[᭔᭑ 41B]
᭔᭑
ᬫᬺᬢ᭄ᬣᬵ᭞ᬫᬥᬸᬚᬸᬭᬸᬄᬳᬗ᭄ᬕᭀᬦ᭄ᬢᬸᬢᬸᬄ᭞ᬧᬸᬧᬸᬢ᭄ᬫᬗ᭄ᬭᬯᭀᬲ᭄ᬭᬶᬂᬫᬦᬄ᭞ᬫ᭄ᬯᬄᬤᬶᬳᬢᬶ᭞ᬫᬓ᭄ᬚᬂᬢ᭄ᬯᬭᬵᬤᬢᬯᬂ᭟ᬭᬤᬾᬦ᭄ᬕᬮᬸᬄᬳᬶᬘᬭᬶᬂᬫᬦᬄᬓ᭄ᬜᬸᬂᬫᬵᬢᬹᬃᬫᬗᬸᬬᭀᬦᬶᬦ᭄᭞ᬓᬸᬤ᭄ᬬᬂᬚᬦᬶᬲᬗ᭄ᬓᬦ᭄ᬗᭀᬳᭀᬦ᭄᭞ᬤᬬᬦᬾᬫᬓ᭄ᬚᬂ᭠
ᬕᬯᬸᬓ᭄᭞ᬲᬂᬧᬸᬢ᭄ᬭᬶᬳᬮᬶᬢ᭄ᬲᬢᬶᬫ᭄ᬩᬂ᭞ᬯᬶᬦ᭄ᬤᬸᬲᬵᬭᬷ᭞ᬩᬢᬂᬢᬶᬢ᭄ᬬᬂᬤᬦᬾᬳᬶᬘᬮ᭄᭟ᬧᬸᬢ᭄ᬭᬶᬦᬾᬭᬶᬚᬕᬭᬵᬕ᭞ᬧᬕᭂᬲᬗᬦ᭄ᬯᬶᬱ᭄ᬬᬧᬢᬶ᭞ᬲᬶᬗᬵᬧᬸᬭᬓᭂᬫ᭄ᬩᬂᬓᬸᬮᭀᬦ᭄᭞ᬧᬕᬲᬗᬦ᭄ᬮᭂᬯᬶᬄᬓ᭄ᬧᬦ᭄ᬤᬸ᭞ᬘ᭄ᬫᬵᬭᬓᬮᬯᬵᬓ᭄ᬧ᭠
ᬚᬂ᭞ᬯᬶᬦ᭄ᬥᬸᬲᬵᬭᬷ᭞ᬧᬫᭀᬢᬦ᭄ᬮᬯᬦ᭄ᬕᬕ᭄ᬮᬂ᭟ᬧᬦ᭄ᬤᬦ᭄ᬲᬮᬲ᭄ᬢ᭄ᬭᬢᬾᬳ᭄ᬩᬵᬂ᭞ᬫ᭄ᬕᬤᬵᬧᬸᬦᬶᬓᬵᬲᬫᬶ᭞ᬧᬚᬭᬓᬦ᭄ᬮᭂᬯᬶᬄᬢᬸᬩᬦ᭄᭞ᬧᬦᬗ᭄ᬓᬮ᭄ᬫᬶᬯᬄᬧᬦᬸᬗ᭄ᬓᬸᬮ᭄᭞ᬫᭂᬤᬳᬶᬦ᭄ᬧᬸᬢ᭄ᬭᬶᬫᬓ᭄ᬚᬂ᭞ᬯᬶᬦ᭄ᬤᬸᬲᬵᬭᬶ᭞ᬫᬓ᭄ᬚᬂᬩ᭄ᬬᬵᬦᬵᬤᬲᬫᬃ᭟ᬳ
ᬲᬶᬓᬶᬩ᭄ᬬᬵᬦᬵᬤᬧᬥ᭞ᬭᬤᬾᬦ᭄ᬕᬮᬸᬄᬭᬶᬂᬓᬤᬶᬭᬶ᭞ᬩᬸᬓᬄᬯᬾᬦ᭄ᬢᭂᬦ᭄ᬤᭂᬳᬵᬤᭀᬫᬲ᭄᭞ᬳᬲᬶᬓᬶᬫᬭᬸᬧᬧᬢᬸᬢ᭄᭞ᬗᬶᬂᬗᬮᬶᬢ᭄ᬫᬸᬢᭂᬃᬧᬺᬕᭀᬮᬦ᭄᭞ᬦᭀᬭᬓ᭄ᬧᬗ᭄ᬕᬶᬮ᭄᭞ᬭᬤᬾᬦ᭄ᬕᬮᬸᬄᬭᬵᬢ᭄ᬦᬚ᭄ᬯᬶᬢ᭄ᬣ᭟ᬦᬗᬶᬂᬤᬦᬾᬲᬵᬫ᭄ᬧᬸᬦ᭄ᬳᬶ
[᭔᭒ 42A]
᭔᭒
ᬘᬮ᭄ᬫᬫ᭄ᬩᬸᬃᬭᬾᬭᬶᬂᬢᬫᬦ᭄ᬳᬸᬦᬶ᭞ᬲᬂᬩᬕᬸᬲ᭄ᬗᬯ᭄ᬬᬓ᭄ᬢᬶᬋᬓᭀ᭞ᬭᬤᬾᬦ᭄ᬕᬮᬸᬄᬦᬺᬕ᭄ᬢᭂᬕ᭄ᬫᬵᬢᬹᬃ᭞ᬦᬶᬓᬢᬾᬩ᭄ᬮᬶᬩᬾᬩᬲᬂ᭞ᬗᬸᬤᬩ᭄ᬮᬶ᭞ᬭᬱᬦ᭄ᬜᬦᬸᬗᬮᬶᬄᬤᬬ᭞ᬢᬸᬳᬸᬩ᭄ᬮᬶᬢ᭄ᬯᬄᬜᬯᬶᬓᬦ᭄᭞ᬧᬗ᭄ᬭᬱᬫᬗ᭄ᬮᬶᬫ᭄ᬩᬓᬶᬦᬸᬓᬶᬃ᭞ᬫᬓ᭄ᬚᬂᬚᬮᬦ᭄ᬩᬦ᭄ᬤᬸᬗᬂ᭞ᬤᬳ᭠
ᬦᬾᬤᭀᬫᬦ᭄ᬓᬢᭂᬧᬸᬓ᭄᭞ᬳᬤᬶᬳᬶᬢ᭄ᬯᬭᬵᬤᬫᬤ᭞ᬓᬾᬦ᭄ᬢᭀᬩ᭄ᬮᬶ᭞ᬭᬤᬾᬦ᭄ᬕᬮᬸᬄᬭᬵᬢ᭄ᬦᬚ᭄ᬯᬶᬢ᭄ᬣ᭟ᬩᬕᬸᬲᬸᬫ᭄ᬩᬭᬓᬘᭂᬘᭂᬓᬦ᭄᭞ᬓᬭᬯᭀᬲᬂᬲᬓᬶᬂᬲᬶᬮᬶᬩ᭄᭞ᬫᬓ᭄ᬚᬂᬢ᭄ᬯᬭᬵᬤᬳᭂᬫ᭄ᬩᬂ᭞ᬤᬬᬦᬾᬲᬸᬩᬓᬕᬧᬸᬮ᭄᭞ᬩᬕᬸᬲᬸᬫ᭄ᬩᬭᬵᬓᬾᬯᭂᬳᬦ᭄᭞
ᬗᬶᬂᬤᬶᬳᬢᬶ᭞ᬓᬦ᭄ᬤᬸᬕᬶᬗᬸᬲᬧ᭄ᬬᬾᬄᬢᬶᬗᬮ᭄᭟ᬭᬳᬤᬾᬦ᭄ᬕᬮᬸᬄᬗᬦ᭄ᬤᬶᬓᬵ᭞ᬢᭀᬮᬶᬳᭂᬦ᭄ᬓᬾᬢᬶᬢ᭄ᬬᬂᬩ᭄ᬮᬶ᭞ᬲᬃᬯ᭄ᬯᬶᬫᭀᬚᬃᬕᬸᬬᬸᬳᬮᭀᬦ᭄᭞ᬲᬬᬂᬲᬦ᭄ᬳᬶᬩ᭄ᬮᬶᬩᬕᬸᬲ᭄᭞ᬲᬵᬫ᭄ᬧᬸᬭᬬᬂᬳᬸᬕᬶᬢᬶᬢ᭄ᬬᬂ᭞ᬢᬶᬢ᭄ᬬᬂᬗᬶᬭᬶᬂ᭞ᬲᬵᬫ᭄ᬧᬸᬦ᭄ᬩᭂᬮᬶᬤᬸᬓᬵᬧᬶᬲ
ᬦ᭄᭟ᬩᬕᬸᬲᬸᬫ᭄ᬩᬭᬗᬦ᭄ᬤᬶᬓᬵ᭞ᬫᬲ᭄ᬤᬾᬯ᭄ᬯᬫᬗᬶᬲᭂᬧ᭄ᬲᬭᬶ᭞ᬫᬗᬸᬭᬶᬧ᭄ᬓᬾᬢᬶᬢ᭄ᬬᬂᬋᬓᭀ᭞ᬭᬤᬾᬦ᭄ᬕᬮᬸᬄᬲᬯᬸᬃ᭠ᬓ᭄ᬜᬸᬂ᭞ᬳᬶᬗ᭄ᬕᬶᬄᬮᬫᬸᬦ᭄ᬧᬥᬦᬗ᭄ᬓᬄ᭞ᬢᬶᬢ᭄ᬬᬂᬗᬶᬭᬶᬂ᭞ᬕᬕᬶᬭᬶᬗᬦ᭄ᬢᬶᬢ᭄ᬬᬂᬫᬶᬦ᭄ᬤᬄ᭟ᬤᬸᬳᬸᬗᬾᬫᬜ᭄ᬚᬶᬂᬳᭀᬭᬗ᭄ᬓᬵ᭞ᬳᭀ᭠
