[ ᭓᭒ 32B]
᭓᭒᭞
ᬦᬾᬲᬫᬶᬲᬂᬧᬡ᭄ᬥᬸᬚᬦᬶᬓᭀᬘᬧᬦ᭄ᬫᬓᬭᭀᬦ᭄ᬭᬶᬂᬤᬾᬯᬷᬓᬸᬡ᭄ᬝᬶᬓᬳᬱ᭄ᬝᬶᬦᬵᬫᬗ᭄ᬭᬭᬶᬲ᭄ᬢᬦ᭄ᬓᭀᬘᬧ᭄ᬮᬓᬸᬲᬵᬫ᭄ᬧᬸᬦ᭄ᬭᬯᬸᬄᬳᬶᬤᬵᬭᬶᬂᬧᬸ
ᬭᬶᬬᬦ᭄ᬳᬾᬕᬵᬃᬲᬳᬶᬲᬶᬦᬶᬂᬧᬹᬭᬷᬲᬵᬫ᭄ᬧᬸᬦ᭄ᬮᬫᬶᬫᬓᬸᬋᬦ᭄ᬢ᭄ᬯᬭ᭠ᬓᬲ᭄ᬫᬭᬦ᭄᭞ᬳ᭄ᬦᭂᬗᬓ᭄ᬦᬵᬧᬸᬦᬶᬓᬓᭀᬘᬧ᭄ᬯᬾᬦ᭄ᬢᭂᬦ᭄ᬫᬮᬶᬄᬧᬸᬢ᭄ᬭᬷᬭᬶᬂᬫᬵᬤ᭄ᬭ
ᬭᬵᬚᬓᬯ᭄ᬓᬲ᭄ᬳᬬᬸᬦᬾᬢ᭄ᬯᬭᬦᬦ᭄ᬤᬶᬗᬶᬦ᭄ᬫᬧᬭᬩ᭄ᬤᬾᬯᬶᬫᬵᬤ᭄ᬭᬶᬫᬲᬫ᭄ᬢᭀᬦ᭄ᬭᬶᬂᬲᬂᬧ᭄ᬭᬪᬸᬰᬵᬮ᭄ᬬᬧᬸᬦᬶᬓᬳᬶᬤᬵᬫᬗ᭄ᬓᬶᬦ᭄ᬫᬮᬶᬄᬓᬵᬮᬧ᭄ᬭᬩᬶᬭᬶᬂ
ᬲᬂᬧᬡ᭄ᬥᬸᬲᬕ᭄ᬦᭂᬧᬶᬂᬧᬯᬶᬯᬵᬳ᭞ᬚᬦᬶᬓᭀᬘᬧ᭄ᬲᬂᬯᬶᬥᬹᬭᬗᬮᬧ᭄ᬭᬩᬶᬲᬸᬤ᭄ᬭᬵᬬᭀᬡᬶᬲᬵᬫ᭄ᬧᬸᬦ᭄ᬲᬂᬢᬶᬕᬵᬫᬭᬩ᭄ᬬᬦ᭄ᬓᭀᬘᬧᬦ᭄ᬤᬾᬯᬷᬕᬦ᭄ᬥᬵᬭᬶ
[ ᭓᭓ 33A]
ᬲᬵᬫ᭄ᬧᬸᬦ᭄ᬋᬓᬾᬖᬵᬃᬤ᭄ᬪᬶᬡᬶᬕ᭄ᬦᭂᬧ᭄ᬰᬰᬶᬳᬦᬾᬲᬵᬫ᭄ᬧᬸᬦ᭄ᬲᬂᬓᬹᬡ᭄ᬝᬶᬤᬤᬶᬯᬶᬭᬂᬧᬓᬳ᭄ᬬᬸᬦᬦᬾᬦᬦ᭄ᬤᬶᬗᬶᬦ᭄ᬫᬗ᭄ᬤᬾᬲᬶᬤ᭄ᬥᬭᬶᬳᬶᬦᬦ᭄ᬫᬤᬺᬯᬾᬧᬸᬢ᭄ᬭᬵ᭞ᬤᬤᬶ
ᬧ᭄ᬭᬫᬗ᭄ᬓᬶᬦ᭄ᬗ᭄ᬭᬯᭀᬲᬂᬲᬂᬧᬡ᭄ᬥᬸᬭᬶᬂᬤᬾᬯᬶᬓᬸᬡ᭄ᬝᬶᬫᬓᬳ᭄ᬬᬸᬦ᭄ᬫᬤᬺᬯᬧᬸᬢ᭄ᬭᬵᬳᬦ᭄ᬢᬸᬓᬦᬾᬲᬂᬕᬡ᭄ᬥᬭᬶᬲᬵᬫ᭄ᬧᬸᬦ᭄ᬲᬸᬯᬾᬖᬃᬪ᭄ᬪᬶᬡᬶᬲᬂᬧᬡ᭄ᬥᬸ
ᬳᬾᬫᭂᬂᬭᬶᬂᬓᬳ᭄ᬬᬸᬦ᭄ᬯᬦ᭄ᬢᬄᬫᬗ᭄ᬭᬯᭀᬲ᭄ᬢᬦ᭄ᬲᬶᬤ᭄ᬥᬧᬓᬳ᭄ᬬᬸᬦᬦᬾᬦᬦ᭄ᬤᬶ᭠ᬗᬶᬦ᭄ᬲᬂᬕᬵᬦ᭄ᬥᬭᬶᬫᬗ᭄ᬤᬗᬯᬾᬦ᭄ᬢᭂᬦᬂᬧᬸᬢ᭄ᬭᬵ᭞ᬲᬂᬓᬸᬡ᭄ᬝᬶᬭᬭᬶᬲ᭄ᬗᬢᬸᬭᬂᬓᬫ
ᬢ᭄ᬬᬦᬾᬲᬸᬗ᭄ᬓᭂᬫᬶᬦ᭄ᬲᬓᬶᬂᬪᬕᬯᬵᬦ᭄ᬥᬸᬃᬯ᭄ᬯᬱᬵᬳᬶᬤᬵᬋᬓᬾᬗᬦᬸᬕ᭄ᬭᬳᬶᬦ᭄ᬓᬯᬶᬓᬦᬦ᭄ᬳᬓᬶᬤᬶᬓ᭄ᬧᬗᬭᬤᬦ᭄ᬤᬾᬯ᭄ᬯᬵᬭᬯᬸᬄᬳᬾᬗ᭄ᬳᬶᬂᬢ᭄ᬯᬭ᭠
Kaca:Bali-lontar-paparikan-adhiparwwa-400ppi.pdf/33
Kaca puniki sampun kauji-wacén
