[᭑᭐᭓ 103B]
᭑᭐᭓
ᬦ᭄ᬢᬦ᭄ᬯᬶᬥᬶ᭞ᬗ᭄ᬭᬕᬦᬶᬦ᭄ᬤᬦᬾᬫᬫᬵᬃᬕ᭄ᬕᬵ᭟ᬫᬵᬢᬹᬃᬫᬦ᭄ᬢ᭄ᬭᬶᬧᬢᬶᬄᬫᬥᬵ᭞ᬤ᭄ᬫᬂᬤ᭄ᬫᬸᬂᬫᬫᬶᬲᬶᬗ᭄ᬕᬶᬄ᭞ᬲᬓᬶᬂᬳᬮᬶᬢ᭄ᬢᬶᬢ᭄ᬬᬂᬋᬓᭀ᭞ᬧᬶᬦᬄᬫᬗ᭄ᬓᬶᬦ᭄ᬢᬶᬢ᭄ᬬᬂᬭᬢᬸ᭞ᬤᬸᬭᬸᬂᬦᬳᭂᬦ᭄ᬫᬶᬭᬕ᭄ᬬᬂ᭞ᬭᬢᬸᬯ᭄ᬬᬓ᭄ᬢᬶ᭞ᬳᬶᬗ᭄ᬕᬶᬄᬳᬶᬤᬾᬯ᭄ᬯᬗ᭄ᬭᬯᭀᬲᬂ᭟ᬲᬂᬧ᭄ᬭᬪᬹᬳᬮᭀᬦ᭄ᬗᬦ᭄ᬤᬶᬓᬵ᭞ᬮ᭠
ᬫᬸᬦ᭄ᬲᬫᬶᬓᬭᬶᬳᬸᬭᬶᬧ᭄᭞ᬫᬦᬶᬫᬦᬶᬧᭀᬯᬦ᭄ᬋᬓᭀ᭞ᬫᬃᬕ᭄ᬕᬶᬭᬯᭀᬲᬂᬧᬂᬧᬢᬸᬢ᭄᭞ᬦᬾᬦᬾᬫᬗ᭄ᬓᬶᬦ᭄ᬫᬃᬕ᭄ᬕᬶᬩᬸᬤᬮ᭄᭞ᬰ᭄ᬭᬷᬪᬹᬧᬢᬶ᭞ᬯᬶᬦ᭄ᬤᬸᬢᬶᬗ᭄ᬳᬮ᭄ᬭᬶᬲ᭄ᬫᬵᬢᬸᬭᬵ᭟ᬲᬯᬸᬃᬫᬦᬸᬓ᭄ᬰ᭄ᬭᬷᬦᬭᬾᬦ᭄ᬤ᭄ᬭᬵ᭞ᬧᬢᬶᬄᬤ᭄ᬫᬂᬤ᭄ᬫᬸᬂᬧ᭄ᬭᬫᬦ᭄ᬢ᭄ᬭᬶ᭞ᬫᬵᬢᬹᬃᬧᬫᬶᬢ᭄ᬭᬶᬂᬲᬂᬓᬢᭀᬂ᭞ᬲᬫᬶ᭠
ᬦᬸᬦᬲ᭄ᬮᬸᬕ᭄ᬭᬵᬫᬦ᭄ᬢᬸᬓ᭄᭞ᬲᬵᬫ᭄ᬧᬸᬦ᭄ᬮᬶᬗ᭄ᬰᬶᬃᬲᬂᬗ᭄ᬳ᭄ᬬᬂᬲᬹᬃᬬ᭄ᬬ᭞ᬰ᭄ᬭᬷᬪᬹᬧᬢᬶ᭞ᬩᬸᬩᬃᬲᬓᬶᬂᬧᬦᬗ᭄ᬓᬶᬮᬦ᭄᭟ᬩᬸᬤᬮ᭄ᬧ᭄ᬭᬪᬸᬯᬶᬦ᭄ᬤᬸᬢᬶᬗᬮ᭄᭞ᬧ᭄ᬭᬪᬹᬧᬦᭂᬗ᭄ᬕᬄᬢᬦ᭄ᬓᬭᬶ᭞ᬧᬭᬵᬫᬦ᭄ᬢ᭄ᬭᬶᬲᬫᬶᬕᭀᬂᬲᭀᬃ᭞ᬲᬂᬧ᭄ᬭᬪᬸᬓᬚ᭄ᬭᭀᬯᬦ᭄ᬲᬵᬫ᭄ᬧᬸᬦ᭄᭞ᬢᬦ᭄ᬓᭀᬘᬧᬦᬾᬭᬶᬂᬚᬯ᭄ᬯ᭞ᬓᭀ
ᬘᬧ᭄ᬫᬗ᭄ᬓᬶᬦ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬫᬫᬵᬃᬕ᭄ᬕ᭟ᬳᬓ᭄ᬯᬾᬄᬓᬮᬗᭂᬦ᭄ᬭᬶᬂᬫᬵᬃᬕ᭄ᬕᬵ᭞ᬓᬢᭀᬦ᭄ᬧᬸᬮᭀᬓᭂᬫ᭄ᬩᬃᬳᬮᬶᬢ᭄᭞ᬮᭀᬃᬯᬾᬢᬦ᭄ᬕᭂᬦᬄᬜᬋᬓᭀ᭞ᬧᬲᬶᬲᬶᬜᬓᬢᭀᬦ᭄ᬮᬸᬳᬸᬂ᭞ᬧᬸᬘᬓᬾᬫᬢᬸᬫ᭄ᬧᬂᬢᬸᬫ᭄ᬧᬂ᭞ᬧᬓᬭᬶᬦᬶᬂ᭞ᬓᬤᬶᬫᬶᬭᬄᬓᬢᬶᬗ᭄ᬕᬮᬦ᭄᭟ᬲᬵ
[᭑᭐᭔ 104A]
᭑᭐᭔
ᬫ᭄ᬧᬸᬦ᭄ᬤᭀᬄᬗ᭄ᬮᬶᬦ᭄ᬢᬂᬳᬭᬸᬗᬦ᭄᭞ᬓᬲᬦᬾᬳᬦ᭄ᬩᭂᬮᬶᬫᬗ᭄ᬓᬶᬦ᭄᭞ᬦᬫ᭄ᬧᭂᬓ᭄ᬭᬶᬂᬧᬲᬶᬲᬶᬫᬗ᭄ᬓᭀ᭞ᬓᬓᬵᬲ᭄ᬫᬃᬚᬮᬦ᭄ᬫᬮᬸ᭞ᬓᬓᬵᬫᬳᬢᬹᬃᬓᬧᬹᬭᬵ᭞ᬳᬧᬂᬕᬢᬶ᭞ᬳᬢᬸᬭᬂᬚ᭄ᬯᬳᬶᬭᬢ᭄ᬓᬵ᭟ᬧᬸᬦ᭄ᬲ᭄ᬫᬃᬳᬕ᭄ᬮᬶᬲ᭄ᬫᬫᬵᬃᬕ᭄ᬕᬵ᭞ᬢᬦ᭄ᬓᭀᬘᬧᬦ᭄ᬜᬭᬶᬂᬫᬵᬃᬕ᭄ᬕᬶ᭞ᬳᬦᬭᬸᬂᬮᬫ᭄ᬧᬄᬢᬦ
ᬮᭀᬦ᭄᭞ᬧ᭄ᬭᬧ᭄ᬢᬵᬭᬶᬂᬦᬵᬕᬭᬲᬵᬫ᭄ᬧᬸᬦ᭄᭞ᬳᬕ᭄ᬮᬶᬲ᭄ᬫᬳᬢᬹᬃᬓᬧᬸᬭᬵ᭞ᬭᬶᬂᬥ᭄ᬬᬄᬓᬮᬶᬄ᭞ᬗᬦ᭄ᬤᬶᬓᬵᬳᬲ᭄ᬫᬸᬲᬸᬓᬵ᭟ᬓᬾᬦ᭄ᬓᬾᬦ᭄ᬳᬸᬮᬢ᭄ᬓᬓᬵᬲ᭄ᬫᬃ᭞ᬧᬸᬦ᭄ᬲ᭄ᬫᬃᬫᬳᬢᬹᬃᬳᬭᬶᬲ᭄᭞ᬭᬶᬂᬭᬳᬤᬾᬦ᭄ᬕᬮᬸᬄᬭᭀᬭᭀ᭞ᬭᬤᬾᬦ᭄ᬕᬮᬸᬄᬯ᭄ᬮᬲ᭄ᬳᬗ᭄ᬭᬸᬗᬹ᭞ᬢᬸᬫᬸᬮᬶᬄᬲᬋᬂᬓᬚᬩᬵ᭞ᬰ᭄ᬭᬷ
ᬪᬹᬧᬢᬶ᭞ᬦᬓᭀᬦᬂᬕ᭄ᬮᬶᬲ᭄ᬫᬫᬵᬃᬕ᭄ᬕᬵ᭟ᬲᬶᬦᬵᬣᬳᬦᬸᬗ᭄ᬕᬂᬭᬣ᭞ᬭᬳᬤᬾᬦ᭄ᬤᬾᬯᬶᬭᬶᬂᬚᭀᬮᬶ᭞ᬧ᭄ᬭᬜᬳᬶᬲᬫᬶᬫᬭᬾᬭᭀᬤ᭄᭞ᬧᬗᬯᬶᬦ᭄ᬢᬍᬫ᭄ᬧᬓ᭄ᬢᬸᬳᬸᬦ᭄᭞ᬚᭀᬮᬶᬧᬫᭂᬦ᭄ᬤᬓ᭄ᬫᬗ᭄ᬭᬜᬩ᭄᭞ᬢᬸᬫ᭄ᬩᬓ᭄ᬩᭂᬤᬶᬮ᭄᭞ᬮᬫ᭄ᬧᬳᬾᬓᬤ᭄ᬬᬵᬘᬗ᭄ᬓ᭄ᬭᬫ᭟ᬳᬤᬮᬾᬦ᭄ᬫᬦᬦ᭄ᬤ
ᬦ᭄ᬓᬸᬤᬵ᭞ᬮᬮᬜ᭄ᬘᬂᬲᬵᬫ᭄ᬧᬸᬦ᭄ᬭᬶᬂᬭᬶᬳᬶᬦ᭄᭞ᬲᬵᬫ᭄ᬧᬸᬦ᭄ᬭᬯᬸᬄᬫᬭᬶᬂᬲᭀᬯᬦ᭄᭞ᬭᬳᬤᬾᬦ᭄ᬕᬮᬸᬄᬢᬸᬫᬸᬭᬸᬦ᭄᭞ᬭᬤᬾᬦ᭄ᬚᭀᬂᬪᬶᬭᬸᬫᬜᬕ᭄ᬚᬕ᭄᭞ᬲᬂᬥ᭄ᬬᬄᬓᬮᬶᬄ᭞ᬳᬦᬫ᭄ᬩᬸᬢ᭄ᬦᬯᬂᬢᬺᬗ᭄ᬖᬡᬵ᭟ᬢᬸᬫᬸᬮᬶᬄᬲᬫᬶᬫᬜᬧ᭞ᬧ᭄ᬭᬩ᭄ᬓᭂᬮᬾᬲᬫᬶᬫᬶᬳᬶᬤ᭄᭞ᬫᬜᬫ᭄ᬧᬶᬂ᭠
