[᭓᭓ 33B]
᭓᭓
ᬤᬶᬭᬵᬓ᭄ᬱᬲᬵ᭟ᬩᬕᬸᬲᬸᬫ᭄ᬩᬭᬫᬗ᭄ᬭᬱ᭞ᬬᬾᬦ᭄ᬧᬗᬸᬘᬧᬾᬭᬶᬂᬳᬢᬶ᭞ᬳᭂᬦᬾᬢᬸᬳᬸᬭᬢᬸᬓᬯᭀᬢ᭄᭞ᬥᬦᬵᬉᬢ᭄ᬢᬫᬭᬳᬬᬸ᭞ᬢ᭄ᬯᬭᬬᬾᬦ᭄ᬫᬤᬺᬯᬾᬳᬵᬃᬣ᭞ᬭᬢᬸᬚᬢᬶ᭞ᬲᭂᬤᭂᬂᬤᬾᬦ᭄ᬚᬮᬦ᭄ᬜᬸᬯᬶᬢ᭄ᬣ᭟ᬩᬕᬸᬲᬸᬫ᭄ᬩᬭᬫᬢᬸᬭᬵ᭞ᬢᬶ
ᬢ᭄ᬬᬂᬚ᭄ᬭᬶᬄᬰ᭄ᬭᬷᬤ᭄ᬤ᭄ᬭᬵᬧᬢᬶ᭞ᬢᬶᬢ᭄ᬬᬂᬯᭀᬂᬢᬦᬶᬢᬹᬃᬳᭂᬲᭀᬃ᭞ᬲᬢᬢᬵᬓᭀᬢᬶᬢ᭄ᬬᬂᬮᬘᬸᬃ᭞ᬓᬾᬥᭂᬧ᭄ᬢᬶᬢ᭄ᬬᬂᬫᬫᬶᬦᬳ᭞ᬭᬢᬸᬲᬶᬗ᭄ᬕᬶᬄ᭞ᬢᬶᬢ᭄ᬬᬂᬦ᭄ᬤᬯᭂᬕ᭄ᬬᬦ᭄ᬫᬫᬶᬦ᭄ᬤᬄ᭟ᬧᬸᬢ᭄ᬭᬦᬾᬫᬗ᭄ᬓᬶᬦ᭄ᬓᭀᬘᬧ᭞ᬫᬗᬤᭂᬕ᭄ᬫᬥ᭄ᬬᬦᬶᬂᬓᭀᬭᬶ᭞ᬭᬳᬤᬾᬦ᭄ᬳᬶᬦ
ᬯᬂᬢᬭᭀ᭞ᬚᭂᬚᭂᬮ᭄ᬯᭀᬂᬚ᭄ᬭᭀᬲᬸᬧ᭄ᬦᬸᬄ᭞ᬧᬥᬳᬗᬩᬶᬄᬭᬳᬤ᭄ᬬᬦ᭄᭞ᬰ᭄ᬭᬷᬪᬹᬧᬢᬶ᭞ᬲᬕᬾᬢ᭄ᬤᬦᬾᬫᬘᬶᬗᬓ᭠ᬦ᭄᭟ᬭᬭᬶᬲ᭄ᬳᬶᬤᬫᬗᬦ᭄ᬤᬶᬓᬵ᭞ᬫᬤᬾᬢᬭᭀᬓ᭄ᬫᬫᬸᬮᬶᬄ᭞ᬫᬵᬢᬹᬃᬕᭂᬮᬶᬲᬂᬤᬶᬚ᭄ᬭᭀ᭞ᬭᬓᬦ᭄ᬜᬳᬶᬢᬸᬦ᭄ᬤᬾᬦ᭄ᬦᬸᬩᬸᬂ᭞ᬦᬯᬂᬢ
ᬭᭀᬕ᭄ᬮᬶᬲ᭄ᬓᬧᬹᬭᬵ᭞ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬫᬵᬢᬸᬃᬭᬶᬂᬦᬯᬂᬢᬺᬗ᭄ᬕᬡ᭄ᬦᬵ᭟ᬳᬶᬦᬯᬂᬢᬭᭀᬫᬵᬢᬸᬭᬵ᭞ᬓ᭄ᬦᬶᬳᭂᬫ᭄ᬩᭀᬓ᭄ᬦᬸᬩᬸᬂ᭠ᬫᬗ᭄ᬓᬶᬦ᭄᭞ᬯᬾᬦ᭄ᬢᭂᬦ᭄ᬢᬫ᭄ᬬᬸᬤᬶᬯᬂᬭᭀᬭᭀ᭞ᬲᬕᬾᬢ᭄ᬧ᭄ᬭᬫᬶᬲ᭄ᬯᬭᬶᬭᬯᬸᬄ᭞ᬢᬸᬫᬸᬮᬶᬄᬤᬦᬾᬗᬦ᭄ᬤᬶᬓᬵ᭞ᬫᬶᬭᬄᬕᬸᬲ᭄ᬢᬶ᭞ᬳ
[᭓᭔ 34A]
᭓᭔
ᬧᬭᬯᭀᬲᬂᬳᬶᬤᬾᬯ᭄ᬯ᭟ᬦᬯᬂᬢᬭᭀᬲᬳᬸᬃᬲᭂᬫ᭄ᬩᬄ᭞ᬧᬗᬦ᭄ᬤᬶᬓᬦ᭄ᬕᬸᬭᬸᬳᬚᬶ᭞ᬳᬧᬂᬓ᭄ᬦᬵᬋᬓᭀᬳᬶᬫ᭄ᬩᭀᬓ᭄᭞ᬫᬗ᭄ᬕᭂᬮᬶᬲᬂᬫᬗ᭄ᬓᬶᬦ᭄ᬦᬸᬩᬸᬂ᭞ᬢᬹᬃᬤᬦᬾᬫᬫᬓ᭄ᬢᬫ᭄ᬤᬮ᭄᭞ᬯᬾᬦ᭄ᬢᭂᬦ᭄ᬫᬗ᭄ᬓᬶᬦ᭄᭞ᬢᬫ᭄ᬬᬸᬓᬓᬮᬶᬄᬭᬶᬂᬚᬩᬵ᭟ᬦᬄᬢᭀᬓᬾᬢᭀᬧ᭠
ᬗᬦ᭄ᬤᬶᬓᬵᬦ᭄᭞ᬳᬶᬤᬋᬓᬾᬕᬸᬭᬸᬦ᭄ᬜᬳᬶ᭞ᬕ᭄ᬮᬶᬲᬂᬦᬸᬩᬸᬂᬜᬳᬶᬫᬗ᭄ᬓᭀ᭞ᬮᬦ᭄ᬢᬲ᭄ᬜᬳᬶᬗᬩᬵᬧᭂᬲᬸ᭞ᬳᬶᬭᬶᬂᬧᬗᬦ᭄ᬤᬶᬓᬦ᭄ᬳᬶᬤᬵ᭞ᬕᬸᬭᬸᬦ᭄ᬜᬳᬶ᭞ᬳ᭄ᬤᬵᬜᬳᬶᬚᬦᬶᬧᬶᬯᬮ᭄᭟ᬳᬶᬦᬯᬂᬢᬺᬗ᭄ᬕᬡᬜᬸᬫ᭄ᬩᬄ᭞ᬳᬢᬸᬭᬾᬲᬤ᭄ᬥᬳᬦᬗᬶᬲ᭄᭞ᬳᬧᬦ᭄ᬓᬦ᭄ᬢᭂᬦ᭄ᬲᬓᬶᬂ
ᬚ᭄ᬭᭀ᭞ᬢᬶᬢ᭄ᬬᬂᬫᬶᬦ᭄ᬤᬄᬤᬵᬬᬂᬳᬶᬩᬸ᭞ᬓᭂᬚᬩᬵᬫᭂᬫᬓ᭄ᬢᬵᬘᬦᬂ᭞ᬦᬾᬦᬾᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬩᬳᬸᬓᬢ᭄ᬓᬬᬦ᭄᭟ᬳᬶᬗ᭄ᬕᬶᬄᬩᬳᬸᬩᬍᬲ᭄ᬧᬶᬲᬦ᭄᭞ᬩ᭄ᬬᬦᬵᬢᬶᬢ᭄ᬬᬂᬬᬾᬦ᭄ᬫᬮᬸᬤᬶᬄ᭞ᬫᬤᬾᬢᬭᭀᬫᬗ᭄ᬓᬶᬦ᭄ᬓᭀᬦ᭄ᬓᭀᬦ᭄᭞ᬢᬶᬢ᭄ᬬᬂᬯᬦ᭄ᬢᬄᬮᬶᬦ᭄ᬢᬂᬢ
ᬓᬸᬢ᭄᭞ᬓᬓᭂᬢᭂᬕᬾᬳᬮᬵᬧᬶᬲᬦ᭄᭞ᬬᬾᬦ᭄ᬲᬶᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬧᭂᬲᬸᬓᬩᭂᬜ᭄ᬘᬡᬵ᭟ᬲᬫᬶᬚ᭄ᬭᬶᬄᬓᬩᭂᬜ᭄ᬘᬶᬗᬄ᭞ᬲᬂᬧ᭄ᬭᬪᬹᬗᬗᭂᬦ᭄ᬭᬶᬂᬳᬢᬶ᭞ᬳᭀᬓᬦᬾᬲᬫᬶᬭᬶᬂᬚᭂᬭᭀ᭞ᬓᭀᬘᬧ᭄ᬭᬶᬂᬩᬜ᭄ᬘᬶᬗᬄᬲᬵᬫ᭄ᬧᬸᬦ᭄᭞ᬧᬢᬶᬫᬦ᭄ᬢ᭄ᬭᬶᬗᬢᬸᬭᬂᬘᬦᬂ᭞ᬲ᭄ᬭᬶᬪᬸᬧ
