Kaca:Bali-lontar-paparikan-bagus-umbara-01-250ppi.pdf/113

Saking Wikisource
Kaca puniki sampun kauji-wacén

[᭑᭑᭒ 112B]
᭑᭑᭒
ᬳᬵᬃᬬ᭄ᬬᬵᬧᬸᬗ᭄ᬕᬯᬲᬫᬶ᭞ᬗᬚᭂᬗᬂᬳᬶᬤᬵᬲᬂᬓᬣᭀᬂ᭞ᬓᬳᬶᬭᬶᬂᬭᬶᬂᬧᬭᬢᬫ᭄ᬬᬸ᭞ᬧᬢᬶᬄᬫᬦ᭄ᬢ᭄ᬭᬶᬦᬫ᭄ᬧᬢᭀᬬ᭞ᬰ᭄ᬭᬷᬪᬸᬧᬢᬶᬲᬵᬫ᭄ᬧᬸᬦ᭄ᬓᬳᬢᬸᬭᬦ᭄ᬲ᭄ᬤᬄ᭟ᬳᬶᬧᬢᬶᬄᬫᬳᬶᬤᭂᬃᬢᭀᬬ᭞ᬲᬵᬫ᭄ᬧᬸᬦ᭄ᬯᬸᬲ᭄ᬫᬓᬸᬭᬄᬲᬫᬶ᭞ᬗᬚᭂᬗᬂᬳᬶᬤᬲᬂᬓ
ᬣᭀᬂ᭞ᬧ᭄ᬭᬫᬾᬦᬓ᭄ᬲᬫᬶᬫᬜ᭄ᬓᬸᬮ᭄᭞ᬧᬢᬶᬄᬫᬦ᭄ᬢ᭄ᬭᬶᬫᬧᬧᬭᬵ᭞ᬫᬶᬤᭂᬃᬲᬫᬶ᭞ᬩᬶᬸᬧᬭᬯᬃᬕ᭄ᬕᬶᬲᬫᬶᬦᬥᬄ᭟ᬧ᭄ᬭᬩ᭄ᬓᭂᬮ᭄ᬲᬵᬫ᭄ᬧᬸᬦ᭄ᬳᬦᬥᬄ᭞ᬧᬗᬬᬄᬯᭀᬂᬩᬜ᭄ᬚᬃᬲᬫᬶ᭞ᬲᭂᬓ᭄ᬲᭂᬓ᭄ᬚᭂᬚᭂᬮ᭄ᬯᬤ᭄ᬯᬦᬶᬭ᭞ᬧ᭄ᬭᬫᬾᬦᬓ᭄ᬮᬦ᭄ᬧᬭᬭᬢᬸ᭞ᬲᬵᬫ᭄ᬧᬸᬦ᭄ᬫᬳᬾ᭠
ᬦᬓᬾᬦᬓᬦ᭄᭞ᬦᬥᬄᬲᬫᬶ᭞ᬲ᭄ᬓᬸᬮ᭄ᬳᬸᬮᬫ᭄ᬢ᭄ᬯᬭᬓᬸᬭᬂ᭟ᬲᬵᬫ᭄ᬧᬸᬦ᭄ᬓᬳᬶᬤᭂᬭᬦ᭄ᬢᬸᬯᬓ᭄᭞ᬫᭂᬦ᭄ᬢᬄᬭᬢᭂᬂᬫᬶᬤᭂᬃᬫᬗ᭄ᬓᬶᬦ᭄᭞ᬩᬥᬾᬕ᭄ᬮᬯᬦ᭄ᬓᬶᬲᬂᬋᬓᭀ᭞ᬳᬭᬓ᭄ᬳᬦᬶᬲ᭄ᬮᬯᬦ᭄ᬳᬗ᭄ᬕᬸᬃ᭞ᬲᬫᬶᬧᭀᬮᬶᬄᬓᬧᬧᬭᬵ᭞ᬩᬮᬶᬯᬃᬕ᭄ᬕᬶ᭞ᬩᬜ᭄ᬚᬃᬫᬓᬾᬘᬾᬓ᭠
ᬦ᭄ᬢᬸᬯᬓ᭄᭟ᬮ᭄ᬬᬂᬓᬬᬸᬦᬾᬲᬂᬦᬵᬣ᭞ᬓᬲᬸᬩᬵᬩᬦ᭄ᬩᬵᬮᬲᬫᬶ᭞ᬭᬶᬂᬧ᭄ᬭᬫᬾᬦᬓ᭄ᬯᬃᬕᬶᬦᬶᬗᭀᬂ᭞ᬤᬦᬵᬳᬸᬧᬫᬭᬳᬬᬸ᭞ᬢᬦ᭄ᬯᬾᬦ᭄ᬢᭂᬦ᭄ᬯᬾᬦ᭄ᬢᭂᬦ᭄ᬓᬶᬭᬗᬦ᭄᭞ᬰ᭄ᬭᬶᬪᬸᬧᬢᬶ᭞ᬲᬵᬫ᭄ᬧᬸᬦ᭄ᬳᬸᬲᬦ᭄ᬫᬗᬬᬸᬦᬂ᭟ᬲᬫᬶᬳᬸᬲᬦ᭄ᬫᬗᬬᬸᬦᬂ᭞ᬫᬓᬸᬭᬄ

[᭑᭑᭓ 113A]
᭑᭑᭓
ᬓᬵᬢᬸᬭᬦ᭄ᬯᬚᬶᬓ᭄᭞ᬲᬵᬫ᭄ᬧᬸᬦ᭄ᬓᬵᬢᬹᬃᬘᬦᬂᬋᬓᭀ᭞ᬲᬂᬧ᭄ᬭᬩᬸᬳᬗᬚᭂᬂᬲᬸᬭᬸᬄ᭞ᬧ᭄ᬭᬫᬾᬦᬓ᭄ᬧᬸᬗ᭄ᬕᬯᬲᬫ᭄ᬬᬦ᭄᭞ᬱᬢ᭄ᬭ᭄ᬬᬵᬕᬸᬲ᭄ᬢᬶ᭞ᬲᬫ᭄ᬬᬦ᭄ᬫᬗᬶᬦᬂᬲ᭄ᬤᬄ᭟ᬲᬵᬫ᭄ᬧᬸᬦ᭄ᬮᬶᬗ᭄ᬲᬶᬃᬲᬗ᭄ᬳ᭄ᬬᬂᬲᬹᬃᬬ᭄ᬬ᭞ᬩ᭄ᬭᬶᬬᬸᬓ᭄ᬫᬵᬢᬹᬃᬭᬶᬂᬦ᭄ᬤ᭄ᬭᬧᬢᬶ᭞ᬥᬸᬄᬤᬾᬯ᭄ᬯᬭᬢᬸ
ᬲᬂᬓᬣᭀᬂ᭞ᬢᬶᬢ᭄ᬬᬂᬦᬸᬦᬲ᭄ᬮᬸᬕᬺᬭᬢᬸ᭞ᬤᬾᬦᬶᬂᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬓᬃᬬ᭄ᬬ᭞ᬰ᭄ᬭᬶᬪᬸᬧᬢᬶ᭞ᬫᬫᬵᬃᬕ᭄ᬕᬲᬫ᭄ᬬᬦ᭄‌ᬩᬸ᭠ᬤᬮ᭄᭟ᬕᬸᬩᬃᬲᬓᬶᬂᬚᬩᬢ᭄ᬗᬄ᭞ᬲᬂᬧ᭄ᬭᬪᬸᬓᬚ᭄ᬭᭀᬯᬦ᭄‌ᬕ᭄ᬮᬶᬲ᭄᭞ᬧᬸᬗ᭄ᬕᬯᬱᬢ᭄ᬭ᭄ᬬᬵᬮᬦᬵᬃᬬ᭄ᬬ᭞ᬧ᭄ᬭᬭᬢᬸᬦᬾᬲᬵᬫ᭄ᬧᬸ
ᬦ᭄ᬫᬦ᭄ᬢᬸᬓ᭄᭞ᬩᬮᬵᬯᬃᬕ᭄ᬕᬶᬲᬫᬶᬩᬸᬤᬮ᭄᭞ᬮᬦ᭄ᬩ᭄ᬭᬳ᭄ᬫᬡᬶ᭞ᬲᬫᬶᬭᬯᬸᬄᬫᬭᬶᬂᬳᬸᬗ᭄ᬕ᭄ᬯᬦ᭄᭟ᬲᬵᬫ᭄ᬧᬸᬦ᭄ᬲᬸᬭᬸᬧ᭄ᬲᬗ᭄ᬳ᭄ᬬᬂ᭠ᬲᬹᬃᬬ᭄ᬬ᭞ᬓᬯᬸᬯᬸᬲᭂᬦ᭄ᬭᬶᬂᬚ᭄ᬭᭀᬫᬗ᭄ᬓᬶᬦ᭄᭞ᬭᬤᬾᬦ᭄ᬢᬺᬗ᭄ᬖᬡᬓᭀᬘᬧ᭞ᬓᬮᬯᬦ᭄ᬲᬶᬭᬲᬂᬩᬕᬸᬲ᭄᭞ᬭᬶᬂᬫ᭄ᬭᬚᬦ᭄ᬲᬫᬶᬳ
ᬚᬚᬃ᭞ᬲᬂᬤ᭄ᬬᬄᬲᬫᬶ᭞ᬧ᭄ᬭᬫᬶᬰ᭄ᬯᬭ᭄ᬬᬵᬭᬶᬲᬗᬬᬩ᭄᭟ᬲᬵᬫ᭄ᬧᬸᬦ᭄ᬳᬸᬲᬦ᭄ᬧᬫ᭄ᬩ᭄ᬬᬵᬓᬮᬦ᭄᭞ᬲᬫᬶᬗᭂᬦᬶᬂᬫᬓᬍᬦᬶᬂ᭞ᬲᬵᬫ᭄ᬧᬸᬦ᭄ᬳᬸᬲᬦ᭄ᬓᬃᬬ᭄ᬬᬫᬗ᭄ᬓᭀ᭞ᬳᬸᬧᬘᬭᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬲᬵᬫ᭄ᬧᬸᬦ᭄ᬩᬸᬩᬃᬭᬶᬂᬧᬫ᭄ᬭᬚᬦ᭄᭞ᬲᬗᬧ᭄ᬓᬶᬓ᭄᭞ᬳᬮᬶᬗ᭄ᬕᬶᬄ