[᭒᭗ 27B]
᭒᭗
ᬲᬸᬫ᭄ᬩᬭᬵᬓᭀᬘᬧ᭞ᬫᬗ᭄ᬮᬶᬯᬢ᭄ᬳᬭᬸᬗᬦ᭄ᬫᬗ᭄ᬓᬶᬦ᭄᭞ᬲᬵᬫ᭄ᬧᬸᬦ᭄ᬳᭂᬤᭀᬄᬢ᭄ᬯᬭᬓᬢᭀᬦ᭄᭞ᬲᬦᬾᬳᬦ᭄ᬓᬚᬯ᭄ᬯᬲᬵᬫ᭄ᬧᬸᬦ᭄᭞ᬲᬧᭀᬮᬳᬾᬲᬵᬫ᭄ᬧᬸᬦ᭄ᬮᬫ᭄ᬬ᭞ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬭᬶᬂᬧᬲᬶᬲᬶᬦ᭄ᬚᬫᬶᬦ᭄ᬢᭀᬭᬵ᭟ᬭᬭᬶᬲ᭄ᬢᬸᬫᬸᬭᬸᬦ᭄ᬭᬶᬂᬲᭀᬯᬦ᭄᭞ᬲᭂᬤᭂᬓ᭄ᬦᬂᬩ᭄ᬓᬸᬂ
ᬫᬲᬶᬲᬶ᭞ᬫᬗᬩᬵᬧᭂᬜ᭄ᬘᬃᬜᬗ᭄ᬓᭀᬤᭀᬢ᭄᭞ᬫᬫᬸᬜᬶᬢ᭄ᬓᬾᬦᬾᬳ᭄ᬮᬸᬄ᭞ᬤᬾᬄᬢᬫ᭄ᬧᬶᬦᬂᬜᬳᬶᬳᬶᬭ᭞ᬜᬳᬶᬫᬸᬮᬶᬄ᭞ᬦᬶᬭᬲᬜ᭄ᬚᬲᬜ᭄ᬚᬢ᭄ᬓᬵ᭟ᬦᬾᬮᬸᬄᬫᬮᬶᬄᬢ᭄ᬓᭂᬤ᭄ᬚᬸᬫᬄ᭞ᬦᬾᬫ᭄ᬯᬦᬶᬦᬸᬤᬶᬧᬲᬶᬲᬶ᭞ᬫᬦᭂᬧᬸᬓᬶᬦ᭄ᬳᬦᬓ᭄ᬭᭀᬭᭀ᭞ᬤᬾ᭠
ᬩ᭄ᬓᬸᬂᬫᬢᬓᭀᬦ᭄ᬳᬮᬸᬲ᭄᭞ᬳᬶᬕᬸᬲ᭄ᬢᬶᬲᬓᬶᬂᬧᬸᬦᬧᬵ᭞ᬤᬾᬯ᭄ᬯᬕᬸᬲ᭄ᬢᬶ᭞ᬢᬦ᭄ᬯᬾᬦ᭄ᬢᭂᬦ᭄ᬢᬶᬢ᭄ᬬᬂᬫᬦᬯᬂ᭟ᬳᬓᬾᬄᬫᬦ᭄ᬢ᭄ᬭᬶᬢᬯᬂᬢᬶᬢ᭄ᬬᬂ᭞ᬢᬦ᭄ᬯᬾᬦ᭄ᬢᭂᬦ᭄ᬓᬤᬶᬳᬶᬕᬸᬲ᭄ᬢᬶ᭞ᬳᬲᬶᬦ᭄ᬧᬸᬢ᭄ᬭᬦ᭄ᬭᬢᬸᬓᬯᭀᬢ᭄᭞ᬫᬦ᭄ᬢ᭄ᬭᬶᬦᬾᬤᬶᬩᬮᬶᬓᬲᬸᬩ᭄᭞ᬳᭀᬓᬦ᭄ᬭᬢᬸᬭᬶᬂᬓᭀ
ᬭᬶᬧᬦ᭄᭞ᬳᬦᭀᬫ᭄ᬧᭂᬓᬶᬓ᭄᭞ᬩ᭄ᬚᬦᬵᬋᬓᭀᬳᬦᬓ᭄ᬫᬥᬵ᭟ᬳᬗᬶᬂᬢᬶᬢ᭄ᬬᬂᬩ᭄ᬬᬦᬵᬦᬯᬂ᭞ᬭᬤᬾᬦ᭄ᬫᬦ᭄ᬢ᭄ᬭᬶᬦᬾᬭᬶᬂᬩᬮᬶ᭞ᬲᬓᬾᬯᬮᬳᭀᬃᬢ᭄ᬣᬋᬓᭀ᭞ᬢᬸᬢᬹᬃᬳᬦᬓ᭄ᬳᬸᬮᬶᬂᬳᬶᬮᬸ᭞ᬩᬕᬸᬲᬸᬫ᭄ᬩᬭᬗᬦ᭄ᬤᬶᬓᬵ᭞ᬢᬸᬳᬸᬓᬓᬶ᭞ᬦᬶᬭᬵᬳᬶᬫᬦ᭄ᬢ᭄ᬭᬶᬓᭀ᭠
[᭒᭘ 28A]
᭒᭘
ᬭᬶᬧᬦ᭄᭟ᬦᬗᬶᬂᬢᬾᬓᬓᬶᬤᬯᬾᬭ᭞ᬮᬸᬯᬲ᭄ᬦᬶᬭᬦᬾᬫᬜᬶᬮᬶᬩ᭄᭞ᬤᬾᬩ᭄ᬓᬸᬂᬢᬗ᭄ᬓᭂᬚᬸᬢ᭄ᬜᭀᬗ᭄ᬓᭀᬓ᭄᭞ᬫᬜᬸᬫ᭄ᬩᬄᬭᬭᬶᬲ᭄ᬫᬳᬢᬹᬃ᭞ᬩᭀᬬᬧ᭄ᬮᬶᬄᬳᬢᬹᬃᬢᬶᬢ᭄ᬬᬂ᭞ᬢ᭄ᬯᬄᬳᬶᬕᬸᬲ᭄ᬢᬶ᭞ᬲᬗ᭄ᬓᬦ᭄ᬢ᭄ᬯᬭᬳᬦᬓ᭄ᬫᬥᬵ᭟ᬩ᭄ᬬᬦᬵᬢᬶᬢ᭄ᬬᬂᬧᬸᬭᬸᬦ᭄ᬯᬾᬭ᭞ᬭᬶᬂᬲᬦ᭄ᬤᬶᬓ
ᬦ᭄ᬤᬾᬯ᭄ᬯᬫᬗ᭄ᬓᬶᬦ᭄᭞ᬤᬸᬭᬸᬲᬂᬳᬶᬘᬦᬾᬤᬾᬯ᭄ᬯ᭞ᬲᬶᬫ᭄ᬧᬂᬓ᭄ᬚᬸᬫᬄᬢᬶᬢ᭄ᬬᬂᬭᬢᬸ᭞ᬦᬗᬶᬂᬢᬶᬢ᭄ᬬᬂᬚᬤ᭄ᬫᬮᬭ᭞ᬢᬶᬢ᭄ᬬᬂᬫᬶᬲ᭄ᬓᬶᬦ᭄᭞ᬳᬗ᭄ᬕᬾᬦᬂᬳᬶᬤᬾᬯ᭄ᬯᬧᬜ᭄ᬚᬓ᭄᭟ᬩᬕᬸᬲᬸᬫ᭄ᬩᬭᬗᬦ᭄ᬤᬶᬓᬵ᭞ᬬᬾᬦ᭄ᬢ᭄ᬯᬄᬓᬓᬶᬚᬦᬶᬲᬸᬤᬶ᭞ᬗᬚᬓ᭄ᬦᬶᬭᬤᬶᬢᬸᬋᬓᭀ᭞ᬦᬶᬭᬩ
ᬋᬂᬓᬓᬶᬫᬦ᭄ᬢᬸᬓ᭄᭞ᬳᬗ᭄ᬕᬾᬦᬂᬚ᭄ᬯᬵᬦᬶᬭᬧ᭄ᬬᬦᬓ᭄᭞ᬚᬸᬫᬄᬓᬓᬶ᭞ᬤᬾᬩ᭄ᬓᬸᬂᬫᬲᬳᬸᬃᬲᭂᬫ᭄ᬩᬄ᭟ᬤᬸᬄᬭᬢᬸᬦ᭄ᬢᬶᬢ᭄ᬬᬗᬾᬤᬾᬯ᭄ᬯ᭞ᬧᬗᬶᬥᭂᬧ᭄ᬢᬶᬢ᭄ᬬᬗᬾᬫᬗ᭄ᬓᬶᬦ᭄᭞ᬓᬕ᭄ᬭᬶᬗᬦ᭄ᬲᬫ᭄ᬧᬸᬦ᭄ᬓᬤᬮᭀᬦ᭄᭞ᬫᬭᬸᬧᬢᬦ᭄ᬓᭂᬦᬶᬢᬸᬮᬸᬂ᭞ᬳᬶᬤᬾᬯ᭄ᬯᬫᬗᬸᬭᬶᬧ᭄ᬢᬶᬢ᭄ᬬᬂ᭞
ᬦᬾᬦᬾᬫᬗᬶᬸᬗ᭄ᬓᬶᬦ᭄᭞ᬲᬸᬧᬢ᭄ᬮᬭᬦ᭄ᬢᬶᬢ᭄ᬬᬂᬫᬓ᭄ᬚᬂ᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓᬵ᭞ᬢᬸᬳᬸᬲᬚᬓᬾᬢᭀᬓᬓᬶ᭞ᬤᬾᬩᭂᬓᬸᬂᬫᬳᬢᬹᬃᬳᬮᭀᬦ᭄᭞ᬳᬶᬗ᭄ᬕᬶᬄᬬ᭄ᬯᬵᬓ᭄ᬢᬶᬤᬾᬯᬵᬕᬸᬂ᭞ᬩᬕᬸᬲᬸᬫ᭄ᬩᬭᬗᬦ᭄ᬤᬶᬓᬵ᭞ᬦᬄᬢᬾᬓᬓᬶ᭞ᬚᬮᬦ᭄ᬓᬾᬫᬸᬮᬶᬄᬕ᭄ᬮᬶᬲᬂ᭟ᬢᬸᬫᬸᬮᬶᬄ
