Kaca:Bali-lontar-paparikan-bagus-umbara-01-250ppi.pdf/111

[᭑᭑᭐ 110B]
᭑᭑᭐
ᬫ᭄ᬧᬸᬦ᭄ᬳᬧᬸᬮᬂᬚᬶᬯ᭄ᬯ᭞ᬢᬦ᭄ᬲᬶᬧᬶᬲᬸᬓᬦ᭄ᬲᬂᬭᬰ᭄ᬫᬶ᭞ᬓᬾᬫ᭄ᬧᭂᬭᬦ᭄ᬫᬦᬄᬓᬮᬗᭀᬦ᭄᭞ᬲᬯᬸᬲᬾᬫᭀᬂᬫᭀᬂᬳᬸᬮᬗᬸᬦ᭄᭞ᬲᬯᬢᬭᬤᬯᬸᬄᬲᬧ᭄ᬢᬵ᭞ᬧᬸᬧᬸᬢ᭄ᬫᬗ᭄ᬓᬶᬦ᭄᭞ᬭᬳᬤᬾᬦ᭄ᬓᬮᬶᬄᬳᬦᬶᬤᬺ᭟ᬢᬗ᭄ᬲᬄᬫᭂᬓᬸᬮ᭄ᬧᬶᬦᭂᬓᬸᬮᬦ᭄᭞ᬧᬕᬸᬮᬶᬗᬾ
ᬫᬧᬸᬮᬶᬮᬶᬢ᭄᭞ᬫᬓᬭᭀᬦ᭄ᬓᬫ᭄ᬧᬸᬄᬤᬶᬢᬸᬭᭀᬦ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶᬗᬫᭂᬮ᭄ᬲᬸᬲᬸ᭞ᬢᬦ᭄ᬲᬶᬗ᭄ᬲᬮ᭄ᬓᬤ᭄ᬬᬲᬸᬧ᭄ᬦᬵ᭞ᬲᬂᬳᬕᬸᬮᬶᬂ᭞ᬧᬸᬢᬶᬄᬢᬶᬫᬸᬃᬫᬩᬵᬂᬯᬾᬢᬦ᭄᭟ᬲᬵᬫ᭄ᬧᬸᬦ᭄ᬳᭂᬦ᭄ᬤᬕ᭄ᬲᬂᬳ᭄ᬬᬂᬲᬹᬃᬬ᭄ᬬ᭞ᬲᬂᬯᭀᬂᬚ᭄ᬭᭀᬲᬫᬶᬳᬢᬗᬶ᭞ᬓᬸᬦᬂᬭᬤᬾᬦ᭄ᬕᬵ
ᬮᬸᬄᬭᭀ᭞ᬲᬵᬫ᭄ᬧᬸᬦ᭄ᬤᬦᬾᬲᬫᬶᬳᬸᬗᬸ᭞ᬧ᭄ᬭᬫᬶᬰ᭄ᬯᬭᬶᬮᬦ᭄ᬲᬂᬦᬵᬣ᭞ᬫ᭄ᬯᬄᬲᬂᬭᬰ᭄ᬫᬶᬦ᭄᭞ᬲᬶᬦᬋᬗᬦ᭄ᬤᬦᬾᬳᬢᬗ᭄ᬬ᭟ᬧ᭄ᬭᬫᬶᬰ᭄ᬯᬭᬶᬫᬵᬢᬹᬃᬦᭂᬫ᭄ᬩᬄ᭞ᬤᬾᬯᬵᬕᬸᬂᬭᬢᬸᬲᬗᬚᬶ᭞ᬫᬗᬸᬤᬵᬢ᭄ᬯᬭᬫᬗ᭄ᬭᬯᭀᬲ᭄᭞ᬤᭀᬂᬭᬯᭀᬲᬂᬦᬦᬓ᭄ᬩᬕᬸᬲ᭄᭞
ᬲᬵᬫ᭄ᬧᬸᬦ᭄ᬫᬧᬧᬭᬵᬘᬶᬢ᭄ᬣ᭞ᬫ᭄ᬯᬄᬧ᭄ᬭᬫᬦ᭄ᬢ᭄ᬭᬶ᭞ᬲᭂᬓ᭄ᬲᭂᬓ᭄ᬚᭂᬚᭂᬮ᭄ᬭᬶᬂᬩᬜ᭄ᬘᬶᬗᬄ᭟ᬪᬸᬚᬗ᭄ᬕᬓᬮᬯᬵᬦ᭄ᬱᬢ᭄ᬭ᭄ᬬᬵ᭞ᬧᬺᬩ᭄ᬓᭂᬮ᭄ᬧᬸᬗ᭄ᬕᬯᬵᬧ᭄ᬭᬧ᭄ᬢᬶ᭞ᬧᬭᬵᬳᬃᬬ᭄ᬬᬦᬾᬦᬾᬓᬯᭀᬢ᭄᭞ᬧᬢᬶᬄᬓᬦᬸᬭᬸᬳᬦ᭄ᬤᭂᬫᬸᬂ᭞ᬳᬮᬶᬗ᭄ᬕᬶᬄᬳᬚᬚᬃᬚᬚᬃᬓᬤᬶᬢᬸᬮᬶᬲ᭄᭞ᬦᬸ᭠

[᭑᭑᭑ 111A]
᭑᭑᭑
ᬮ᭄ᬬᬳᬢᬧ᭄ᬭᬶᬂᬩᬜ᭄ᬘᬶᬗᬄ᭟ᬲᬂᬦᬵᬣᬭᬭᬶᬲ᭄ᬗᬦ᭄ᬤᬶᬓᬵ᭞ᬓᬓᬵᬤ᭄ᬫᬂᬤ᭄ᬫᬸᬂᬧᬢᬶᬄ᭞ᬓᬓᬵᬫᬧᬗᬭᬄᬋᬓᭀ᭞ᬓᬮᬂᬫᬸᬂᬧᬸᬂᬲᬫᬶᬭᬯᬸᬄ᭞ᬓᬾᬯᬮᬵᬓᭀᬮᬫᬚᬭᬂ᭞ᬦᬾᬦᬾᬫᬦᬶ᭞ᬗᬃᬬ᭄ᬬᬦᬂᬦᬯᬂᬢᬺᬗ᭄ᬖᬡ᭟ᬦᬕᬶᬄᬳᭂᬫ᭄ᬩᬵᬭᬶᬂᬲ᭄ᬤᬳᬦ᭄᭞ᬲᬕ᭄ᬦᭂᬧ᭄ᬚ
ᬚᬢᭀᬦ᭄ᬢᬕᬶᬄ᭞ᬩ᭄ᬭᬲ᭄ᬧᬶᬢᬸᬂᬓᭀᬬᬦ᭄ᬋᬓᭀ᭞ᬓᬾᬦ᭄ᬧᬶᬦᬢᬶᬄᬳᬯᭀᬢ᭄ᬲᬦ᭄ᬢᬸᬦ᭄᭞ᬩᬯᬶᬳᬗᬦ᭄ᬢᬶᬕᬂᬩ᭄ᬦᬂ᭞ᬧᬸᬧᬸᬢ᭄ᬫᬗ᭄ᬓᬶᬦ᭄᭞ᬧᬗ᭄ᬭᬯᭀᬲᬾᬭᬶᬂᬩᬜ᭄ᬘᬶᬗᬄ᭟ᬤᬯᬸᬄᬢ᭄ᬮᬸᬩᬾᬜ᭄ᬚᬂᬧᬸᬧᬸᬢᬂ᭞ᬓᬵᬃᬬ᭄ᬬᬓ᭄ᬭᬫᬦᬶᬂᬫᬩᬸᬜ᭄ᬘᬶᬂ᭞ᬭᬭᬶᬲ᭄ᬫᬦᭂᬤᬸᬦᬂᬳᭂ
ᬕᭀᬂ᭞ᬦᭂᬫ᭄ᬩᬭᬸᬂᬓᬮᬯᬵᬦ᭄ᬳᬗ᭄ᬓ᭄ᬮᬸᬂ᭞ᬳᬶᬧᬢᬶᬄᬫᬵᬢᬹᬃᬳᬜᬸᬫ᭄ᬩᬄ᭞ᬢᬶᬢ᭄ᬬᬂᬗᬶᬭᬶᬂ᭞ᬩᬸᬬᬃᬲᬫᬶᬭᬶᬂᬩᬜ᭄ᬘᬶᬗᬄ᭟ᬳᬶᬧᬢᬶᬄᬲᬵᬫ᭄ᬧᬸᬦ᭄ᬫᬗᬭᬄ᭞ᬭᬶᬂᬧᬺᬩ᭄ᬓᭂᬮ᭄ᬫᬶᬤᭂᬃᬲᬫᬶ᭞ᬲᬵᬫ᭄ᬧᬸᬦ᭄ᬓᬤᬯᬸᬳᬦ᭄ᬫᬗ᭄ᬓᭀ᭞ᬤᬲ᭄ᬮᭂᬫᬄᬧᬗᬬᬄᬭᬯᬸᬄ᭞ᬲᬺᬕᭂᬧ᭄ᬢᭂᬓᬾᬦ᭄ᬕᬕ᭠
ᬯᬵᬦ᭄ᬜ᭞ᬘᬾᬮᬾᬂᬧ᭄ᬭᬧ᭄ᬢᬶ᭞ᬲᬵᬫ᭄ᬧᬸᬦ᭄ᬯᬸᬲ᭄ᬫᬗ᭄ᬭᬘᬶᬓ᭄ᬩᬱ᭟ᬲᭂᬓ᭄ᬲᭂᬓ᭄ᬧᬗᬬᬄᬯᭀᬂᬩᬜ᭄ᬚᬃ᭞ᬳᬤᬮᬾᬦ᭄ᬫᬗᬮᬶᬄᬯᬭᬶᬄ᭞ᬢᬦ᭄ᬓᭀᬘᬧᬯ᭄ᬗᬶᬋᬓᭀ᭞ᬦᬾᬦᬾᬢ᭄ᬯᬓᬭᬶᬗᬶᬤᬸ᭞ᬯᬾᬦ᭄ᬢᭂᬦ᭄ᬫᬗᭂᬜᬶᬢ᭄ᬧ᭄ᬭᬓ᭄ᬧᬓ᭄᭞ᬫᬜᬸᬦ᭄ᬤᬭᬶᬦ᭄᭞ᬩᬯᬶᬲᬵᬫ᭄ᬧᬸᬦ᭄ᬧᬶᬦ᭄ᬚ