[᭒᭓ 23B]
᭒᭓
ᬦᬾᬩᭂᬘᬶᬓ᭄ᬩᭂᬘᬶᬓ᭄᭞ᬢᬶᬢ᭄ᬬᬂᬫᬗᬮᬳᬂᬋᬓᭀ᭞ᬳᬦᬂᬲᬢᬸᬲ᭄ᬓᬧᬢ᭄ᬲᬲᬹᬃ᭞ᬕᬸᬫᬸᬬᬸᬩᬕᬸᬲᬸᬫ᭄ᬩᬭᬵ᭞ᬦ᭄ᬢᭀᬦᬾᬳᬸᬗ᭄ᬲᬶ᭞ᬧᬶᬮᬶᬳᬶᬦ᭄ᬦᬾᬫ᭄ᬮᬄᬫ᭄ᬮᬄ᭟ᬢᬸᬫᬸᬮᬶᬭᬭᬶᬲ᭄ᬫᬫᬵᬃᬕ᭄ᬕᬵ᭞ᬚᬸᬭᬂᬧᬗ᭄ᬓᬸᬂᬤᬾᬦ᭄ᬮᬫ᭄ᬧᬳᬶᬦ᭄᭞ᬢᬦ᭄ᬓᬾᬢᬸᬂᬫᬦᬄᬓᬍᬲᭀ
ᬦ᭄᭞ᬮᬶᬯᬢ᭄ᬳᬮᬲ᭄ᬮᬶᬯᬢ᭄ᬕᬸᬦᬸᬂ᭞ᬫᬜ᭄ᬚᬶᬂᬳᬮᬲ᭄ᬫᬜ᭄ᬚᬶᬂᬢ᭄ᬕᬮ᭄᭞ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬮᬫ᭄ᬧᬳᬾᬭᬶᬂᬳᬮᬲ᭄ᬩᭂᬗᬂ᭟ᬓᬲᬸᬯᬾᬦ᭄ᬫᬗ᭄ᬓᬶᬦ᭄ᬮᬫ᭄ᬧᬄᬦ᭄ᬬ᭞ᬢᬦ᭄ᬓᭀᬘᬧᭂᬦ᭄ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬳᬦᬓᬯᬸᬯᬸᬲᭂᬦ᭄ᬋᬓᭀ᭞ᬓᭀᬘᬧ᭄ᬭᬢᬸᬭᬶᬂᬜ᭄ᬚᭀᬂᬪᬶᬭᬸ᭞ᬢᭂ᭠
ᬫᬄᬳᬦ᭄ᬤᬤᬶᬭᬓ᭄ᬱᬲᬵ᭞ᬲᬵᬫ᭄ᬧᬸᬦ᭄ᬩᬺᬲᬶᬄ᭞ᬓᬳᬸᬮᬦᬾᬲᬫᬶᬢᬥᬄ᭟ᬘᬗ᭄ᬓᭂᬫ᭄ᬓᬤᬶᬕ᭄ᬯᬫ᭄ᬗᬵ᭞ᬇᬭᬸᬂᬓᬤᬶᬲᬸᬫᬸᬃᬩᬦ᭄ᬤᬶᬂ᭞ᬲᭀᬘᬵᬓᬤᬶᬲᬹᬃᬬ᭄ᬬᬭᭀᬭᭀ᭞ᬲ᭄ᬬᬸᬗᬾᬓᬢᭀᬦ᭄ᬓᬤᬸᬗᬸᬲ᭄᭞ᬓᬢᭀᬦ᭄ᬓᬤᬶᬲᬹᬃᬬ᭄ᬬᬓᭂᬫ᭄ᬩᬃ᭞ᬯᬯᬸᬫᬶᬚᬶᬮ᭄᭞ᬲᬫᬶ᭠
ᬚ᭄ᬭᬶᬄᬭᬶᬂᬧ᭄ᬭᬪᬸᬬᬓ᭄ᬱ᭟ᬧᬸᬢ᭄ᬭᬦᬾᬫᬗ᭄ᬓᬶᬦ᭄ᬓᭀᬘᬧᬦ᭄᭞ᬭᬤᬾᬦ᭄ᬕᬮᬸᬄᬮᬶᬦ᭄ᬢᬂᬲ᭄ᬤᬶᬄ᭞ᬓᬢᬫᬦ᭄ᬭᬭᬶᬲ᭄ᬫᬗᭀᬚᭀᬕ᭄᭞ᬢᭀᬕᭀᬕᬾᬲᬳᬸᬧ᭄ᬧᬶᬦ᭄ᬓᬸᬮ᭄᭞ᬓᬲᬶᬳᬶᬦ᭄ᬳ᭄ᬬᬤᬶᬫᬦ᭄ᬤᬶᬫᬦ᭄᭞ᬳᬸᬬᬕ᭄ᬳᬬᬶᬕ᭄᭞ᬯ᭄ᬤᬓᬶᬦ᭄ᬳᬢᬸᬭᬶᬦ᭄ᬤᬳᬃ᭟ᬳ᭄ᬦᭂᬗᬓ᭄ᬦᬵᬭᬶᬂ᭠
[᭒᭔ 24A]
᭒᭔
ᬚᬯ᭞ᬭᬶᬂᬩᬮᬶᬓᬯᬸᬯᬸᬲ᭄ᬫᬮᬶᬄ᭞ᬓᭀᬘᬧᭂᬦ᭄ᬧ᭄ᬭᬪᬹᬤᬶᬤᭂᬳᬵ᭞ᬫᬗ᭄ᬮᭂᬫᭂᬲᬶᬦ᭄ᬦᬦᬓ᭄ᬕᬮᬸᬄ᭞ᬜᬳᬶᬕᬸᬭᬸᬦᬸᬦᬲ᭄ᬳᬶᬘᬵ᭞ᬦᬾᬦᬾᬫᬗ᭄ᬓᬶᬦ᭄᭞ᬜᬳᬶᬢ᭄ᬯᬄᬜᬮᬾᬩᬂᬩᬧ᭟ᬓᬫᭂᬢᬳᬸᬦ᭄ᬭᬶᬂᬲᬂᬦᬵᬣ᭞ᬳᬶᬤᭂᬧᬂᬚ᭄ᬯᬫᬶᬭᬄᬫᬡᬶᬓ᭄᭞ᬫᬸᬜᬶᬦ᭄ᬕᬸᬭᬸᬫᬶᬭᬄᬋ
ᬓᭀ᭞ᬲᬵᬫ᭄ᬧᬸᬦ᭄ᬜᬳᬶᬯᬮᬂᬓᬬᬸᬦ᭄᭞ᬫᬭᬭᬵᬫᬢ᭄ᬓᬾᬦ᭄ᬩᬧᬵ᭞ᬦᬾᬦᬾᬫᬗ᭄ᬓᬶᬦ᭄᭞ᬳᬶᬥᭂᬧᭂᬦ᭄ᬜᬳᬶᬗ᭄ᬕᬯᬾᬦᬂ᭟ᬢᭂᬕᬓ᭄ᬕᬸ᭠ᬭᬸᬦᬾᬭᬶᬂᬤᭂᬳᬵ᭞ᬳᬧᬂᬤᬫᬗ᭄ᬕᬶᬄᬧ᭄ᬭᬶᬬᬢᬶᬦ᭄᭞ᬬ᭄ᬯᬤᬶᬦ᭄ᬯᬾᬦ᭄ᬢᭂᬦ᭄ᬫᬶᬭᬄᬋᬓᭀ᭞ᬲᬵᬫ᭄ᬧᬸᬦ᭄ᬜᬳᬶᬯᬮᬂᬓᬬᬸᬦ᭄᭞ᬫᬭᬭᬵᬫ᭠
ᬢ᭄ᬓᬾᬦ᭄ᬩᬧᬵ᭞ᬩ᭄ᬮᬶᬦ᭄ᬜᬳᬶ᭞ᬭᬤᬾᬦ᭄ᬫᬦ᭄ᬢ᭄ᬭᬶᬳᬶᬮᬂᬮᬯᬲ᭄᭟ᬭᬤᬾᬦ᭄ᬕᬮᬸᬄᬳᬸᬫᬢᬸᬭᬵ᭞ᬲᬲᬸᬯᬾᬜᬢᬶᬢ᭄ᬬᬂᬗᬦ᭄ᬢᬶ᭞ᬕᬸᬭᬸᬦᬾᬗᬦ᭄ᬤᬶᬓᬵᬳᬮᭀᬦ᭄᭞ᬩᭀᬬᬦ᭄ᬤᬸᬕᬶᬤᬦᬾᬭᬯᬸᬄ᭞ᬤᬾᬦᬶᬂᬳᬶᬘᬮ᭄ᬳᬸᬮᬶᬂᬮᬯᬲ᭄᭞ᬳᭂᬂᬲᬧ᭄ᬫᬾᬮᬶᬂ᭞ᬢ᭄ᬯᬭᬤᬦᬾᬫ᭠
ᬓᬦ᭄ᬢᭂᬦᬦ᭄᭟ᬭᬳᬤᬾᬦ᭄ᬕᬮᬸᬄᬫᬢᬸᬭ᭞ᬲᬲᬸᬯᬾᬦ᭄ᬜᬢᬶᬢ᭄ᬬᬂᬗᬦ᭄ᬢᬶ᭞ᬕᬸᬭᬸᬦᬾᬗᬦ᭄ᬤᬶᬓᬵᬳᬮᭀᬦ᭄᭞ᬩᭀᬬᬦ᭄ᬤᬸᬕᬶᬤᬦᬾᬭᬯᬸᬄ᭞ᬤᬾᬦᬶᬂᬳᬶᬘᬮ᭄ᬳᬸᬮᬶᬮᬯᬲ᭄᭞ᬳᭂᬗ᭄ᬲᬧᬾᬮᬶᬂ᭞ᬢ᭄ᬯᬭᬤᬦᬾᬫᬓᬦ᭄ᬢᭂᬦᬦ᭄᭟ᬭᬤᬾᬦ᭄ᬕᬮᬸᬄᬫᬵᬢᬸᬃᬦᭂ᭠
