[᭑᭑᭑ 111B]
᭑᭑᭑
ᬳᬦ᭄᭟ᬳᬸᬦ᭄ᬤᬂᬳᬸᬦ᭄ᬤᬗᬦᬾᬧ᭄ᬭᬧ᭄ᬢᬵ᭞ᬫᬳᬾᬩᬢ᭄ᬮᬯᬦ᭄ᬫᬕᬸᬮᬶᬂ᭞ᬧᬗᬬᬳᬾᬲᬫᬶᬳᬾᬧᭀᬢ᭄᭞ᬧ᭄ᬭᬩ᭄ᬓᭂᬮᬾᬫᬶᬜ᭄ᬘᬂᬫᬶᬜ᭄ᬘᬸᬂ᭞ᬫᬢᬢᬸᬤᬸᬄᬭᬶᬂᬭᭀᬯᬂᬜ᭞ᬢᬦ᭄ᬓᬯᬃᬡ᭄ᬦᬶ᭞ᬧᬸᬢᬶᬄᬢᬶᬫᬹᬃᬳᬩᬂᬯᬾᬢᬦ᭄᭟ᬲᬵᬫ᭄ᬧᬸᬦ᭄ᬳᭂᬦ᭄ᬤᬕ᭄ᬲᬂᬳ᭄ᬬᬂᬲᬹᬃᬬ᭄ᬬ᭞ᬕᬕᬫ᭄ᬮ᭠
ᬦ᭄ᬲᬫᬶᬧ᭄ᬭᬧ᭄ᬢᬶ᭞ᬭᬶᬂᬩᬜ᭄ᬘᬶᬗᬄᬗᬸᬗ᭄ᬲᬶᬳᭂᬗ᭄ᬕᭀᬦ᭄᭞ᬢᬫ᭄ᬩᬸᬭᬾᬲᬵᬫ᭄ᬧᬸᬦ᭄ᬫᬗ᭄ᬭᬸᬤᬸᬕ᭄᭞ᬩ᭄ᬤᬶᬮᬾᬲᬵᬫ᭄ᬧᬸᬦ᭄ᬫᬚᬚᬃ᭞ᬓᬤᬶᬂᬢᬸᬮᬶ᭠ᬲ᭄᭞ᬲᬵᬫ᭄ᬧᬸᬦ᭄ᬲᬫᬶᬫᬪᬸᬱᬡᬵ᭟ᬳᬗ᭄ᬓ᭄ᬮᬸᬗᬾᬲᬫ᭄ᬧᬸᬦ᭄ᬫᬰ᭄ᬯᬭᬵ᭞ᬲ᭄ᬫᬭᬧᬕᬸᬮᬶᬗᬦ᭄ᬗᬜᬶᬄ᭞ᬘᬘᭂᬧᬸᬓᬾᬲᬫᬶᬳᬮᭀᬦ᭄᭞
ᬰ᭄ᬯᬭᬦ᭄ᬳᭂᬕᭀᬗᬾᬫᬗ᭄ᬭᬸᬤᬸᬕ᭄᭞ᬚᬚᬫ᭄ᬧ᭄ᬭᬗᬦᬾᬫᬗ᭄ᬭᬭᬲ᭄᭞ᬕᬫ᭄ᬩᬸᬄᬫᬶᬚᬶᬮ᭄᭞ᬲᬵᬫ᭄ᬧᬸᬦ᭄ᬫᬲᭀᬮᬄᬭᬶᬂᬚᬩᬵ᭟ᬳᬶ᭠ᬮᬾᬦᬶᬮᬾᬦᬾᬫᬾᬦ᭄ᬤᬳᬦ᭄᭞ᬕᬕᬦ᭄ᬤ᭄ᬭᬸᬗᬦ᭄ᬲᭀᬮᬄᬩ᭄ᬤᬶᬮ᭄᭞ᬮᬾᬕᭀᬂᬭᬫ᭄ᬧᬶᬂᬢᬗᬦ᭄ᬫᭂᬭᭀᬲ᭄᭞ᬜ᭄ᬮᬾᬮᬾᬕ᭄ᬕ᭄ᬮᬸᬂᬗ
ᬭᬲ᭄ᬩᬳᬸ᭞ᬓᬤᬶᬩᬸᬲᬸᬗᬾᬳᬫ᭄ᬧᬸᬢᬂ᭞ᬢᬸᬳᬸᬍᬯᬶᬄ᭞ᬯᬬᬂᬳᭂᬯᭀᬗᬾᬫᬲᭀᬮᬄ᭟ᬦᬾᬫᬩᬮᬶᬄᬲᬬᬦ᭄ᬧ᭄ᬭ᭠ᬧ᭄ᬢᬵ᭞ᬲᭂᬓ᭄ᬲᭂᬓ᭄ᬚᭂᬚᭂᬮ᭄ᬲᬮᬾᬂᬚᭂᬧᬶᬢ᭄᭞ᬳᬤᬦᭀᬦ᭄ᬢᭀᬦ᭄ᬭᬶᬂᬯᬬᬂᬯᭀᬂ᭞ᬳᬤᬮᬾᬦ᭄ᬫᬩᬮᬶᬄᬕᬫ᭄ᬩᬸᬄ᭞ᬮᬾ
[᭑᭑᭒ 112A]
᭑᭑᭒
ᬕᭀᬗᬾᬢᬦ᭄ᬯᬾᬦ᭄ᬢᭂᬦ᭄ᬗᭂᬦᬄ᭞ᬮᬸᬢ᭄ᬫᬫ᭄ᬭᬶᬄ᭞ᬫᬩᬮᬶᬄᬭᬶᬂᬩᬩᬦ᭄ᬤ᭄ᬭᬗᬦ᭄᭟ᬩ᭄ᬤᬶᬮ᭄ᬢᬦ᭄ᬧᭂᬕᬢ᭄ᬫᬲ᭄ᬯᬭᬵ᭞ᬓᬤᬶᬢᬶᬗ᭄ᬓᬄᬯᭀᬂᬭᬶᬂᬚᬸᬭᬶᬢ᭄᭞ᬧ᭄ᬭᬾᬭᬾᬢᬾᬫᬜ᭄ᬭᬶᬢ᭄ᬳᬮᭀᬦ᭄᭞ᬢᬶᬦᬩᬸᬄᬲᬸᬭᬓ᭄ᬕᬸᬫᬸᬭᬸᬄ᭞ᬮᬾᬕᭀᬗᬾᬢᬦ᭄ᬯᬾᬦ᭄ᬢᭂᬦ᭄ᬗᭂᬦᬄ
᭞ᬲᬸᬗᬸᬜ᭄ᬮᬦᬶᬦ᭄᭞ᬢᬫ᭄ᬩᬸᬭᬾᬗ᭄ᬭᬸᬤᬸᬕ᭄ᬫᬰ᭄ᬯᬭᬵ᭟ᬦᬸᬮ᭄ᬬᬋᬫ᭄ᬋᬫ᭄ᬲᬗ᭄ᬳ᭄ᬬᬂᬲᬹᬃᬬ᭄ᬬ᭞ᬓᬮᬶᬫᬸᬢᬦ᭄ᬓᬸᬓᬸᬲ᭄ᬩᭂᬤᬶᬮ᭄᭞ᬢᬦ᭄ᬓᭀᬘᬧ᭄ᬧᬸᬦᬶᬓᬵᬫᬗ᭄ᬓᭀ᭞ᬯᭀᬂᬩᬜ᭄ᬚᬭᬦᬾᬓᬯᬸᬯᬸᬲ᭄᭞ᬲᬵᬫ᭄ᬧᬸᬦ᭄ᬧᬸᬢ᭄ᬫᬳᭀᬮᬳᬦ᭄᭞ᬧᬸᬧᬸᬢ᭄ᬲᬫᬶ᭞ᬫ᭠
ᬕ᭄ᬮᬃᬧᬸᬦᬂᬘᬯᬶᬲᬦ᭄᭟ᬳᬶᬧᬢᬶᬄᬲᬵᬫ᭄ᬧᬸᬦ᭄ᬮᬸᬫᬫ᭄ᬧᬄ᭞ᬫᬗ᭄ᬭᬜ᭄ᬚᬶᬂᬓᬚ᭄ᬭᭀᬧᬸᬭᬶ᭞ᬯᭀᬂᬚᭂᬭᭀᬦᬾᬲᬫᬶᬳᬾᬧᭀᬢ᭄᭞ᬫᬦᬸᬫ᭄ᬧᭂᬂᬮᬾᬦ᭄ᬳᬤᬗᬸᬲ᭄ᬓᬸᬲ᭄᭞ᬮᬾᬦ᭄ᬫᬦᬦ᭄ᬤᬶᬂᬲᬲᬗᬦᬦ᭄᭞ᬧᬸᬧᬸᬢ᭄ᬲᬫᬶ᭞ᬲ᭄ᬓᬸᬮᬾᬲᬵᬫ᭄ᬧᬸᬦ᭄ᬫᬵᬍᬤᬦ᭄᭟
ᬲᬵᬫ᭄ᬧᬸᬦ᭄ᬫᬶᬗ᭄ᬕᭂᬓ᭄ᬲᬗ᭄ᬳ᭄ᬬᬂᬲᬹᬃᬬ᭄ᬬ᭞ᬕᬫ᭄ᬩᬸᬳᬾᬫᬮ᭄ᬯᬭᬦ᭄ᬲᬫᬶ᭞ᬮᬾᬕᭀᬂᬢ᭄ᬓᬾᬦ᭄ᬯᬬᬂᬳᬸᬯᭀᬂ᭞ᬲᬂᬧ᭄ᬭᬪᬸᬳᬗᬚᭂᬂᬲ᭄ᬓᬸᬮ᭄᭞ᬭᬶᬂᬩᬜ᭄ᬚᬃᬓ᭄ᬮᬯᬦ᭄ᬫᬾᬦᬓ᭄᭞ᬰ᭄ᬭᬶᬪᬸᬧᬢᬶ᭞ᬭᬶᬂᬤᬵᬳᬵᬤᬶᬚ᭄ᬭᭀᬓᬵᬢᬸᬭᬦ᭄᭟ᬧ᭄ᬭᬫᬾᬦᬓ᭄ᬭᬶᬂᬚᬩᬵᬢ᭄ᬗᬄ᭞ᬧ᭄ᬭᬧ᭄ᬢᬶᬸ
