Kaca:Bali-lontar-paparikan-bagus-umbara-01-250ppi.pdf/38

[᭓᭗ 37B]
᭓᭗
ᬋᬓᭀ᭞ᬫᬶᬲᬦ᭄ᬫᬶᬦ᭄ᬤᭀᬦ᭄ᬓᬳᬶᬤᬶᬢᬸ᭞ᬫᬰᬶᬄᬢ᭄ᬯᬭᬬᬢᬯᬗᬵ᭞ᬬᬾᬦ᭄ᬲᬶᬂᬓᬳᬶ᭞ᬲᬸᬩᬵᬢᬳᬸᬓᬾᬦ᭄ᬓᬦ᭄ᬤᬜ᭟ᬓᬾᬦ᭄ᬩᬬᬦ᭄ᬕᬯᭀᬓ᭄ᬓᬮᬶᬯᬢ᭄᭞ᬩᬶᬓᬲᬾᬤᬶᬚᬩᬲᬫᬶ᭞ᬳᭂᬜᬾᬦ᭄ᬫᬢᬸᬦ᭄ᬤᬶᬓᬂᬋᬓᭀ᭞ᬢ᭄ᬭᬸᬲ᭄ᬢᬶᬗᬮᬾᬲᬵᬫ᭄ᬧᬸᬦ᭄ᬧᬸᬧᬸ
ᬢ᭄᭞ᬩᬸᬓᬵᬳᬤᬫᬦᬸᬢᬸᬭᬂ᭞ᬲᬓᬾᬂᬯᬶᬥᬶ᭞ᬲᬗ᭄ᬓᬦ᭄ᬲᬫᬶᬳᬶᬤᬯᬶᬓᬦ᭄᭟ᬲᬂᬧ᭄ᬭᬪᬹᬫᬗ᭄ᬓᬶᬦ᭄ᬓᭀᬘᬧ᭞ᬲᬵᬫ᭄ᬧᬸᬦ᭄ᬳᬶᬤᬳᬢᬶᬳᬢᬶ᭞ᬓᬾᬦ᭄ᬓᬾᬦ᭄ᬲᬗ᭄ᬓᬜᬫᬓ᭄ᬮᭀ᭞ᬫᬥᬾᬢᬭᭀᬓ᭄ᬫᬵᬭᬸᬭᬸᬄ᭞ᬭᬓᬦ᭄ᬜᬳᬶᬦᬾᬳᬾᬗ᭄ᬕᬮᬂ᭞
ᬢᬸᬦ᭄ᬤᬾᬦ᭄ᬫᬳᬶ᭞ᬦᬯᬂᬢᬭᭀᬕ᭄ᬮᬶᬲ᭄ᬮᬸᬫᬫ᭄ᬧᬄ᭟ᬲᬧ᭄ᬭᬧ᭄ᬢᬦᬾᬫᬭᬶᬂᬚ᭄ᬭᭀ᭞ᬭᬓᬦᬾᬕ᭄ᬮᬶᬲ᭄ᬜᭂᬧᭂᬢᬶᬦ᭄᭞ᬩ᭄ᬯᬶᬦ᭄ᬳᬤᬶᬗᬮᬶᬄᬳᭂᬫ᭄ᬩᭀᬓ᭄᭞ᬳᭂᬦᬄᬳᭂᬫ᭄ᬩᭀᬓ᭄ᬚᬦᬶᬧᭂᬲᬸ᭞ᬬ᭄ᬯᬓ᭄ᬢᬶᬕ᭄ᬮᬶᬲᬂᬓᬚᬩᬵ᭞ᬕᬸᬭᬸᬳᬚᬶ᭞ᬳᬶᬤᬵᬲᬵᬫ᭄ᬧᬸᬦ᭄ᬤᬸᬓᬵᬧᬶᬲᬦ᭄᭟᭠
ᬳᭂᬫ᭄ᬩᭀᬓ᭄ᬮᬶᬦ᭄ᬢᬂᬚ᭄ᬭᬶᬄᬧᬶᬲᬦ᭄᭞ᬳᭂᬫ᭄ᬩᭀᬓ᭄ᬫᬢᬓᭀᬦ᭄ᬭᬶᬂᬳᬤᬶ᭞ᬜᬳᬶᬢᬾᬤᬶᬢᬸᬫᬓ᭄ᬮᭀ᭞ᬓᬾᬦ᭄ᬓᬾᬦ᭄ᬯᬶᬲ᭄ᬦᬦ᭄ᬜᬦᬾᬤᬶᬢᬸ᭞ᬳᬧᬂᬳᭂᬫ᭄ᬩᭀᬓ᭄ᬧᭀᬮᬶᬄᬓᬦ᭄ᬤᬵ᭞ᬢ᭄ᬓᬾᬦ᭄ᬜᬳᬶ᭞ᬓ᭄ᬦᬵᬓᬾᬩᬦ᭄ᬜᬳᬶᬜᬶᬤ᭄ᬭ᭟ᬲᬸᬩᬵᬢᬾᬜᬳᬶᬦᬓᭀ

[᭓᭘ 38A]
᭓᭘
ᬦᬂ᭞ᬫ᭄ᬓᬤᬶᬳᬶᬤᬲᬂᬗᬚᬶ᭞ᬯᬂᬳᬧᬢᬫ᭄ᬬᬸᬦᬾᬳᭂᬦ᭄ᬢᭀ᭞ᬫᬥᬾᬢᬭᭀᬫᬵᬢᬹᬃᬳᬮᬸᬲ᭄᭞ᬢᬶᬢ᭄ᬬᬂᬚ᭄ᬭᬶᬄᬫᬦᬓᭀ᭠ᬦᬂ᭞ᬬᬾᬦ᭄ᬧᬺᬩᬵᬮᬶ᭞ᬰᬸᬤ᭄ᬭᬩ᭄ᬬᬦᬵᬢᬶᬢ᭄ᬬᬂᬦᬯᬂ᭟ᬫᬸᬜᬶᬦ᭄ᬜᬳᬦᬓ᭄ᬗᬸᬫ᭄ᬩᬭᬵ᭞ᬮᬶᬜᭀᬓᬾᬢ᭄ᬯᬵᬕᬶᬕᬶᬲ᭄᭞ᬫᬗ᭠
ᬓᬸᬓᬮᬭᬦ᭄ᬋᬓᭀ᭞ᬗᬦᬶᬱ᭄ᬝᬬᬂᬳ᭄ᬜᬄᬭᬢᬸ᭞ᬤᬤᬶᬳ᭄ᬜᬓ᭄ᬫᬜᬳᬸᬫᬦ᭄᭞ᬩ᭄ᬮᭀᬕ᭄ᬭᬶᬭᬶᬄ᭞ᬓᬕᬾᬮᬦᬾᬩᬳᬂᬳᬦᬓ᭄᭟ᬓᬾᬢᭀᬜᬳᬶᬳᬧᬂᬦᬯᬂ᭞ᬳᭂᬫ᭄ᬩᭀᬓ᭄ᬫᬶᬢᬸᬢᬸᬭᬶᬦ᭄ᬜᬳᬶ᭞ᬫᬦ᭄ᬢ᭄ᬭᬶᬓᭀᬭᬶᬧᬦᬾᬳᭂᬦ᭄ᬢᭀ᭞ᬫᬫᬶᬲᬦ᭄ᬳᬚᬶᬫ᭄ᬮᬬᬸ᭞ᬫᬢᬢ
ᬕᭀᬦ᭄ᬧᬸᬢ᭄ᬭᬶᬤᭂᬳᬵ᭞ᬓᬾᬢᭀᬳᬤᬶ᭞ᬫᬳᬶᬜᬫ᭄ᬩᬶᬮ᭄ᬗᬮᬶᬄᬓᬃᬫ᭄ᬫᬵ᭟ᬤᬶᬫ᭄ᬢᬳᬸᬦ᭄‌‌ᬬᬗᬳᬸᬮᬵ᭞ᬲᬵᬫ᭄ᬧᬸᬦ᭄ᬯᬾᬦ᭄ᬢᭂᬦ᭄ᬮᬶᬫᬂᬰᬰᬶᬄ᭞ᬲᬂᬦᬵᬣᬫᬗᬸᬢᬸᬲ᭄ᬋᬓᭀ᭞ᬳᬶᬬᬢᬸᬯᬄᬭᬶᬭᬶᬄᬯᬶᬓᬸ᭞ᬤᬤᬶᬳ᭄ᬜᬓ᭄ᬫᬫᬤᬶᬓᬂ᭞ᬭᬤᬾᬦ᭄ᬤᬾᬯᬶ᭞ᬢᬢᬕᭀᬦᬾᬚ
ᬦᬶᬮᬾᬩᬂ᭟ᬭᬤᬾᬦ᭄ᬕᬮᬸᬄᬩ᭄ᬬᬦᬵᬲᬸᬓᬵ᭞ᬕᬸᬭᬸᬦᬾᬫᬲᬶᬄᬫᬦᬫ᭄ᬧᬶ᭞ᬭᬤᬾᬦ᭄ᬕᬮᬸᬄᬗ᭄ᬯᬶᬤᬶᬋᬓᭀ᭞ᬢ᭄ᬓᬾᬦᬶᬂᬭᬢᬸᬫ᭄ᬢᬳᬸᬦ᭄᭞ᬲ᭄ᬕᬭᬫᬤᬸᬕᬸᬦᬸᬂᬫ᭄ᬜᬦ᭄᭞ᬦᬾᬓᬯᬶᬤ᭄ᬥᬶ᭞ᬮᬫᬸᬦ᭄ᬳᬤᬤᬦᬾᬲᬸᬓᬵ᭟ᬚᬳᬸᬫᬦᬾᬫᬗᬢᬸᬭᬂ᭞ᬓᬫᬢᬳᬸᬦ᭄