Kaca:Bali-lontar-paparikan-bagus-umbara-01-250ppi.pdf/103

Saking Wikisource
Kaca puniki sampun kauji-wacén

[᭑᭐᭒ 103B]
᭑᭐᭒
ᬭᬢᬸᬓᭀᬭᬶᬧᬦ᭄᭟ᬳᬶᬗ᭄ᬕᬶᬄᬯ᭄ᬬᬓ᭄ᬢᬶᬤᬲᬂᬦᬵᬣ᭞ᬲᬵᬫ᭄ᬧᬸᬦ᭄ᬮᬫᬶᬢᬶᬢ᭄ᬬᬂᬳᬸᬦᬶᬂ᭞ᬤᬾᬦᬶᬂᬲ᭄ᬭᬶᬂᬢᬶᬢ᭄ᬬᬂᬤᬾᬯ᭄ᬯ᭞ᬫᬦᬸᬦᬲ᭄ᬤᬕᬗᬦ᭄ᬭᬢᬸ᭞ᬫᬗᬺᬋᬄᬢᭂᬭᬂᬭᬶᬂᬩᬗ᭄ᬲᬮ᭄᭞ᬤ᭄ᬯᬦᬶᬂᬳᬸᬦᬶᬂ᭞ᬭᬶᬂᬤᬦᬾᬫᬦ᭄ᬢ᭄ᬭᬶᬓᭀᬭᬶᬧᬦ᭄᭟ᬢᬶᬢ᭄ᬬᬂᬲ᭄ᬭᬶᬂᬫᬮᬜ᭄ᬘ
ᬭᬦ᭄᭞ᬭᬶᬂᬭᬯᬸᬳᬾᬭᬶᬂᬧᬲᬶᬲᬶ᭞ᬤᬦᬾᬫᬲᬲᬜ᭄ᬚᬦ᭄ᬋᬓᭀ᭞ᬤᬦᬾᬫᬸᬗ᭄ᬕᬄᬓᬧᬭᬳᬸ᭞ᬲ᭄ᬭᬶᬂᬤᬦᬾᬫᬲᬲᬜ᭄ᬚ᭠ᬦ᭄᭞ᬭᬢᬸᬲᬶᬗ᭄ᬕᬶᬄ᭞ᬢᬶᬢ᭄ᬬᬂᬓᬮᬶᬦ᭄ᬢᬂᬳᬸᬦᬶᬗᬵ᭟ᬓ᭄ᬦᬶᬢᬶᬢ᭄ᬬᬂᬫᬢᬢᬲᬦ᭄᭞ᬤᬾᬦᬶᬂᬤᬦᬾᬗᬯ᭄ᬯᬧᬸᬢ᭄ᬭᬶ᭞ᬤᬦᬾᬗᬦ᭄ᬤᬶ᭠
ᬓᬬᬂᬋᬓᭀ᭞ᬧᬸᬢ᭄ᬭᬦᬾᬘᭀᬓᭀᬃᬳᬶᬭᬢᬸ᭞ᬲᬂᬧ᭄ᬭᬪᬹᬓᬮᬶᬯᬢ᭄ᬲᬸᬓᬵ᭞ᬦᬄᬢᭀᬚᬦᬶ᭞ᬓᬾᬦ᭄ᬓᬾᬦ᭄ᬩᬦᬶᬭᬗ᭄ᬭᬯᭀᬲᬂ᭟ᬯᭀᬂᬕᬳᬶᬢ᭄ᬣᬫᬵᬢᬹᬃᬦᭂᬫ᭄ᬩᬄ᭞ᬥᬸᬄᬤᬾᬯ᭄ᬯᬭᬢᬸᬦ᭄ᬤ᭄ᬭᬵᬧᬢᬶ᭞ᬩᭀᬬᬢᬶᬢ᭄ᬬᬂᬭᬢᬸᬳᭂᬮᭀᬂ᭞ᬤᬾᬦᬶᬂᬢᬸᬫᭀᬦ᭄ᬢᬶ
ᬢ᭄ᬬᬂᬭᬢᬸ᭞ᬧᬫᬂᬕ᭄ᬕᬶᬦ᭄ᬤᬦᬾᬦᬾᬤᬾᬯ᭄ᬯ᭞ᬦᬾᬦᬾᬗᬹᬦᬶ᭞ᬢᬦ᭄ᬯᬾᬦ᭄ᬢᭂᬦ᭄ᬫᬦᬸᬗ᭄ᬕᬂᬧᬮ᭄ᬯᬵ᭟ᬧᬲ᭄ᬫᭂᬗᬦ᭄‌ᬩᬸᬦ᭄ᬤᬕ᭄ᬲᬹᬃᬬ᭄ᬬ᭞ᬤᬦᬾᬯᬸᬲ᭄ᬧᬘᬂᬫᬫᬃᬕ᭄ᬕᬶ᭞ᬢᭀᬬᬦᬾᬫᬲ᭄ᬬᬓᬦ᭄ᬓᬢᭀᬦ᭄᭞ᬓᬢᭀᬦ᭄ᬭᬸᬭᬸᬂᬫᬵᬃᬕ᭄ᬕᬶᬳᬕᬸᬂ᭞ᬢᬸᬫᬸᬮᬶᬄᬤᬦᬾᬫᬫᬃ

[᭑᭐᭓ 104A]
᭑᭐᭓
ᬕ᭄ᬕᬵ᭞ᬭᬤᬾᬦ᭄ᬤᬾᬯᬶ᭞ᬫᬢᬸᬦ᭄ᬢᬸᬦ᭄ᬤᬦᬾᬫᬫᬵᬃᬕ᭄ᬕᬵ᭟ᬲᬵᬫ᭄ᬧᬸᬦ᭄ᬢᭂᬮᬲ᭄ᬲᬫᬶᬫᬫᬵᬃᬕ᭄ᬕᬵ᭞ᬮᬶᬦ᭄ᬢᬂᬳᭂᬜ᭄ᬘᬳᬦ᭄ᬢᭀᬬᬲᬫᬶ᭞ᬭᬭᬶᬲ᭄ᬳᬢᭂᬧ᭄ᬭᬢᬸᬓᬢᭀᬦ᭄᭞ᬢᭀᬬᬦᬾᬓᬤᬶᬦᬾᬲᬵᬫ᭄ᬧᬸᬦ᭄᭞ᬭᬭᬶᬲ᭄ᬤᬦᬾᬩ᭄ᬬᬦᬵᬗᭂᬦᬄ᭞ᬭᬤᬾᬦ᭄ᬫᬦ᭄ᬢ᭄ᬭᬶᬕ
ᬯᭀᬓ᭄ᬢᬶᬢ᭄ᬬᬂᬫᬗᬦ᭄ᬢᭂᬦᬂ᭟ᬤᬦᬾᬢᬸᬢ᭄ᬩᬸᬭᬶᬦ᭄ᬳᬶᬤᬾᬯ᭄ᬯ᭞ᬫᬫᬃᬕ᭄ᬕᬶᬤᬶᬩᬢᬦ᭄ᬧᬰᬶᬄ᭞ᬲᬂᬦᬵᬣᬕᬯᭀᬓ᭄ᬫᬶᬋᬗᬂ᭞ᬭᬶᬂᬳᬢᬸᬭᬾ᭠ᬯᭀᬂᬧ᭄ᬭᬳᬸ᭞ᬓᬭᬶᬚᭂᬚᭂᬮ᭄ᬭᬶᬂᬩᬜ᭄ᬘᬶᬗᬄ᭞ᬧᬢᬶᬄᬫᬵᬦ᭄ᬢ᭄ᬭᬶ᭞ᬲᬫᬶᬕᬯᭀᬓ᭄ᬫᬶᬭᬕ᭄ᬬᬂ᭟ᬧᬢᬶᬄᬫᬵᬦ᭄ᬢ᭄ᬭᬶᬓ᭄ᬫᬵᬗᬭᬄ᭞ᬯᭀᬂᬩᬢᬯᬶᬲᬵ᭠
ᬫ᭄ᬧᬸᬦ᭄ᬧᬫᬶᬢ᭄᭞ᬩᬸᬩᬃᬧᬜ᭄ᬚᬓᬾᬫᬗ᭄ᬮᭀᬄ᭞ᬲᬯᬢᬭᬵᬧᬶᬢᬸᬗᬶᬬᬸ᭞ᬯᭀᬂᬧᬦᭂᬗ᭄ᬕᬄᬯᬶᬦ᭄ᬤᬸᬢᬶᬗ᭄ᬳᬮ᭄᭞ᬧᬥᬫᬸᬮᬶᬄ᭞᭠ᬫᬦᬄᬢᬶᬢ᭄ᬬᬂᬕᬮᬂᬧᬶᬲᬦ᭄᭟ᬤᬵᬲᬂᬧ᭄ᬭᬪᬸᬯᬶᬦ᭄ᬤᬸᬢᬶᬗᬮ᭄᭞ᬳᬢᬸᬭᬾᬳᬭᬹᬫᬫᬦᬶᬲ᭄᭞ᬓᬮᬶᬄᬲᬂᬧ᭄ᬭᬪᬸᬧᬦᭂᬗ᭄ᬕᬄ᭞ᬲᬸᬫᬳᬸᬃᬳᬸ᭠
ᬚᬭᬾᬳᬮᬸᬲ᭄᭞ᬦᬶᬓᬵᬧᬢᬸᬢ᭄ᬳ᭄ᬬᬸᬦᬶᬤᬾᬯ᭄ᬯ᭞ᬢᬶᬢ᭄ᬬᬂᬗᬶᬭᬶᬂ᭞ᬲᬵᬫ᭄ᬧᬸᬦ᭄ᬯᬶᬡ᭄ᬝᭂᬦ᭄ᬮᬯᬦ᭄ᬫᬶᬭᬄ᭟ᬩᬮᬶᬦᬾᬓᬾᬤᭂᬧᬂᬚᬯ᭄ᬯᬵ᭞ᬭᬶᬂᬚᬯᬓᬾᬤᭂᬧ᭄ᬭᬶᬂᬩᬮᬶ᭞ᬫᬮᬶᬄᬢᬶᬢ᭄ᬬᬂᬓᬾᬗᬶᬦ᭄ᬕᬯᭀᬓ᭄᭞ᬫᬶᬭᬕᬶᬳᬢᬹᬃᬯᭀᬂᬓᬫ᭄ᬧᬸᬂ᭞ᬫᬫᬃᬕ᭄ᬕᬶᬭᬶᬂᬩᬢᬦ᭄ᬢᭀᬬ᭞ᬬᬾ