[᭑᭐᭙ 109B]
᭑᭐᭙
ᬲᬵᬫ᭄ᬧᬸᬦ᭄ᬓᬩᬦᬶᬦᬗᬭᬶᬦ᭄᭞ᬢᬦᬶᬯᬂᬭᬶᬂᬓᬦ᭄ᬤᬵᬋᬓᭀ᭞ᬳᬃᬰᬭᬶᬂᬧᬸᬦᬂᬯᭀᬂᬗ᭄ᬭᬸᬗᬹ᭞ᬭᬳᬤᬾᬦ᭄ᬤᬾᬯᬶᬫᬫᬘᬵ᭞ᬲ᭄ᬯᬭᬵᬫᬦᬶᬲ᭄᭞ᬓᬤᬶᬲᬸᬦ᭄ᬤᬭᬶᬓᬵᬗᬶᬦᬦ᭄᭟ᬲᬂᬩᬕᬸᬲ᭄ᬫᬗ᭄ᬓᬶᬦ᭄ᬫᬶᬋᬗᬂ᭞ᬓᬮᬶᬦ᭄ᬢᬂᬲᬸᬓᬵᬭᬶᬂᬳᬢᬶ᭞ᬳᬗ᭄ᬭᬸᬗᬹᬓᬓᬯᬶᬦ᭄ᬳᬮᭀᬦ᭄᭞ᬢᬸ
ᬫᬸᬮᬶᬄᬕᭂᬮᬶᬲ᭄ᬮᬸᬫᬓᬸ᭞ᬳᬗᬶᬂᬬᬳᬸᬮᬶᬮᬯᬗᬦ᭄᭞ᬳᬗ᭄ᬓᬶᬄᬳᬗ᭄ᬓᬶᬄ᭞ᬓᬾᬦ᭄ᬧᬲᬶᬭᬦ᭄ᬓᬫᭂᬫᭂᬕᬦ᭄᭟ᬦᬸᬮ᭄ᬬᬵᬫᭂᬦ᭄ᬤᭂᬓ᭄ᬫᬢᬹᬃᬦᭂᬫ᭄ᬩᬄ᭞ᬮᬄᬢᬳᬢ᭄ᬯᬫᬭᬶᬂᬧᬹᬭᬶ᭞ᬭᬤᬾᬦ᭄ᬫᬦ᭄ᬢ᭄ᬭ᭄ᬬᬵᬦᭂᬫᬓ᭄ᬳᬮᭀᬦ᭄᭞ᬮᬯᬗᬦᬾᬫ᭄ᬩᭃᬲᬫ᭄ᬧᬸᬦ᭄᭞ᬢᬢᬲ᭄ᬫᬗ᭄ᬓᬶᬦ᭄ᬓᬢᬶ᭠
ᬗ᭄ᬳᬮ᭄᭞ᬦᬸᬮ᭄ᬬᬵᬫᬗ᭄ᬕᬶᬄ᭞ᬳᬶᬗᬩᬶᬄᬲᬶᬭᬭᬳᬤ᭄ᬬᬦ᭄᭟ᬭᬳᬤᬾᬦ᭄ᬕᬮᬸᬄᬯ᭄ᬭᬸᬄᬭᬶᬂᬫᬦᬄ᭞ᬤᬾᬦᬶᬂᬧ᭄ᬭᬧ᭄ᬢᬶᬭᬤᬾᬦ᭄ᬫ᭠ᬦ᭄ᬢ᭄ᬭᬶ᭞ᬯᬶᬦᬘᭂᬧ᭄ᬓᬂᬮᭀᬦ᭄ᬢᬃᬳᬾᬜ᭄ᬘᭀᬂ᭞ᬲᬂᬩᬕᬸᬲ᭄ᬳᬲ᭄ᬫᬸᬕᬸᬬᬸ᭞ᬲᬧᬸᬦᬧᬶᬓ᭄ᬭᬡᬳᬸᬲᬦ᭄᭞ᬢᬶᬢ᭄ᬬᬂᬧ᭄ᬭᬧ᭄ᬢᬶ᭞ᬤᬾᬭᬾᬂᬯᬦᭂᬄᬳ᭠
ᬫ᭄ᬬᬵᬃᬱ᭟ᬭᬤᬾᬦ᭄ᬕᬮᬸᬄᬳᬦᬯᬹᬃᬬᬵ᭞ᬲᬶᬦᬫ᭄ᬩᬢ᭄ᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬳᬶᬗᬭᬲᬦ᭄ᬯᬮᬶᬯᬮ᭄ᬬᬦ᭄᭞ᬫᬓᬓᬯᬶᬦ᭄ᬫᬦᬶᬲ᭄ᬜᬸᬜᬹᬃ᭞ᬧᬗᬶᬧᬸᬓ᭄ᬲᬮ᭄ᬬᬦᬾᬓᭀᬘᬧ᭄᭞ᬥᬹᬓ᭄ᬯᬶᬦᬶᬤ᭄ᬥᬶ᭞ᬲᬾᬦᬵᬧᬢ᭄ᬬᬫᬓᬵᬮᬕ᭟ᬥᬹᬄᬤᬾᬯᬫᬲᬯᬂᬯᬸ
[᭑᭑᭐ 110A]
᭑᭑᭐
ᬮᬦ᭄᭞ᬳᬦᬸᬮᬸᬲ᭄ᬧᬓᬦᬶᬭᬵᬰᬶᬄ᭞ᬗᬸᬱᬤᬾᬦ᭄ᬯᭀᬂᬕ᭄ᬭᬶᬂᬓᬤᬮᭀᬦ᭄᭞ᬮ᭄ᬯᬶᬃᬘᬦ᭄ᬢᬓᬳᬫ᭄ᬭᬶᬄᬚᬯᬸᬄ᭞ᬭᬶᬂᬧᬦᬗ᭄ᬕᬮ᭄ᬦᬶᬂᬓᬵᬃᬢ᭄ᬣᬶᬓᬵ᭞ᬓᬯ᭄ᬮᬰᬰᬶᬄ᭞ᬓᬢᬶᬩᬦ᭄ᬩᬦ᭄ᬧᬦᬲ᭄ᬩᬭᬵ᭟ᬢᬦ᭄ᬲᬄᬢᬢ᭄ᬯᬵᬫᬯᬵᬫᬺᬢ᭄ᬣ᭞ᬫᬓᬵᬳᬸᬭᬶᬧᬶᬂᬲᬩᬸᬫᬶ᭞ᬓᬸᬦᬢᬶᬢ᭄ᬬᬂ
ᬫᬯᬓ᭄ᬋᬓᭀ᭞ᬯᬺᬓ᭄ᬱᬵᬮᬭᬵᬋᬕᭂᬲ᭄ᬦᬸᬗᬸᬮ᭄᭞ᬢᬦ᭄ᬮ᭄ᬬᬦ᭄ᬳᬶᬗᬧ᭄ᬢᬶᬯ᭄ᬮᬲ᭄᭞ᬭᬶᬂᬤ᭄ᬬᬄᬳᬭᬶ᭞ᬧᬦᬫ᭄ᬩᬦᬶᬂᬢ᭄ᬯᬲᬳᬸᬬᬂ᭟ᬦᬯᬂᬢᬺᬗ᭄ᬖᬡᬓᬧᬶᬯ᭄ᬮᬲ᭄᭞ᬫᬾᬮᬶᬂᬤᬸᬓ᭄ᬫᬶᬚᬶᬮ᭄ᬭᬶᬂᬧᬹᬭᬶ᭞ᬫᬶᬯᬄᬤᬸᬓᬾᬜᭂᬫ᭄ᬩᬃᬋᬓᭀ᭞ᬫ᭄ᬯᬂᬫᬰ᭄ᬫᬶᬪᬸᬱᬡᬳᬶᬓᬸ᭞ᬓ
ᬮᬯᬲᬦ᭄ᬓᬧᬦᬲᬦ᭄᭞ᬕᬸᬂᬗᬯᬶᬗᬶᬢ᭄᭞ᬫᬓᬾᬭᬂᬳᬸᬮᬸᬂᬬᬾᬄᬢᬶᬗᬮ᭄᭟ᬢᬦ᭄ᬲᬄᬦᬶᬓᬵᬓᬭᬯᭀᬲᬂ᭞ᬬᬧᬶᬓᬡ᭄ᬥᬦᬾᬭᬶᬂᬗᬹᬦᬶ᭞ᬫᬫ᭄ᬕᬢ᭄ᬳᬭᬸᬗᬦ᭄ᬳᭂᬚᭀᬄ᭞ᬯᬲ᭄ᬢᬸᬲᬤ᭄ᬬᬬᬫᬢ᭄ᬫᬸ᭞ᬧᬶᬓ᭄ᬦᭂᬳᬾᬲᬤ᭄ᬥᬫᭂᬗ᭄ᬲ᭄ᬬᬃ᭞ᬗᬶᬂᬭᬶᬂᬳᬢᬶ᭞
ᬯᬸᬯᬸᬲᭂᬦ᭄ᬩᬕᬸᬲ᭄ᬳᬸᬫ᭄ᬩᬭᬵ᭟ᬳᬱ᭄ᬝᬳᬫᬶᬤᭂᬭᬶᬂᬢ᭄ᬗᬄ᭞ᬳᬗᬸᬓᬶᬄᬧᬥᬸᬦᬶᬂᬢᬧᬶᬄ᭞ᬲᬵᬫ᭄ᬧᬸᬦ᭄ᬓᬮᬸᬓᬭᬦ᭄ᬋᬓᭀ᭞ᬫᬥ᭄ᬬᬦᬾᬳᬗ᭄ᬮᬸᬓᬃᬭᬸᬭᬸᬲ᭄᭞ᬧᬸᬢᬶᬄᬕᬤᬶᬂᬩᬸᬓᬕᬶᬮᬧ᭄᭞ᬲᬵᬫ᭄ᬧᬸᬦ᭄ᬭᬗ᭄ᬓᬶᬢ᭄᭞ᬧ᭄ᬭᬲᬶᬤ᭄ᬥᬳᬢᭂᬫ᭄ᬧᬸᬳᬦᬵ᭟ᬢᬹᬃᬲᬵ
