Kaca:Bali-lontar-paparikan-bagus-umbara-01-250ppi.pdf/49

Saking Wikisource
Kaca puniki sampun kauji-wacén

[᭔᭘ 48B]
᭔᭘
ᬭᬢᬸ᭞ᬧᭂᬚᬂᬢᬶᬢ᭄ᬬᬂᬬᬤᬶᬯᬗᬦ᭄᭞ᬲᬳᬶᬲᬳᬶ᭞ᬢᬶᬢ᭄ᬬᬂᬧᭂᬲᬸᬗᬤᭂᬧ᭄ᬳᬸᬮᬫ᭄᭟ᬕᬸᬦᬸᬂᬫ᭄ᬜᬦᬾᬓᬳᬸᬗ᭄ᬓᬩ᭄᭞ᬓᬢᭀ᭠ᬦᬵᬕᬯᬭᬓ᭄ᬲᬫ᭄ᬧᬶ᭞ᬲᬶᬗ᭄ᬳᬫᬭᭀᬂᬮᬦ᭄ᬮᬯᬾᬬᬦ᭄᭞ᬤᬾᬢ᭄ᬬᬤᬦᬯ᭄ᬯᬮᬦ᭄ᬳᬶᬚᬸᬂ᭞ᬳᭂᬜ᭄ᬚᭂᬓ᭄ᬧᬸᬧᬸᬢᬗᬦ᭄ᬢᬗᬦ᭄᭞ᬩᬦᬲ᭄ᬧ
ᬢᬶ᭞ᬭᬭᬾᬕᬾᬓ᭄ᬮᬯᬦ᭄ᬓᬸᬫᬂᬫᬂ᭟ᬧᬸᬦ᭄ᬲ᭄ᬫᬃᬕᬸᬬᬸᬓᬮᬶᬯᬢ᭄᭞ᬩᬦ᭄ᬤᭂᬫᭂᬦᬾᬬᬦᬶᬗᬮᬶᬦ᭄᭞ᬫᬗ᭄ᬓᬶᬦ᭄ᬳᬶᬗᬸᬩᭂᬢᬦ᭄ᬋᬓᭀ᭞ᬤᬾᬦᬶᬂᬓᬢᬄᬓᬢᭀᬦ᭄ᬫᬗ᭄ᬲᬹᬃ᭞ᬫᬶᬭᬶᬩ᭄ᬲᬫᬶᬧᬥᬕᬮᬓ᭄᭞ᬤᬾᬯ᭄ᬯᬕᬸᬲ᭄ᬢᬶ᭞ᬫᬃᬕ᭄ᬕᬶᬩᬓ᭄ᬢᬵᬫᬦᬶᬧᭀᬯᬦ᭄᭟ᬳᬗ᭄ᬕᬾᬬᬂᬩᬮᬶ
ᬩᬮᬶᬬᬦ᭄᭞ᬬᬾᬦ᭄ᬲᬵᬫ᭄ᬧᬸᬦ᭄‌ᬦ᭄ᬓᭂᬤ᭄ᬤᬶᬩᬵᬮᬶ᭞ᬢᬦ᭄ᬤ᭄ᬯᬳᬓᬾᬄᬳᬦᬓ᭄ᬦᭀᬦ᭄ᬢᭀᬦ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓᬵᬳᬮᬸ᭠ᬲ᭄᭞ᬢ᭄ᬯᬶᬢ᭄ᬯᬄᬬᬾᬦ᭄ᬩᬓᬢ᭄ᬓᬢᬸᬦᬲ᭄᭞ᬳᬩᬫᬸᬮᬶᬄ᭞ᬧᬘᬂᬳᬢᬸᬭᬂᬓᬤᭂᬳᬵ᭟ᬭᬳᬤᬾᬦ᭄ᬕᬮᬸᬄᬫᬵᬢᬹᬭ᭞ᬭᬶᬂᬲᬶᬭᬭᬳᬤᬾ
ᬦ᭄ᬤᬾᬶᬸᬯᬶᬸᬫᬦ᭄ᬢ᭄ᬭᬶ᭞ᬳᬶᬗ᭄ᬕᬶᬄᬮ᭄ᬯᬶᬄᬩ᭄ᬮᬶᬦᬾᬋᬓᭀ᭞ᬫᬳᭀᬃᬢ᭄ᬣᬓᬚᬯ᭄ᬯᬓᬲᬸᬩ᭄᭞ᬤᬶᬩᬮᬶᬩ᭄ᬬᬵᬦᬵᬦᬓ᭄ᬧᬥ᭞ᬳᬦᭀ᭠ᬫ᭄ᬧᭂᬓᬶᬓ᭄᭞ᬧ᭄ᬭᬚᬸᬭᬶᬢ᭄ᬯᬶᬯᬾᬓᬵᬧ᭄ᬭᬚ᭄ᬜᬦ᭄᭟ᬭᬯᬸᬄᬓᬤᬾᬰᬯᬮᬡ᭄ᬥ᭞ᬓᬭᬹᬫ᭄ᬮᬦ᭄ᬓᬩᬢᬯᬶ᭞ᬓᬘᬶᬡᬵᬫᬶᬯᬄᬭᬶᬂᬳᬚᭀᬃ

[᭔᭙ 49A]
᭔᭙
᭞ᬲᬳᬶᬲᬶᬦ᭄ᬦᬵᬕᬭᬳᬕᬸᬂ᭞ᬢᬦ᭄ᬮ᭄ᬬᬦ᭄ᬯᬦ᭄ᬢᬄᬦᬾᬓᬳᬸᬘᬧ᭄᭞ᬍᬫᬄᬯ᭄ᬗᬶ᭞ᬓᬲᬸᬫ᭄ᬩᬸᬂᬩ᭄ᬮᬶᬤᬶᬚᬮᬦ᭄᭟ᬳᬓᬾᬄᬧ᭄ᬭ᭠ᬭᬢᬸᬦᬾᬜᬫ᭄ᬩᬢ᭄᭞ᬓᬭᬯᭀᬲᬂᬲᬳᬶᬲᬳᬶ᭞ᬤᬶᬚᬩᬫᬶᬯᬄᬤᬶᬚ᭄ᬭᭀ᭞ᬭᬶᬂᬧᬸᬢ᭄ᬭᬶᬦᬾᬳᬬᬸᬳᬬᬸ᭞ᬯᬦ᭄ᬢᬄᬩ᭄ᬮᬶ᭠
ᬦᬾᬓᬲᬫ᭄ᬩᬢ᭄᭞ᬮ᭄ᬫᬄᬯ᭄ᬗᬶ᭞ᬳᬗ᭄ᬕᬾᬦᬵᬢᬸᬢᬸᬭᬦ᭄ᬲᬢ᭄ᬯ᭟ᬩ᭄ᬬᬦᬵᬤᬦᬾᬭᭀᬭᭀᬢᬢᬶᬕ᭞ᬓᬳᬸᬘᬧ᭄ᬩᬕᬸᬲ᭄ᬤᬶᬩᬵᬮᬶ᭞ᬳᬶᬩᬬᬦ᭄ᬲᬗ᭄ᬕᬶᬢ᭄ᬳᬶᬘᭀᬦ᭄ᬤᭀᬂ᭞ᬫᬩᬶᬲᬶᬓ᭄ᬕᬯᭀᬓ᭄ᬳᬦ᭄ᬤᬸᬮᬸ᭞ᬩ᭄ᬦᭂᬄᬲᬗ᭄ᬓᬦ᭄ᬩᬜᬮᬸᬫ᭄ᬩ᭄ᬭᬄ᭞ᬓᬾᬦᬾᬓᬧᬶ᭞ᬫ
ᬭᬸᬧᬪᬝᬵᬭᬲ᭄ᬫᬭᬵ᭟ᬤᬦᬾᬫ᭄ᬮᬶᬗ᭄ᬕᬶᬄᬫᬲᬋᬗᬦ᭄᭞ᬩᬸᬓᬵᬤᬾᬯ᭄ᬯᬓ᭄ᬮᬯᬵᬦ᭄ᬤᬾᬯᬶ᭞ᬓᬤᬶᬲᬹᬃᬬ᭄ᬬᬘᬦ᭄ᬤ᭄ᬭᬵᬭᭀᬭᭀ᭞ᬭᬳᬤᬾᬦ᭄ᬕᬮᬸᬄᬳᬸᬫᬵᬢᬸᬃ᭞ᬬᬾᬩ᭄ᬮᬶᬗᬫ᭄ᬩᬶᬮ᭄ᬧᬸᬦᬶᬓᬵ᭞ᬢᬶᬢ᭄ᬬᬂᬗᬶᬭᬶᬂ᭞ᬩ᭄ᬮᬶᬫᬦ᭄ᬢᬸᬓ᭄ᬓᬓᭀᬭᬶᬧᬦ᭄᭟ᬧᬸᬦᬧᬶᬚ
ᬢᭀᬮᬶᬄᬢᬶᬢ᭄ᬬᬂ᭞ᬳᬶᬭᬶᬓᬶᬤᬶᬚᬯᬲᬳᬶ᭞ᬧᬜ᭄ᬚᬓ᭄ᬢᬶᬢ᭄ᬬᬂᬢ᭄ᬮᬲ᭄ᬋᬓᭀ᭞ᬓ᭄ᬢᬥᬄᬳᬦ᭄ᬢᬸᬓ᭄ᬳᬶᬕᬸᬭᬸ᭞ᬢᬶᬢ᭄ᬬᬂᬓᬭᬶᬧᬳ᭄ᬮᬸᬄᬳ᭄ᬮᬸᬳᬦ᭄᭞ᬕ᭄ᬭᬶᬂᬗᬧᬶᬢ᭄᭞ᬲᬧᬲᬶᬭᬢᬸᬫᬗ᭄ᬕᬮᬂ᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓᬵ᭞ᬢᬶᬢ᭄ᬬᬂᬓᬾᬯᭂᬳᬾᬭᬶᬂᬫᬃᬕ᭄ᬕᬶ᭞ᬳᬶᬤᬬ᭠