬹᬃᬳᬮᭀᬦ᭄᭞ᬦᬸᬦᬲ᭄ᬩᭂᬮᬶᬫᬗ᭄ᬓᬶᬦ᭄ᬫᬦ᭄ᬢᬸᬓ᭄᭞ᬭᬭᬶᬲ᭄ᬫᬸᬗ᭄ᬕᬄᬕᬕ᭄ᬮᬶᬲᬦ᭄᭞ᬲᬶᬜᬦᬯᬶ᭞ᬳᬶᬕᬸᬭᬸᬳᬾᬗ᭄ᬕᬮᬦ᭄ᬢᭂᬓᬵ᭟ᬳᬜ᭄ᬚᬭᬸᬫ᭄ᬧᬸᬦᬂᬕᬭᬸᬤᬵ᭞ᬲᬫᬶᬲᬵᬫ᭄ᬧᬸᬦ᭄ᬫᬸᬗ᭄ᬕᬄᬳᬕ᭄ᬮᬶᬲ᭄᭞ᬧᬸᬦ᭄ᬲ᭄ᬫᬃᬚᭂᬚᭂᬄᬫᬗᭂᬢᭀᬃ᭞ᬫᬗ᭄ᬭᬱᬫᬢᬶ
ᬢᭀᬂᬳᬶᬤᬸᬧ᭄᭞ᬲᬂᬕᬭᬸᬥᬭᬭᬶᬲ᭄ᬗᬸᬘᬧ᭄᭞ᬜᬳᬶᬘᬶᬮᬶ᭞ᬳᬧᬂᬲᬫᬶᬲᬫᬶᬬᬢ᭄ᬦᬵ᭟ᬫᬫ᭄ᬧᭂᬄᬫᬗ᭄ᬓᬶᬦ᭄ᬲᬂᬕᬭᬸᬥᬵ᭞ᬲᬤᬵᬗᬲᬩ᭄ᬢᬢᬲ᭄ᬕᬸᬫᬶ᭞ᬕᬸᬍᬫ᭄ᬮᬗᬶᬢᬾᬳᬲᬶᬩᬓ᭄᭞ᬲᬂᬬᬓ᭄ᬱᬓᬕ᭄ᬬᬢᬦ᭄ᬤᬸᬮᬸ᭞ᬢᬸᬫᬸᬮᬶᬄᬫᬫᬦ᭄ᬢᭂᬲ᭄ᬧᬶᬲᬦ᭄᭞ᬓᬢᭀᬦ᭄ᬫᬗ᭄ᬓᬶᬦ᭄᭞
ᬜᬳᬶᬘᬶᬮᬶᬗᬯᬂᬳᬯᬂ᭟ᬲᬂᬬᬓ᭄ᬱᬫᬫᬸᬜ᭄ᬘᬮ᭄ᬲᬸᬢ᭄ᬭ᭞ᬩᭂᬢᬄᬓᬧᬶᬜᬳᬶᬘᬶᬮᬶ᭞ᬫᬕᬾᬩ᭄ᬭᬲ᭄ᬫᬦ᭄ᬢᬸᬓ᭄ᬦᬭᭀᬤᭀᬲ᭄᭞᭠ᬫᬗᬫ᭄ᬩᬶᬮ᭄ᬧᭂᬤᬂᬫᬗᬶᬧᬸᬄ᭞ᬓᬤᬶᬕᬭᬸᬤᬸᬕᬦ᭄ᬓᬶᬮᬧ᭄᭞ᬗᭂᬧᬸᬂᬕ᭄ᬮᬶᬲ᭄᭞ᬩᬸᬓᬝᬝᬶᬢᬾᬫᬲᬸᬯᬃ᭟ᬧ᭄ᬤᬗᬾᬓᬩᬶᬦᬵᬩᬶᬦᬵ᭞᭠
ᬧᬜ᭄ᬚᬗᬾᬲ᭄ᬬᬸᬥ᭄ᬧᬜᬭᬶ᭞ᬮᬸᬫ᭄ᬩᬗᬾᬢ᭄ᬮᬸᬂᬥ᭄ᬧᬵᬋᬓᭀ᭞ᬭᬭᬶᬲ᭄ᬳᬗ᭄ᬭᬓ᭄ᬳᬶᬤᬫᬸᬭᬸ᭞ᬗᭂᬢᬸᬢ᭄ᬩᬸᬭᬶᬕᬕᭂᬮᬶᬲᬦ᭄᭞ᬓᬤᬶᬳᬗᬶᬦ᭄᭞ᬓᬤᬶᬝᬝᬶᬢ᭄ᬫᬲᬸᬦ᭄ᬤᬭᬦ᭄᭟ᬢ᭄ᬯᬶᬢ᭄ᬯᬄᬫᬫᬸᬭᬸᬯᬶᬭᬂ᭞ᬗ᭄ᬭᬓ᭄ᬢᬸᬃᬫᬗᬸᬩᬢ᭄ᬳᬩᬶᬢ᭄᭞ᬜᬳᬶᬘᬶᬮᬶᬫᭂᬦ᭄ᬢᬄᬋᬓᭀ
[᭕᭔ 54A]
᭕᭔
ᬗᬦ᭄ᬤᬶᬓᬵᬲᬵᬫ᭄ᬩᬶᬮ᭄ᬫᬗᭂᬧᬸᬂ᭞ᬩᬮᬶᬓᬶᬢᬵᬬᬦᬵᬳᬸᬕ᭞ᬢᭂᬓᬾᬦ᭄ᬳᬸᬭᬶᬧ᭄᭞ᬫᬾᬄᬓᬢ᭄ᬓᬦ᭄ᬓᬶᬢᬵᬧ᭄ᬚᬄ᭟ᬲᬶᬦᭂᬗ᭄ᬕᬸᬄᬓᬶᬢᬯᭀᬂᬧᬭᬦ᭄᭞ᬤᬶᬜ᭄ᬚᭀᬂᬪᬶᬭᬸᬗᬤᭂᬕ᭄ᬮᭂᬯᬶᬄ᭞ᬦᬾᬦᬾᬲᬸᬩᬵᬲᬸᬩᬋᬓᭀ᭞ᬗᭂᬦ᭄ᬤᬶᬓᬵᬲᬫ᭄ᬩᬶᬮ᭄ᬫᬗᭂᬧᬸᬂ᭞ᬫᬫᬢ᭄ᬩᬢ᭄ᬫᬗᬸᬫᬦᬸᬫᬦ᭄
᭞ᬢᬦ᭄ᬤ᭄ᬯᬕ᭄ᬮᬶᬲ᭄᭞ᬗᬸᬬᭂᬂᬧ᭄ᬤᬂᬜᭂᬫ᭄ᬧᬮ᭄ᬜᭂᬫ᭄ᬧᬮ᭄᭟ᬢ᭄ᬯᬭᬢ᭄ᬮᬕ᭄ᬫᬗᬸᬬᭂᬂᬧ᭄ᬤᬂ᭞ᬫᬗᬸᬩᭂᬲ᭄ᬫᬗᬸᬭᬓᬭᬶᬓ᭄᭞ᬧ᭄ᬤᬗᬾᬫᬲ᭄ᬮᭂᬤᬾᬢ᭄ᬓᬢᭀᬦ᭄᭞ᬓᬤᬶᬝᬝᬶᬢ᭄ᬲᬫᬶᬤ᭄ᬤᬸᬮᬸ᭞ᬭᬳᬤᬾᬦ᭄ᬤᬾᬯᬶᬢᬸᬫᬶᬗ᭄ᬳᬮ᭄᭞ᬮᬦ᭄ᬢ᭄ᬯᬦ᭄ᬫᬦ᭄ᬢ᭄ᬭᬶ᭞ᬲᬫᬶᬧᬥᬵᬗ᭄ᬭᬱᬧ᭄ᬚᬄ᭟ᬭᬤᬾᬦ᭄ᬤᬾᬯᬶᬗ᭄ᬭᬱᬾᬂ
ᬘᬶᬢ᭄ᬣ᭞ᬳᬾᬮᬶᬂᬭᬶᬂᬫᬡᬶᬓᬾᬗᬹᬦᬶ᭞ᬳᭂᬦ᭄ᬢᬸᬗᬶᬦ᭄ᬫᬡᬶᬓ᭄ᬳ᭄ᬬᬾᬄᬋᬓᭀ᭞ᬫᬢ᭄ᬫᬳᬦ᭄ᬢᭀᬬᬳᬕᬸᬂ᭞ᬫᬡᬶᬓ᭄ᬩ᭄ᬭᬳ᭄ᬫᬵᬲᬶᬦᬋᬗᬦ᭄᭞ᬤᬤ᭄ᬬᬵᬖ᭄ᬦᬶ᭞ᬫᬗᭂᬩᭂᬓᬶᬦ᭄ᬳᬮᬲ᭄ᬚᬶᬫ᭄ᬩᬃ᭟ᬲᬂᬦᬵᬢ᭄ᬣᬯ᭄ᬭᬸᬄᬭᬶᬂᬘᬶᬢ᭄ᬣ᭞ᬲᬫᬶᬬᬓᬳᬸᬬᬸᬧᬕ᭄ᬮᬶᬲ᭄᭞ᬲᬂᬬᬓ᭄ᬱᬳᬫᬸᬯᬸᬲ᭄ᬋ
ᬓᭀ᭞ᬲᬤ᭄ᬬᬫᬓ᭄ᬧᬓ᭄ᬚᬢ᭄ᬫᬳᭂᬮᬸᬄ᭞ᬩᭂᬲ᭄ᬗᬯᬾᬦᬂᬓᬯᬶᬭᬗᬦ᭄᭞ᬢᬦ᭄ᬤ᭄ᬯᬕ᭄ᬮᬶᬲ᭄᭞ᬗᭂᬫᭂᬢᬂᬜᭂᬫ᭄ᬧᬮ᭄ᬩᬦ᭄ᬧᭂᬤᬂ᭟ᬭᬳᬤᬾᬦ᭄ᬕᬮᬸᬄᬓᬾᬯᭂᬳᬦ᭄᭞ᬫᬦᬗᬶᬲ᭄ᬫᬗ᭄ᬭᬱᬫᬢᬶ᭞ᬓᬕᬶᬬᭂᬢᬂᬜᭂᬫ᭄ᬧᬮ᭄ᬋᬓᭀ᭞ᬭᬳᬤ᭄ᬬᬦ᭄ᬫᬡᬶᬓᬾᬓᬦ᭄ᬢᬸᬦ᭄᭞
