Kaca:Bali-lontar-paparikan-bagus-umbara-01-250ppi.pdf/11

Saking Wikisource
Kaca puniki sampun kauji-wacén

[᭑᭐ 10B]
᭑᭐
ᬮ᭄᭞ᬫᬶᬫ᭄ᬩᬦᬾᬢᬚᭂᬧ᭄ᬫᬍᬜᬤ᭄᭟ᬭᬫ᭄ᬩᬸᬢᬾᬤᭂᬫ᭄ᬤᭂᬫ᭄‌ᬢᬹᬃᬲᬫᬄ᭞ᬧᬜ᭄ᬚᬂᬗᬭᬲ᭄ᬳᬶᬢᬶᬓ᭄ᬳᬶᬢᬶᬓ᭄᭞ᬩ᭄ᬢᭂᬓ᭄ᬩᬢᬶᬲᬾᬫᬫᬸᬥ᭠ᬓ᭄᭞ᬩᬯᬸᬦᬾᬓᬢᭀᬦᬭᬸᬚᬸ᭞ᬳᬶᬲᬶᬢᬾᬗᭂᬫ᭄ᬩᬂᬭᬶᬚᬰ᭞ᬫᬥ᭄ᬬᬭᬫ᭄ᬧᬶᬂ᭞ᬢᬗᬦᬾᬭᬸᬭᬸᬲ᭄ᬫᬗᬜ᭄ᬘᬦ᭄᭟ᬧᬫᬸᬮᬸ᭠
ᬦᬾᬮᬸᬫ᭄ᬮᬸᬫ᭄‌ᬚ᭄ᬦᬃ᭞ᬯᬤᬦᬵᬬᬮᬸᬮᬸᬫ᭄ᬭᬯᬶᬢ᭄᭞ᬳᬱ᭄ᬝᬦᬾᬍᬫᭂᬢ᭄‌ᬢᬹᬃᬫ᭄ᬭᭀᬲ᭄᭞ᬲᬲᭀᬮᬳᬾᬗ᭄ᬕᬯᬾᬮᬸᬮᬸᬢ᭄᭞ᬓᬤᬶᬧᬸᬢ᭄ᬭᬶᬦᬾᬭᬶᬂᬲᬸᬭᬵᬢ᭄᭞ᬘ᭄ᬦᬶᬓ᭄ᬭᬫ᭄ᬧᬶᬂ᭞ᬢᬗᬦᬾᬭᬸᬭᬸᬲ᭄ᬫᬗᬜ᭄ᬘᬦ᭄᭟ᬭᬭᬶᬲ᭄ᬳᬶᬤᬫᭂᬲᬾᬄᬯᬲ᭄ᬢ᭄ᬭᬵ᭞ᬫᬲᬶᬜ᭄ᬚᬂᬦ᭄ᬬᬘᬢ᭄ᬭ
ᬲᬵᬭᬶ᭞ᬫᬲᬸᬦ᭄ᬢᬕᬶᬲᬸᬢ᭄ᬭᬳᬶᬚᭀ᭞ᬫᬯᬲ᭄ᬢ᭄ᬭᬲᬸᬢ᭄ᬭᬦᬾᬳᬸᬗᬸ᭞ᬳᬓᬾᬄᬫᬦ᭄ᬢ᭄ᬭᬶᬦᬾᬓᬾᬤᬦᬦ᭄᭞ᬲᬫᬶᬧᬮᬶᬂ᭞ᬗᬦ᭄ᬢᭂᬦᬂ᭠ᬲᬂᬮ᭄ᬯᬶᬃᬯᬸᬮᬦ᭄᭞ᬫᬳᬦ᭄ᬢᭂᬂᬳ᭄ᬬᬵᬲᬶᬬᬫᬮᬂ᭞ᬫᬤᬲᬃᬩᬦ᭄ᬲᬸᬢ᭄ᬭᬓᬸᬦᬶᬂ᭞ᬲᬸᬢ᭄ᬭᬳᬶᬚᭀᬲᬶᬦᬗ᭄ᬮᬶᬗᬦ᭄᭞ᬫᬢ᭄ᬧᬶᬩᬦ᭄ᬲᬸ
ᬢ᭄ᬭᬥᬤᬸ᭞ᬫᬢᬶᬫ᭄ᬧᬮ᭄‌‌ᬧᬾᬋᬫ᭄ᬫᬵᬲ᭄ᬭᬓ᭄ᬢᬵ᭞ᬧᬾᬃᬫᬵᬲ᭄ᬯᬶᬮᬶᬲ᭄᭞ᬮ᭄ᬯᬶᬄᬬᬫᬲᬸᬦ᭄ᬢᬕᬶᬳ᭄ᬫᬵᬲ᭄᭟ᬫᬧᬶᬭᬤᬩ᭄ᬬᬲ᭄ᬝᭂ᭠ᬫ᭄ᬩᬄ᭞ᬫᬧᬶᬗ᭄ᬕᭂᬮ᭄ᬬᬭᬵᬢ᭄ᬦᬵᬍᬯᬶᬄ᭞ᬫᬲᬶᬫ᭄ᬲᬶᬫ᭄ᬤᬮᬶᬫᬭᭀᬭᭀ᭞ᬳᭂᬫᬵᬲ᭄ᬭᬢ᭄ᬦᬵᬯᬶᬦ᭄ᬢᭂᬦ᭄ᬫᬸᬭᬸᬩ᭄᭞ᬫᬲᬸᬯᭂᬂᬫᬵᬲ᭄ᬫᬶᬭᬄ

[᭑᭑ 11A]
᭑᭑
ᬫᬸᬜ᭄ᬘᬃ᭞ᬳᬬᬸᬍᬯᬶᬄ᭞ᬮ᭄ᬯᬶᬄᬬᬲᬗ᭄ᬳ᭄ᬬᬗᬶᬂᬦᬵᬕᬭ᭟ᬫᬲ᭄ᬓᬃᬫᬲ᭄ᬕᭂᬄᬓᬧᬢ᭄᭞ᬫᬘᬘᬸᬦ᭄ᬤᬸᬓ᭄ᬧᬸᬤᬓ᭄ᬲᬭᬷ᭞ᬲᬵᬫ᭄ᬧᬸᬦ᭄ᬯᬸᬲᬧᬬᬲ᭄ᬫᬗ᭄ᬓᭀ᭞ᬯᬸᬯᬸᬲᭂᬦ᭄ᬳᬶᬤᬲᬂᬧ᭄ᬭᬪᬸ᭞ᬫᬮᬶᬗ᭄ᬕᬶᬄᬭᬶᬂᬚᬩᬢ᭄ᬗᬄ᭞ᬫᬗ᭄ᬭᬯᭀᬲᬶᬦ᭄᭞ᬲᬂᬫᬶᬸᬧ᭄ᬭᬪᬹᬭᬶᬂᬚᬫᬶᬦ᭄ᬢᭀᬭᬵ᭟ᬕᬸ
ᬭᬸᬦᬾᬓᬧᭂᬦ᭄ᬤᬓ᭄ᬢᬶᬗᬮ᭄᭞ᬧᬸᬦᬧᬶᬓᬵᬃᬬ᭄ᬬᬤᬶᬫᬡᬶᬓ᭄᭞ᬭᬤᬾᬦ᭄ᬕᬮᬸᬄᬫᬵᬢᬹᬃᬳᬮᭀᬦ᭄᭞ᬯᬾᬦ᭄ᬢᭂᬦ᭄ᬓᬃᬬ᭄ᬬᬦ᭄ᬢᬶᬢ᭄ᬬᬂ᭠ᬕᬸᬭᬸ᭞ᬓᬵᬃᬬ᭄ᬬᬦᬂᬢᬶᬢ᭄ᬬᬂᬧᭂᬮᬮ᭄ᬬᬦ᭄᭞ᬕᬸᬭᬸᬳᬚᬶ᭞ᬫᬧᬶᬦ᭄ᬤᬵᬫᬦ᭄ᬢ᭄ᬭᬶᬓᭀᬭᬶᬧᬦ᭄᭟ᬓᬓᬮᬶᬄᬓᬵᬃᬬ᭄ᬬᬦᬂᬢᬶᬢ᭄ᬬᬂ᭞
ᬬᬾᬦ᭄ᬳᬶᬘᬵᬳᬶᬕᬸᬭᬸᬳᬚᬶ᭞ᬤᬸᬭᬸᬲᬂᬳᬶᬘᬲᬂᬓᬢᭀᬂ᭞ᬫᬧᬸᬢ᭄ᬭᬭᬶᬂᬢᬶᬢ᭄ᬬᬂᬭᬢᬸ᭞ᬧᬘᬂᬕ᭄ᬦᬳᬂᬤᬶᬢᬫᬦ᭄᭞ᬫᬓᬓᬮᬶᬄ᭞ᬳᬯᬶᬚᬶᬫᬕᭀᬩᬲ᭄ᬫᬃ᭟ᬲᬧᬸᬦᬶᬓᬵᬳᬢᬹᬃᬢᬶᬢ᭄ᬬᬂ᭞ᬓᬵᬃᬬ᭄ᬬᬦᬂᬢᬶᬢ᭄ᬬᬂᬤᬶᬕ᭄ᬮᬶᬲ᭄᭞ᬲᬂᬧ᭄ᬭᬪᬸᬗᬦ᭄ᬤᬶᬓᬳᬮᭀᬦ᭄᭞ᬭᬶᬂᬳᬸ
ᬦ᭄ᬤᬕᬶᬲᬫᬶᬢ᭄ᬤᬸᬦ᭄᭞ᬭᬭᬶᬲ᭄ᬫᬓᬵᬃᬬ᭄ᬬᬭᬶᬂᬚᬩᬵ᭞ᬲᬵᬫ᭄ᬧᬸᬦ᭄ᬧᬲ᭄ᬢᬶ᭞ᬳᬕ᭄ᬮᬶᬲ᭄ᬧ᭄ᬭᬕᬢ᭄ᬫᬓᬤᬤ᭄ᬯ᭟ᬬ᭄ᬯᬓ᭄ᬢᬶᬯᬦ᭄ᬢᬄᬲᬧᬸᬦᬶ᭠ᬓᬵ᭞ᬯᬃᬡ᭄ᬦᬦᬾᬓᬤᬶᬢ᭄ᬯᬦ᭄ᬫᬦ᭄ᬢ᭄ᬭᬶ᭞ᬫᬶᬯᬄᬓᬤᬶᬲ᭄ᬫᬃᬋᬓᭀ᭞ᬧ᭄ᬭᭀᬓ᭄ᬫᬢᬵᬦᬾᬢᬸᬳᬸᬧᬯᬸᬢ᭄᭞ᬍᬯᬶᬳᬯᬓ᭄ᬢᬸᬃᬤᬶᬢᭂ