[ ᭔᭐ 40B]
᭔᭐᭞
ᬲᬶᬄᬭᬶᬗᬵᬰ᭄ᬭᬫᬗᬹᬦᬶ᭞ᬭᬶᬂᬕᬸᬭᬸᬦ᭄ᬳᬶᬥᬵᬭᬶᬗᬰ᭄ᬭᬫᬵᬜᬾᬦ᭄ᬫᬗᬸᬕᬸᬓ᭄ᬫᬵᬚᬦᬶᬫᬕ᭄ᬥᬶᬚ᭄ᬜᭂᬗᬵᬯᬶᬓᬸᬫᬗ᭄ᬭᬸᬲᬄᬫᬗᬚᬓ᭄ᬧᬦᬓ᭄ᬩᭂᬗᬮ᭄ᬥᬂᬳ᭄ᬬᬂᬥ᭄ᬭᭀᬡᬵ
ᬮᬶᬦ᭄ᬢᬂᬫᬾᬭᬗᬾᬭᬶᬂᬓᬳ᭄ᬬᬸᬦ᭄ᬩᬸᬤᬮ᭄ᬗᭂᬫ᭄ᬩᭂᬂᬬᬾᬄᬢᬶᬗ᭄ᬳᬮ᭄ᬓᬳ᭄ᬬᬸᬦᬾᬓᬮᬶᬦ᭄ᬢᬂᬭᬸᬦ᭄ᬢᬶᬓ᭄᭞ᬫᬫᬵᬃᬕ᭄ᬕᬶᬭᬭᬶᬲ᭄ᬓᬳᬲ᭄ᬢᬶᬦᬵᬢᬦ᭄ᬓᭀᬘᬧ
ᬮᬓᬸᬦᬾᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬶᬭᬶᬗᬲ᭄ᬢᬶᬦᬵᬭᬭᬶᬲ᭄ᬜᬸᬚᬸᬃᬫᬋᬓ᭄ᬳᬶᬤᬵᬲᬂᬦᬵᬣᬲ᭄ᬥᭂᬓ᭄ᬢᬶᬦᬗ᭄ᬓᬶᬮ᭄ᬭᬶᬂᬩᬜ᭄ᬘᬶᬗᬄᬳᬮᬸᬗ᭄ᬕᬸᬄᬳᬓᬾᬄᬧ᭄ᬭᬫᬵᬦ᭄ᬢ᭄ᬭᬷᬪᬹᬚ
ᬗ᭄ᬕᬵᬪᬕᬯᬵᬦ᭄ᬤ᭄ᬭᭀᬡᬵᬫᬗ᭄ᬭᬭᬶᬲ᭄᭞ᬓᬲᬧᬵᬭᬭᬶᬲ᭄ᬓᬵᬢᬹᬭᬦ᭄ᬳᬶᬤᬵᬫᬸᬗ᭄ᬕᬄᬥᬂᬳ᭄ᬬᬂᬤ᭄ᬭᭀᬡᬵᬫᬗ᭄ᬭᬭᬶᬲ᭄ᬫᬮᬶᬗ᭄ᬕᬶᬄᬲᬋᬂᬲᬂᬧ᭄ᬭᬪᬸᬳᬕ᭄ᬮᬶ
[ ᭔᭑ 41A]
ᬲ᭄ᬫᬵᬢᬸᬃᬲᬂᬦᬵᬣᬧᬸᬦᬧᬶᬲ᭄ᬯᬓᬵᬃᬬ᭄ᬬᬦ᭄ᬳᬶᬤᬵᬕᬢᬶᬭᬯᬸᬄᬢᬫ᭄ᬩᬾᬓᬧᬗ᭄ᬕᬶᬄᬭᬶᬂᬢᬶᬢ᭄ᬬᬂᬥᬂᬳ᭄ᬬᬂᬤ᭄ᬭᭀᬡᬵᬫᬵᬢᬹᬃᬳᬭᬶᬲ᭄᭞ᬳᬶᬗ᭄ᬕᬶᬄᬲᬂᬧ᭄ᬭᬪᬸᬳᬲ᭄ᬢᬶᬦᬵᬩ
ᬧᬵᬩ᭄ᬭᬳ᭄ᬫᬵᬡᬲᬤ᭄ᬬᬭᬯᬸᬫᬭᬶᬓᬶᬩ᭄ᬯᬢ᭄ᬫᬋᬓ᭄ᬳᬶᬭᬢᬸᬫᬦᬸᬦᬲ᭄ᬧᬕ᭄ᬦᬳᬦ᭄ᬤᬶᬦᬵᬕᬭᬩᬧᬵᬫᬗᬶᬭᬶᬂᬳᬶᬭᬢᬸᬤᬾᬦᬶᬂᬩᬧᬵᬩ᭄ᬭᬳ᭄ᬫᬵᬡᬯ᭄ᬦᬦᬫ᭄ᬧᭂ
ᬓᬶᬦ᭄ᬲᬗ᭄ᬳᬚᬶ᭞ᬤᬺᬱ᭄ᬝᬭᬵᬱ᭄ᬝ᭄ᬭᬦᬸᬦᬲᬂᬭᬶᬂᬪᬕᬯᬵᬦ᭄ᬪᬷᬱ᭄ᬫᬵᬩ᭄ᬯᬢ᭄ᬦᬶᬗ᭄ᬳᬚᬶᬪᬕᬯᬵᬦ᭄ᬪᬷᬱ᭄ᬫᬵᬫᬫᬢᬹᬢ᭄ ᬢᬶᬗ᭄ᬓᬳᬶᬂᬲᬂᬉᬢ᭄ᬢᬫᬵᬜ᭄ᬦᭂᬂᬭᬢᬸᬫᬕᭂᬳᬂᬓᬥᬵᬃ
ᬫ᭄ᬫᬦ᭄ᬲᬥᬸᬆᬧᬦ᭄ᬢᭀᬂᬤᬤᬶᬧᬲᬳᬂᬭᬶᬂᬲᬂᬫᬳᬵᬤ᭄ᬯᬶᬚᬍᬯᬶᬄ᭞ᬤᬾ᭠ᬦᬶᬂᬬᬭᬵᬓ᭄ᬱᬭᬸᬫᬵᬓ᭄ᬱᬵᬢ᭄ᬯᬭᬤᬤᬶᬩ᭄ᬮᬲᬂᬩ᭄ᬲᬶᬓ᭄ᬩᭂᬲᬶᬓ᭄ᬓᬾ
Kaca:Bali-lontar-paparikan-adhiparwwa-400ppi.pdf/41
Kaca puniki sampun kauji-wacén
