[᭓᭘ 38B]
᭓᭘
ᬲᬤ᭄ᬥᬵᬕ᭄ᬮᬶᬲ᭄᭞ᬧᬗ᭄ᬯᬶᬥᬶᬦᬾᬩᬸᬓᬄᬓᬾᬦ᭄ᬢᭀ᭞ᬭᬢᬸᬭᬶᬂᬫᬢᬳᬸᬦ᭄ᬳᬶᬩᬸᬓ᭄᭞ᬮᬳᬸᬢ᭄ᬳᬶᬬᬩᬮᬶᬓᬗᬵ᭞ᬢᬹᬃᬫᬗᬮᬶᬄ᭞ᬲ᭄ᬕᬭᬫᬥᬸᬕᬸᬦᬸᬂᬫ᭄ᬜᬦ᭄᭟ᬳᬤᬶᬳ᭄ᬤᬵᬫᬗ᭄ᬯᬾᬭᬬᬂ᭞ᬦᬯᬶᬯ᭄ᬭᬸᬄᬳᬶᬕᬸᬭᬸᬳᬚᬶ᭞ᬦᬓᬾᬦᬂᬮ᭄ᬬᬸᬦᬓᭀᬦᬂ᭞ᬭ
ᬳᬶᬦᬾᬫᬳᬢᬹᬃᬳᬮᬸᬲ᭄᭞ᬳᬶᬗ᭄ᬕᬶᬄᬫ᭄ᬩᭀᬓ᭄ᬕᭂᬮᬶᬲᬂᬫ᭄ᬤᬮ᭄᭞ᬚᬮᬦ᭄ᬚᬦᬶ᭞ᬳᬤᬶᬓᬾᬩᬋᬂᬓᬚᬩᬵ᭟ᬬᬾᬦ᭄ᬳᭂᬫ᭄ᬩᭀ᭠ᬓ᭄ᬢ᭄ᬯᬭᬓᬚᬩᬵ᭞ᬳᬶᬤᬳᬶᬕᬸᬭᬸᬕᬸᬂᬭᬸᬡ᭄ᬝᬶᬓ᭄᭞ᬳᬦᬓ᭄ᬳ᭄ᬬᬫᬗᬮᬶᬄᬓᬵᬃᬫ᭄ᬫᬵ᭞ᬲᬗ᭄ᬓᬦ᭄ᬗ᭄ᬯᬶᬤᬶᬚᬸᬭᬸᬲᬶᬫ᭄ᬩᬸᬄ᭞ᬳᬯᬓ᭄ᬲ᭄ᬕᭂᬃᬗ
ᬓᬸᬲᬸᬗ᭄ᬓᬦ᭄᭞ᬳᬧᬩ᭄ᬯᬶᬦ᭄᭞ᬫᬗᬯᬾᬦᬂᬳᬦᬓ᭄ᬲᬮᬄ᭟ᬲᬸᬩᬢᬾᬫᬗᬮᬶᬄᬓᬵᬃᬫ᭄ᬫᬵ᭞ᬳ᭄ᬤᬵᬚᬗᭀᬭᬳᬂᬲᬓᬶ᭠ᬢ᭄᭞ᬩ᭄ᬦᭂᬄᬩ᭄ᬦᭂᬄᬚ᭄ᬯᬫᬗ᭄ᬭᬯᭀᬲ᭄᭞ᬫᬲᬢᭀᬂᬜᬓ᭄ᬫ᭄ᬩᭀᬓ᭄ᬜᬶᬫ᭄ᬩᬸᬄ᭞ᬚᬦᬶᬳᭂᬫ᭄ᬩᭀᬓ᭄ᬤᬶᬢᬸᬢ᭄ᬓᬵ᭞ᬫ᭄ᬩᭀᬓ᭄ᬜᬶᬫ᭄ᬩᬶᬗᬶᬦ᭄᭞
ᬳᬦᬓᬾᬭᬶᬭᬶᬄᬢᬹᬃᬧ᭄ᬭᬚ᭄ᬜᬦ᭄᭟ᬤᬦᬾᬭᬶᬭᬶᬄᬳᭂᬫ᭄ᬩᭀᬓ᭄ᬧ᭄ᬭᬚ᭄ᬜᬦ᭄᭞ᬳᬧᬗᬲ᭄ᬮᬾᬂᬢᬶᬫ᭄ᬧᬮᬶᬦ᭄᭞ᬬᬾᬦ᭄ᬳᭂᬫ᭄ᬩᭀᬓ᭄ᬓᬸᬘᬶᬯ᭄ᬯᬋᬓᭀ᭞ᬫ᭄ᬩᭀᬓ᭄ᬢ᭄ᬯᬄᬲᬸᬓᬵᬓᬕᬦ᭄ᬢᬸᬂ᭞ᬢᬳᬸᬳᬦᬓ᭄ᬳᬩᭂᬜ᭄ᬘᬶᬗᬄ᭞ᬧᬤᬤ᭄ᬮᬶᬂ᭞ᬧᬤᬬᬕᭀᬯᬓ᭄ᬫᬲᬢ᭄ᬲᬢ᭄᭟
[᭓᭙ 39A]
᭓᭙
ᬢᬸᬫᬸᬮᬶᬄᬳᬸᬲᬦ᭄ᬫᬧᬬᬲ᭄᭞ᬢᬦ᭄ᬧᬾᬦ᭄ᬤᬄᬤᬤᬭᬶᬰᬸᬘᬶ᭞ᬫᬫᬵᬃᬕ᭄ᬕᬶᬓᬚᬩᬋᬓᭀ᭞ᬳᬤᬶᬢᬾᬫᬚᬮᬦ᭄ᬫᬮᬸ᭞ᬳᬶᬦᬯᬂᬢᬭᭀᬫᬫᬶᬦ᭄ᬤᬄ᭞ᬢᬶᬢ᭄ᬬᬂᬧᬫᬶᬢ᭄᭞ᬳᭂᬫ᭄ᬩᭀᬓᬾᬫᬵᬃᬕ᭄ᬕᬶᬤᬸᬫᬸᬦᬦ᭄᭟ᬢᬶᬢ᭄ᬬᬂᬳᬗ᭄ᬓᭀᬮ᭄ᬫᬢᬶᬦ᭄ᬤᬓᬦ᭄᭞
ᬤᬾᬦᬶᬂᬳᬓᬾᬄᬧᬭᬫᬦ᭄ᬢ᭄ᬭᬶ᭞ᬦᬄᬫᬳᬶᬩᬋᬗᬶᬦ᭄ᬳᭂᬫ᭄ᬩᭀᬓ᭄᭞ᬦᬯᬂᬢᬺᬗ᭄ᬕᬡᬤᬶᬫᬮᬸ᭞ᬧᬫᬃᬕ᭄ᬕᬶᬦᬾᬫᬕᬫ᭄ᬧᬭᬦ᭄᭞ᬗᭀᬮᬄᬢᬗ᭄ᬓᬶᬲ᭄᭞ᬓᬤᬶᬲ᭄ᬓᬭᬾᬳᬧᬲᬂ᭟ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬾᬂᬭᬶᬂᬩᬜ᭄ᬘᬶᬗᬄ᭞ᬧ᭄ᬭᬤᬾᬯ᭄ᬯᬧ᭄ᬭᬩ᭄ᬓᭂᬮ᭄ᬫᬶᬳᬶᬤ᭄᭞ᬲᬂᬧ᭄ᬭᬪᬹ᭠
ᬓᬧᭂᬦ᭄ᬤᬓ᭄ᬧᬦᭀᬦ᭄᭞ᬓᬭᬶᬫᬜᬸᬦ᭄ᬤᬂᬲᬂᬩᬕᬸᬲ᭄᭞ᬲᬃᬯ᭄ᬯᬶᬳᬗᬸᬲᬧ᭄ᬬᬾᬄᬢᬶᬗ᭄ᬳᬮ᭄᭞ᬭᬤᬾᬦ᭄ᬤᬾᬯᬶ᭞ᬜᬶᬗᬓᬶᬦ᭄ᬫᬾᬲᭂᬫ᭄ᬭᬶᬂᬘᬶᬢ᭄ᬣ᭟ᬕᬸᬭᬸᬦᬾᬭᬭᬶᬲ᭄ᬗᬦ᭄ᬤᬶᬓᬵ᭞ᬫᬵᬲ᭄ᬤᬾᬯᬦ᭄ᬩᬧᬳᬶᬫᬡᬶᬓ᭄᭞ᬗᬸᬤ᭄ᬬᬂᬳᬶᬫᬶᬭᬄᬫᬓ᭄ᬮᭀ᭞ᬧᬶᬦᬄᬮᬶᬗ᭄ᬲᬶᬃ
ᬳᬦ᭄ᬢᭀᬲ᭄ᬕᬸᬭᬸ᭞ᬦᬯᬂᬢᬺᬗ᭄ᬖᬡᬳᬜᬸᬫ᭄ᬩᬄ᭞ᬢᬶᬢ᭄ᬬᬂᬲᬶᬲᬶᬧ᭄᭞ᬢᬶᬢ᭄ᬬᬂᬳᬗ᭄ᬕᬾᬦ᭄ᬕᬸᬭᬸᬧᬸᬢ᭄ᬭ᭟ᬯ᭄ᬬᬓ᭄ᬢᬶᬕᬸᬭᬸᬢᬶᬢ᭄ᬬᬂᬢ᭄ᬫᬦ᭄᭞ᬭᬶᬂᬲᬦ᭄ᬤᬶᬓᬦ᭄ᬰ᭄ᬭᬷᬪᬹᬧᬢᬶ᭞ᬳᬶᬘᬳᬶᬕᬸᬭᬸᬫᬫᭀᬗᭀᬃ᭞ᬦᬤ᭄ᬬᬦ᭄ᬓ᭄ᬭᬶᬲ᭄ᬓᬮᬯᬦ᭄ᬓᬬᬸ᭞ᬳᬗ᭄ᬕᬾᬳᬶᬕᬸᬭᬸᬜᬶᬲᬶᬧᬂ᭞ᬢᬶ
