Kaca:Bali-lontar-paparikan-bagus-umbara-01-250ppi.pdf/26

Saking Wikisource
Kaca puniki sampun kauji-wacén

[᭒᭕ 25B]
᭒᭕
ᬯᬾᬦ᭄ᬢᭂᬦ᭄ᬓᭀᬳᬶᬭᬶᬓᬵᬢᭀᬕᭀᬕ᭄᭞ᬧᬸᬦᬶᬓᬵᬚᬸᬚᬸᬃᬳᬶᬭᬢᬸ᭞ᬢᭀᬕᭀᬕ᭄ᬫᬭᬸᬧᬳᬶᬤᬾᬯ᭄ᬯ᭞ᬦᬾᬳᬲᬶᬓᬶ᭞ᬫᬭᬸᬧᬓᬤᬶᬳᬶᬲ᭄ᬫᬃ᭟ᬬᬾᬦ᭄ᬳᬶᬤᬾᬯ᭄ᬯᬲᬤ᭄ᬬᬧ᭄ᬭᬧ᭄ᬢᬵ᭞ᬭᬭᬶᬲ᭄ᬳᬶᬤᬾᬯ᭄ᬯᬫᬮᬶᬗ᭄ᬕᬶᬄ᭞ᬕᭂᬦ᭄ᬢᭀᬲᬶᬦ᭄ᬢᭀᬕᭀᬕᬾᬳᭂᬦ᭄ᬢᭀ᭞
ᬢᭀᬕᭀᬕᬾᬕ᭄ᬮᬶᬲ᭄ᬓᬸᬢᬂᬭᬢᬸ᭞ᬳᭂᬗ᭄ᬓᭂᬩᬂᬤᬗᭂᬦᬳᬗᬵ᭞ᬤᬾᬯ᭄ᬯᬕᬸᬲ᭄ᬢᬶ᭞ᬮᬶᬗ᭄ᬕᬶᬳᬶᬦ᭄ᬚ᭄ᬯᬳᬢᬹᬃᬢᬶᬢ᭄ᬬᬂ᭟ᬢᬦᬸᬭᬸᬂᬳᬶᬤᬾᬯ᭄ᬯᬲᬤ᭄ᬬ᭞ᬫᬦᭂᬫᬸᬭᬳᬤᬾᬦ᭄ᬤᬾᬯᬶ᭞ᬜᬩ᭄ᬭᬦ᭄ᬫᬗᬶᬗᭀᬦᬶᬦ᭄ᬢᭀᬕᭀᬕ᭄᭞ᬭᬤᬾᬦ᭄ᬕᬮᬸᬄᬲᬵᬫ᭄ᬧᬸᬦ᭄ᬩᬸᬤᬸᬄ᭞ᬗᬬᬳᬶ
ᬦ᭄ᬢᭀᬕᭀᬕ᭄ᬤᬶᬢᬫᬦ᭄᭞ᬲᬳᬶᬲᬳᬶ᭞ᬫᬓ᭄ᬢᬵᬯ᭄ᬤᬓ᭄ᬮᬯᬦ᭄ᬤᬳᬃ᭟ᬩᬕᬸᬲᬸᬫ᭄ᬩᬭᬳᬗᬸᬘᬧ᭄᭞ᬢᬸᬳᬸᬩᬸᬓᬄᬓᬾᬦ᭄ᬢᭀᬓᬓᬶ᭞ᬓᬦ᭄ᬢᬸᬦ᭄ᬓᬓᬶᬤᬶᬦᬶᬋᬓᭀ᭞ᬤᬾᬤᬸᬓᬸᬄᬫᬳᬢᬹᬃᬳᬮᬸᬲ᭄᭞ᬗ᭄ᬕᬶᬄᬫᬫᬵᬃᬕ᭄ᬕᬶᬤᬾᬯᬦ᭄ᬢᬶᬢ᭄ᬬᬂ᭞ᬳᬧᬂᬩᭂᬘᬶᬓ᭄᭞ᬳᬾᬮᬶᬗᬂᬚ᭠
ᬳᬢᬹᬃᬢᬶᬢ᭄ᬬᬂ᭟ᬩᬕᬸᬲ᭄ᬳᬸᬫ᭄ᬩᬵᬭᬫᬫᬃᬕ᭄ᬕᬵ᭞ᬧᬸᬦ᭄ᬲᭂᬫᬃᬫᬶᬍᬢ᭄ᬳᬗᬶᬭᬶᬂ᭞ᬧᬫᬃᬕ᭄ᬕᬶᬦᬾᬲᬵᬫ᭄ᬧᬸᬦᬤᭀᬄ᭞ᬮᬶᬯᬢ᭄ᬳᬮᬲ᭄ᬮᬶᬯᬢ᭄ᬕᬸᬦᬸᬂ᭞ᬭᬯᬸᬄᬭᬶᬂᬧᬲᬶᬲᬶᬚᬶᬫ᭄ᬩᬃ᭞ᬢᬸᬳᬸᬳᬰ᭄ᬭᬷ᭞ᬧ᭄ᬓᭂᬦ᭄ᬳᬕᬸᬂᬭᬶᬂᬧᬩᬾᬬᬦ᭄᭟ᬲᬧ᭄ᬭᬧ᭄ᬢᬦᬾᬭᬶᬂᬧᬩᬾᬬᬦ᭄᭞ᬩᬕᬸ᭠

[᭒᭖ 26A]
᭒᭖
ᬲᬸᬫ᭄ᬩᬭᬫᬮᬶᬗ᭄ᬕᬶᬄ᭞ᬩᬢᬦ᭄ᬯᬭᬶᬗᬶᬦᬾᬗᬬᭀᬃ᭞ᬳᬓᬾᬄᬫᬢᬓᭀᬦ᭄ᬧᬘ᭄ᬭᬸᬗᬸᬂ᭞ᬳᬶᬗ᭄ᬕᬶᬄᬚ᭄ᬭᭀᬧᬸᬦᬧᬶᬳᬶᬧᬦ᭄᭞ᬢᬸᬫ᭄ᬩᬾᬦ᭄ᬧ᭄ᬭᬧ᭄ᬢᬶ᭞ᬩᬕᬸᬲᬸᬫ᭄ᬩᬭᬗᬦ᭄ᬤᬶᬓᬵ᭟ᬳᬶᬄᬩᬶᬩᬶᬲᬸᬦ᭄‌ᬯᭀᬂᬓᬮᬭᬦ᭄᭞ᬫᬗᬸᬫ᭄ᬩᬭᬳᬸᬮᬶᬘ᭄ᬦᬶᬓ᭄᭞ᬢ᭄ᬯᬭᬦᬯᬂᬤᬾᬰᬋ
ᬓᭀ᭞ᬲᬕᬾᬢ᭄ᬤᬶᬦᬶᬳᬶᬗ᭄ᬲᬸᬦ᭄ᬭᬯᬸᬄ᭞ᬤᬾᬰᬧᬸᬦᬧᬶᬳᬤᬜ᭞ᬦᬶᬓᬶᬩᬶᬩᬶ᭞ᬫᬲᬳᬸᬢ᭄ᬤᬕᬗᬾᬤᬤ᭄ᬯ᭟ᬧᬸᬦᬶᬓᬶᬧᬩᬾ᭠ᬬᬦ᭄ᬮᬶᬗ᭄ᬰᬃ᭞ᬳᬶᬩᬕᬸᬲ᭄ᬓᬭᬶᬳᬮᬶᬗ᭄ᬕᬶᬄ᭞ᬫᬦᭀᬦ᭄ᬢᭀᬦ᭄ᬤᬕᬗᬾᬩ᭄ᬗᭀᬂ᭞ᬯᭀᬂᬩᬳᬶᬢ᭄ᬣᬳᬓᬾᬄᬢ᭄ᬤᬸᬦ᭄᭞ᬫᬗᬩᬤᬕᬗᬦᬾ
ᬦ᭄ᬤᬄ᭞ᬍᬯᬶᬄᬍᬯᬶᬄ᭞ᬕᬯᭀᬓ᭄ᬧᬥᬯᭀᬂᬧᬩᬾᬬᬦ᭄᭟ᬫᬦᭀᬦ᭄ᬢᭀᬦ᭄ᬩᬕᬸᬲᬸᬫ᭄ᬩᬭ᭞ᬫᬢᬓᭀᬦ᭄ᬲᬮᬾᬂᬢᬓᭀᬦᬶᬦ᭄᭞ᬯᭀᬂᬪᬳᬶᬢ᭄ᬣᬧᬥᬩ᭄ᬗᭀᬂ᭞ᬫᬦᬓᭀᬦᬂᬳᬦᬓ᭄ᬩᬕᬸᬲ᭄᭞ᬲᭀᬫᬄᬓᬫ᭄ᬧᬸᬂᬲᭀᬫᬄᬘᬶᬡᬵ᭞ᬓᬧᬶᬮᬩᬶ᭞ᬫᬦᭀ
ᬦ᭄ᬢᭀᬦ᭄ᬩᬕᬸᬲᬸᬫ᭄ᬩᬭᬵ᭟ᬳᬓᬾᬄᬤᬳᬦᬾᬦᬓᭀᬦᬂ᭞ᬭᬗ᭄ᬤᬫ᭄ᬯᬄᬫᬾᬦ᭄ᬩᭂᬓᬸᬂᬧᬮᬶᬂ᭞ᬫᬦᬳᬾᬓᬤᬸᬂᬓᬮᬗᭀᬦ᭄᭞᭠ᬤᬤᬶᬫᬢ᭄ᬫᬳᬦ᭄ᬳᬶᬩᬸᬓ᭄᭞ᬳᬤᬶᬳᬶᬢ᭄ᬓᬲᬤ᭄ᬥᬵᬫ᭄ᬮᬄ᭞ᬫᬸᬗᬄᬫᬗᬶᬄ᭞ᬢ᭄ᬯᬭᬲ᭄ᬮᭂᬕ᭄ᬫᬩᬮᬜ᭄ᬚ᭟ᬲᬕᬾᬢ᭄ᬢᭂᬓᬳᬦᬓ᭄ᬧᭂᬓᬲ᭄᭞