[᭑᭘ 18B]
᭑᭘
ᬗᬺᬋᬂᬲᬳᬂ᭞ᬤᬾᬯ᭄ᬯᬕᬸᬲ᭄ᬢᬶ᭞ᬢᬶᬢ᭄ᬬᬂᬫᬗ᭄ᬕᬶᬳᬶᬦ᭄ᬤᬢᭂᬗᬦ᭄᭟ᬫᬯᬱ᭄ᬝᬩᬕᬸᬲ᭄ᬳᬸᬫ᭄ᬩᬭᬵ᭞ᬓᬓᬮᬶᬄᬩᭀᬘᭀᬓ᭄ᬳᬲᬶᬓᬶ᭞ᬲᬂᬧ᭄ᬭᬪᬸᬗᬦ᭄ᬤᬶᬓᬵᬳᬮᭀᬦ᭄᭞ᬓ᭄ᬫᬵᬚᬦᬶᬳᬮᬶᬄᬭᬸᬭᬸᬄ᭞ᬳᬚᬓ᭄ᬳᬦᬂᬧ᭄ᬢᬂᬤᬰ᭞ᬦᬾᬦᬾᬚᬦᬶ᭞ᬬᬾᬜᬢᭀᬂᬜ
ᬓ᭄ᬳ᭄ᬬᬳᬚᬓᬂ᭟ᬲᬕᬺᬳᬦ᭄ᬧᬥᬫᬫᬵᬃᬕ᭄ᬕᬵ᭞ᬳᬦᬭᬸᬂᬲᬫᬶᬫᬫᬃᬕ᭄ᬕᬶ᭞ᬳᬸᬚᬦᬾᬬᬩᬍᬲ᭄ᬋᬓᭀ᭞ᬢ᭄ᬯᬶᬩᬕᬸᬲ᭄ᬦᬾᬳᬳᬸᬓᬸᬤ᭄᭞ᬢᬸᬫᬸᬮᬶᬄᬭᬭᬶᬲ᭄ᬫᬜᬧ᭞ᬳᬤᬸᬄᬘᬳᬶ᭞ᬦᬶᬭᬳᬸᬢᬸᬲᬦ᭄ᬲᬂᬦᬵᬣ᭟ᬬᬾᬦᬶᬂᬘᬳᬶᬚᬦᬶᬲᬸᬓᬵ᭞ᬫᬃᬕ᭄ᬕᬶᬓᬩᬜ᭄ᬘᬶ
ᬗᬄᬫᬗ᭄ᬓᬶᬦ᭄᭞ᬧᬗᬦ᭄ᬤᬶᬓᬦ᭄ᬤᬲᬂᬦᬵᬣ᭞ᬳᬶᬗ᭄ᬕᬶᬄᬫᬵᬃᬕ᭄ᬕᬶᬢᬹᬃᬢᬸᬫᬸᬭᬸᬦ᭄᭞ᬳᬸᬚᬦᬾᬲᬕᬾᬢᬦ᭄ᬢᭂᬭᬂ᭞ᬲᬹᬃᬬ᭄ᬬᬫᬶᬚᬶᬮ᭄᭞ᬲᬕᬺᬳᬦ᭄ᬲᬫᬶᬫᬫᬵᬃᬕ᭄ᬕᬵ᭟ᬢᬦ᭄ᬓᭀᬘᬧ᭄ᬫᬗ᭄ᬓᬶᬦ᭄ᬭᬶᬂᬤᬮᬦ᭄᭞ᬢ᭄ᬓᭂᬤ᭄ᬭᬶᬂᬫᬢᬳᬸᬦ᭄ᬕ᭄ᬮᬶᬲ᭄᭞ᬚᬸᬫᭀᬚᭀᬕ᭄ᬳᬶᬤᬲᬂᬓᬣᭀᬂ᭞ᬢ᭄ᬯᬶᬢ᭄ᬯᬄ
ᬩᭀᬘᭀᬓ᭄ᬳᬳᬸᬓᬸᬤ᭄᭞ᬕᬯᭀᬓ᭄ᬳᬦᬓᬾᬗᬢᭀᬦᬂ᭞ᬮᬸᬄᬫ᭄ᬯᬦᬶ᭞ᬲᭂᬓ᭄ᬲᭂᬓ᭄ᬚᭂᬚᭂᬮ᭄ᬭᬶᬂᬩᬜ᭄ᬘᬶᬗᬄ᭟ᬳᬾᬕᬃᬓᬬᬸᬦᬾᬲᬂᬦᬵᬣ᭞ᬜᬶᬗᬓᬶᬦ᭄ᬫᬗ᭄ᬓᬾᬯᭀᬂᬍᬯᬶᬄ᭞ᬫᬶᬚᬶᬮ᭄ᬯᬘᬡᬦᬾᬳᬮᭀᬦ᭄᭞ᬫᭂᬦᬾᬓᬦ᭄ᬘᬳᬶᬳᬮᬸᬗ᭄ᬕᬸᬄ᭞ᬤᬶᬦᬶᬘᬳᬶᬫ
[᭑᭙ 19A]
᭑᭙
ᬲᬋᬗᬦ᭄᭞ᬢᭂᬓᬾᬦ᭄ᬩᭂᬮᬶ᭞ᬗᬸᬤᬢᬾᬘᬳᬶᬩ᭄ᬢᬾᬦᬦ᭄᭟ᬩᬕᬸᬲ᭄ᬳᬸᬫ᭄ᬩᬭᬳᬜᬸᬫ᭄ᬩᬄ᭞ᬩᬗ᭄ᬕᬬᬂᬢᬶᬢ᭄ᬬᬂᬳᬶᬭᬶᬓᬶ᭞᭠ᬳᬕ᭄ᬮᬶᬲ᭄ᬢᬸᬫᬸᬭᬸᬦ᭄ᬲᬂᬓᬣᭀᬂ᭞ᬩᭂᬢᬾᬦᬦ᭄ᬲᬋᬂᬳᬮᬸᬗ᭄ᬕᬸᬄ᭞ᬩᬸᬩᬃᬧᬢᬶᬳᬾᬢᬸᬳᬸᬦᬦ᭄᭞ᬰ᭄ᬭᬷᬪᬸᬧᬢᬶ᭞ᬗᬦ᭄ᬤᬶᬓᬵᬘᬳᬶ
ᬯᭀᬗᬧᬵ᭟ᬕᬸᬭᬸᬦ᭄ᬘᬳᬶᬲᬧᬲᬶᬭᬵ᭞ᬩ᭄ᬬᬦᬵᬓᭀᬬᬾᬦ᭄ᬩᭂᬮᬶᬳᬸᬦᬶᬂ᭞ᬫᬦᬯᬶᬳᬦᬓ᭄ᬲᬂᬓᬣᭀᬂ᭞ᬳᬧᬂᬳ᭄ᬤᬵᬲ᭠ᬮᬄᬳᬸᬦ᭄ᬤᬸᬓ᭄᭞ᬓ᭄ᬦᬵᬘᬳᬶᬫᬫᬚᬭᬂ᭞ᬢᭂᬓᬾᬦ᭄ᬩᭂᬮᬶ᭞ᬳᬧᬂᬳ᭄ᬤᬵᬓᬢᬦ᭄ᬤ᭄ᬭᬸᬳᬦ᭄᭟ᬩᬕᬸᬲ᭄ᬳᬸᬫ᭄ᬩᬭᬳᬗᬸᬘᬧ᭄᭞ᬢᬶᬢ᭄ᬬᬂᬚᬤ᭄ᬫ
ᬓᬲ᭄ᬬᬰᬶᬄ᭞ᬢᬶᬢ᭄ᬬᬂᬫᬗᬸᬫ᭄ᬩᬭᬵᬋᬓᭀ᭞ᬓ᭄ᬮᬶᬄᬢᬶᬢ᭄ᬬᬂᬲᬕᬾᬢ᭄ᬭᬢᬸ᭞ᬢ᭄ᬯᬭᬵᬦᬯᬂᬫᬾᬫᬾᬩᬧᬵ᭞ᬳᬤᬸᬄᬘᬳᬶ᭞᭠ᬤᬶᬦᬶᬢᬾᬩᬋᬂᬫᬜᬫ᭟ᬲᬶᬗ᭄ᬕᬶᬄᬲᬦ᭄ᬤᬶᬓᬦ᭄ᬳᬶᬤᬾᬯ᭄ᬯ᭞ᬢᬶᬢ᭄ᬬᬂᬫᬦᬸᬦᬲ᭄ᬫᬗᬶᬭᬶᬂ᭞ᬮᬶᬯᬢ᭄ᬲᬸᬓᬦᬾᬲᬂᬓᬣᭀᬂ᭞ᬢᬸ᭠
ᬫᭀᬦ᭄ᬭᬶᬂᬭᬹᬧᬦᬾᬩᬕᬸᬲ᭄᭞ᬳᭂᬦ᭄ᬢᭀᬳᭂᬜᬾᬦ᭄ᬦᬾᬤᭀᬭᬶᬬᬦ᭄᭞ᬳᬚᬓ᭄ᬘᬳᬶ᭞ᬳᬶᬗ᭄ᬕᬶᬄᬦᬶᬓᬵᬜᬫᬦ᭄ᬢᬶᬢ᭄ᬬᬂ᭟ᬲᬂᬧ᭄ᬭ᭠ᬩᬸᬓᭂᬜᬸᬂᬗ᭄ᬮᬾᬦᬂ᭞ᬧᬢᬶᬄᬫᬦ᭄ᬢ᭄ᬭᬶᬧᬥᬓ᭄ᬜᬶᬂ᭞ᬜᬭᬸᬯᬂᬧᬥᬫᬫᬾᬦ᭄ᬢᭀᬲ᭄᭞ᬲᬂᬧ᭄ᬭᬪᬹᬳᬤᬦᬵᬲ᭄ᬓᬸᬮ᭄᭞ᬳᬸᬮᬫ᭄ᬮᬯᬦ᭄ᬲᬚᭂᬂ᭞
