Kaca:Bali-lontar-paparikan-bagus-umbara-01-250ppi.pdf/53

Saking Wikisource
Kaca puniki sampun kauji-wacén

[᭕᭒ 52B]
᭕᭒
ᬳᬸᬢᬸᬲᬦᬾᬚᭂᬚᭂᬄᬫᬗ᭄ᬓᭀ᭞ᬲᬋᬂᬢᬢᬶᬕᬫᬘ᭄ᬮᬸᬧ᭄᭞ᬫᬗ᭄ᬮᬯᬸᬢ᭄ᬓᬩᬢᬦ᭄ᬳᬸᬫᬄ᭞ᬫᬫ᭄ᬧᭂᬄᬫᬗ᭄ᬓᬶᬦ᭄᭞ᬕᬸᬍᬫ᭄ᬮᬗᬶᬢᬾᬳᬲᬶᬩᬓ᭄᭟ᬓᬕᬾᬢ᭄ᬭᬯᬸᬄᬭᬶᬂᬩᬜ᭄ᬘᬶᬗᬄ᭞ᬳ᭄ᬬᬂᬯᬶᬱ᭄ᬡᬸᬗᬦ᭄ᬤᬶᬓᬵᬳᬭᬶᬲ᭄᭞ᬳᬶᬤᬵᬚᬦᬶᬓᬧᬲ᭄ᬮᬂ᭞ᬭᬶᬂᬭᬤᬾᬦ᭄ᬕᬮᬸᬄ
ᬚᭀᬂᬪᬶᬭᬸ᭞ᬧᬘᬂᬫᬓ᭄ᬢᬵᬓᬓᭀᬭᬶᬧᬦ᭄᭞ᬩᬳᬸᬫᬳᬶ᭞ᬲᬗ᭄ᬳ᭄ᬬᬂᬫᬦ᭄ᬢ᭄ᬭᬦ᭄ᬜᬦᬾᬢ᭄ᬓᬵ᭟ᬲᬂᬕᬭᬸᬥᬲᬯᬹᬃᬲᭂᬫ᭄ᬩᬄ᭞ᬲᬶᬗ᭄ᬕᬶᬄᬫᬦᬶᬭᬫᬗᬶᬭᬶᬂ᭞ᬦᬤ᭄ᬬᬦ᭄ᬓᬧᬶᬲ᭄ᬮᬂᬫᬗ᭄ᬓᭀ᭞ᬲᬦ᭄ᬤᬶᬓᬦ᭄ᬳᬶᬤᬳ᭄ᬬᬂᬯᬶᬱ᭄ᬡᬸ᭞ᬢᬶᬢ᭄ᬬᬂᬧᬫᬶᬢ᭄ᬭᬶᬂᬪᬝᬵᬭ᭞ᬫᬫ᭄ᬧᭂᬄᬕ᭄ᬮᬶᬲ᭄᭞ᬭᬶᬂ
ᬚᭀᬂᬪᬶᬭᬸᬫᬗ᭄ᬓᬾᬧ᭄ᬭᬧ᭄ᬢᬵ᭟ᬳᬗ᭄ᬭᬸᬫ᭄ᬧ᭄ᬬᬸᬓ᭄ᬲᬂᬕᬭᬸᬤᬵ᭞ᬳᬶᬲ᭄ᬫᬃᬫᬮᬸᬦᬓᭀᬦᬶᬦ᭄᭞ᬦᬾᬢᬾᬳᬧᬩᬸᬓᬵᬓᬾᬦ᭄ᬢᭀ᭞ᬘᬳᬶᬫᬦ᭄ᬢ᭄ᬭᬶᬳ᭄ᬬᬂᬢᬓᬸᬢ᭄᭞ᬜᬳᬶᬕᬮᬸᬄᬳ᭄ᬬᬂᬕᬳᬧ᭄᭞ᬓᬢᬸᬗ᭄ᬕᬮᬶᬦ᭄᭞ᬢᬓᬸᬢᬾᬢᭀᬂᬜᬓ᭄ᬤᬶᬚᬸᬫᬄ᭟
ᬧᬸᬦ᭄ᬲ᭄ᬫᬃᬫᬜᬸᬫ᭄ᬩᬄᬜᬸᬫ᭄ᬩᬄ᭞ᬢᬶᬢ᭄ᬬᬂᬤᬯᭂᬕ᭄ᬫᬵᬢᬹᬃᬲᬶᬲᬶᬧ᭄᭞ᬩᬸᬓᬵᬳᬦᬓᬾᬓᬢᬓᬾᬭᬦ᭄᭞ᬫᬸᬜᬶᬦᬾᬧᬢᬶᬚ᭄ᬮᬫᬸᬢ᭄᭞ᬕᬸᬲ᭄ᬢᬶᬦᬾᬩᬓᬢ᭄ᬘᬳᬶᬬᬂ᭞ᬳᬕᬸᬂᬲᬶᬲᬶᬧ᭄᭞ᬢᬶᬢ᭄ᬬᬂᬓᬧᭀᬓ᭄ᬩᬸᬯᬶᬦ᭄ᬓᬢ᭄ᬫ᭄ᬯᬂ᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬳᬗᬸᬘᬧ᭄᭞ᬭᬶᬂ

[᭕᭓ 53A]
᭕᭓
ᬦᬾᬧᬘᬂᬗᬶᬭᬶᬂᬓᬩᬵᬮᬶ᭞ᬧᬸᬦ᭄ᬲ᭄ᬫᬃᬜ᭄ᬫᬶᬸᬜᭂᬩᬓ᭄ᬫᬗ᭄ᬢᭀᬃ᭞ᬢᬶᬢ᭄ᬬᬂᬢᬓᬸᬢ᭄ᬤᬾᬯᬭᬢᬸ᭞ᬮᬯᬸᬢ᭄‌ᬬᬗᬢᬸᬭᬂᬲᬸᬫ᭄ᬩᬄ᭞ᬭᬶᬂ᭠ᬪᬝᬵᬭᬶ᭞ᬳᬸᬮᬶᬂᬚᭀᬗ᭄ᬮᬾᬦᬂᬫᬢ᭄ᬣᬵ᭞ᬭᬳᬤᬾᬦ᭄ᬕᬮᬸᬄᬳᬗᬸᬘᬧ᭄᭞ᬢᬸᬢᬸᬕᬂᬲᬸᬓᬦᬾᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬗᬚᬓ᭄ᬓᬓᬶ
ᬳ᭄ᬚᭀᬄ᭞ᬫᬦᬶᬧ᭄ᬯᬦ᭄ᬢᬶᬢ᭄ᬬᬂᬦᬯᬹᬃ᭞ᬓᬓᬶᬧᬘᬂᬫᬫ᭄ᬩ᭄ᬯᬢ᭄ᬓᬢᬄ᭞ᬮ᭄ᬯᬲ᭄ᬓᬩᬮᬶ᭞ᬳᬚᬓ᭄ᬢᬶᬢ᭄ᬬᬂᬦᬾᬫᬓ᭄ᬚᬂ᭟ᬲᬂᬕᬭᬸᬥᬮᬶᬂᬦ᭄ᬬᬵᬗᬸ᭠ᬘᬧ᭄᭞ᬲᬦ᭄ᬤᬶᬓᬦ᭄ᬦᬶᬘᬳᬶᬘᬶᬮᬶ᭞ᬬᬤ᭄ᬬᬦ᭄ᬬᬳᬫ᭄ᬩᬸᬮ᭄ᬓᬾᬦ᭄‌ᬦ᭄ᬢᭀ᭞ᬚᬯᬢᬾᬳ᭄ᬬᬢᬶᬕᬂᬳ᭄ᬬᬸ᭞ᬓᬓᬶᬧᭀᬦ᭄ᬤᭀᬗᬲ᭠
ᬧᬶᬲᬦ᭄᭞ᬭᬤᬾᬦ᭄ᬤᬾᬯᬶᬳᬲᬸᬂᬯᬲ᭄ᬢ᭄ᬭᬭᬶᬂᬲᬂᬓᬓᬵ᭟ᬭᬤᬾᬦ᭄ᬫᬦ᭄ᬢ᭄ᬭᬶᬫᬲᬮᬶᬦᬦ᭄᭞ᬫᬯᬲ᭄ᬢ᭄ᬭᬲ᭄ᬮᬶᬫᬃᬳᬗ᭄ᬭᬯᬶᬢ᭄᭞ᬳᬓᬫ᭄ᬧᬸᬄᬧᬾᬋᬫ᭄ᬫᬵᬲ᭄ᬳᬶᬚᭀ᭞ᬫᬧ᭄ᬓᭂᬓ᭄ᬲᬸᬢ᭄ᬭᬳᬯᬸᬦᬯᬸᬦ᭄᭞ᬫᬲ᭄ᬓᬃᬘᬫ᭄ᬧᬓᬵᬧ᭄ᬝᬓ᭄᭞ᬫᬸᬯᬸᬄᬧ᭄ᬓᬶᬓ᭄᭞ᬧᬸᬦ᭄ᬲ᭄ᬫᬃᬲᬵᬫ᭄ᬧᬸᬦ᭄ᬤᬶᬦᬤᬭᬦ᭄᭟
ᬫᬲᬧᬸᬢ᭄ᬘᬦᬦᬵᬕᬶᬦᬵ᭞ᬫᬓᬫ᭄ᬩᭂᬦ᭄ᬧ᭄ᬢᬓ᭄ᬲᬶᬦᬸᬚᬶ᭞ᬫᬲᬧᬶᬸᬩᬸᬓ᭄ᬧᬓᬾᬢᬂᬋᬫ᭄ᬧᭀ᭞ᬲᬫᬶᬧᬶᬗᬗ᭄ᬕᭀᬦᬾᬫᬸᬭᬸᬩ᭄᭞᭠ᬩᬬᬦ᭄ᬲᬗ᭄ᬕᬶᬢ᭄‌ᬬᬫᬧᬬᬲ᭄᭞ᬲᬧ᭄ᬭᬢᬾᬓᬶ᭞ᬲᬵᬫ᭄ᬧᬸᬦ᭄ᬲᬫᬶᬓᬤᬤᬭᬦ᭄᭟ᬭᬤᬾᬦ᭄ᬕᬮᬸᬄᬯᬸᬲ᭄ᬫᬯᬲ᭄ᬢ᭄ᬭ᭞ᬓᬤᬶᬳ᭄ᬫ