Kaca:Bali-lontar-paparikan-bagus-umbara-01-250ppi.pdf/50

[᭔᭙ 49B]
᭔᭙
ᬓ᭄ᬱᬭᬢᬸᬓᬯᭀᬢ᭄᭞ᬢᬶᬢ᭄ᬬᬂᬚ᭄ᬭᬶᬄᬭᬶᬂᬲᬂᬧ᭄ᬭᬪᬸ᭞ᬦᬯᬶᬓᬢᬥᬄᬤᬶᬚᬮᬦ᭄᭞ᬩᭀᬬᬦ᭄ᬤᬸᬕᬶ᭞ᬧᬸᬦᬶᬓᬵᬓᬾᬫᬤᬂᬢᬶᬢ᭄ᬬᬂ᭟ᬢᬶᬢ᭄ᬬᬂᬗᬮᬶᬳᬂᬧᬳᬾᬓᬦ᭄᭞ᬳᬧᬂᬩ᭄ᬮᬶᬧᭀᬮᬶᬄᬫᬵᬃᬕ᭄ᬕᬶ᭞ᬕ᭄ᬥᭀᬂᬲᬾᬮᬵᬫᬫ᭄ᬧᬓ᭄ᬫᬗ᭄ᬓᭀ᭞ᬕ᭄ᬮᬶᬲᬂᬫᬦ᭄ᬢᬸᬓ
ᬦ᭄ᬤᬸᬫᬸᬦ᭄᭞ᬳᬶᬕᬸᬭᬸᬫᬓᬶᬭᬾᬧ᭄ᬭᬧ᭄ᬢ᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬧᬸᬦ᭄ᬲ᭄ᬫᬃᬳᬕᬾᬫᬦ᭄ᬢᬸᬓᬦ᭄᭟ᬲᬫ᭄ᬧᬸᬦ᭄ᬫᬳᬸᬦᭂᬩ᭄ᬓᬂᬰᬾᬮᬵ᭞ᬲᬂᬬᬓ᭄ᬱᬫᬗ᭄ᬓᬾᬕ᭄ᬮᬶᬲ᭄ᬧ᭄ᬭᬧ᭄ᬢᬶ᭞ᬫᬜ᭄ᬚ᭄ᬭᬶᬢ᭄ᬫᬗᭂᬮᬸᬃᬋᬓᭀ᭞ᬤᬸᬄᬫᬲ᭄ᬫᬶᬭᬄᬦᬦᬓ᭄ᬕᬮᬸᬄ᭞ᬫᬰᬶᬄᬳ᭄ᬦᬸᬫᬵᬫ᭄ᬩᬸᬚᬢ᭄ᬫᬵ᭞ᬦᬾᬳᬶᬢᬸᬦᬶ᭞
ᬳᬫ᭄ᬩᬸᬦᬾᬬᬚᬢ᭄ᬫᬵᬤᬤ᭄ᬯᬵ᭟ᬲᬶᬜᬗᬶᬮᬶᬤᬂᬩᬾᬫᭂᬦ᭄ᬢᬄ᭞ᬤᬵᬫᬢᬶᬮᬲ᭄‌‌ᬢ᭄ᬓᬾᬦ᭄ᬳᬚᬶ᭞ᬭᬤᬾᬦ᭄ᬕᬮᬸᬄᬫᬵᬢᬹᬃᬳᬮᭀᬦ᭄᭞ᬩ᭄ᬘᬶᬓ᭄ᬢᬤᬄᬢᬶᬢ᭄ᬬᬂᬕᬸᬭᬸ᭞ᬕᬸᬭᬸᬤᬾᬦᬶᬂᬧᬺᬥᭀᬧᬶᬲᬦ᭄᭞ᬤᬸᬄᬫᬵᬲ᭄ᬫᬡᬶᬓ᭄᭞ᬜᬳᬶᬢ᭄ᬯᬄᬲᬬᬗᬂᬩᬧ᭟ᬕᬸᬭᬸᬢᬶᬢ᭄ᬬᬂ
ᬦᬸᬦᬲ᭄ᬳᬶᬘᬵ᭞ᬋᬋᬳᬂᬓᬾᬢᬶᬢ᭄ᬬᬂᬫᬡᬶᬓ᭄᭞ᬓᬢᬄᬳᬶᬧᬸᬦ᭄ᬲᬢᬸᬲ᭄ᬭᭀᬭᬲ᭄᭞ᬳᬗ᭄ᬕᭀᬦ᭄ᬢᬶᬢ᭄ᬬᬂᬘᬸᬓᬶᬕᬸᬭᬸ᭞ᬳᬶᬲᭂᬂᬓᬾᬢᬶᬢ᭄ᬬᬂᬤᬶᬢᬫᬦ᭄᭞ᬫᬶᬭᬄᬫᬡᬶᬓ᭄᭞ᬫᬰᬜᬳᬶᬢᭀᬂᬓ᭄ᬢᬾᬓᬦ᭄᭟ᬚᬸᬫᬄᬚ᭄ᬯᬫᬦᬶᬓ᭄ᬫᬵᬲ᭄ᬫᬶᬭᬄ᭞ᬩᬧᬮ᭄ᬯᬲ᭄ᬗᬮᬶᬄ

[᭕᭐ 50A]
᭕᭐
ᬫᬡᬶᬓ᭄᭞ᬳᬜᬸᬲᬸᬧ᭄ᬭᬶᬂᬳᬮᬶᬸᬮᬲ᭄ᬫᬗ᭄ᬓᭀ᭞ᬳᬓᬾᬄᬫᬡᬶᬓᬾᬓᬢ᭄ᬫᬸ᭞ᬧᭀᬮᬶᬄᬯᬾᬦ᭄ᬢᭂᬦ᭄ᬢᬶᬕᬗᬢᬓ᭄᭞ᬲᬵᬃᬯ᭄ᬯᬫᬡᬶᬓ᭄᭞ᬲᬵᬫ᭄ᬧᬸᬦ᭄ᬫᬤᬕᬶᬂᬳᬶᬭᬶᬓᬵ᭟ᬲᬮ᭄ᬯᬶᬭᬶᬂᬫᬡᬶᬓᬾᬩᬓᬢ᭄᭞ᬫᬦ᭄ᬢᬸᬓ᭄ᬳᬶᬘᬾᬦ᭄ᬭᬤᬾᬦ᭄ᬤᬾᬯᬶ᭞ᬭᬤᬾᬦ᭄ᬕᬮᬸᬄᬫᬵᬢᬹᬃ᭠
ᬳᬮᭀᬦ᭄᭞ᬳᬓᬸᬤᬵᬓᬾᬓᬢᬄᬳᬶᬧᬸᬦ᭄᭞ᬫᬗ᭄ᬤᬾᬦ᭄ᬩᭂᬘᬶᬓ᭄ᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬕᬸᬭᬸᬳᬚᬶ᭞ᬤᬾᬦᬶᬂᬢᬶᬢ᭄ᬬᬂᬩ᭄ᬬᬦᬵᬦᬯᬂ᭟ᬦᬯᬶᬳᬶᬘᬮ᭄‌‌ᬗ᭄ᬕᬾᬦ᭄ᬫᬧ᭄ᬮᬮ᭄ᬬᬦ᭄᭞ᬤᬫᬘᬸᬓᬶᬩᬦ᭄ᬫᬡᬶᬓ᭄᭞ᬕᬸᬭᬸᬦᬾᬗᬦ᭄ᬤᬶᬓᬳᬮᭀᬦ᭄᭞ᬬᬤᬶᬦ᭄ᬳᬶᬮᬂᬩᬧᬗ᭄ᬭᬸᬭᬸᬄ᭞ᬫ
ᬰᬜᬳᬶᬧᬘᬂᬓᬸᬭᬂ᭞ᬭᬤᬾᬦ᭄ᬤᬾᬯᬶᬫᬵᬢᬹᬃᬲᬶᬗ᭄ᬕᬶᬄᬭᬶᬂᬲᬂᬬᬓ᭄ᬱ᭟ᬭᬳᬤ᭄ᬬᬦ᭄ᬭᬭᬶᬲ᭄ᬫᬢᬸᬭᬵ᭞ᬭᬶᬂᬲᬶᬭᬰ᭄ᬭᬶᬦᬭᬧᬢᬶ᭞ᬳᬾᬫᭂᬂᬢᬶᬢ᭄ᬬᬂᬕᬸᬭᬸᬫᬗ᭄ᬓᭀ᭞ᬤᬾᬦᬶᬂᬢᬶᬢ᭄ᬬᬂᬦᭀᬭᬦᬵᬯ᭄ᬭᬸᬄ᭞ᬭᬶᬂᬯᬱ᭄ᬝᬦ᭄ᬫᬡᬶᬓ᭄ᬧᬸᬦᬶᬓᬵ᭞ᬕᬸᬭᬸᬳᬚᬶ᭞ᬫᬗ᭄ᬤᬾᬦ᭄ᬩᭂ᭠
ᬘᬶᬓ᭄ᬳᬦ᭄ᬢᬸᬓ᭄ᬢᬶᬢ᭄ᬬᬂ᭟ᬤ᭄ᬫᭂᬦ᭄ᬢᬶᬢ᭄ᬬᬗᬾᬫᬧ᭄ᬮᬮ᭄ᬬᬦ᭄᭞ᬳᬦ᭄ᬢᬸᬓ᭄ᬫᬡᬶᬓ᭄ᬕᬸᬭᬸᬳᬚᬶ᭞ᬬᬾᬦ᭄ᬳᬶᬘᬵᬳᬶᬕᬸᬭᬸᬋᬓᭀ᭞ᬫᬧᬸᬢ᭄ᬭᬭᬶᬂᬢᬶᬢ᭄ᬬᬂᬕᬸᬭᬸ᭞ᬓᬶᬕᬸᬭᬸᬫᬗ᭄ᬯᬾᬭᬬᬂ᭞ᬦᬾᬦᬾᬧᬶᬗᬶᬢ᭄᭞ᬭᬶᬂᬦᬾᬧᬘᬂᬧᬢ᭄ᬫᭀᬦᬂ᭟ᬲᬂᬬᬓ᭄ᬱᬭᬭᬶᬲ᭄ᬳᬗᬸᬘᬧ᭄᭞ᬥᬸᬄᬫᬵ