Kaca:Bali-lontar-paparikan-bagus-umbara-01-250ppi.pdf/17

Saking Wikisource
Kaca puniki sampun kauji-wacén

[᭑᭖ 16B]
᭑᭖
ᬭᬦᬯᬂᬮᬓᬸ᭞ᬧᭂᬘᬓ᭄ᬫᬧ᭄ᬮᬮ᭄ᬬᬦᬦ᭄ᬤᬶᬢᬫᬦ᭄᭞ᬓᬾᬦ᭄ᬢᭀᬜᬳᬶ᭞ᬲᬕᬾᬢ᭄ᬤᬦᬾᬤᬶᬦᬶᬧ᭄ᬭᬧ᭄ᬢᬵ᭟ᬤᬦᬾᬦᬕᬶᬄᬤᬸ᭠ᬤᬸᬓ᭄ᬧ᭄ᬬᬦᬓ᭄᭞ᬩᬋᬂᬤᬶᬦᬶᬳᬚᬓ᭄ᬜᬳᬶ᭞ᬦᬾᬓᬓᬵᬮᬶᬄᬧ᭄ᬬᬦᬓ᭄ᬋᬓᭀ᭞ᬭᬤᬾᬦ᭄ᬕᬮᬸᬄᬳᬶᬤᬲᬸᬂᬲᬸᬂ᭞ᬳᬶᬤᬳᬗ᭄ᬕᬾ᭠
ᬦ᭄ᬧᬦᭂᬫ᭄ᬩᬳᬦ᭄᭞ᬲᬳᬶᬲᬳᬶ᭞ᬧᬸᬢ᭄ᬭᬦ᭄ᬭᬢᬸᬫᬳᬸᬢ᭄ᬢᬫᬵ᭟ᬤᬾᬦᬶᬂᬲᬸᬳᬸᬂᬤᬤ᭄ᬬᬭᬫ᭄ᬬ᭞ᬦᬾᬳᬶᬲ᭄ᬢ᭄ᬭᬶᬓ᭄ᬜᬸᬂᬜᬳᬸᬭᬶᬦ᭄᭞ᬮ᭄ᬬᬂᬫᬦᬳᬾᬧᬭᬵᬫᬗ᭄ᬓ᭄ᬬ᭞ᬫᬦᬸᬤᬸᬓ᭄ᬧᬸᬢ᭄ᬭᬦ᭄ᬲᬂᬭᬢᬸ᭞ᬫᬗ᭄ᬭᬲᬬᬂᬧᬘᬂᬲᬤ᭄ᬬ᭞ᬦᬾᬦᬾᬫᬗ᭄ᬓᬶᬦ᭄᭞ᬤᬾᬦᬶᬂᬳᬤᬤᬾᬯ᭄ᬯ᭠
ᬳᬶᬘᬵ᭟ᬦᬶᬭᬢ᭄ᬯᬭᬩᬦᬶᬧᬶᬯᬮ᭄᭞ᬫᬦᬄᬦᬶᬭᬦᬾᬓᬾᬦ᭄ᬘᬳᬶ᭞ᬘᬳᬶᬗᬾᬗ᭄ᬕᬮᬂᬓᬢᬫᬦ᭄᭞ᬦᬶᬭᬵᬚᬦᬶᬓ᭄ᬧᬳᭀᬦ᭄ᬳᬶᬚᬸ᭞ᬫᬭᬢᭂᬗᬦ᭄ᬧᬭᬵᬫᬗ᭄ᬓ᭄ᬬ᭞ᬦᬾᬦᬾᬮᬓᬶ᭞ᬫᬗᬢᬸᬭᬵᬂᬯᭀᬳ᭄ᬯᭀᬳᬦ᭄᭟ᬓᬢᬶᬫᬸᬦ᭄ᬮᬯᬦ᭄ᬲᬸᬫᬗ᭄ᬓᬵ᭞ᬓ᭠
ᬧᬸᬦ᭄ᬤᬸᬂᬮᬯᬦ᭄ᬘᬭᬸᬭᬶᬂ᭞ᬲᬮᬓ᭄ᬮᬦ᭄ᬩᬸᬮ᭄ᬯᬦ᭄ᬋᬓᭀ᭞ᬫᬗ᭄ᬕᬶᬲ᭄ᬤᬸᬭᬾᬦ᭄ᬲᬵᬫ᭄ᬧᬸᬦ᭄ᬓᬵᬢᬸᬃ᭞ᬫᬓᬫᬶᬯᬄᬲᬲᬗᬦᬦ᭄᭞ᬓᬵᬢᬹᬃᬫ᭠ᬗ᭄ᬓᬶᬦ᭄᭞ᬭᬶᬂᬳᬶᬤᬭᬳᬤᬾᬦ᭄ᬤᬾᬯ᭄ᬬ᭟ᬦᬾᬦᬾᬳᭂᬮᬸᬄᬬᬤᬶᬧᬯᭀᬦ᭄᭞ᬳᬾᬧᭀᬢ᭄ᬫᬭᬢᭂᬗᬦ᭄ᬫᬗ᭄ᬓᬶᬦ᭄᭞ᬢ᭄ᬯᬭᬲ᭄ᬯᬾᬬ

[᭑᭗ 17A]
᭑᭗
ᬤᬶᬧᬳᭀᬦ᭄᭞ᬭᬭᬢᭂᬗᬦ᭄ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬢ᭄ᬧᭂᬂᬳᬬᬫ᭄ᬢᬮᬸᬄᬥᬥᬃ᭞ᬧᬸᬧᬸᬢ᭄ᬲᬫᬶ᭞ᬢᬶᬗ᭄ᬓᬄᬳᬚᭂᬗᬦ᭄ᬲᬂᬫᬾᬦᬓ᭄᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬳᬸᬧᬘᬵᬭ᭞ᬓᬵᬢᬹᬃᬭᬶᬂᬳᬶᬤᬢ᭄ᬯᬦ᭄ᬤᬾᬯᬶ᭞ᬫᬶᬯᬄᬧᬯᭀᬗᬦᬾᬋᬓᭀ᭞ᬲᬧ᭄ᬭᬶᬧᭀᬮᬄᬲᬵᬫ᭄ᬧᬸ
ᬦ᭄ᬓᬵᬢᬹᬃ᭞ᬢᬶᬗ᭄ᬓᬄᬗᬢᬸᬭᬂᬳᬚᭂᬗᬦ᭄᭞ᬳᬾᬦᬓ᭄ᬫᬗ᭄ᬓᬶᬦ᭄᭞ᬭᬤᬾᬦ᭄ᬕᬮᬸᬄᬮᬧᬯᭀᬗᬦ᭄᭟ᬢ᭄ᬯᬦ᭄ᬤᬾᬯᬶᬳᬾᬦᬓ᭄ᬳᬦᬥᬄ᭞ᬤᬾᬥᬸᬓᬸᬄᬓᬓᬸᬂᬫ᭄ᬯᬂᬳᬶᬲ᭄ᬢ᭄ᬭᬶ᭞ᬗᬢᬸᬭᬂᬳᬚᭂᬗᬦ᭄ᬋᬓᭀ᭞ᬫᬲᬶᬮᬵᬳᬤᬫᬢᬶᬫ᭄ᬧᬸᬄ᭞ᬫᬗᬶᬭᬶᬂᬳᬶᬤᬭᬳᬤ᭄ᬬᬦ᭄᭞ᬭᬤᬾ
ᬦ᭄ᬤᬾᬯᬶ᭞ᬳᬸᬲᬦ᭄ᬫᬗ᭄ᬓᬶᬦ᭄ᬫᬗᬚᭂᬗᬂ᭟ᬮᬯᬦ᭄ᬧᬯᭀᬗᬦᬾᬲᬫ᭄ᬬᬦ᭄᭞ᬤᬾᬥᬸᬓᬸᬄᬓᬓᬹᬂᬫ᭄ᬯᬄᬳᬶᬲ᭄ᬢ᭄ᬭᬶ᭞ᬳᬸᬲᬦ᭄ᬲᬫᬶᬜᭂᬓᬸᬮ᭄ᬋᬓᭀ᭞ᬤᬾᬥᬸᬓᬸᬄᬫᬗᬶᬦᬂᬲᬸᬭᬸᬄ᭞ᬮᬶᬬᬂᬫᬦᬳᬾᬓᬮᬶᬦ᭄ᬢᬂ᭞ᬮ᭄ᬫᬄᬯ᭄ᬗᬶ᭞ᬧᬗᬬᬳᬾᬢ᭄ᬯᬭᬢᬸᬦᬵ᭟ᬲᬧᬸᬦᬶᬓᬵᬓᬯ᭄ᬬᬓ᭄ᬢᬶᬜ᭞
ᬧᭀᬮᬳᬾᬤᬾᬥᬸᬓᬸᬄᬫᬗ᭄ᬓᬶᬦ᭄᭞ᬤᬤ᭄ᬬᬲᬸᬕᬶᬄᬧᬭᬫᬗ᭄ᬓ᭄ᬬ᭞ᬢ᭄ᬯᬭᬓᬸᬭᬂᬧᬗᬦ᭄ᬓᬶᬦᬸᬫ᭄᭞ᬲᬳᬶᬫᬳᬾᬦᬓᬾᬦᬓ᭠ᬦ᭄᭞ᬍᬫᬄᬯᭂᬗᬶ᭞ᬫᬗᭂᬫ᭄ᬩᬦ᭄ᬭᬳᬤᬾᬦ᭄ᬤᬾᬯ᭄ᬬ᭟ᬬᬾᬦ᭄ᬧ᭄ᬢᭂᬂᬢᬸᬢᬸᬭᬶᬦ᭄ᬲᬢ᭄ᬯ᭞ᬬᬾᬦ᭄ᬮᭂᬫᬄᬳᬚᬓ᭄ᬫᬮᬮᬶ᭞ᬫᬗᬶᬍᬳᬶ᭠