[᭑᭐᭑ 101B]
᭑᭐᭑
ᬫᬶ᭞ᬬᬾᬦ᭄ᬮ᭄ᬬᬦᬦ᭄ᬢᬭᬸᬕ᭄ᬢᬸᬕᬺᬓᭀ᭞ᬳᬾᬗ᭄ᬕᬮᬂᬧᬂᬲᬶᬤ᭄ᬥᬢᭂᬧᬸᬓ᭄᭞ᬓᭀᬮᬵᬗᬦ᭄ᬢᬶᬤᬶᬩᬜ᭄ᬘᬶᬗᬄ᭞ᬫᬵᬢᬹᬃᬲᬶᬗ᭄ᬕᬶᬄ᭞ᬧᬢᬶᬄᬫᬵᬦ᭄ᬢ᭄ᬭᬶᬲᬫᬶᬩᬸᬩᬃ᭟ᬧ᭄ᬭᬫᬦ᭄ᬢ᭄ᬭᬶᬦᬾᬲᬫᬶᬮᬸᬗ᭄ᬳᬵ᭞ᬧᬸᬗ᭄ᬕᬯᬲᬵᬫ᭄ᬧᬸᬦ᭄ᬫᬫᬵᬃᬕ᭄ᬕᬶ᭞ᬳᬦᬵᬓᬚᬵᬳᬦᬵᬓ᭄ᬮᭀᬤ᭄᭞
ᬳᬦᬓᬗᬶᬦ᭄ᬳᬦᬓᬯᬸᬄ᭞ᬧᬺᬩ᭄ᬓᭂᬮ᭄ᬗᬶᬭᬶᬂᬢ᭄ᬮᬲᬦ᭄᭞ᬓᬂᬯᭀᬂᬲᬫᬶ᭞ᬫᬫᬵᬃᬕ᭄ᬕᬶᬲᬳᬵᬲᬜ᭄ᬚᬢ᭄ᬣ᭟ᬫᬳᬶᬭᬶᬗᬦ᭄ᬲᬫᬶᬜᬢᬓ᭄᭞ᬕᬾᬕᬾᬃᬓᬤᬶᬯᭀᬗᬚᬸᬭᬶᬢ᭄᭞ᬳᬤᬗᭀᬚᭀᬕ᭄ᬫᬭᬶᬂᬲᭀᬯᬦ᭄᭞ᬳᬤᬓᬧᬦᭂᬧᬶᬭᬯᬸᬄ᭞ᬮᬾᬦ᭄ᬫᬗ᭄ᬭ
ᬜ᭄ᬚᬶᬂᬤᬾᬰᬤᬾᬰ᭞ᬗ᭄ᬢᬸᬢ᭄ᬩᬸᬭᬶ᭞ᬦᬾᬫᬗᬫ᭄ᬩᬶᬮ᭄ᬭᬤᬾᬦ᭄ᬤᬾᬯ᭄ᬬ᭟ᬤᬾᬩ᭄ᬓᬸᬂᬲᬵᬫ᭄ᬧᬸᬦ᭄ᬭᬶᬂᬲᭀᬯᬦ᭄᭞ᬭᬶᬂᬚᬸᬭᬕᬦᬾᬓᬶᬭᬶᬫ᭄ᬢᬸᬮᬶᬲ᭄᭞ᬚᬸᬭᬕᬦᬾᬦ᭄ᬭᬶᬫᬵᬫᬗ᭄ᬓᭀ᭞ᬲᬸᬭᬵᬢ᭄ᬧᬳᬶᬘᬦ᭄ᬲᬂᬩᬕᬸᬲ᭄᭞ᬤᬾᬩ᭄ᬓᬸᬂᬢ᭄ᬯᬶᬲᬲᬶᬮᬶᬩᬦ᭄᭞ᬦᬹ᭠
ᬢ᭄ᬧᬲᬶᬲᬶ᭞ᬳᭂᬦ᭄ᬤᭂᬄᬧᬥᬦᬤ᭄ᬢᬤ᭄ᬢᬸᬫ᭄ᬩᬓ᭄᭟ᬚᬸᬭᬕᬦᬾᬚᬦᬶᬗᭀᬃᬢ᭄ᬣ᭞ᬦᬾᬫᬗᬫ᭄ᬩᬶᬮ᭄ᬭᬤᬾᬦ᭄ᬤᬾᬯᬶ᭞ᬫᬦ᭄ᬢ᭄ᬭᬶᬓᭀᬭᬶᬧᬦᬾᬋᬓᭀ᭞ᬫᬗᬬᬢ᭄ᬭᬳᬤᬾᬦ᭄ᬕᬮᬸᬄ᭞ᬦᬾᬦᬾᬫᬲᭀᬮᬄᬤᬶᬚᬩᬵ᭞ᬦᬾᬫᬫᬜ᭄ᬚᬶ᭞ᬧᬸᬦᬶᬓᬵᬤ
[᭑᭐᭒ 102A]
᭑᭐᭒
ᬦᬾᬫᬗᬬᬢ᭄᭟ᬚᬸᬭᬕᬦᬾᬫᬗᭀᬃᬢ᭄ᬣᬬᬂ᭞ᬫᬵᬢᬹᬃᬭᬶᬂᬭᬓ᭄ᬭ᭄ᬬᬵᬦᬧᬢᬶᬄ᭞ᬲᬧ᭄ᬭᬶᬧᭀᬮᬄᬓᬵᬢᬹᬃᬫᬗ᭄ᬓᭀ᭞ᬧᬫᬃᬕ᭄ᬕᬶᬦ᭄ᬤᬦᬾᬲᬂᬩᬕᬸᬲ᭄᭞ᬧᬢᬶᬄᬫᬦ᭄ᬢ᭄ᬭᬶᬫᬫᬶᬋᬗᬂ᭞ᬫᬦ᭄ᬢᬸᬓ᭄ᬫᬗ᭄ᬓᬶᬦ᭄᭞ᬲᬫᬶᬕᬸᬩᬃᬫᬭᬶᬂᬲᭀᬯᬦ᭄᭟ᬚᬸᬭᬕᬦ᭄ᬲᬫᬶᬦᬵᬃᬣᬬᬂ᭞ᬳᬶ
ᬗ᭄ᬕᬶᬄᬢᬸᬫᬸᬮᬶᬄᬫᬧᬫᬶᬢ᭄᭞ᬧᬫᬃᬕ᭄ᬕᬶᬦ᭄ᬧᬢᬶᬄᬢᬦᬵᬮᭀᬦ᭄᭞ᬧ᭄ᬭᬩ᭄ᬓᭂᬮᬾᬲᬫᬶᬫᬦ᭄ᬢᬸᬓ᭄᭞ᬳᬓᬾᬄᬫᬗ᭄ᬭᬯᭀᬲ᭄ᬭᬶᬂᬫᬵᬃᬕ᭄ᬕ᭞ᬢᬦ᭄ᬓᬯᬃᬡ᭄ᬦᬶ᭞ᬳᬕ᭄ᬮᬶᬲ᭄ᬭᬯᬸᬄᬭᬶᬂᬦᬵᬕᬭ᭟ᬲᬂᬧ᭄ᬭᬪᬸᬓᬭᬶᬭᬶᬂᬚᬩᬵ᭞ᬢᬦ᭄ᬤ᭄ᬯᬧᬢᬶᬄᬫᬦ᭄ᬢ᭄ᬭᬶᬧ᭄ᬭᬧ᭄ᬢᬶ᭞ᬫᬶᬯᬄᬯᭀᬂᬩᬳᬶ᭠
ᬢᬵᬋᬓᭀ᭞ᬫᬶᬢᬸᬯᬶᬬᬂᬭᬶᬂᬲᬂᬧ᭄ᬭᬪᬸ᭞ᬓᬾᬦ᭄ᬧᬢᬶᬄᬫᬵᬦ᭄ᬢ᭄ᬭᬶᬳᬦᭂᬫ᭄ᬩᬄ᭞ᬤᬾᬯ᭄ᬯᬕᬸᬲ᭄ᬢᬶ᭞ᬢᬶᬢ᭄ᬬᬂᬫᬵᬢᬹᬃᬭᬶᬂᬳᬶᬤᬾᬯ᭄ᬯ᭟ᬢᬶᬢ᭄ᬬᬂᬮᬸᬗ᭄ᬳᬫᬦᬶᬧ᭄ᬯᬦ᭄᭞ᬳᬓᬾᬄᬧᬺᬩ᭄ᬓᭂᬮ᭄ᬜᬋᬗᬶᬦ᭄᭞ᬩᬯᬸᬭᬯᬸᬄᬫᬭᬶᬂᬲᭀᬯᬦ᭄᭞ᬯᭀᬂᬩᬳᬶᬢᬵᬭᬢᬸᬭᬯᬸᬄ᭞ᬫ᭠
ᬫᬚᬭᬂᬢ᭄ᬓᬾᬦ᭄ᬢᬶᬢ᭄ᬬᬂ᭞ᬭᬢᬸᬲᬶᬗ᭄ᬕᬶᬄ᭞ᬧᬸᬦᬶᬓᬶᬢ᭄ᬓᬾᬦᬶᬦ᭄ᬢᬶᬢ᭄ᬬᬂ᭟ᬓᭀᬘᬧ᭄ᬲ᭄ᬫᭂᬂᬦᬧᬓ᭄ᬢᬦᬄ᭞ᬳᬶᬧᬸᬦ᭄ᬢᭂᬤᬸᬦ᭄ᬗᬮᬶᬄᬯᬭᬶᬄ᭞ᬲᬕᬾᬢ᭄ᬯᬾᬦ᭄ᬢᭂᬦ᭄ᬳᬦᬓ᭄ᬋᬓᭀ᭞ᬤᬶᬩ᭄ᬬᬲᬾᬤ᭄ᬭᬢ᭄ᬤᬢ᭄ᬤ᭄ᬭᬸᬢ᭄ᬤᬸᬢ᭄᭞ᬓᬮᬶᬄᬲᬫᬶᬫᬦᬢᬲᬂ᭞ᬫᬦ᭄ᬢ᭄ᬭᬶᬩᬵᬮᬶ᭞ᬢᭀᬲᬓᬶᬂ
